mere svapn tumhare pas sahara pane ayeange
is boodhe pipal ki chhaya mean sustane ayeange
haule-haule paanv hilao jal soya hai chhedo mat
ham sab apane-apane dipak yahian sirane ayeange
thodi aanch bachi rahane do thoda dhuana nikalane do
tum dekhogi isi bahane kee musaphir ayeange
unako kya maloom niroopit is sikata par kya biti
ve aye to yahaan shankh sipiyaan uthane ayeange
phir atit ke chakravat mean drishti n ulajha lena tum
anagin jhoanke un ghatanaoan ko doharane ayeange
rah-rah aankhoan mean chubhati hai path ki nirjan dopahari
age aur badhe to shayad drishy suhane ayeange
mele mean bhatake hote to koee ghar pahuancha jata
ham ghar mean bhatake haian kaise thaur-thikane ayeange
ham kyoan bolean is aandhi mean kee gharauande toot gaye
in asaphal nirmitiyoan ke shav kal pahachane jayeange
ham itihas nahian rach paye is pida mean dahate haian
ab jo dharayean pakadeange isi muhane ayeange