माधवराव सिंधिया  हिन्दी देवनागरी में पढ़ें।

madhavarav sindhiya
Madhavrao-Scindia.jpg
poora nam madhavarav sindhiya
janm 10 march, 1945 ee.
janm bhoomi gvaliyar, madhy pradesh
mrityu 30 sitnbar, 2001 ee.
mrityu sthan mainapuri, uttar pradesh
mrityu karan viman durghatana
abhibhavak jivaji rav sindhiya, vijayaraje sindhiya
pati/patni madhaviraje sindhiya
sntan jyotiradity sindhiya, chitrangada raje
nagarikata bharatiy
parti kangres
pad poorv kendriy mntri- rel, manav snsadhan, soochana prasaran
kary kal san 1971 se 2001 ee.
shiksha em. e. (aksan), vinachestar kaaulej, inglainnd
vidyalay sindhiya skool, aauksaford yoonivarsiti briten
bhasha hindi, angrezi
any janakari madhavarav sindhiya ne kee deshon ki yatra ki, sitambar, 1989 men ravana men huee intar parliyament yooniyan kanfres tatha joon 1984 men baaun men ayojit indo-jarman seminar men pratinidhi ke roop men ge.

madhavarav sindhiya (angrezi: Madhavrao Scindia, janm: 10 march, 1945 - mrityu: 30 sitnbar, 2001) kangres ke prasiddh neta the. madhavarav sindhiya ka rajanitik safar sanh 1971 se 2001 tak raha.

jivan parichay

madhavarav sindhiya ka janm 10 march, 1945 ee. ko gvaliyar ke sindhiya parivar men hua tha. madhavarav sindhiya gvaliyar rajagharane ki rajamata vijayaraje sindhiya aur jivaji rav sindhiya ke putr the. madhavarav sindhiya ne apani shiksha sindhiya skool se ki thi. sindhiya skool ka nirman inake parivar dvara gvaliyar men karaya gaya tha. usake bad madhavarav sindhiya ne aauksaford yoonivarsiti se apani shiksha prapt ki. madhavarav sindhiya ka vivah madhaviraje sindhiya se hua tha. madhavarav sindhiya ke putr jyotiradity v putri chitrangada raje hain. jyotiradity sindhiya bhi rajaniti men hain. madhavarav sindhiya ka nam madhyapradesh ke chuninda rashtriy rajanitigyon men kafi oopar hai. madhavarav sindhiya rajaniti ke lie hi nahin balki kee any ruchiyon ke lie bhi vikhyat rahe hain. kriket, golph, ghudasavari aur har chiz ke shauqin hote hue bhi madhavarav sindhiya ne samany vyakti jaisa jivan vyatit kiya tha.

rajanitik safar

riyasaton ka vazood desh men bhale hi khatm ho gaya ho, raja am logon ke nishane par rahe hon lekin madhy pradesh ki gvaliyar riyasat ek aisi riyasat hai jisake log aj bhi sindhiya raj parivar ke sath khade dikhaee dete hain. chunav chahe lokasabha ka ho ya vidhanasabha ka ho. yadi pratyashi sindhiya parivar ka hai to usaki jit lagabhag tay rahati hai. halanki chunavi muqabale kade hote hain, par parti lain se hatakar log sindhiya parivar ko hi samarthan dete hain. sindhiya raj parivar ka samarthan jis pratyashi ko raha hai vah chahe jis bhi dal men ho use logon ne jitaya hai. 1952 se yahi parnpara chali a rahi hai.

madhavarav sindhiya apani aauksaford yoonivarsiti se padhaee poori karake vapas ane ke bad zyadatar samay munbee men hi vyatit karate the. rajamata vijaya raje sindhiya unhen janasngh men lana chahati thin. hindoovadi neta 'saradar angre' ka rajamata par gazab ka prabhav tha. unhin ke chalate madhavarav bhi janasngh men ge. 1971 men vijayaraje sindhiya ke putr madhavarav sindhiya ne apani man ki chhatrachhaya men rajaniti ka kakahara padhana shuroo kiya aur unhonne tab pahala chunav janasngh se lada.[1] 1971 ke is chunav men madhavarav sindhiya ne kangres ke 'di. ke. jadhav' ko ek lakh 41 hazar 90 maton se parajit kiya. 1977 men sindhiya svatntr ummidavar ke taur par maidan men utare aur unhonne barah koniy sngharsh men lokadal ke 'ji. es. dhillan' ko 76 hazar 451 maton se parajit kiya.

