soory se bhi par pana chahata hai
ik diya vistar pana chahata hai
dekhie, is phool ki zid dekhie to
pattharoan se pyar pana chahata hai
kis qadar hai sust sarakari mulazim
roz hi itavar pana chahata hai
amn ki chahat yahaan hai har kisi ko
har koee talavar pana chahata hai
ik sapan sakar ho jae, bahut hai
har sapan sakar pana chahata hai
phoolabaee kab, kahaan, kaise luti thi
ye khabar akhabar pana chahata hai
maian teri khatir upasthit ho gaya hooan
aur kya upahar pana chahata hai
jisaka mil pana asambhav hai ‘akela’
dil vahi har bar pana chahata hai