एक परिवार की कहानी -अवतार एनगिल  हिन्दी देवनागरी में पढ़ें।

ek parivar ki kahani -avatar enagil
pustak soory se soory tak ka avaran prishth
kavi avatar enagil
mool shirshak soory se soory tak
desh bharat
prishth: 88
bhasha hindi
vishay kavita
prakar kavy sngrah
avatar enagil ki rachanaen
  • ek parivar ki kahani -avatar enagil




pita
kya kaha,
ap mujhe nahin janate?
are, main pita hoon!
varshon pahale lagaye the mainne,
is paniri men
tin nanhen paudhe
ye tinon paudhe mere tin bete hain,
pahale har ped ek beta tha,
ab har beta ek ped hai,
bad-sa, jad .

mujh-sa sukhi kaun hai
tinon mere nam ka dam bharate hain
meri bahuon ki dekh-bhal karate hain.

bahuen prayah kahati hain :
'baboo ji to nadi kinare ke ped hain
kaun jane kab...........'

aur idhar
boodhe mali ki ankhon men motiya utar aya hai
din bhar khojata hai____kidhar chhaya hai
kanon par hath rakh
prayah pratiksha karata hai
shayad abhi kal-bail hogi
koee to aega
kaisi vidambana hai
ek pita ne tin putr pale the
tin putr ek pita ko nahin pal sakate ?

man

are kapooton
is kokh-jali ko dakiyanoosi kahate ho
joruon ke gulamon !
bap dada ka ghar chhod
kirae ke kvartaron men rahate ho.

tum tinon mere tin duahkh the
meri knchan kaya par pade tin kode the
ya ghinaune phode the
tumhare ghavon ne
meri sntulit deh ko
jhurriyon ne bhar diya
mere savan ke jhoolon ko
patajhar-sa kar diya.


tis par
in lipi-puti chudailon ne
bahaka die
mere bhole bete !

purane ghar ke dvaron men jadi
main akeli
'inake' dame, gnthiye, aur andhepan se ladi .

adhi sadi biti
ek bar ghar akar
mainne nrity mudra men darpan dekha tha
ab to jivan hi darpan hai
'ye' hai
main hoon
aur darpan men door kahin tum tinon ho.

bada beta shravan kumar

baboo ji amman ne
keval kam jiya
sharir ki ag men
sab savaha kiya
ye donon patni aur pati the
ya kam aur rati the

man ke svabhav ki kadavahat ko
rekha ne das sal saha
kabhi ek shabd nahin kaha
karta ke kndhon jhoolate
chhote bhaee karm ko bhoolate
kolhoo ka bail
yadi ankh moond chalata
sabhi us par nirbhar karate
bel ban kar jite
to kabhi ped n ban pate .

purane ghar ki parachhattiyon par
chamagadadon se ulte latake
aur din ko rat mahasoos karavate
us trishnku-yug ko jine ki nisabat
tootana kahin behatar tha .

purakhon ka ghar chhodate samay socha

'mera nam shravan kumar hai
par mujhe shravan kumar nahin banana'

mnjhala
nam men kya rakha hai
ap bhi mujhe mnjhala pukar sakate hain
tin bhaiyon men ek
anajana
anachaha mnjhala
adar ke lie bada
sneh ke lie chhota
mnjhala beta paisa khota .

bina phis aur bina baste ke
ghar se skool
skool se ghar
skool se pitata
ghar men ghisatata
abhav ke paton pisata
galiyan sunata
udhedata-bunata
sar dhunata
akhirakar---shahar ke bade vyapari ka
chhota selsamain ban gaya
shadi huee, thodi der laga
sar par asaman tan gaya,

par palak jhapakate hi
dedh kamare ka ghar
aur purane daravaze
patni aur do bachchon se bhar gaye
chalis tak pahunchate
sar ke bal jhar gaye
bis varsh bite
jab main bis ka tha
shayad vah ek yug pahale ki bat hai
ab to rat hai
subah hai
aur phir rat hai.

chhota vinod
dekhie,
meri jokaranuma shakl dekhakar
hnsiyega nahin
main vinod hoon : bappa ka nalayaq chhota beta.

kisi tarah ghisatakar kaaulej pahuncha
to ek din
ek sahapathin ko
chitthi likh baitha
ladaki muskuraee
par agale din aya
haauki uthae usaka bhaee
huee dhunaee

pahuncha ghar
to shravan bhaiya ke samane pesh kiya gaya
ek thi dhunaee
ek thi pitaee
rat jab aee
main bhag khada hua
chhoda oona
pahuncha poona
chhota-mota vyapar kiya
kuchh kamaya
kuchh khaya
kuchh bachaya
ek parasi ladaki se ki shadi
hua ek nanha bachcha.

dhire-dhire
kapadon, karzon, phison ka chakravyooh toda
thoda bahut paisa joda
aur aj
pndrah din ke lie
bina chitthi die
ghar ja raha hoon
ap mitr hain isalie bata raha hoon

oona pahunchakar
man ko sarapraeez doonga
achanak kaaul bail bajaoonga
aur man ke samane
usaki chhoti bahu ko pesh kar kahoonga,
'ji bhar kar galiyan de lo man.

parivar
man kahati hai :
'adhi sadi biti
jab ek bar ghar akar
mainne nrity-mudra men darpan dekha tha
ab to jivan ka darpan hai
'ye hai, main hoon,
aur darpan men door kahin tum tinon ho.'
bada beta kahata hai :
'mera nam shravan kumar hai
par mujhe shravan nahin banana.

anam mnjhala kahata hai :
'adar ke lie bada
sneh ke lie chhota
mnjhala beta paisa khota .

pita bolate hain :
'soone ghar ki divaron se
shayad abhi kaaul bail takaraegi.

chhota vinod chahakata hai :
'oona pahunchakar man ko sarapraeez doonga
achanak kaaul bail bajaoonga
aur man ke samane
usaki chhoti bahoo ko pesh kar kahoonga :
'ji bhar kar galiyan de lo man .


tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah