ऊदा देवी  हिन्दी देवनागरी में पढ़ें।

ooda devi
ooda devi
poora nam ooda devi
any nam jagarani
mrityu 16 navambar, 1857
mrityu sthan sikndar bag, lakhanoo
mrityu karan shahadat
pati/patni makka pasi
smarak ooda devi ki ek moorti 'sikandar bag' parisar men kuchh hi varsh poorv sthapit ki gayi hai.
nagarikata bharatiy
prasiddhi mahila svatntrata senani
snbndhit lekh pratham svatntrata sngram, bharatiy rashtriy andolan
any janakari ooda devi avadh ke chhathe navab vajid ali shah ke mahila daste ki sadasya thin. unhonne 16 navambar, 1857 ko 32 angrez sainikon ko maut ke ghat utarakar shahadat prapt ki thi.

ooda devi 'pasi' jati se sambndhit ek virangana thin, jinhonne 1857 ke 'bharatiy svatntrata sngram' men pramukhata se bhag liya tha. ye avadh ke navab vajid ali shah ke mahila daste ki sadasya thin. ooda devi lakhanoo ki rahane vali thin aur unhonne lakhanoo ke sikandar bag men ek ped par chadhakar do darjan se adhik angrez sipahiyon ko mar dala tha. yadyapi is ladaee men kafi der tak sngharsh karane ke bad ooda devi bhi shahid ho geen. kaha jata hai ki unaki is stabdh kar dene vali virata se abhibhoot hokar angrez kalvin kaimbel ne hait utarakar shahid ooda devi ko shraddhanjali di thi.

snkshipt parichay

virangana ooda devi ke sambndh men adhik janakari ka abhav hai. inaka sasurali nam 'jagarani' mana jata hai. inake bhakt dridhata se yah mat vyakt karate rahe hain ki ooda devi urph jagarani ko 16 navambar, 1857 ko sikandar bag men sahasik karanama anjam dene ki shakti unake pati 'makka pasi' ke balidan se prapt huee thi.[1]

mahila daste ki sadasya

ooda devi avadh ke chhathe navab vajid ali shah ke mahila daste ki sadasya thin. vajid ali shah 'daure vali ahadi' men parikhana ki sthapana ke karan lagatar vivad ka karan bane rahe. faravari, 1847 men navab banane ke bad apani sngit priyata aur bhog-vilas adi ke karan ve bar-bar british rejident dvara chetaye jate rahe. navab vajid ali shah ne badi matra men apani sena men sainikon ki bharti ki, jisamen lakhanoo ke sabhi vargon ke garib logon ko naukari pane ka achchha avasar mila. ooda devi ke pati bhi kafi sahasi v parakrami the, ve bhi vajid ali shah ki sena men bharti hue. vajid ali shah ne imaraton, bagon, sngit, nrity v any kala madhyamon ki tarah apani sena ko bhi bahurngi vividhata tatha akarshak vaibhav pradan kiya tha.

navab vajid ali shah ne apani palatanon ko 'tirachha risala', 'gulabi', 'daoodi', 'abbasi', 'japhari' jaise phoolon ke nam diye aur phoolon ke rng ke anuroop hi us paltan ki vardi ka rng bhi nirdharit kiya. pari se mahal bani unaki munhalagi begam 'sikandar mahal' ko 'khatoon daste' ka risaladar banaya gaya tha. spasht hai vajid ali shah ne apani kuchh begamon ko sainik yogyata bhi dilayi thi. unhonne bali ahadi ke samay men apane tatha pariyon ki raksha ke uddeshy se tis phurtili striyon ka ek suraksha dasta bhi banaya, jise apekshanuroop sainik prashikshan bhi diya gaya. snbhav hai ooda devi pahale isi daste ki sadasy rahi hon, kyonki badashah banane ke bad navab ne is daste ko bhng karake bakayada stri palatan khadi ki thi. is palatan ki vardi kali rakhi gayi thi.

svatntrata sngram men bhagidari

ooda devi ne varsh 1857 ke 'pratham bharatiy svatntrata sngram' ke dauran bharatiy sipahiyon ki or se yuddh men bhag liya tha. ye avadh ke chhathe navab vajid ali shah ke mahila daste ki sadasya thin. is vidroh ke samay huee lakhanoo ki gherabndi ke samay lagabhag 2000 bharatiy sipahiyon ke sharan sthal 'sikandar bag' par british phaujon dvara chadhaee ki gayi aur 16 navnbar, 1857 ko bag men sharan liye in 2000 bharatiy sipahiyon ka british phaujon dvara snhar kar diya gaya tha.

shahadat

is ladaee ke dauran ooda devi ne purushon ke vastr dharan kar svayn ko ek purush ke roop men taiyar kiya tha. ladaee ke samay ve apane sath ek bndook aur kuchh gola-barood lekar ek oonche ped par chadh gayi thin. unhone hamalavar british sainikon ko sikndar bag men tab tak pravesh nahin karane diya, jab tak ki unaka gola barood samapt nahin ho gaya. ooda devi 16 navambar, 1857 ko 32 angrez sainikon ko maut ke ghat utarakar viragati ko prapt hueen. british sainikon ne unhen us samay goli mari, jab ve ped se utar rahi thin. usake bad jab british logon ne jab bag men pravesh kiya, to unhone ooda devi ka poora sharir goliyon se chhalani kar diya. is ladaee ka smaran karati ooda devi ki ek moorti sikandar bag parisar men kuchh hi varsh poorv sthapit ki gayi hai.

vishesh ullekh

  • 'lndan taims' ke snvadadata viliyam havard rasel ne ladaee ke samacharon ka jo dispaich lndan bheja tha, usamen purush veshabhoosha men ek stri dvara pipal ke ped se goliyan chalane tatha angrez sena ko bhari kshati pahunchane ka ullekh pramukhata se kiya gaya hai. snbhavatah 'lndan taims' men chhapi khabaron ke adhar par hi karl marks ne bhi apani tippani men is ghatana ko samuchit sthan diya.
  • virangana ooda devi ka sasurali nam 'jagarani' mana jata hai. inake bhakt dridhata se yah mat vyakt karate rahe hain ki ooda devi urph 'jagarani' ko 16 navambar, 1857 ko sikandar bag men sahasik karanama anjam dene ki shakti unake pati 'makka pasi' ke balidan se prapt huee thi. arthath 10 joon, 1857 ko lakhanoo ke qasba chinahat ke nikat ismaeelagnj men henari larens ke netritv men eest indiya kampani ki phauj ke sath maulavi ahamad ullah shah ki aguvaee men sngathit vidrohi sena ki aitihasik ladaee men makka pasi ki shahadat ne unamen pratishodh ki jvala dhadhakaee thi. is pratishodh kie ag ko unhonne kanapur se ayi kalvin kaimbel sena ke 32 sipahiyon ko mrityulok pahunchakar bujhaya.
  • kaha jata hai ki ooda devi ki stabdh kar dene vali virata se abhibhoot hokar kalvin kaimbel ne hait utarakar shahid ooda devi ko shraddhanjali di.
  • nishchay hi sikandar bag ki ladaee chinahat ke mahasngram ki agali kadiyon men se ek thi. yaqini taur par chinahat ki ladaee men vidrohi sena ki vijay tatha henari larens ki phauj ka maidan chhodakar bhag khada hona, 'pratham svatntrata sngram' ki bahut badi upalabdhi thi; jisake nishchit prabhav kalantar men sitambar, 1858 tak chale is sngram par pade.
  • yah bhi sahi hai ki daman ke sahare samrajy ko phailaye jane ke khilaf bharatiy avam men pratishodh ki jo lahar vistar pa rahi thi, usaka ullekh pahale bhi aya hai. 'makka pasi' tatha 'ooda devi' isaki viratata se alag nahin the, unake bhitar bhi vahi ag thi. zalim phirngiyon ko khadedo, maro aur bahar nikalo.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 lok sngharsh, ooda devi-2 (hindi). . abhigaman tithi: 18 aprail, 2014.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah