स्वामी सहजानंद सरस्वती  हिन्दी देवनागरी में पढ़ें।

svami sahajannd sarasvati
svami sahajannd sarasvati
poora nam svami sahajannd sarasvati
janm 22 faravari 1889
janm bhoomi gazipur, uttar pradesh
mrityu 25 joon, 1950
mrityu sthan patana, bihar
abhibhavak pita- beni ray
guru adi shnkarachary
mukhy rachanaen 'bhoomihar-brahman parichay', 'karmakalap' adi.
prasiddhi samaj-sudharak, krantikari, kisan-neta
vishesh yogadan bharat men kisan andolan shuroo karane ka shrey svami sahajannd sarasvati ko hi jata hai.
nagarikata bharatiy
any janakari brahmanon ki ekata aur snskrit shiksha ke prachar par unaka zor raha. simari men rahate hue sanatan dharm ke janm se maran tak ke snskaron par adharit 'karmakalap' namak 1200 prishthon ke vishal grnth ki hindi men rachana ki.
adyatan‎

svami sahajanand sarasvati (angrezi: Swami Sahajanand Saraswati, janm: 22 faravari, 1889 gazipur; mrityu: 25 joon, 1950 patana) bharat ke rashtravadi neta evn svatntrata sngram senani the. svami ji bharat men 'kisan andolan' ke janak the. ve adi shnkarachary sampraday ke 'dasanami snnyasi' akhade ke dandi snnyasi the. ve ek buddhijivi, lekhak, samaj-sudharak, krantikari, itihasakar evn kisan-neta the.

arnbhik jivan

aise mahanh snnyasi, yugadrashta aur jananayak ka janm uttar pradesh ke gazipur zile ke deva ganv men mahashivaratri ke din sanh 1889 ee. men hua tha. svamiji ke bachapan ka nam naurng ray tha. unake pita beni ray samany kisan the. bachapan men hin man ka saya uth gaya. lalan-palan chachi ne kiya. jalalabad ke madarase men arnbhik shiksha huee. medhavi naurng ray ne midil pariksha men poore uttar pradesh men chhatha sthan prapt kiya. sarakar ne chhatravritti di. padhaee ke dauran hi unaka man adhyatm men ramane laga. gharavalon ne bachche ki sthiti bhanp kar shadi kara di. snyog aisa raha ki patni ek sal bad hi chal basin. parijanon ne doosari shadi ki bat nikali to ve bhag kar kashi chale gaye.

kashi pravas

vahan shnkarachary ki parnpara ke svami achyutanand se diksha lekar snnyasi ban gaye. bad ke do varsh unhonne tirthon ke bhraman aur guru ki khoj men bitaya. 1909 men punah kashi pahunchakar dndi svami advaitanand se diksha grahanakar dand prapt kiya aur dandi svami sahajannd sarasvati bane. isi dauran unhen kashi men samaj ki ek aur kadavi sachchaee se samana hua. darasal kashi ke kuchh pnditon ne unake sannyas par saval utha diya. unaka kahana tha ki brahmanetar jatiyon ko dand dharan karane ka adhikar nahin hai. svami sahajannd ne ise chunauti ke taur par liya aur vibhinn mnchon par shastrarth kar ye pramanit kiya ki bhoomihar bhi brahman hi hain aur har yogy vyakti sannyas grahan karane ki patrata rakhata hai. kafi shodh ke bad unhonne bhoomihar-brahman parichay namak grnth likha jo age chalakar brahmarshi vnsh vistar ke nam se samane aya. isake zariye unhonne apani dharana ko saiddhantik jama pahanaya. sannyas ke taduparant unhonne kashi aur darabhnga men kee varsho tak snskrit sahity, vyakaran, nyay aur mimansa ka gahan adhyayan kiya. sath-sath desh ki samajik-rajanitik sthitiyon ke adhyayan bhi karate rahe.

svami sahajannd ke samagr jivan par najar dalen to mote taur par use tin khndon men banta ja sakata hai. pahala khnd hai jab ve sannyas dharan karate hain, kashi men rahate hue dharmik kuritiyon aur bahyadambaron ke khilaf morcha kholate hain. nij jati gaurav ko pratishthapit karane ke lie bhoomihar brahman mahasabha ke ayojanon men shamil hote hain. unaka ye kram sanh 1909 se lekar 1920 tak chalata hai. is dauran kashi ke alava unaka karyakshetr baksar zile ka dumari, simari aur gazipur ka vishvambharapur ganv rahata hai. kashi se unhonne bhoomihar brahman namak patr bhi nikala.

