श्रीमद्भागवत माहात्म्य अध्याय 4 श्लोक 26-39
chaturth (4) adhyay
ek ya do mahine mean dhire-dhire katha ke ras ka asvadan karate hue bina parishram ke jo shravan hota hai, vah poorn anand ko badhane vala ‘satvik’ sevan kahalata hai . tamas sevan vah hai jo kabhi bhool se chho d diya jay aur yad ane par phir arambh kar diya jay, is prakar ek varsh tak alasy aur ashraddha ke sath chalaya jay. yah ‘tamas’ sevan bhi n karane ki apeksha achchha aur sukh hi dene vala hai . jab varsh, mahina aur dinoan ke niyam ka agrah chho dakar sada hi prem aur bhakti ke sath shravan kiya jay, tab vah sevan ‘nirgun’ mana gaya hai . raja parikshith aur shukadev ke sanvad mean bhi jo bhagavat ka sevan hua tha, vah nirgun hi bataya gaya hai. usamean jo sat dinoan ki bat ati hai, vah raja ki ayu ke bache hue dinoan ki sankhya ke anusar hai, saptah-katha ka niyam karane ke liye nahian . bharatavarsh ke atirikt any sthanoan mean bhi trigun (satvik, rajas aur tamas) athava nirgun-sevan apani roochi ke anusar karana chahiye. tatpary yah ki jis kisi prakar bhi ho sake shrimadbhagavat ka sevan, usaka shravan karana hi chahiye . jo keval shrikrishna ki lilaoan ke hi shravan, kirtan evan rasasvadan ke liye lalayit rahate aur moksh ki bhi ichchha nahian rakhate, unaka to shrimadbhagavat hi dhan hai . tatha jo sansar ke duahkhoan se ghabarakar apani mukti chahate haian, unake liye bhi yahi is bhavarog ki oshadhi hai. atah is kalikal mean isaka prayatnapoorvak sevan karana chahiye . inake atirikt jo log vishayoan mean hi raman karane vale haian, saansarik sukhoan ki hi jinhean sada chah rahati hai, unake liye bhi ab is kaliyug mean samarthy, dhan aur vidhi-vidhan ka jnan n hone ke karan karmamarg (yajnadi) se milane vali siddhi atyant durlabh ho gayi hai. aisi dasha mean unhean bhi sab prakar se ab is bhagavat katha ka hi sevan karana chahiye . yah shrimadbhagavat ki katha dhan, putr, stri, hathi-gho de adi vahan, yash, makan aur nishkantak rajy bhi de sakati hai . sakam bhav se bhagavat ka sahara lene vale manushy is sansar mean manovaanchhit uttam bhogoan ko bhogakar ant mean shrimadbhagavat ke hi sang se shrihari ke param dham ko prapt ho jate haian . jinake yahaan shrimadbhagavat ki katha-varta hoti ho tatha jo log us katha ke shravan mean lage rahate hoan, unaki seva aur sahayata apane sharir aur dhan se karani chahiye . unhian ke anugrah se sahayata karane vale purush ko bhi bhagavat-sevan ka puny prapt hota hai. kamana do vastuoan ki hoti hai—shrikrishna aur dhan ki. shrikrishna ke siva jo kuchh chaha jay, yah sab dhan ke antargat hai; usaki ‘dhan’ sanjna hai . shrota aur vakta bhi do prakar ke mane gaye haian, ek shrikrishna ko chahane vale aur doosare dhan ko. jaisa vakta, vaisa hi shrota bhi ho to vahaan katha mean ras milata hai, atah sukh ki vriddhi hoti hai .
| « pichhe | age » |
tika tippani aur sandarbh
sanbandhit lekh
-