चिपको आंदोलन  हिन्दी देवनागरी में पढ़ें।

chipako andolan

chipako andolan (angrezi: Chipko Movement) pedon ki kataee ko rokane ke lie kiya gaya ek mahattvapoorn andolan tha. is andolan ke antargat 26 march, 1974 ko uttarakhand (tab uttar pradesh ka bhag) men chamoli zile ke vanon men shant aur ahinsak virodh pradarshan kiya gaya. is andolan ka mukhy uddeshy vyavasay ke lie ho rahi vanon ki kataee ko rokana tha aur ise rokane ke lie mahilaen vrikshon se chipakakar khadi ho gee thin.

shuruat

26 march, 1974 ko pedon ki kataee rokane ke lie 'chipako andolan' shuroo hua. us sal jab uttarakhnd ke rainni ganv ke jngal ke lagabhag dhaee hazar pedon ko katane ki nilami huee, to gaura devi namak mahila ne any mahilaon ke sath is nilami ka virodh kiya. isake bavajood sarakar aur thekedar ke nirnay men badalav nahin aya. jab thekedar ke adami ped katane pahunche, to gaura devi aur unake 21 sathiyon ne un logon ko samajhane ki koshish ki. jab unhonne ped katane ki jid ki to mahilaon ne pedon se chipak kar unhen lalakara ki pahale hamen kato phir in pedon ko bhi kat lena. antat: thekedar ko jana pada. bad men sthaniy van vibhag ke adhikariyon ke samane in mahilaon ne apani bat rakhi. phalasvaroop rainni ganv ka jngal nahin kata gaya. is prakar yahin se "chipako andolan" ki shuruat huee.[1]

mukhy karyakarta

yah andolan saikadon vikendrit tatha sthaniy svat: sphoort prayason ka parinam tha. is andolan ke neta sundar lal bahuguna aur karyakarta mukhyat: gramin mahilaen thin, jo apane jivanayapan ke sadhan v samuday ko bachane ke lie tatpar thin. paryavaraniy vinash ke khilaf shant ahinsak virodh pradarshan is andolan ki advitiy visheshata thi.

andolan ka prabhav

uttar pradesh men is andolan ne 1980 men tab ek badi jit hasil ki, jab tatkalin pradhanamntri indira gandhi ne pradesh ke himalayi vanon men vrikshon ki kataee par 15 varshon ke lie rok laga di. bad ke varshon men yah andolan uttar men himachal pradesh, dakshin men karnatak, pashchim men rajasthan, poorv men bihar aur madhy bharat men vindhy tak phaila. uttar pradesh men pratibndh ke alava yah andolan pashchimi ghat aur vindhy parvatamala men vrikshon ki kataee ko rokane men saphal raha. sath hi yah logon ki avashyakataon aur paryavaran ke prati adhik sachet prakritik snsadhan niti ke lie dabab banane men bhi saphal raha.

chipako andolan ki 45vin varshaganth par jari googal doodal

googal doodal

26 march, 2018 ko chipako andolan ki 45vin varshaganth par googal ne doodal banakar is andolan ke prati samman vyakti kiya. chipako andolan ki khasiyat yah thi ki bina hinsa aur upadrav ke yah andolan kiya gaya tha. shanti ke sath pedon ko n katane ka andolan chalaya gaya tha. log pedon ko bachane ke lie unase lipat jate the, isalie isaka nam chipako andolan pada. 1974 men shuroo hue is andolan ki janak gauri devi thin, jinhen 'chipako vooman' ke nam se bhi jana jata hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. chipako andolan ki shuruat (hindi). . abhigaman tithi: 24 march, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah