श्रीमद्भागवत महापुराण एकादश स्कन्ध अध्याय 17 श्लोक 1-15
ekadash skandh : saptadashoadhyayah (17)
varnashram-dharm-niroopan
uddhavaji ne kaha—kamalanayan shrikrishna! apane pahale varnashram-dharm ka palan karane valoan ke liye aur samanyatah manushyamatr ke liye us dharm ka upadesh kiya tha, jisase apaki bhakti prapt hoti hai. ab ap kripa karake yah batalaiye ki manushy kis prakar se apane dharm ka anushthan kare, jisase apake charanoan mean use bhakti prapt ho jay . prabho! mahabahu madhav! pahale apane hans roop se avatar grahan karake bramhaji ko apane paramadharm ka upadesh kiya tha . ripudaman! bahut samay bit jane ke karan vah is samay martyalok mean prayah nahian-sa rah gaya hai, kyoanki apako usaka upadesh kiye bahut-din ho gaye haian . achyut! prithvi mean tatha bramha ki us sabha mean bhi, jahaan sampoorn ved moortimanh hokar virajaman rahate haian, apake atirikt aisa koee bhi nahian hai, jo apake is dharm ka pravachan, pravartan athava sanrakshan kar sake .
is dharm ke pravartak, rakshak aur upadeshak ap hi haian. apane pahale jaise madhu daity ko marakar vedoan ki raksha ki thi, vaise hi apane dharm ki bhi raksha kijiye. svayan prakash paramatmanh! jab ap prithvi tal se apani lila sanvaran kar leange, tab to is dharm ka lop hi ho jayaga to phir use kaun batavega ? ap samast dharmoan ke marmajn haian; isaliye prabho! ap us dharm ka varnan kijiye, jo apaki bhakti prapt karane vala hai. aur yah bhi batalaiye ki kisake liye usaka kaisa vidhan hai .
shrishukadevaji kahate haian—parikshith! jab is prakar bhaktashiromani uddhavaji ne prashn kiya, tab bhagavan shrikrishna ne atyant prasann hokar praniyoan ke kalyan ke liye unhean sanatan dharmoan ka upadesh diya .
bhagavan shrikrishna ne kaha—priy uddhav! tumhara prashn dharmamay hai, kyoanki isase varnashram dharmi manushyoan ko param kalyan svaroop moksh ki prapti hoti hai. atah maian tumhean un dharmoan ka upadesh karata hooan, savadhan hokar suno . jis samay is kalp ka prarambh hua tha aur pahala satyayug chal raha tha, us samay sabhi manushyoan ka ‘hans’ namak ek hi varn tha. us yug mean sab log janm se hi kritakrity hote the; isiliye usaka ek nam kritayug bhi hai . us samay keval pranav hi ved tha ar tapasya, shauch, daya evan satyaroop char charanoan se yukt maian hi vrishabharoop dhari dharm tha. us samay ke nishpap evan param tapasvi bhakt jan mujh hansasvaroop shuddh paramatma ki upasana karate the . param bhagyavanh uddhav! satyayug ke bad tretayug ka arambh hone par mere hriday se shvas-prashvas ke dvara rrigved, samaved aur yajurved roop trayividya prakat huee aur us trayividya se hota, adhvaryu aur udgata ke karm roop tin bhedoan vale yajn ke roop se maian prakat hua . virath purush ke mukh se bramhan, bhuja se kshatriy, jangha se vaishy aur charanoan se shoodroan ki utpatti huee. unaki pahachan unake svabhavanusar aur acharan se hoti hai . uddhavaji! virath purush bhi maian hooan; isaliye mere hi ooroosthal se grihasthashram, hriday se bramhacharyashram, vakshahsthal se vanaprasthanashram aur mastak se sanyasashram ki utpatti huee hai .
in varn aur ashramoan ke purushoan ke svabhav bhi inake janmasthanoan ke anusar uttam, madhyam aur adham ho gaye. arthath uttam sthanoan se utpann hone vale varn aur ashramoan ke svabhav uttam aur adham sthanoan se utpann hone valoan ke adham hue .
| « pichhe | age » |
tika tippani aur sandarbh
sanbandhit lekh
-