कर्पूरी ठाकुर  हिन्दी देवनागरी में पढ़ें।

karpoori thakur
karpoori thakur
poora nam karpoori thakur
any nam jananayak
janm 24 janavari, 1924
janm bhoomi pitaunjhiya (karpoori gram), samastipur, bihar
mrityu 17 pharavari, 1988
nagarikata bharatiy
prasiddhi vah jan nayak mane jate the. saral aur saras hriday ke rajaneta mane jate the.
parti soshalist parti, bharatiy kranti dal, janata parti, lok dal
pad bihar ke 11ven mukhyamntri
kary kal 22 disnbar, 1970 se 2 joon, 1971 tatha 24 joon, 1977 se 21 aprail, 1979 tak do bar bihar ke mukhyamntri pad par rahe.
any janakari bedag chhavi ke karpoori thakur ajadi se pahale 2 bar aur ajadi milane ke bad 18 bar jel ge.

karpoori thakur (angrezi: Karpoori Thakur, janm: 24 janavari, 1924 - mrityu: 17 pharavari, 1988) bharatiy svatntrata senani, shikshak, rajanitigy tatha bihar ke poorv mukhyamntri the. lokapriyata ke karan unhen jan-nayak kaha jata tha.

jivan parichay

24 janavari, 1924 ko samastipur ke pitaunjhiya (ab karpoorigram) men janme karpoori thakur bihar men ek bar upamukhyamntri, do bar mukhyamntri aur dashakon tak vidhayak aur virodhi dal ke neta rahe. 1952 ki pahali vidhanasabha men chunav jitane ke bad ve bihar vidhanasabha ka chunav kabhi nahin hare. rajaniti men itana lnba safar bitane ke bad jab vo mare to apane parivar ko virasat men dene ke lie ek makan tak unake nam nahin tha. na to patana men, na hi apane paitrik ghar men vo ek inch jamin jod pae.

eemanadar neta

jab karodo rupayon ke ghotale men ae din netaon ke nam uchhal rahe hon, karpoori jaise neta bhi hue, vishvas hi nahin hota. unaki eemanadari ke kee kisse aj bhi bihar men apako sunane ko milate hain. unase jude kuchh log batate hain ki karpoori thakur jab rajy ke mukhyamntri the to unake rishte men unake bahanoee unake pas naukari ke lie ge aur kahin sipharish se naukari lagavane ke lie kaha. unaki bat sunakar karpoori thakur gnbhir ho ge. usake bad apani jeb se pachas rupaye nikalakar unhen die aur kaha, “jaie, ustara adi kharid lijie aur apana pushtaini dhndha arnbh kijie.” ek doosara udaharan hai, karpoori thakur jab pahali bar upamukhyamntri bane ya phir mukhyamntri bane to apane bete ramanath ko khat likhana nahin bhoole. is khat men kya tha, isake bare men ramanath kahate hain, “patr men tin hi baten likhi hoti thin- tum isase prabhavit nahin hona. koee lobh lalach dega, to us lobh men mat ana. meri badanami hogi.” ramanath thakur in dinon bhale rajaniti men hon aur pita ke nam ka fayada bhi unhen mila ho, lekin karpoori thakur ne apane jivan men unhen rajanitik taur par age badhane ka kam nahin kiya. prabhat prakashan ne karpoori thakur par ‘mahan karmayogi jananayak karpoori thakur’ nam se do khndon ki pustak prakashit ki hai. isamen karpoori thakur par kee dilachasp snsmaran shamil hain. uttar pradesh ke kaddavar neta hemavati nndan bahuguna ne apane snsmaran men likha, “karpoori thakur ki arthik tngi ko dekhate hue devilal ne patana men apane ek hariyanavi mitr se kaha tha- karpooriji kabhi apase panch-das hazar rupaye mangen to ap unhen de dena, vah mere oopar apaka karj rahega. bad men devilal ne apane mitr se kee bar poochha- bhee karpooriji ne kuchh manga. har bar mitr ka javab hota- nahin sahab, ve to kuchh mangate hi nahin."[1]

sahaj jivanashaili ke dhani

karpoori ji ka vani par kathor niyntran tha. ve bhasha ke kushal karigar the. unaka bhashan adnbar-rahit, ojasvi, utsahavardhak tatha chintanaparak hota tha. kadava se kadava sach bolane ke lie ve is tarah ke shabdon aur vakyon ko vyavahar men lete the, jise sunakar pratipaksh tilamila to uthata tha, lekin yah nahin kah pata tha ki karpoori ji ne use apamanit kiya hai. unaki avaj bahut hi khanakadar aur chunautipoorn hoti thi, lekin yah usi had tak saty, snyam aur snvedana se bhi bharapoor hoti thi. karpoori ji ko jab koee gumarah karane ki koshish karata tha to ve jor se jhalla uthate the tatha krodh se unaka chehara lal ho uthata tha. aise avasaron par ve kam hi bol pate the, lekin jo nahin bol pate the, vah sab unaki ankhon men saph-saph jhalakane lagata tha. phir bhi visham se visham paristhitiyon men bhi shishtachar aur maryada ki lakshman rekhaon ka unhonne kabhi bhi ullnghan nahin kiya. samany, saral aur sahaj jivanashaili ke himayati karpoori thakur ji ko prarnbh se hi samajik aur rajanitik antarvirodhon se joojhana pada. ye antarvirodh anokhe the aur vighatanakari bhi. hua yah ki ajadi milane ke sath hi satta par kangres kabij ho gee. bihar men kangres par oonchi jatiyon ka kabja tha. ye oonchi jatiyan satta ka adhik se adhik svad chakhane ke lie apas men ladane lagin. parti ke bajay in jatiyon ke nam par vot baink banane lage. san 1952 ke pratham am chunav ke bad kangres ke bhitar ki kuchh snkhya bahul pichhadi jatiyon ne bhi alag se ek gut bana dala, jisaka nam rakha gaya ‘triveni sngh’. ab yah sngh bhi us mahanatak men sammilit ho gaya.

shighr hi isake bure natije samane ane lage. snkhyabal, bahubal aur dhanabal ki kali takaten rajaniti aur samaj ko niyntrit karane lagin. rajanitik dalon ka svaroop badalane laga. nishthavan karyakarta aundhe munh girane lage. karpoori ji ne n keval is paristhiti ka datakar samana kiya, balki in pravrittiyon ka jamakar bhndaphod bhi kiya. desh bhar men kangres ke bhitar aur bhi kee tarah ki buraiyan paida ho chuki thin, isalie use sattachyut karane ke lie san 1967 ke am chunav men daau. ramamanohar lohiya ke netritv men gair kangresavad ka nara diya gaya. kangres parajit huee aur bihar men pahali bar gair kangresi sarakar bani. satta men am logon aur pichhadon ki bhagidari badhi. karpoori ji us sarakar men up mukhyamntri bane. unaka kad ooncha ho gaya. use tab aur oonchaee mili jab ve 1977 men janata parti ki vijay ke bad bihar ke mukhyamntri bane. hua yah tha ki 1977 ke chunav men pahali bar rajanitik satta par pichhada varg ko nirnayak badhat hasil huee thi. magar prashasan-tntr par unaka niyntran nahin tha. isalie sarakari naukariyon men arakshan ki mang jor-shor se ki jane lagi. karpoori ji ne mukhyamntri ki haisiyat se ukt mang ko snvidhan sammat manakar ek phaaurmoola nirdharit kiya aur kafi vichar-vimarsh ke bad use lagoo bhi kar diya. is par paksh aur vipaksh men thoda bahut ho-halla bhi hua. alag-alag samoohon ne ek-doosare par jativadi hone ke arop bhi lagae. magar karpoori ji ka vyaktitv nirapad raha. unaka kad aur bhi ooncha ho gaya. apani niti aur niyat ki vajah se ve sarvasamaj ke neta ban ge.[2]

rochak tathy

karpoori thakur ke samman men jari dak tikat
  • karpoori ke 'karpoori thakur' hone ki kahani bhi bahut dilachasp hai. vashishth narayan sinh likhate hain, samajavadi neta ramanndan mishr ka samastipur men bhashan hone vala tha, jisamen chhatron ne karpoori thakur se apane pratinidhi ke roop men bhashan karaya. unake ojasvi bhashan ko sunakar mishr ne kaha ki yah karpoori nahin, ‘karpoori thakur’ hai aur ab isi nam se tum log ise jano aur tabhi se karpoori, karpoori thakur ho ge.
  • karpoori thakur ka janm ek aise parivar men hua tha, jo janmatithi likhakar nahin rakhate aur n phool ki thali bajate hain. 1924 men naee jati ke parivar men janme karpoori thakur ki janm tithi 24 janavari 1924 man li gee. skool men namankan ke samay unaki janm tithi 24 janavari 1924 ankit hain.
  • bedag chhavi ke karpoori thakur ajadi se pahale 2 bar aur ajadi milane ke bad 18 bar jel ge.
  • ye karpoori thakur ka hi kamal tha ki lohiya ki ichchha ke viparit unhonne sanh 1967 men janasngh-kamyunist ko ek chataee par sametate hue avasar aur bhavana se sada anupranit rahane vale mahamaya prasad sinha ko gair-kangresavad ki sthapana ke lie mukhyamntri banane ki disha men pahal ki aur svayn ko parade ke pichhe rakhakar saphalata bhi paee.
  • kisi ko kuchh likhate samay hi karpoori thakur ko nind a jati thi, to nind tootane ke bad ve thik usi shabd se vah bat likhavana shuroo karate the, jo likhavane ke thik pahale ve soye hue the.[3]

nidhan

ve rajaniti men kangres parti ki rajanitik chalon ko bhi samajhate the aur samajavadi kheme ke netaon ki mahatvakankshaon ko bhi. ve sarakar banane ke lie lachila rookh apana kar kisi bhi dal se gathabndhan kar sarakar bana lete the, lekin agar man mutabik kam nahin hua to gathabndhan todakar nikal bhi jate the. yahi vajah hai ki unake dost aur dushman donon ko hi unake rajanitik faisalon ke bare men anishchitata bani rahati thi. karpoori thakur ka nidhan 64 sal ki umr men 17 pharavari, 1988 ko dil ka daura padane se hua tha.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 karpoori thakur ki rajanitik virasat par ghamasan (hindi) vebaduniya hindi. abhigaman tithi: 29 janavari, 2017.
  2. sahaj jivanashaili ke purodha karpoori thakur (hindi) samay laiv. abhigaman tithi: 29 janavari, 2017.
  3. jananayak karpoori thakur ke sngharshon se parichay karati kitab (hindi) ajatak. abhigaman tithi: 29 janavari, 2017.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah