jab maian aangan mean pahuanchi,
pooja ka thal sajae.
shiv ji ki tarah dikhe ve,
baithe the dhyan lagae॥
jin charanoan ke poojan ko,
yah hriday vikal ho jata.
maian samajh n paee, vah bhi,
hai kisaka dhyan lagata?
maian sanmukh hi ja baithi,
kuchh chiantit si ghabaraee.
yah kisake aradhak haian,
man mean vyakulata chhaee॥
maian inhean poojati nishi-din,
ye kisaka dhyan lagate?
he vidhi! kaisi chhalana hai,
haian kaise drishy dikhate??
tooti samadhi itane hi mean,
netr unhoanne khole.
lakh mujhe samane hans kar
mithe svar mean ve bole॥
phal gee sadhana meri,
tum aeean aj yahaan par.
unaki manjul-chhaya mean
bhram rahata bhala kahaan par॥
apani bhooloan par man yah
jane kitana pachhataya.
sankoch sahit charanoan par,
jo kuchh tha vahi chadhaya॥