vandan kar bharat mata ka, ganatantr rajy ki bolo jay.
kaka ka darshan prapt karo, sab pap-tap ho jae kshay॥
maian apani tyag-tapasya se janagan ko marg dikhata hooan.
hai kami ann ki isilie chamacham-rasagulle khata hooan॥
gita se jnan mila mujhako, manj gaya atma ka darpan.
nirlipt aur nishkami hooan, sab karm kie prabhu ke arpan॥
atmonnati ke anubhoot yog, kuchh tumako aj bataooanga.
hooan saty-ahiansa ka svaroop, jag mean prakash phailaooanga॥
aee svaraj ki bela tab, 'seva-vrat' hamane dhar liya.
dushman bhi kahane lage dost! maidan apane mar liya॥
jab aantahkaran hua jagrat, usane hamako yoan samajhaya.
aandhi ke am jha d moorakh kshanabhangur hai nashvar kaya॥
grihani ne bhrikuti tan kaha-kuchh apana bhi uddhar karo.
hai sadachar ka arth yahi tum sada ek ke char karo॥
guru bhrashtadev ne sadachar ka goodh bhed yah batalaya.
jo mool shabd tha sadachor, vah sadachar ab kahalaya॥
gurumantr mila aee akkal upadesh desh ko deta maian.
hai sari janata thard klas, earakandishan neta maian॥
janata ke sankat door karooan, ichchha hoti, man bhi chalata.
par bhraman aur udghatan-bhashan se avakash nahian milata॥
ata mahanga, bhate mahange, mahangaee se mat ghabarao.
rashan se pet n bhar pao, to gajar shakarakand khao॥
rrishiyoan ki vani yad karo, un tathyoan par vishvas karo.
yadi atmashuddhi karana chaho, upavas karo, upavas karo॥
darshan-vedaant batate haian, yah jivan-jagat anitya hai.
isalie doodh, ghi, tel, choon, chini, chaval, sab mithya hai॥
rishvat athava upahar-bheant maian nahian kisi se leta hooan.
yadi bhoole bhatake le bhi looan to krishnaarpan kar deta hooan॥
le bhaanti-bhaanti ki aushadhiyaan, shasak-neta age ae.
bharat se bhrashtachar abhi tak door nahian ve kar pae॥
ab keval ek ilaj shesh, mera yah nuskha not karo.
jab khot karo, mat ot karo, sab kuchh danke ki chot karo॥