kisan andolan

mahatma gandhi ne chnparan ke kisanon ko angrezi shoshan se bachane ke lie andolan chheda tha, lekin kisanon ko akhil bharatiy star par sngathit kar prabhavi andolan khada karane ka kam svami sahajannd ne hi kiya. doosare shabdon men kahen to bharat men kisan andolan shuroo karane ka shrey svami sahajannd sarasvati ko hi jata hai. ek aisa dndi snnyasi jise bhagavan ka darshan bhookhe, adhannge kisanon ki jhopadi men hota hai, jo parnparanuposhit sannyas dharm ka palan karane ki bajay yugadharm ki pukar sun bharat mata ko gulami se mukt karane ke sngharsh men kood padata hai, lekin ann utpadakon ki dasha dekh angrezi satta ke bhoore dalalon arthat desi zamindaron ke khilaf bhi sngharsh ka sootrapat karata hai. ek aisa snnyasi, jisane roti ko hi bhagavan kaha aur kisanon ko bhagavan se badhakar bataya.

kangres se judav

svamiji ke jivan ka doosara adhyay tab shuroo hota hai, jab 5 disambar 1920 ko patana men kangres neta maulana majaharul hak ke avas par mahatma gandhi se unaki mulakat hoti hai. gandhiji ke anurodh par ve kangres men shamil hote hain. sal ke bhitar hin ve gazipur zila kangres ka adhyaksh chune gaye aur kangres ke ahamadabad adhiveshan men shamil hue. agale sal unaki giraphtari aur ek sal ki kaid huee. jel se riha hone ke bad baksar ke simari aur asapas ke ganvon men bade paimane par charakhe se khadi vastr ka utpadan karaya. brahmanon ki ekata aur snskrit shiksha ke prachar par unaka zor raha. simari men rahate hue sanatan dharm ke janm se maran tak ke snskaron par adharit 'karmakalap' namak 1200 prishthon ke vishal grnth ki hindi men rachana ki. kashi se karmakalap ka prakashan kiya.

kisan sngathan

mahatma gandhi ke netritv men shuroo hua asahayog andolan jab bihar men gati pakada to sahajannd usake kendr men the. ghoom-ghoomakar unhonne angrezi raj ke khilaf logon ko khada kiya. isi dauran svami ji ko laga ki bihar ke ganvon men garib log angrezon se nahin varanh gori satta ke in bhoore dalalon se atnkit hain. kisanon ki halat gulamon se bhi badatar hai. yuva snnyasi ka man ek bar phir se naye sngharsh ki or unmukh hua. ve kisanon ko lamabnd karane ki muhim men jut gaye. 17 navnbar, 1928 ko sonapur men unhen bihar prantiy kisan sabha ka adhyaksh chuna gaya. is mnch se unhonne kisanon ki karunik sthiti ko uthaya. ek sath jamindaron ke shoshan se mukti dilane aur zamin par raiyaton ka malikana hak dilane ki muhim shuroo ki. aprail, 1936 men kangres ke lakhanoo sammelan men 'akhil bharatiy kisan sabha' ki sthapana huee aur svami sahajannd sarasvati ko usaka pahala adhyaksh chuna gaya. svami sahajannd ne nara diya tha-

"jo ann-vastr upajaega, ab so qanoon banayega
ye bharatavarsh usi ka hai, ab shasan vahin chalayega."

karavas ke dauran

kangres men rahate hue svamiji ne kisanon ko jamindaron ke shoshan aur atnk se mukt karane ka abhiyan jari rakha. unaki badhati sakriyata se ghabadakar angrezon ne unhen jel men dal diya. karavas ke dauran gandhiji ke kangresi chelon ki suvidhabhogi pravritti ko dekhakar svamiji hairan rah gaye. kangres ke neta karavas ke dauran suvidha hasil karane ke lie chhal-prapnch ka sahara le rahe the. svabhav se hin vidrohi svamiji ka kangres se mohabhng hona shuroo ho gaya. is dauran ek aur ghatana huee. 1934 men jab bihar pralaynkari bhooknp se tabah hua tab svamiji ne badh-chadhakar rahat aur punarvas ke kam men bhag liya.lekin kisanon jamindaron ke atyachar se pidit the. jamindaron ke lathait kisanon ko taiks bharane ke lie pratadit kar rahe the. patana men kainp kar rahe mahatma gandhi se milakar svamiji ne ye hal sunaya. kahate hain ki gandhiji ne darabhnga maharaj se milakar kisanon ke lie zaroori ann ka bndobast karane ke lie svamiji ko kaha. aisa sunana tha ki svami sahajannd gusse men lal ho gaye aur chale gaye. jate-jate unhonne gandhiji ko kah diya ki ab apaka aur mera rasta alag-alag hai. svamiji ka manana tha ki jo raje-rajavade aur zamindar angrejon ki saraparasti kar rahe hain, unase kisanon ka bhala nahin ho sakata hai. chahe vo darabhnga maharaj hi kyon n ho. isi prakaran ke bad sahajannd ne kangres men apani sakriyata kam kar di aur kisan sabha ke kary men man-pran se jut gaye.

zamindari virodhi andolan

svami sahajanand sarasvati ke samman men jari dak tikat

svamiji ke jivan ka tisara charan tab shuroo hota hai jab ve kangres men rahate hue kisanon ko hak dilane ke lie sngharsh ko hin jivan ka lakshy ghoshit karate hain. unhonne nara diya- kaise loge malagujari, latth hamara zindabad . bad men yahin nara kisan andolan ka sabase priy nara ban gaya. ve kahate the - adhikar ham lad kar lenge aur jamindari ka khatma karake rahenge. unaka ojasvi bhashan kisanon par gahara asar dalata tha. kafi kam samay men kisan andolan poore bihar men phail gaya. svamiji ka prantiy kisan sabha sngathan ke taur par khada hone ke bajae andolan ban gaya. har zile aur prakhandon men kisanon ki badi-badi railiyan aur sabhaen hueen. bad ke dinon men unhonne kangres ke samajavadi netaon se hath milaya. sarvashri em ji rnga, ee em es nnboodaripad, pndit karyannd sharma, pndit yamuna karyaji jaise vamapnthi aur samajavadi neta kisan andolan ke agrim pnkti men. achary narendr dev, rahul sankrityayan, ram manohar lohiya, jayaprakash narayan, pndit yadunndan sharma, pi. sundaraiya aur bnkim mukharji jaise tab ke kee nami chehare bhi kisan sabha se jude the. vamapnthi rujhan ke chalate sipiaee unhen apana samajhati rahi aur netaji subhash chandr bos ke sath bhi ve anek railiyon men shamil hue. azadi ki ladaee ke dauran jab unhen giraphtar kiya gaya to netaji ne poore desh men 'faravard blaauk' ke zariye hadatal karaya.

svami sahajannd ne patana ke samip bihata men sitaram ashram sthapit kiya jo kisan andolan ka kendr bana. vahin se ve poore andolan ko snchalit karate rahe. sngharsh ke sath-sath svami ji srijan ke bhi pratik purush the. apani tamam vyastataon ke bavajood svamiji ne srijan ka kary jari rakha. do darjan se zyada pustakon ki rachana ki. mera jivan sngharsh namak jivani likhi.

antim samay

jamindari pratha ke khilaf ladate hue svami ji 26 joon ,1950 ko mujaphpharapur men mahaprayan kar gaye. azadi milane ke sath hi sarakar ne qanoon banakar zamindari raj ko khatm kar diya. maranoparant hi sahi svami ji ki sabase badi mang poori ho gayi, lekin kisanon ko sukhi-samriddh aur khushahal dekhane ki unaki ichchha poori n ho saki. vaishvikaran ki andhi ne to ab kisanon ko doyam darje ka nagarik banakar chhod diya hai. kisan pahale se kahin zyada asngathit hain aur karz ke bojh tale dabakar atmahatya karane ko vivash hain. desh men kisanon ke sngathan kee hain, lekin ek bhi neta aisa nahin hai, jo kisanon men sarvamany ho aur jisaki rashtriy star par pahachan ho. aise samay men svami sahajannd aur zyada yad ate hain, jinhonne kisan ko sngathit aur shoshan mukt banane men apana sampoorn jivan balidan kar diya. unake nidhan ke sath hin bharatiy kisan andolan ka soory ast ho gaya. rashtrakavi dinakar ke shabdon men daliton ka snnyasi chala gaya. svamiji dvara prajjavalit jyoti ki lau maddhim zaroor padi hai, bujhi nahin hai. desh ke alag-alag hisson men chal rahe kisan-mazadoor andolan isake udaharan hain.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bahari kadiyan

snbndhit lekh