गीता प्रबंध -अरविन्द भाग-9

gita-prabandh

2.bhagavadguru

sansar ke any sab mahanh dharmagranthoan ke upeksha gita ki yah vilakshanata hai ki vah apane-ap mean svatantr granth nahian hai; isaka nirman buddh, eesa ya muhammad jaise kisi mahapurush ke adhyatmi jivan ke phalasvaroop nahian hua hai, n yah vedoan aur upanishadoan ke saman kisi vishuddh adhyatmik anusandhan ke yug ka phal hai, balki, yah jagath ke rashtr aur unake sangramoan tatha manushyoan aur unake parakramoan ke aitihasik mahakavy ke aandar ek upakhyan hai jisaka prasang isake ek pramukh patr ke jivan mean upasthit ek vikat-sankat se paida hua hai. prasang yah hai ki samane vah karm upasthit hai jisase ab tak sab karmoan ki paripoornata hone vali hai; par yah karm bhayankar, ati ugr aur khoon-kharabi se bhara hua hai aur sandhi ki vah gh di upasthit ho gayi hai jab use ya to is karm se bilkul hat jana hoga ya ise isake avanshy bhavi kathor aant tak pahuanchana hoga. kee adhunik samalochakoan ki yah dharana hai ki gita mahabharat ka aang hi nahian hai, isaki rachana pichhe huee hai aur isake rachayita ne isako mahabharat me isaliye mila diya hai ki isako bhi mahanh rashtriy hakavy ki pramanikata aur lokapriyata mil jaye, kiantu yah bat thik hai ya nahian, isase kuchh ata-jata nahian.
mere vichar mean to yah dharana galat hai, kyoanki isake vipaksh mean b de prabal praman haian aur paksh mean bhitari bahari jo kuchh praman hai vah bahut pocha aur svalp hai. parantu yadi pusht aur yathesht praman ho bhi to yah spasht hi hai ki granthakar ne apane is granth ko mahabharat ki bunavat me bunakar is tarah mila diya hai ki isake tane-bane mahabharat se alag nahian kiye ja sakate, yahi nahian, balki gita mean granthakar ne bar-bar us prasang ki yad dilayi hai ki jis prasang se yah gitopadesh kiya gaya, keval upasanhar mean hi nahian, atyant ganbhir tatvaniroopan ke bich-bich mean bhi usaka smaran karaya hai. granthakar ka yah agrah manana hi hoga aur is guru shishy donoan ka hi jis prasang ki or baranbar dhyan khianchata hai use usaka poorn mahatv pradan karana hi hoga. isaliye gita ko sarvasadharan adhyatmashastr ya nitishastr ka ek granth man lene se hi kam n chalega, balki nitishastr aur adhyatmashastr ka manav-jivan mean pratyaksh prayog karate hue hi vyahar mean jo kuchh sankat upasthit hota hai use drishti ke samane rakhakar is granth ka vichar karana hoga. vah sankat kya hai, kurukshetr ke yuddh ka ashay kya hai aur arjun ki aantarik satta par usaka kya asar hota hai, in batoan ka hamean pahale se hi nishchit kar lena hoga, tab kahian ham gita ke matoan aur upadeshoan ki keandriy vicharadhara ko pak d sakeange. yah bat to bilkul spasht hai ki koee gahan ganbhir upadesh kisi aise samany se prasang ke adhar par nahian kh da ho sakata jisake bahy roop ke pichhe koee vaisi hi gahari bhavana aur bhayankar dharm-sankat n ho aur jisaka samadhan nity ke samany achar-vichar ke manak se kiya ja sakata ho.

« pichhe

age »

sanbandhit lekh

-