जी.एम.सी. बालायोगी  हिन्दी देवनागरी में पढ़ें।

ji.em.si. balayogi
ji.em.si. balayogi
poora nam ganti mohan chandr balayogi
janm 1 aktoobar, 1951
janm bhoomi poorvi godavari zila, andhr pradesh
mrityu 3 march, 2002
mrityu sthan pashchim godavari zila, andhr pradesh
mrityu karan helikaptar durghatana
nagarikata bharatiy
parti telugu desham parti
pad lokasabha adhyaksh
kary kal 24 march, 1998 - 3 march, 2002
shiksha snatakottar
vidyalay andhr vishvavidyalay, vishakhapattanam
adyatan‎

ganti mohan chandr balayogi (angrezi: Ganti Mohana Chandra Balayogi, janm: 1 aktoobar, 1951 – mrityu: 3 march, 2002) ek bharatiy adhivetta, rajanitigy aur poorv lokasabha adhyaksh the. ganti mohan chandr balayogi ko barahavin lokasabha ka adhyaksh nirvachit hone aur sarvasammati se terahavin lok sabha ka adhyaksh punah nirvachit hone ka samman prapt hai. ek adhyaksh ke roop men unhonne n keval is uchch pad ki pratishtha aur garima ko banae rakhane men balki desh men snsadiy snsthaon ko sudridh banane men bhi ek mahattvapoorn yogadan diya.

jivan parichay

balayogi ka janm poorvi godavari zila, andhr pradesh ke konasima kshetr men gauravamayi tatha vishal godavari nadi ke kinare base yedurulnka namak ek chhote se ganv ke ek kisan parivar se snbndhit shri ganniyya tatha shrimati satyamma ke yahan 1 aktoobar, 1951 ko hua tha. tin bhaee-bahanon men unase badi ek bahan tatha ek chhota bhaee hai. balayogi ne apane ganv men vidyalay nahin hone ke karan guttenadivi ganv se prathamik shiksha grahan ki. unhonne kakinada se snatak tatha andhr vishvavidyalay, vishakhapattanam se snatakottar evn vidhi ki digriyan prapt kin. balayogi ne apane vidhik jivan ki shuruat shri gopalasvami shetti ke margadarshan men 1980 men kakinada men adhivakta ke roop men ki. varsh 1985 men unaka chayan pratham shreni ke dandadhikari ke roop men hua. kintu unhonne seva se tyagapatr de diya tatha kakinada men vakalat karane vapas laut ae.

rajaniti men pravesh

varsh 1982 men andhr pradesh men "enatiar ki lahar" ayi jab lokapriy sine nayak en.ti. ramarav ne rajaniti men pravesh kiya tatha telugu desham parti ka gathan kiya. us samay kee shikshit aur yuva andhravasi us lahar men sammilit hue aur balayogi bhi navagathit parti ke karyakartta ke roop men shamil hue. unhen rajanitik manyata aur jimmedari us samay shighr hi prapt huee jab unhonne 1986 men kakinada ke sahakari taun baink ke upadhyaksh ka padabhar grahan kiya. ve varsh 1987 men poorvi godavari zila praja parishad ke cheyaramain nirvachit kiye gaye aur ve 1991 men isi pad par tab tak bane rahe jab tak ki isi varsh rajanitik bhagy ne unhen uchch pad par nahin pahuncha diya.

lokasabha sansad

balayogi ne ek sansad ke taur par apana jivan tab arnbh kiya jab 1991 men ve telugoo desham parti ke tikat par amalapuram nirvachan kshetr se dasavin lok sabha ke lie pahali bar nirvachit hue. pahali bar lok sabha ka sadasy banane par balayogi ne sabha ke niyamon evn prakriyaon ko samajhane men gahari ruchi li tatha sabha ki karyavahi men bhi bhag liya. varsh 1996 ke am chunav men balayogi is sit se har ge. tathapi is parajay ne unaki himmat nahin todi aur unhonne logon ki seva karane ke dridh nishchay evn ati utsah ke sath kam karana jari rakha. ve shighr hi mummidivaram vidhan sabha kshetr ke upachunav men andhr pradesh vidhan sabha ke sadasy nirvachit hue. usake bad unhen andhr pradesh sarakar men uchchatar shiksha mntri niyukt kiya gaya. ek mntri ke roop men unhonne shiksha pranali ko majaboot karane aur use yuktisngat banane ke lie eemanadari se prayas kiye. unaka vishvas tha ki rozagar ke sndarbh men shiksha aur prashikshan ki bhoomika aur usake uttaradayitv ki savadhanipoorvak paribhasha ki jani chahie. unaka yah vichar bhi tha ki shiksha shikshit vyakti ke samajik karyon aur arthik bhoomikaon ke anuroop honi chahie.

lokasabha adhyaksh

balayogi ne 1998 ke am chunav me telugoo desham parti ke ummidavar ke roop men apane purane nirvachan kshetr, amalapuram se chunav lada aur 90,000 maton ke bhari bahumat se chunav jitakar doosari bar lok sabha ke lie nirvachit hue. unaki kismat men rashtriy rajaniti men bada pad pana likha tha aur sattadhari gathabndhan ke samarthan se ve lokasabha adhyaksh ke pad lie ek saphal ummidaravar ke roop men ubharakar samane ae. balayogi 24 march, 1998 ko desh ke rajanitik itihas ke atynt najuk daur men lokasabha adhyaksh ke mahattvapoorn pad ke lie nirvachit hue. telugoo desham parti jisase ve sambaddh the, gathabndhan sarakar ka bahar se samarthan kar rahi thi. us samay kisi bhi parti ke pas spasht bahumat nahin hone ke karan sabha ki snrachana bahut jatil thi aur sabha men lagabhag 40 rajanitik dalon ke pratinidhi the. sabha ke vartaman svaroop men, jabaki sattadhari gathabndhan evn pratipaksh ke lagabhag barabar sadasy the, adhyaksh balayogi ne, jo is pad par asin hone vale aj tak ke sabase kam ayu ke vyakti the, svayn ko atynt visham sthitiyon men paya. adhyaksh ka pad snbhalane par is paridrishy ka vishleshan karate hue unhonne tippani ki ki hamara desh samajik-rajanitik parivartan ke daur se gujar raha hai aur is parivartan ke anuroop pichhale kee varshon se sabha ki snrachana men bhi badalav a raha hai. balayogi ji ka dridh vishvas tha ki vidhayika samajik parivartan ka prabhavi sadhan hai tatha sadasyon ko parivartan ki is prakriya ko age badhane tatha desh ke bhavi nirman hetu marg-darshan karane ki disha men ek mahattvapoorn bhoomika nibhani hai.

vyaktitv

saumy aur mridubhashi vyaktitv ke dhani balayogi ji ek aise vyakti the, jinhen svayn ko logon ke bich pakar bahut prasannata hoti thi. chhote aur bade samarohon men jane ke lie sadaiv taiyar rahane ki unaki ichchha se is bat ka pata asani se chal jata hai. ve oorja se labarej the, yahi karan tha ki ve poore din kam karane ke bavajood bhi ekadam tarotaja bane rahate the. logon ke sath jude rahane ki unaki ichchha ke karan hi unake andhr pradesh ke konasima kshetr ke vibhinn samajik, sanskritik sngathanon aur kriyakalapon se ghanishth snbndh the.

balayogi ne lok sabha sadasy athava vidhan sabha sadasy athava ek mntri ya zila praja parishad ke cheyaramain ke roop men jo bhi pad dharan kiya, unhonne apane karttavyon ka nirvahan dakshatapoorvak aur sahajabhav se kiya. unaka yah manana tha ki sarvajanik jivan jine vale logon par achar snbndhi manadndon aur naitik moolyon ko banae rakhane ki vishesh jimmedari hoti hai. unhonne apane is vaktavy par qayam rahate hue rajy men intaramidiet ki parikshaon men prashn-patron ke lik hone snbndhi kathit vivad ki naitik jimmedari lete hue andhr pradesh ke uchchatar shiksha mntri ke pad se tyagapatr de diya tha. yah ek aisa nirnay tha, jisaki sarvajanik jivan men eemanadari banae rakhane ke ek udaharan ke roop men vyapak sarahana ki gee. lekin mukhyamntri ko unaki eemanadari par leshamatr ka bhi sndeh nahin tha atah unhonne unaka tyagapatr asvikar kar diya aur balayogi ko unake pad par bane rahane ke lie kaha gaya.

nidhan

balayogi jab apani lokapriyata ke charam par the tabhi kal ke kroor hathon ne unhen hamase chhin liya. shri balayogi ka nidhan 3 march, 2002 ko kaikalur, pashchim godavari zila, andhr pradesh men huee helikaptar durghatana men hua tha.


panne ki pragati avastha
adhar
prarambhik
madhyamik
poornata
shodh

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah