घासवाली -प्रेमचंद

chitr:Icon-edit.gif

is lekh ka punarikshan evan sampadan hona avashyak hai. ap isamean sahayata kar sakate haian. "sujhav"

muliya hari-hari ghas ka gattha lekar ayi, to usaka gehuaan rang kuchh tamatamaya hua tha aur b di-b di mad-bhari aankho mean shanka samaee huee thi. mahavir ne usaka tamatamaya hua chehara dekhakar poochha- kya hai muliya, aj kaisa ji hai.

muliya ne kuchh javab n diya- usaki aankhean dabadaba gayian!

mahavir ne samip akar poochha- kya hua hai, batati kyoan nahian? kisi ne kuchh kaha hai, ammaan ne daanta hai, kyoan itani udas hai?

muliya ne sisakakar kaha- kuchh nahian, hua kya hai, achchhi to hooan?

mahavir ne muliya ko sir se paanv tak dekhakar kaha- chupachap royegi, batayegi nahian?

muliya ne bat talakar kaha- koee bat bhi ho, kya bataooan.

muliya is oosar mean gulab ka phool thi. gehuaan rang tha, hiran ki-si aankhean, niche khiancha hua chibuk, kapoloan par halaki lalima, b di-b di nukili palakean, aankho mean ek vichitr ardrata, jisamean ek spasht vedana, ek mook vyatha jhalakati rahati thi. maloom nahian, chamaroan ke is ghar mean vah apsara kahaan se a gayi thi. kya usaka komal phool-sa gat is yogy tha ki sar par ghas ki tokari rakhakar bechane jati? us gaanv mean bhi aise log maujood the, jo usake talave ke niche aankhean bichhate the, usaki ek chitavan ke lie tarasate the, jinase agar vah ek shabd bhi bolati, to nihal ho jate; lekin use aye sal-bhar se adhik ho gaya, kisi ne use yuvakoan ki taraph takate ya batean karate nahian dekha. vah ghas liye nikalati, to aisa maloom hota, mano usha ka prakash, sunahare avaran mean ranjit, apani chhata bikherata jata ho. koee gajalean gata, koee chhati par hath rakhata; par muliya nichi aankh kiye apani rah chali jati. log hairan hokar kahate- itana abhiman! mahavir mean aise kya surakhab ke par lage haian, aisa achchha javan bhi to nahian, n jane yah kaise usake sath rahati hai!

magar aj aisi bat ho gayi, jo is jati ki aur yuvatiyoan ke lie chahe gupt sandesh hoti, muliya ke lie hriday ka shool thi. prabhat ka samay tha, pavan am ki baur ki sugandhi se matavala ho raha tha, akash prithvi par sone ki varsha kar raha tha. muliya sir par jhaua rakkhe ghas chhilane chali, to usaka gehuaan rang prabhat ki sunahari kiranoan se kuandan ki tarah damak utha. ekaek yuvak chainasianh samane se ata hua dikhaee diya. muliya ne chaha ki katarakar nikal jay; magar chainasianh ne usaka hath pak d liya aur bola- muliya, tujhe kya mujh par jara bhi daya nahian ati?

muliya ka vah phool-sa khila hua chehara jvala ki tarah dahak utha. vah jara bhi nahian dari, jara bhi n jhijhaki, jhaua zamin par gira diya, aur boli- mujhe chho d do, nahian maian chillati hooan.

chainasianh ko aj jivan mean ek naya anubhav hua. nichi jatoan mean roop-madhury ka isake siva aur kam hi kya hai ki vah ooanchi jatavaloan ka khilauna bane. aise kitane hi mark usane jite the; par aj muliya ke chehare ka vah rang, usaka vah krodh, vah abhiman dekhakar usake chhakke chhoot gaye. usane lajjit hokar usaka hath chho d diya. muliya veg se age badh gayi. sangharsh ki garami mean chot ki vyatha nahian hoti, pichhe se tis hone lagati hai. muliya jab kuchh door nikal gayi, to krodh aur bhay tatha apani bekasi ko anubhav karake usaki aankho mean aansoo bhar aye. usane kuchh der jabt kiya, phir sisak-sisak kar rone lagi. agar vah itani garib n hoti, to kisi ki majal thi ki is tarah usaka apaman karata! vah roti jati thi aur ghas chhilati jati thi. mahavir ka krodh vah janati thi. agar usase kah de, to vah is thakur ke khoon ka pyasa ho jayaga. phir n jane kya ho! is khayal se usake roean kh de ho gaye. isilie usane mahavir ke prashnoan ka koee uttar n diya.

2

doosare din muliya ghas ke lie n gayi. sas ne poochha- too kyoan nahian jati? aur sab to chali gayian?

muliya ne sir jhukakar kaha- maian akeli n jaooangi.

sas ne big dakar kaha- akele kya tujhe bagh utha le jayaga?

muliya ne aur bhi sir jhuka liya aur dabi huee avaz se boli- sab mujhe chhe date haian.

sas ne daanta- n too auroan ke sath jayagi, n akeli jayagi, to phir jayagi kaise! vah saph-saph kyoan nahian kahati ki maian n jaooangi. to yahaan mere ghar mean rani ban ke nibah n hoga. kisi ko cham nahian pyara hota, kam pyara hota hai. too b di suandar hai, to teri suandarata lekar chatooan? utha jhaba aur ghas la!

dvar par nim ke darakht ke saye mean mahavir kh da gho de ko mal raha tha. usane muliya ko roni soorat banaye jate dekha; par kuchh bol n saka.usaka bas chalata to muliya ko kaleje mean bitha leta, aankho mean chhipa leta; lekin gho de ka pet bharana to zaroori tha. ghas mol lekar khilaye, to barah ane roj se kam n p de. aisi mazadoori hi kaun hoti hai. mushkil se dedh-do rupaye milate haian, vah bhi kabhi mile, kabhi n mile. jab se yah satyanashi lariyaan chalane lagi haian; ekkevaloan ki badhiya baith gayi hai. koee seant bhi nahian poochhata. mahajan se dedh-sau rupaye udhar lekar ekka aur gho da kharida tha; magar lariyoan ke age ekke ko kaun poochhata hai. mahajan ka sood bhi to n pahuanch sakata tha, mool ka kahana hi kya! oopari man se bola- n man ho, to rahane do, dekhi jayagi.

is dilajoee se muliya nihal ho gayi. boli- gho da khayega kya?

aj usane kal ka rasta chho d diya aur khetoan ki me doan se hoti huee chali. bar-bar satark aankho se idhar-udhar takati jati thi. donoan taraph ookh ke khet kh de the. jara bhi kh dakh dahat hoti, usaka ji sann ho jata kahian koee ookh mean chhipa n baitha ho. magar koee nayi bat n huee. ookh ke khet nikal gaye, amoan ka bag nikal gaya; sianche hue khet najar ane lage. door ke kuean par pur chal raha tha. khetoan ki me doan par hari-hari ghas jami huee thi. muliya ka ji lalachaya. yahaan adha ghante mean jitani ghas chhil sakati hai, sookhe maidan mean dopahar tak n chhil sakegi! yahaan dekhata hi kaun hai. koee chillayega, to chali jaooangi. vah baithakar ghas chhilane lagi aur ek ghante mean usaka jhaba adhe se zyada bhar gaya. vah apane kam mean itani tanmay thi ki use chainasianh ke ane ki khabar hi n huee. ekaek usane ahat pakar sir uthaya, to chainasianh ko kh da dekha.

muliya ki chhati dhakh se ho gayi. ji mean aya bhag jay, jhaba ulat de aur khali jhaba lekar chali jay; par chainasianh ne kee gaj ke phasale se hi rukakar kaha- dar mat, dar mat, bhagavan janata hai! maian tujhase kuchh n bolooanga. jitani ghas chahe chhil le, mera hi khet hai.

muliya ke hath sunn ho gaye, khurapi hath mean jam-si gayi, ghas najar hi n ati thi. ji chahata tha; zamin phat jay aur maian sama jaooan. zamin aankho ke samane tairane lagi.

chainasianh ne ashvasan diya- chhilati kyoan nahian? maian tumase kuchh kahata tho de hi hooan. yahian roj chali aya kar, maian chhil diya karooanga.

muliya chitralikhit-si baithi rahi.

chainasianh ne ek qadam age badhaya aur bola- too mujhase itana darati kyoan hai! kya too samajhati hai, maian aj bhi tujhe satane aya hooan? eeshvar janata hai, kal bhi tujhe satane ke lie maianne tera hath nahian pak da tha. tujhe dekhakar ap-hi-ap hath badh gaye. mujhe kuchh sudh hi n rahi. too chali gayi, to maian vahian baithakar ghantoan rota raha. ji mean ata tha, hath kat dalooan. kabhi ji chahata tha, zahar kha looan. tabhi se tujhe dhooandh raha hooan aj too is raste se chali ayi. maian sara har chhanata hua yahaan aya hooan. ab jo saza tere ji mean ave, de de. agar too mera sir bhi kat le, to gardan n hilaooanga. maian shohada tha, luchcha tha, lekin jab se tujhe dekha hai, mere man se sari khot mit gayi hai. ab to yahi ji mean ata hai ki tera kutta hota aur tere pichhe-pichhe chalata, tera gho da hota, tab to too apane hathoan se mere samane ghas dalati. kisi tarah yah chola tere kam ave, mere man ki yah sabase b di lalasa hai. meri javani kam n ave, agar maian kisi khot se ye batean kar raha hooan. b da bhagavan tha mahavir, jo aisi devi use mili.

muliya chupachap sunati rahi, phir nicha sir karake bholepan se boli- to tum mujhe kya karane ko kahate ho?

chainasianh aur samip akar bola- bas, teri daya chahata hooan.

muliya ne sir uthakar usaki or dekha. usaki lajja n jane kahaan gayab ho gayi. chubhate hue shabdoan mean boli- tumase ek bat kahooan, bura to n manoge? tumhara byah ho gaya hai ya nahian?

chainasianh ne dabi jaban se kaha- byah to ho gaya, lekin byah kya hai, khilava d hai.

muliya ke hothoan par avahelana ki musakarahat jhalak p di, boli- phir bhi agar mera adami tumhari aurat se isi tarah batean karata, to tumhean kaisa lagata? tum usaki gardan katane par taiyar ho jate ki nahian? bolo! kya samajhate ho ki mahavir chamar hai to usaki deh mean lahoo nahian hai, use lajja nahian hai, apane maryada ka vichar nahian hai? mera roop-rang tumhean bhata hai. kya ghat ke kinare mujhase kahian suandar auratean nahian ghooma karatian? maian unake talavoan ki barabari bhi nahian kar sakati. tum usamean se kisi se kyoan nahian daya maangate! kya unake pas daya nahian hai? magar vahaan tum n jaoge; kyoanki vahaan jate tumhari chhati dahalati hai. mujhase daya maangate ho, isalie n ki maian chamarin hooan, nich jati hooan aur nich jati ki aurat jara-si ghu daki-dhamaki va jara-si lalach se tumhari mutthi mean a jayagi. kitana sasta sauda hai. thakur ho n, aisa sasta sauda kyoan chho dane lage?

chainasianh lajjit hokar bola- moola, yah bat nahian. maian sach kahata hooan, isamean ooanch-nich ki bat nahian hai. sab adami barabar haian. maian to tere charanoan par sir rakhane ko taiyar hooan.

muliya- isilie n ki janate ho, maian kuchh kar nahian sakati. jakar kisi khatarani ke charanoan par sir rakkho, to maloom ho ki charanoan par sir rakhane ka kya phal milata hai. phir yah sir tumhari gardan par n rahega.

chainasianh mare sharm ke zamin mean g da jata tha. usaka muanh aisa sookh gaya tha, mano mahinoan ki bimari se utha ho. muanh se bat n nikalati thi. muliya itani vakh-patu hai, isaka use guman bhi n tha.

muliya phir boli- maian bhi roj bazar jati hooan. b de-b de gharoan ka hal janati hooan. mujhe kisi b de ghar ka nam bata do, jisamean koee saees, koee kochavan, koee kahar, koee panda, koee maharaj n ghusa baitha ho? yah sab b de gharoan ki lila hai. aur vah auratean jo kuchh karati haian, thik karati haian! unake gharavale bhi to chamarinoan aur kaharinoan par jan dete phirate haian. lena-dena barabar ho jata hai. bechare garib adamiyoan ke lie yah batean kahaan? mere adami ke lie sansar mean jo kuchh hooan, maian hooan. vah kisi doosari mihariya ki or aankh uthakar bhi nahian dekhata. sanyog ki bat hai ki maian tanik suandar hooan, lekin maian kali-kalooti bhi hoti, tab bhi vah mujhe isi tarah rakhata. isaka mujhe vishvas hai. maian chamarin hokar bhi itani nich nahian hooan ki vishvas ka badala khot se dooan. haan, vah apane man ki karane lage, meri chhati par mooang dalane lage, to maian bhi usaki chhati par mooang dalooangi. tum mere roop hi ke divane ho n! aj mujhe mata nikal ayean, kani ho jaooan, to meri or takoge bhi nahian. bolo, jhooth kahati hooan?

chainasianh inakar n kar saka.

muliya ne usi garv se bhare hue svar mean kaha- lekin meri ek nahian, donoan aankhean phoot jayean, tab bhi vah mujhe isi tarah rakkhega. mujhe uthavega, baithavega, khilavega. tum chahate ho, maian aise adami ke sath kapat karooan? jao, ab mujhe kabhi n chhe dana, nahian achchha n hoga.

3

javani josh hai, bal hai, daya hai, sahas hai, atm-vishvas hai, gaurav hai aur sab kuchh jo jivan ko pavitr, ujjval aur poorn bana deta hai. javani ka nasha ghamand hai, nirdayata hai, svarth hai, shekhi hai, vishay-vasana hai, katuta hai aur vah sab kuchh jo jivan ko pashuta, vikar aur patan ki or le jata hai. chainasianh par javani ka nasha tha. muliya ke shital chhiantoan ne nasha utar diya. jaise ubalati huee chashani mean pani ke chhiante p d jane se phen mit jata hai, mail nikal jata hai aur nirmal, shuddh ras nikal ata hai. javani ka nasha jata raha, keval javani rah gayi. kamini ke shabd jitani asani se din aur eeman ko garat kar sakate haian, utani hi asani se unaka uddhar bhi kar sakate haian.

chainasianh us din se doosara hi adami ho gaya. gussa usaki nak par rahata tha, bat-bat par mazadooroan ko galiyaan dena, daantana aur pitana usaki adat thi. asami usase thar-thar kaanpate the. mazadoor use ate dekhakar apane kam mean chust ho jate the; par jyoan hi usane idhar pith pheri aur unhoanne chilam pina shuroo kiya. sab dil mean usase jalate the, use galiyaan dete the. magar us din se chainasianh itana dayalu, itana ganbhir, itana sahanashil ho gaya ki logoan ko ashchary hota tha.

kee din gujar gaye the. ek din sandhya samay chainasianh khet dekhane gaya. pur chal raha tha. usane dekha ki ek jagah nali toot gayi hai, aur sara pani baha chala jata hai. kyariyoan mean pani bilakul nahian pahuanchata, magar kyari banane vali budhiya chupachap baithi hai. use isaki jara bhi fikr nahian hai ki pani kyoan nahian ata. pahale yah dasha dekhakar chainasianh ape se bahar ho jata. us aurat ki us din majoori kat leta aur pur chalanevaloan ko ghu dakiyaan jamata, par aj use krodh nahian aya. usane mitti lekar nali baandh di aur khet mean jakar budhiya se bola- too yahaan baithi hai aur pani sab baha ja raha hai.

budhiya ghab dakar boli- abhi khul gayi hogi. raja! maian abhi jakar band kiye deti hooan.

yah kahati huee vah tharathar kaanpane lagi. chainasianh ne usaki dilajoee karate hue kaha- bhag mat, bhag mat. maianne nali band kar di. budhoo kee din se nahian dikhaee diye, kahian kam par jate haian ki nahian?

budhiya gadgad hokar boli- ajakal to khali hi baithe haian bhaiya, kahian kam nahian lagata.

chainasianh ne namr bhav se kaha- to hamare yahaan laga de. tho da-sa san rakha hai, use kat dean.

yah kahata hua vah kuean ki or chala gaya. yahaan char pur chal rahe the; par is vakt do hankave ber khane gaye the. chainasianh ko dekhate hi majooroan ke hosh u d gaye. thakur ne poochha, do adami kahaan gaye, to kya javab deange? sab-ke-sab daante jayeange. bechare dil mean sahame ja rahe the. chainasianh ne poochha- vah donoan kahaan chale gaye?

kisi ke muanh se avaz n nikali. sahasa samane se donoan majoor dhoti ke ek kone mean ber bhare ate dikhaee die. khush-khush bat karate chale a rahe the. chainasianh par nigah p di, to donoan ke pran sookh gaye. paanv man-man bhar ke ho gaye. ab n ate banata hai, n jate. donoan samajh gaye ki aj daant p di, shayad majoori bhi kat jay. chal dhimi p d gayi. itane mean chainasianh ne pukara badh ao, badh ao, kaise ber haian, lao jara mujhe bhi do, mere hi pe d ke haian n?

donoan aur bhi saham uthe. aj thakur jita n chho dega. kaisa mitha-mithakar bol raha hai. utani hi bhigo-bhigokar lagayega. bechare aur bhi siku d gaye.

chainasianh ne phir kaha- jaldi se ao ji, pakki-pakki sab maian le looanga. jara ek adami lapakakar ghar se tho da-sa namak to le lo! (baki donoan majooroan se) tum bhi donoan a jao, us pe d ke ber mithe hote haian. ber kha le, kam to karana hi hai.

ab donoan bhago doan ko kuchh dharas hua. sabhi ne jakar sab ber chainasianh ke age dal die aur pakke-pakke chhaantakar use dene lage. ek adami namak lane dau da. adha ghante tak charoan pur band rahe. jab sab ber u d gaye aur thakur chalane lage, to donoan aparadhiyoan ne hath jo dakar kaha- bhaiyaji, aj jan bakasi ho jay, b di bhookh lagi thi, nahian to kabhi n jate.

chainasianh ne namrata se kaha- to isamean buraee kya huee? maianne bhi to ber khaye. ek-adha ghante ka haraj hua yahi n? tum chahoge, to ghante bhar ka kam adha ghante mean kar doge. n chahoge, din-bhar mean bhi ghante-bhar ka kam n hoga.

chainasianh chala gaya, to charoan batean karane lage.

ek ne kaha- malik is tarah rahe, to kam karane mean ji lagata hai. yah nahian ki haradam chhati par savar.

doosara- maianne to samajha, aj kachcha hi kha jayeange.

tisara- kee din se dekhata hooan, mizaj naram ho gaya hai.

chautha- saanjh ko poori majoori mile to kahana.

pahala- tum to ho gobar-ganes. adami ka rukh nahian pahachanate.

doosara- ab khoob dil lagakar kam kareange.

tisara- aur kya! jab unhoanne hamare oopar chho d diya, to hamara bhi dharam hai ki koee kasar n chho dean.

chautha- mujhe to bhaiya, thakur par ab bhi vishvas nahian ata.

4

ek din chainasianh ko kisi kam se kachahari jana tha. paanch mil ka saphar tha. yoan to vah barabar apane gho de par jaya karata tha; par aj dhoop b di tej ho rahi thi, socha ekke par chala chalooan. mahavir ko kahala bheja mujhe lete jana. koee nau baje mahavir ne pukara. chainasianh taiyar baitha tha. chatapat ekke par baith gaya. magar gho da itana dubala ho raha tha, ekke ki gaddi itani maili aur phati huee, sara saman itana raddi ki chainasianh ko us par baithate sharm aee. poochha yah saman kyoan big da hua hai mahavir? tumhara gho da to itana dubala kabhi n tha; kya ajakal savariyaan kam haian kya? mahavir ne kaha, nahian malik, savariyaan kahe nahian hai; magar lariyoan ke samane ekke ko kaun poochhata hai. kahaan do-dhaee-tin ki majoori karake ghar lautata tha, kahaan ab bis ane paise bhi nahian milate? kya janavar ko khilaooan kya ap khaooan? b di vipatti mean p da hooan. sochata hooan ekka-gho da bech-bachakar ap logoan ki majoori kar looan, par koee gahak nahian lagata. zyada nahian to barah ane to gho de hi ko chahie, ghas oopar se. jab apana hi pet nahian chalata, to janavar ko kaun poochhe. chainasianh ne usake phate hue kurate ki or dekhakar kaha, do-char bighe kheti kyoan nahian kar lete?

mahavir sir jhukakar bola- kheti ke lie b da paurukh chahie malik! maianne to yahi socha hai ki koee gahak lag jay, to ekke ko aune-paune nikal dooan, phir ghas chhilakar bazar le jaya karooan. ajakal sas-patohoo donoan chhilati haian. tab jakar das-barah ane paise nasib hote haian.

chainasianh ne poochha- to budhiya bazar jati hogi?

mahavir lajata hua bola- nahian bhaiya, vah itani door kahaan chal sakati hai. gharavali chali jati hai. dopahar tak ghas chhilati hai, tisare pahar bazar jati hai. vahaan se gh di rat gaye lautati hai. halakan ho jati hai bhaiya, magar kya karooan, takadir se kya jor.

chainasianh kachahari pahuanch gaye aur mahavir savariyoan ki toh mean idhar-udhar ikke ko ghumata hua shahar ki taraph chala gaya. chainasianh ne use paanch baje ane ko kah diya.

koee char baje chainasianh kachahari se phurasat pakar bahar nikale. hate mean pan ki dukan thi, jara aur age badhakar ek ghana baragad ka pe d tha, usaki chhaanh mean bisoan hi taange; ekke, phitanean kh di thian. gho de khol die gaye the. vakiloan, mukhtaroan aur aphasaroan ki savariyaan yahian kh di rahati thian. chainasianh ne pani piya, pan khaya aur sochane laga koee lari mil jay, to jara shahar chala jaooan ki usaki nigah ek ghasavali par p d gayi. sir par ghas ka jhaba rakkhe saeesoan se mol-bhav kar rahi thi. chainasianh ka hriday uchhal p da yah to muliya hai! bani-thani, ek gulabi sa di pahane kochavanoan se mol-tol kar rahi thi. kee kochavan jama ho gaye the. koee usase dillagi karata tha, koee ghoorata tha, koee hansata tha.

ek kale-kaloote kochavan ne kaha- moola, ghas to u dake adhik se adhik chh: ane ki hai.

muliya ne unmad paida karane vali aankho se dekhakar kaha- chh: ane par lena hai, to samane ghasiyarinean baithi haian, chale jao, do-char paise kam mean pa jaoge, meri ghas to barah ane mean hi jayagi.

ek adhe d kochavan ne phitan ke oopar se kaha- tera jamana hai, barah ane nahian ek rupaya maang. lenevale jhakh mareange aur leange. nikalane de vakiloan ko, ab der nahian hai.

ek taangevale ne, jo gulabi pag di baandhe hue tha, bola- budhoo ke muanh mean pani bhar aya, ab muliya kahe ko kisi ki or dekhegi!

chainasianh ko aisa krodh a raha tha ki in dushtoan ko joote se pite. sab-ke-sab kaise usaki or takataki lagaye tak rahe haian, aankho se pi jayeange. aur muliya bhi yahaan kitani khush hai. n lajati hai, n jhijhakati hai, n dabati hai. kaisa musakira-musakirakar, rasili aankho se dekh-dekhakar, sir ka aanchal khisaka- khisakakar, muanh mo d-mo dakar batean kar rahi hai. vahi muliya, jo sherani ki tarah t dap uthi thi.

itane mean char baje. amale aur vakil-mukhtaroan ka ek mela-sa nikal p da. amale lariyoan par dau de. vakil-mukhtar in savariyoan ki or chale. kochavanoan ne bhi chatapat gho de jote. kee mahashayoan ne muliya ko rasik netroan se dekha aur apani-apani ga diyoan par ja baithe.

ekaek muliya ghas ka jhaba liye us phitan ke pichhe dau di. phitan mean ek aangreji phaishan ke javan vakil sahab baithe the. unhoanne pavadan par ghas rakhava li, jeb se kuchh nikalakar muliya ko diya. muliya muskaraee, donoan mean kuchh batean bhi hueean, jo chainasianh n sun sake.

ek kshan mean muliya prasann-mukh ghar ki or chali. chainasianh panavale ki dukan par vismriti ki dasha mean kh da raha. panavale ne dukan badhaee, kap de pahine aur kebin ka dvar band karake niche utara to chainasianh ki samadhi tooti. poochha kya dukan band kar di?

panavale ne sahanubhooti dikhakar kaha- isaki dava karo thakur sahab, yah bimari achchhi nahian hai!

chainasianh ne chakit hokar poochha- kaisi bimari?

panavala bola- kaisi bimari! adha ghante se yahaan kh de ho jaise koee murada kh da ho. sari kachahari khali ho gayi, sab dukanean band ho gayian, mehatar tak jha doo lagakar chal diye; tumhean kuchh khabar huee? yah buri bimari hai, jaldi dava kar dalo.

chainasianh ne chh di sanbhali aur phatak ki or chala ki mahavir ka ekka samane se ata dikhaee diya.

5

kuchh door ekka nikal gaya, to chainasianh ne poochha- aj kitane paise kamaye mahavir?

mahavir ne hansakar kaha- aj to malik, din bhar kh da hi rah gaya. kisi ne begar mean bhi n pak da. oopar se char paise ki bi diyaan pi gaya.

chainasianh ne jara der ke bad kaha- meri ek salah hai. tum mujhase ek rupaya roj liya karo. bas, jab maian bulaooan to ekka lekar chale aya karo. tab to tumhari gharavali ko ghas lekar bazar n jana p dega. bolo manjoor hai?

mahavir ne sajal aankho se dekhakar kaha- malik, ap hi ka to khata hooan. apaki paraja hooan. jab maraji ho, pak d mangavaie. apase rupaye…

chainasianh ne bat katakar kaha- nahian, maian tumase begar nahian lena chahata. tum mujhase ek rupaya roj le jaya karo. ghas lekar gharavali ko bazar mat bheja karo. tumhari abaroo meri abaroo hai. aur bhi rupaye-paise ka jab kam lage, bekhatake chale aya karo. haan, dekho, muliya se is bat ki bhoolakar bhi charcha n karana. kya fayada!

kee dinoan ke bad sandhya samay muliya chainasianh se mili. chainasianh asamiyoan se malagujari vasool karake ghar ki or lapaka ja raha tha ki usi jagah jahaan usane muliya ki baanh pak di thi, muliya ki avaz kanoan mean ayi. usane thithakakar pichhe dekha, to muliya dau di a rahi thi. bola- kya hai moola! kyoan dau dati ho, maian to kh da hooan?

muliya ne haanphate hue kaha- kee din se tumase milana chahati thi. aj tumhean ate dekha, to dau di. ab maian ghas bechane nahian jati.

chainasianh ne kaha- bahut achchhi bat hai.

'kya tumane kabhi mujhe ghas bechate dekha hai?’

'haan, ek din dekha tha. kya mahavir ne tujhase sab kah dala? maianne to mana kar diya tha.'

'vah mujhase koee bat nahian chhipata.'

donoan ek kshan chup kh de rahe. kisi ko koee bat n soojhati thi. ekaek muliya ne muskarakar kaha- yahaan tumane meri baanh pak di thi.

chainasianh ne lajjit hokar kaha- usako bhool jao moola. mujh par jane kaun bhoot savar tha.

muliya gadgadh‍ kanth se boli- use kyoan bhool jaooan. usi baanh gahe ki laj to nibha rahe ho. garibi adami se jo chahe karave. tumane mujhe bacha liya. phir donoan chup ho gaye.

jara der ke bad muliya ne phir kaha- tumane samajha hoga, maian hansane-bolane mean magan ho rahi thi?

chainasianh ne balapoorvak kaha- nahian muliya, maianne ek kshan ke lie bhi nahian samajha.

muliya muskarakar boli- mujhe tumase yahi asha thi, aur hai.

pavan sianche hue khetoan mean vishram karane ja raha tha, soory nisha ki god mean vishram karane ja raha tha, aur us malin prakash mean chainasianh muliya ki vilin hoti huee rekha ko kh da dekh raha tha!