1980 men madhavarav sindhiya ne kangres ka daman thama aur unhonne tab janata parti ke pratyashi 'naresh jauhari' ko ek lakh se adhik maton se shikast di. 1984 men sindhiya ne gvaliyar se chunav ladane ka man banaya aur unhonne apane hi vishvast 'mahendr sinh kalookheda' ko kangres se is kshetr ki ummidavari ka bhar saunpa aur unhonne bhajapa ke 'udhav sinh raghuvnshi' ko ek lakh 40 hazar 480 voton se hara diya. madhavarav sindhiya ke kangres men jane ke bad gvaliyar us samay charcha men aya tha jab 1984 ke am chunav men unhonne bijepi ke diggaj neta atalabihari vajapeyi ko haraya tha. vah chunav charcha ka vishay isalie bana tha ki janasngh aur bijepi ka gadh mane jane vala gvaliyar sindhiya ke gadh ke roop men samane aya tha.[2]

madhavarav sindhiya ne 1984 ke bad 1998 tak sabhi chunav gvaliyar se hi lade aur jit bhi hasil ki. 1996 men to kangres se alag hokar bhi vah bhari bahumat se jite the. 1999 ke chunav men asvasth rajamata ne apane putr madhavarav sindhiya ko yah asndi chhod di aur 1999 men madhavarav sindhiya ne panch ummidavaron ki mauzoodagi men apane nikatatam pratidvndvi bharatiy janata parti ke desharaj sinh ko do lakh 14 hazar 428 maton se kirtiman shikast di. is prakar chaudah men se das chunavon men mahal ne apana paracham kabhi man to kabhi bete ke jarie phaharaya. gyarahavin dafa bhi mahal hi paroksh roop se is sit par 'mahendr sinh' ke roop men qabij raha.

madhavarav sindhiya ka rajanitik safar
dinank / varsh pad
1971 lokasabha (panchavi) ke lie nirvachit
agast, 1977 se disambar, 1979 tak sadasy, paramarshadata samiti, raksha mntralay
1977 lokasabha (chhathi) ke lie pun: nirvachit
1980 lokasabha (satavin) ke lie tisari bar nirvachit
aprail, 1980 se julaee, 1983 tak sadasy, paramarshadatri samiti, videsh mntralay
agast, 1983 se aktoobar, 1984 tak sadasy, paramarshadatri samiti, raksha mntralay
1984 lokasabha (athavin) ke lie chauthi bar nirvachit
1984 se disambar, 1989 tak rel rajy mntri
1987 se 29 janavari, 1990 tak sadasy, pnjab vidhan sabha (shaktiyon ka pratyayojan) adhiniyam,

1987 ke antargat gathit paramarshadata samiti.

1989 lokasabha (nauvin) ke lie panchavi bar chune ge.
1990 sadasy, paramarshadatri samiti, raksha mntralay.
7 joon, 1990 sadasy, vigyan aur praudyogiki sambandhi vishay samiti
1991 lokasabha (dasavin) ke lie chhathi bar nirvachit
23 joon, 1991 kendriy nagar vimanan aur paryatan mntri
1991 sadasy, samany prayojan samiti

madhyavadhi chunav ki sanh 1999 men phir se shuruat huee. yah tin sal ki avadhi men doosara madhyavadhi chunav tha. madhavarav sindhiya ek bar phir guna se maidan men the. sindhiya ko vahan ki janata ne sir ankhon par bitha liya. vikas karyon ki badaulat unaki chhavi vikas ke masiha ki thi, aur yah chhavi logon ke sir chadhakar bol rahi thi. desharaj sinh ko bhajapa ne ummidavar banaya, lekin ve sindhiya ke samaksh kamazor pratyashi sabit hue the. chunav-prachar se lekar parinam tak sindhiya ne jo badhat banaee, vo unake karishme ko sabit karane vali thi. ve qarib dhaee lakh voton se jite. shivapuri zile ki charon vidhanasabha siton par unaki badhat 141000 se zyada rahi. guna zile ki char vidhan sabha siton par bhi unhen adhik vot mile. yah sindhiya ki lagatar navin jit thi.[3] 30 sitnbar 2001 ko madhavarav sindhiya ki asamay maut ke karan rikt huee is sit par upachunav men unake putr jyotiradity sindhiya ne char lakh se adhik maton se bazi mari. unhonne bhajapa ke 'rav desharaj sinh' ko haraya aur 2004 ke chunav men sindhiya bhajapa pratyashi 'harivallabh shukla' se 85 hazar maton se vijayi rahe.

snsadiy dal ke upaneta

madhavarav sindhiya ne lagatar nau bar lokasabha chunav jitakar kirtiman qayam kiya. ve lokasabha men madhavarav sindhiya kangres snsadiy dal ke upaneta banae ge the. is samay shri sindhiya kangres ki sarvesarva shrimati soniya gandhi ke sabase vishvasaniy sahayogi ban chuke the tabhi 30 sitnbar 2001 ko ek viman durghatana men madhavarav sindhiya ka nidhan ho gaya. madhavarav sindhiya jivit rahate to aj pradhanamntri hote. 'snghavi' ne 'madhavarav sindhiya e laiph' men ek jagah yah bhi likha hai ki yadi ve janasngh (bhajapa) men rahate tab bhi shayad pradhanamntri banate.[1]

prashikshan snsthan

sansad shri jyotiradity sindhiya ne snsthan ke samaroh ko sambodhit karate huye kaha ki is snstha ki sthapana men jahan jivajirav sindhiya ne sahayog diya vahin madhavarav sindhiya ne is snstha ko rashtriy star ke vishvavidyalay ka darja dilaya. is snstha ne desh men hi nahin balki antarrashtriy star par bhi khelon ke kshetron men anekon pratibhaain di hain. jyotiradity sindhiya ne kaha ki is snstha men adhosnrachana evn vikas ke sath-sath parampara evn adhunikata ke samanvay ki bhi avashyakata hai. unhonne kaha ki lakshmibaee rashtriy sharirik prashikshan snsthan gvaliyar sharirik shiksha ki disha men ullekhaniy yogadan dene ke sath-sath anchal ka nam roshan karega.[4]

'madhavarav sindhiya e laiph'

madhavarav sindhiya ke samman men bharat sarakar dvara jari dak tikat

yah kitab madhavarav sindhiya ke jivan par adharit hai. ye kitab patrakar vir snghavi v namita bhndare ne likhi hai. kangres adhyaksh soniya gandhi ko apane rajanitik jivan ki shuruat men sabase zyada madad poorv kendriy mntri divngat madhavarav sindhiya se mili thi. sindhiya ke jivan par adharit kitab 'madhavarav sindhiya e laiph' ke vimochan ke mauke par soniya gandhi ne un dinon ki yadon ko taza kiya.[5] soniya ne kaha ki unhen hamesha is bat ka malal rahega ki 13 mee, 2004 ko jab kendr men snprag ki sarakar bani to madhavarav us khushi men shamil hone ke lie vahan nahin the. soniya ne divngat kangresi neta madhavarav ki sahridayata aur zosh ko yad karate hue kaha ki ek sahakarmi ke taur par ve bilkul spasht bat karate the, sahi salah dete the. unake bare men kabhi ye nahin sochana padata tha ki unaki baton ka koee 'gupt arth' to nahin. soniya gandhi ne kaha, 'main pahali bar 1999 men lokasabha pahunchi thi. mujh par neta pratipaksh ki zimmedari thi. yah mere lie naya aur kathin anubhav tha.' soniya ne kaha ki pratipaksh ke upaneta ke taur par sindhiya ne unaki kafi madad ki aur kee zimmedariyan uthaee. soniya gandhi ne bataya ki rajanitik jivan shuroo hone se pahale ve sindhiya ko thoda-bahut hi janati thin. sindhiya unake pati rajiv gandhi ke kafi qaribi the. soniya ne kaha ki ve unhen ek aise mntri ke roop men janati thin jinaka vibhag panch sal men ek bar bhi nahin badala. madhavarav sindhiya se unaka parichay rajanitik jivan shuroo hone ke bad hi hua. vo kangres ke lie mushkil vaqt tha, lekin madhavarav sindhiya janate the parti ke samaksh harane ka vikalp hi nahin tha.[5]

samaj seva

madhavarav sindhiya ki samaj seva, shiksha ko protsahan, vany jivan snrakshan men vishesh ruchi thi. isake alava vah amod-pramod evn manornjan – kriket, tairaki adi ke shauqin the. madhavarav sindhiya janaseva ke lie prerana srot the. unhonne jivan bhar garibon ki madad ki hai. sindhiya vicharamnch ke pradesh adhyaksh da. anil mishra ne sindhiya ji ke jivan par prakash dalate hue kaha ki desh ke vikas ke lie madhavarav sindhiya ne kee kary kie hain. unhen bhulaya nahin ja sakata hai.[6]

mrityu

madhavarav sindhiya ka nidhan 30 sitnbar 2001 men uttar pradesh ke mainapuri zile men viman durghatana men hua tha. madhavarav sindhiya ki yatra bhi shayad tal jati, yadi ve akhiri vaqt par apana guna ka karyakram nahin badalate.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 rajagharane men bnd dastanen (hindi) (ech.ti.em.el) dainik bhaskar. abhigaman tithi: 25 sitnbar, 2010.
  2. sindhiya ka qila fatah karana asan nahin (hindi) navabharat taims. abhigaman tithi: 25 sitnbar, 2010.
  3. ajey' sindhiya ki rikaaurd jit (hindi) (ech.ti.em) vebaduniya. abhigaman tithi: 25 sitnbar, 2010.
  4. madhavarav sindhiya ki adamaqad pratima ka anavaran (hindi) chnbal ki avaz. abhigaman tithi: 25 sitnbar, 2010.
  5. 5.0 5.1 yad kar bhavuk ho uthin soniya (hindi) presanot daaut in. abhigaman tithi: 25 sitnbar, 2010.
  6. madhavarav sindhiya ki smriti men banega park (hindi) (ech.ti.em.el) dainik bhaskar. abhigaman tithi: 25 sitnbar, 2010.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah