बोध -प्रेमचंद

chitr:Icon-edit.gif

is lekh ka punarikshan evan sampadan hona avashyak hai. ap isamean sahayata kar sakate haian. "sujhav"

pandit chandradhar ne apar praimari mean mudarrisi to kar li thi, kintu sada pachhataya karate the ki kahaan se is janjal mean a phanse. yadi kisi any vibhag mean naukar hote, to ab tak hath mean char paise hote, aram se jivan vyatit hota. yahaan to mahine bhar pratiksha karane ke pichhe kahian pandrah rupaye dekhane ko milate haian. vah bhi idhar aye, udhar gayab. n khane ka sukh, pahanane ka aram. hamase to majoor hi bhale.

panditaji ke p dos mean do mahashay aur rahate the. ek thakur atibalasianh, vah thane mean hed kansatebal the. doosare muanshi baijanath, vah tahasil mean siyahe-navis the. in donoan adamiyoan ka vetan panditaji se kuchh adhik n tha, tab bhi unaki chain se gujarati thi. sandhya ko vah kachahari se ate, bachchoan ko paise aur mithaiyaan dete. donoan adamiyoan ke pas tahaluve the. ghar mean kursiyaan, mejean, pharsh adi samagriyaan maujood thian. thakur sahab sham ko aram-kursi par let jate aur khushaboodar khamira pite. muanshiji ko sharab-kavab ka vyasan tha. apane susajjit kamare mean baithe hue botal-ki-botal saf kar dete. jab kuchh nasha hota to haramoniyam bajate, sare muhalle mean robadab tha. un donoan mahashayoan ko ata dekhakar baniye uthakar salam karate. unake lie bazar mean alag bhav tha. char paise ser ki chiz take mean late. lak di-eedhan muft mean milata.

panditaji unake is that-bat dekhakar kudhate aur apane bhagy kosate. vah log itana bhi n janate the ki prithvi soory ka chakkar lagati hai athava soory prithvi ka sadharan paha doan ka bhi jnan n tha, tis par bhi eeshnavar ne unhean itani prabhuta de rakhi thi. yah log panditaji par b di kripa rakhate the. kabhi ser adh ser doodh bhej dete aur kabhi tho di si tarakariyaan kintu inake badale mean panditaji ko thakur sahab ke do aur muanshiji ke tin l dakoan ki nigarani karani p dati. thakur sahab kahate panditaji ! yah l dake har gh di khela karate haian, jara inaki khabar lete rahie. muanshiji kahate- yah l dake avara hue jate haian. jara inaka khayal rakhie. yah batean b di anugrahapoorn riti se kahi jati thian, mano panditaji unake gulam haian. panditaji ko yah vyavahar asahy lagata tha, kintu in logoan ko naraz karane ka sahas n kar sakate the, unaki badaulat kabhi-kabhi doodh-dahi ke darshan ho jate, kabhi achar-chatani chakh lete. keval itana hi nahian, bazar se chizean bhi sasti late. isalie bechare is aniti ko vish ki ghooant ke saman pite.

is duravastha se nikalane ke lie unhoanne b de-b de yatn kie the. prarthanapatr likhe, aphasaroan ki khushamadean kian, par asha n poori huee. aant mean harakar baith rahe. haan, itana tha ki apane kam mean truti n hone dete. thik samay par jate, der kar ke ate, man lagakar padhate. isase unake aphasar log khush the. sal mean kuchh inam dete aur vetan-vriddhi ka jab kabhi avasar ata, unaka vishesh dhyan rakhate. parantu is vibhag ki vetan-vriddhi oosar ki kheti hai. b de bhagy se hath lagati hai. basti ke log unase santusht the, l dakoan ki sankhya badh gee thi aur pathashala ke l dake to un par jan dete the. koee unake ghar akar pani bhar deta,koee unaki bakari ke lie patti to d lata. panditaji isi ko bahut samajhate the.

ek bar savan ke mahine mean muanshi baijanath aur thakur atibalasianh ne shriayodhyaji ki yatra ki salah ki. door ki yatra thi. haphtoan pahale se taiyariyaan hone lagian. barasat ke din, saparivar jane mean a dachan thi. kintu striyaan kisi bhaanti n manati thian. aant mean vivash hokar donoan mahashayoan ne ek-ek saptah ki chhutti li aur ayodhyaji chale. panditaji ko bhi sath chalane ke lie badhy kiya. mele thele mean ek falatoo adami se b de kam nikalate haian. panditaji asamanjas mean p de, parantu jab un logoan ne unaka vyay dena svikar kiya to inakar n kar sake aur ayodhyaji ki yatra ka aisa suavasar pa kar n ruk sake.

bilhaur se ek baje rat ko ga di chhootati thi. yah log kha-pikar steshan par a baithe. jis samay ga di ayi, charoan aur bhagad d-si p d gee. hajaroan yatri ja rahe the. us utavali mean muanshiji pahale nikal gaye. panditaji aur thakur sahab sath the. ek kamare mean baithe. is aphat mean kaun kisaka rasta dekhata hai.

ga diyoan mean jagah ki b di kami thi, parantu jis kamare mean thakur sahab the, usamean keval char manushy the. vah sab lete hue the. thakur sahab chahate the ki vah uth jayan to jagah nikal aye. unhoanne ek manushy se daantakar kaha-uth baitho ji dekhate nahian, ham log kh de haian.

musaphir lete-lete bola- kyoan uth baithe ji ? kuchh tumhare baithane ka theka liya hai?

thakur- kya hamane kiraya nahian diya hai ?

musaphir- jise kiraya diya ho, use jakar jagah maango.

thakur- jara hosh ki batean karo. is dabbe mean das yatriyoan ki ajna hai.

musaphir- yah thana nahian hai, jara jaban sanbhalakar batean kijie.

thakur- tum kaun ho ji ?

musaphir- ham vahi haian, jis par apane khuphiya-pharoshi ka aparadh lagaya tha jisake dvar se ap nakad 25 ru. lekar tale the.

thakur- aha ! ab pahachana. parantu maianne to tumhare sath riayat ki thi. chalan kar deta to tum saza pa jate.

musaphir- aur maianne bhi to tumhare sath riayat ki ga di mean kh da rahane diya. dhakel deta to tum niche chale jate aur tumhari haddi-pasali ka pata n lagata.

itane mean doosara leta hua yatri zor se thatta marakar hansa aur bola- kyoan daroga sahab, mujhe kyoan nahian uthate ?

thakur sahab krodh se lal ho rahe the. sochate the, agar thane mean hota ho inaki jaban khianch leta, par is samay bure phanse the. vah balavan manushy the, par yah donoan manushy bhi hatte-katte p date the.

thakur- sandook niche rakh do, bas jagah ho jay.

doosara musaphir bola- aur ap hi kyoan n niche baith jaean. isamean kaun-si hethi huee jati hai. yah thana tho de hi hai ki apake rob mean farq p d jaega.

thakur sahab ne usaki or bhi dhyan se dekhakar poochha- kya tumhean bhi mujhase koee bair hai?

‘ji haan, maian to apake khoon ka pyasa hooan.’

‘maianne tumhara kya biga da hai, tumhari to soorat bhi nahian dekhi.’

doosara musaphir- apane meri soorat n dekhi hogi, par apaki maianne dekhi hai. isi kal ke mele mean apane mujhe kee dande lagae, maian chupachap tamasha dekhata tha, par apane akar mera kachoomar nikal liya. maian chupachap rah gaya, par ghav dil par laga hua hai ! aj usaki dava milegi.

yah kahakar usane aur bhi paanv phaila diye aur krodhapoorn netroan se dekhane laga. panditaji ab tak chupachap kh de the. darate the ki kahian marapit n ho jay. avasar pakar thakur sahab ko samajhaya. jyoanhi tisara steshan aya, thakur sahab ne bal-bachchoan ko vahaan se nikalakar doosare kamare mean baithaya. in donoan dushtoan ne unaka asabab utha-uthakar zamin par pheank diya. jab thakur sahab ga di se utarane lage, to unhoanne unako aisa dhakka diya ki bechare pletapharm par gir p de. gard se kahane dau de the ki ianjan ne siti di. jakar ga di mean baith ge.

udhar muanshi baijanath ki aur bhi buri dasha thi. sari rat jagate gujari. jara pair phailane ki jagah n thi. aj unhoanne jeb mean botal bharakar rakh li thi ! pratyek steshan par koyala-pani le lete the. phal yah hua ki pachan-kriya mean vighn p d gaya. ek bar ulti huee aur pet mean maro d hone lagi. bechare b de mushkil mean p de. chahate the ki kisi bhaanti let jayan, par vahaan pair hilane ko bhi jagah n thi. lakhanoo tak to unhoanne kisi prakar jabt kiya. age chalakar vivash ho ge. ek steshan par utar p de. kh de n ho sakate the. pletapharm par let ge. patni bhi ghabarayi. bachchoan ko lekar utar p di. asabab utara, par jaldi mean trank utarana bhool gee. ga di chal di. daroga ji ne apane mitr ko is dasha mean dekha to vah bhi utar p de. samajh ge ki hajarat aj zyada chadha ge. dekha to muanshi ji ki dasha big d gee thi. jvar, pet mean dard, nasoan mean tanav, kai aur dast. b da khataka hua. steshan mastar ne yah dasha dekhi to samajha, haija ho gaya hai. hukm diya ki rogi ko abhi bahar le jao. vivash hokar muanshiji ko log ek pe d ke niche utha laye. unaki patni rone lagian. hakim daktar ki talash huee. pata laga ki distrikt bord ki taraph se vahaan ek chhota-sa aspatal hai. logoan ki jan mean jan ayi. kisi se yah bhi maloom hua ki daktar sahab bilhaur ke rahane vale haian. dhaandhas bandha. darogaji aspatal dau de. daktar sahab se sara samachar kah sunaya aur kaha- ap chalakar jara unhean dekh to lijie.

d aauktar ka nam tha chokhelal. kampauandar the, log adar se daktar kaha karate the. sab vrittaant sunakar rukhaee se bole- sabere ke samay mujhe bahar jane ki ajna nahian hai.

daroga- to kya muanshiji ko yahian layean ?

chokhelal- haan, apaka ji chahe laie.

darogaji ne dau d-dhoopakar ek doli ka prabandh kiya. muanshiji ko ladakar aspatal laye. jyoan hi baramade mean pair rakha, chokhelal ne daantakar kaha- haije (visoochika) ko rogi ko oopar lane ki ajna nahian hai.

baijanath achet to the nahian, avaz suni, pahachana. dhire se bole- are, yah to bilhaur ke hi haian; bhala-sa nam hai tahasil mean aya-jaya karate haian. kyoan mahashay ! mujhe pahachanate haian ?

chokhelal- ji haan, khoob pahachanata hooan.

baijanath- pahachanakar bhi itani nithurata. meri jan nikal rahi hai. jara dekhie, mujhe kya ho gaya ?

chokhelal-haan, yah sab kar dooanga aur mera kam hi kya hai ! phis ?

darogaji- aspatal mean kaisi phis janabaman ?

chokhelal- vaisi hi jaisi in muanshiji ne vasool ki thi janabaman.

daroga- ap kya kahate haian, meri samajh mean nahian ata.

chokhelal- mera ghar bilhaur mean hai. vahaan meri tho di-si zamin hai. sal mean do bar usaki dekh-bhal ke lie jana p data hai. jab tahasil mean lagan dakhil karane jata hooan, to muanshiji daantakar apana hak vasool lete haian. n dooan to sham tak kh da rahana p de. syaha n ho. phir janab, kabhi ga di nav par, kabhi nav ga di par. meri phis das rupaye nikalie. dekhooan, dava dooan, nahian to apani rah lijie.

daroga- das rupaye !!

chokhelal-ji haan, aur yahaan thaharana chahean to das rupaye roj.

darogaji vivash ho ge. baijanath ki stri se das rupaye maange. tab use apane baks ki yad ayi. chhati pit li. darogaji ke pas bhi adhik rupaye nahian the, kisi tarah das rupaye nikalakar chokhelal ko diye. unhoanne dava di. din-bhar kuchh fayada n hua. rat ko dasha sanbhali. doosare din phir dava ki avashyakata huee. muanshiyain ka ek gahana jo 20 ru. se kam ka n tha, bazar mean becha gaya, tab kam chala. chokhelal ko dil mean khoob galiyaan dian.

shri ayodhyaji mean pahuanchakar sthan ki khoj huee. pandoan ke ghar jagah n thi. ghar-ghar mean adami bhare hue the. sari basti chhan mari, par kahian thikana n mila. aant mean yah nishchay hua ki kisi pe d ke niche dera jamana chahie. kintu jis pe d ke niche jate the, vahian yatri p de milate. sivay khule maidan mean ret par p de rahane ke aur koee upay n tha. ek svachchh sthan dekhakar bistare bichhae aur lete. itane mean badal ghir aye. booandean ghirane lagian. bijali chamakane lagi. garaj se kan ke parade phate jate the. l dake rote the, striyoan ke kaleje kaanp rahe the. ab yahaan thaharana dussah tha, par jay kahaan ?

akasmath ek manushy nadi ki taraph se lalaten liye ata dikhaee diya. vah nikat pahuancha to panditaji ne use dekha. akriti kuchh pahachani huee maloom huee, kintu yah vichar n aya ki kahaan dekha hai. pas jakar bole- kyoan bhaee sahab ! yahaan yatriyoan ke rahane ki jagah n milegi ? vah manushy ruk gaya. panditaji ki or dhyan se dekhakar bola- ap pandit chandradhar to nahian hai ?

pandit prasann hokar bole- ji haan. ap mujhe kaise janate haian ?

us manushy ne sadar panditaji ke charan chhue aur bola- maian apaka purana shishy hooan. mera nam kripashankar hai. mere pita kuchh dinoan bilehaur mean dak muanshi rahe the. unhian dinoan maian apaki seva mean padhata tha.

panditaji ki smriti jagi : bole- o ho, tumhian ho kripashankar. tab to tum dubale-patale l dake the, koee ath nau sal hue hoge.

kripashankar- ji haan, navaan sal hai. maianne vahaan se akar iantreans pas kiya. ab yahaan myunisipailiti mean naukar hooan. kahie ap to achchhi tarah rahe ? saubhagy tha ki apake darshan ho ge.

panditaji- mujhe bhi tumase milakar b da anand hua. tumhare pita ab kahaan haian?

kripashankar- unaka to dehant ho gaya. mataji hai. ap yahaan kab aye ?

panditaji- aj hi aya hooan. pandoan ke ghar jagah n mili ! vivash ho yahi rat katane ki thahari.

kripashankar- bal-bachche bhi sath haian ?

panditaji- nahian, maian to akela hi aya hooan, par mere sath darogaji aur siyahenavil sahab haian- unake bal-bachche bhi sath haian.

kripashankar- kul kitane manushy hoange ?

panditaji- haian to das, kintu tho di si jagah mean nirvah kar leange.

kripashankar- nahian sahab, bahut-si jagah lijie. mera b da makan khali p da hai. chalie, aram se ek, do, tin din rahie. mera param saubhagy hai ki apaki kuchh seva karane ka avasar mila.

kripashankar ne kuli bulae. asabab uthavaya aur sabako apane makan par le gaya. saph-suthara ghar tha. naukar ne chatapat charapaiyaan bichha dian. ghar mean pooriyaan pakane lagian. kripashankar hath baandhe sevak ki bhaanti dau data tha. hridayollas se usaka mukh-kamal chamak raha tha. usaki vinay aur namrata se sabako mugdh kar liya.

aur sab log to kha-pikar soe, kintu pandit chandradhar ko niand nahian aee. unaki vichar-shakti is yatra ki ghatanaoan ka ullekh kar rahi thi. relaga di ki rag d-jhag d aur chikitsalay ki noch-khasot ke sammukh kripashankar ki sahridayata aur shalinata prakashamay dikhayi deti thi. panditaji ne aj shikshak ka gaurav samajha. unhean aj is pad ki mahanata jnat huee.

yah log tin din ayodhya rahe. kisi bat ka kasht n hua kripashankar ne unake sath dham ka darshan karaya.

tisare din jab log chalane lage, to vah steshan tak pahuanchane aya. jab ga di ne siti di, to usane sajal netroan se panditaji ke charan chhue aur aur bola- kabhi-kabhi is sevak ko yad karate rahiega.

panditaji ghar pahuanche to unake svabhav mean b da parivartan ho gaya tha. unhoanne phir kisi doosare vibhag mean jane ki cheshta nahian ki.