अग्नि-5 मिसाइल  हिन्दी देवनागरी में पढ़ें।

agni-5 misail
agni-5 misail
vivaran 'agni-5' bharat ki antaramahadvipiy bailistik prakshepastr hai. atyadhunik takanik se nirmit yah misail paramanu hathiyar le jane men saksham hai aur isaki marak kshamata bhi kafi adhik hai.
desh bharat
nirmata raksha anusndhan evn vikas sngathan
vazan karib 50 tan
lambaee 17.5 mitar
vyas 2 mitar
varahaid nabhikiy
injan tin charan thos eedhan
snbndhit lekh agni, agni-2, prithvi-2, brahmos, shaury.
any janakari agni-5 dage jane par apani poorn oonchaee ke bad dharati par lautate samay adhik guratvakasharshan bal ke karan adhik teji se ati hai. intaranal nevigeshan sistam aur isamen lage kampyootar ki madad se yah apane nirdharit raste ka palan karate hue lakshy bhedati hai.

agni-5 misail (angrezi: Agni-V) bharat dvara vikasit antaramahadvipiy bailistik prakshepastr hai. yah misail zamin se zamin par mar karane men saksham hai. yah 5000 kilomitar se adhik doori tak marak kshamata se poorn hai. agni-5 misail 17.5 mitar lambi, do mitar chaudi hai aur isaka vazan karib 50 tan hai. ise 'raksha anusndhan evn vikas sngathan' ne vikasit kiya hai. yah misail atyadhunik takanik se bani aur paramanu hathiyaron se lais hokar ek tan pelod le jane men saksham hai. panch hazar kilomitar tak ke dayare men istemal ki jane vali is misail men tin charanon ka propalshan sistam lagaya gaya hai. ise haidarabad ki 'pragat pranali prayogashala'[1] ne taiyar kiya hai.

vikas

ye karib 10 sal ka phasala hai, jab bharat ki takat agni-1 misail se ab agni-5 misail tak pahunchi hai. 2002 men saphal parikshan ki rekha par karane vali agni-1 misail, madhyam renj ki bailistik misail thi. isaki marak kshamata 700 kilomitar thi aur isase 1000 kilo tak ke paramanu hathiyar dhoe ja sakate the. phir aee agni-2, agni-3 aur agni-4 misailen. ye tinon intaramidiet renj bailistik misailen hain. inaki marak kshamata 2000 se 3500 kilomitar hai aur ab bharat ke raksha anusndhan evn vikas sngathan yani diaradio ne agni-5 misail ka saphal parikshan kar liya hai.

19 aprail, 2012 ko agni-5 ka pahala; 15 sitnbar, 2013 ko doosara aur 31 janavari, 2015 ko tisara parikshan kiya gaya tha. agni shrrinkhala ki yah sabase adhunik misail hai, jisamen nevigeshan, gaidens, vaaurahed aur injan se judi nee takanikon ko shamil kiya gaya hai. desh men vikasit kee takanikon ka is misail men saphal parikshan kiya gaya hai. misail men ring lesar gayaro besd inarashiyal nevigeshan sistam aur atyadhunik ar satik maikro nevigeshan sistam takanikon ka istemal kiya gaya hai. isase misail ko lakshy par satik nishana lagane men madad milati hai.

visheshataen

  1. agni-5 misail em.aee.ar.vi. takanik se lais hai, arthath 'ekadhik svatntr roop se lakshit karane yogy punah pravesh vahan'. is takanik ki madad se is misail se ek sath kee jagahon par var kiya ja sakata hai. ek sath kee jagahon par gole dage ja sakate hain. yahan tak ki alag-alag deshon ke thikanon par ek sath hamale kie ja sakate hain.
  2. agni-5 ka istemal behad asan hai. ise rel, sadak ya hava, kahin bhi istemal kiya ja sakata hai. desh ke kisi bhi kone men ise tainat kar sakate hain; jabaki kisi bhi pletaphaaurm se yuddh ke dauran isaki madad li ja sakati hain.
  3. agni-5 ke laaunching sistam men kainistar takanik ka istemal kiya gaya hai. is vajah se isako kahin bhi badi asani se transaport kiya ja sakata hai, jisase ham apane dushman ke karib pahunch sakate hain.
  4. is misail ki kamayabi se bharatiy sena ki takat kee guna badh jaegi, kyonki n sirph isaki marak kshamata 5 hazar kilomitar hai, balki ye paramanu hathiyaron ko bhi le jane men saksham hai.
  5. agni-5 bharat ki pahali antar mahadvipiy yani intarakaauntinental balistik misail hai. yani ab bharat ki ginati un 5 deshon men hogi, jinake pas intarakaauntinental balistik misail hai. bharat se pahale amerika, roos, frans aur chin ne intar-kaauntinental balistik misail ki takat hasil ki hai.
  6. agni-5 ek tan ka pe-lod le jane men saksham hai. khud agni-5 misail ka vajan karib 50 tan hai.
  7. is misail ki lnbaee 17 mitar aur chaudaee 2 mitar hai. yah saaulid phyool ki 3 charanon vali misail hai.
  8. agni-5 men ar.el.ji. takanik[2] ka istemal kiya gaya hai. bharat men hi bani is takanik ki khasiyat ye hai ki ye nishana behad satik lagati hai.
  9. yah misail dage jane par apani poorn oonchaee ke bad dharati par lautate samay adhik guratvakasharshan bal ke karan adhik teji se ati hai. intaranal nevigeshan sistam aur isamen lage kampyootar ki madad se yah apane nirdharit raste ka palan karate hue lakshy bhedati hai.
  10. dharati par lautate samay gharshan ki vajah se misail ka tapaman 4000 digri selsiyas se adhik ho jata hai. halanki svadeshi karban parat antarik tapaman 50 digri banae rakhati hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. Advanced Systems Laboratory
  2. RING LASER GYROSCOPE

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah