कुट्टनी
kuttani veshyaoan ko kamashastr ki shiksha dene vali nari ko kaha jata tha. veshya sanstha ke anivary aang ke roop mean isaka astitv pahali bar paanchavian shati ee. ke asapas hi dekhane mean ata hai. isase anuman hota hai ki isaka avirbhav gupt samrajy ke vaibhavashali aur bhog-vilas ke yug mean hua.[1] gupt kal mean veshyavriti karane vali striyoan ko 'ganika' kaha jata tha. 'kuttani' un veshyaoan ko kahate the, jo vriddh ho jati thian aur jinhean veshyavriti ka achchha anubhav rahata tha.
kuttanimatamh
kuttani ke vyapak prabhav, veshyaoan ke lie mahaniy upadeyata tatha kamuk janoan ko vashikaran ki siddhi dikhalane ke lie kashmir naresh jayapid (779 ee.-812 ee.) ke pradhanamantri damodar gupt ne 'kuttanimatamh' namak kavy ki rachana ki thi. yah kavy apani madhurima, shabd saushthav tatha arthagaanbhiry ke nimitt alochana jagath mean paryapt vikhyat hai, parantu kavi ka vastavik abhipray sajjanoan ko kuttani ke hathakandoan se bachana hai. isi uddeshy se kashmir ke prasiddh kavi kshemeandr ne bhi 'ekadash shatak' mean 'samayamatrika' tatha 'deshopadesh' namak kavyoan ka pranayan kiya tha. in donoan kavyoan mean kuttani ke roop, gun tatha kary ka vistrit vivaran hai. hindi ke riti granthoan mean bhi kuttani ka kuchh varnan upalabdh hota hai.
vyaktitv
kuttani avastha mean vriddh hoti hai, jise kami sansar ka bahut anubhav hota hai. 'kuttinamatamh' mean chitrit 'vikarala' namak kuttani[2] se kuttani ke bahy roop ka sahaj anuman kiya ja sakata hai. aandar ko dhansi aankhean, bhooshan se hin tatha niche latakane vala kan ka nichala bhag, kale-safed baloan se ganga-jamuni bana hua sir, sharir par jhalakane vali shiraean, tani huee garadan, shvet dhuli huee dhoti tatha chadar se mandit deh, anek oshadhiyoan tatha manakoan se alankrit gale se latakane vala dora, kanishthika aanguli mean barik sone ka chhalla. veshyaoan ko unake vyavasay ki shiksha dena tatha unhean un hathakandoan ka jnan karana, jinake bal par ve kami janoan se prabhoot dhan ka apaharan kar sakean, isaka pradhan kary hai.[1] kshemeandr ne is vishisht gun ke karan usaki tulana anek hiansr jantuoan se ki hai. vah rakt pine tatha maans khane vali vyaghni hai, jisake n rahane par kamuk jan gid doan ke saman uchhal-kood machaya karate haian-
vyadhriv kuttani yatr raktapananishaishini.
naste tatr pragalbhante jambooka iv kamuka:..[3]
chhl-kapat ki pratima
kuttani ke bina veshya apane vyavasay ka poorn nirvah nahian kar sakati. anubhavahin veshya ki guru sthaniy kuttani kami janoan ke liye chhal tatha kapat ki pratima hoti hai. dhan aianthane ke lie visham yantr hoti hai. vah janaroopi vrikshoan ko girane ke liye prakrisht maya ki nadi hoti hai, jisaki badh mean hazaroan sanpann ghar doob jate haian-
jayatyajasran janavrikshapatini.
prakrisht maya tatini kuttani..[4]
kuttani veshya ko kamukoan se dhan aianthane ki shiksha deti hai, hriday dene ki nahian. vah use prem sanpann dhanahinoan ko ghar se nikal bahar karane ka bhi upadesh deti hai. usase bachakar rahane ka upadesh granthoan mean diya gaya hai.[1]
|
|
|
|
|
|