he chir mahanh!
mahadevi varma
he chir mahanh!
yah svarn rashmi chhoo shvet bhal,
barasa jati rangin has;
seli banata hai indradhanush
parimal mal mal jata batas!
par ragahin too himanidhan!
nabh mean garvit jhukata n shish
par aank liye hai din kshar;
man gal jata nat vishv dekh,
tan sah leta hai kulish-bhar!
kitane mridu, kitane kathin pran!
tooti hai kab teri samadhi,
jhanjha laute shat har-har;
bah chala drigoan se kintu nir
sunakar jalate kan ki pukar!
sukh se virakt du:kh mean saman!
mere jivan ka aj mook
teri chhaya se ho milap,
tan teri sadhakata chhoo le,
man le karuna ki thah nap!
ur mean pavas drig mean vihan!