कोरोना विषाणु  हिन्दी देवनागरी में पढ़ें।

korona vishanu
korona vishanu
adhijagat vayaras (Virus)
jagat raiboviriya (Riboviria)
sngh anishchit
gan nidoviralis (Nidovirales)
kul koronaviridae (Coronaviridae)
upakul aaurthokoronavirinae (Orthocoronavirinae)
vnsh alfakoronavayaras (Alfacoronavirus), betakoronavayaras (Betacoronavirus)

gamakoronavayaras (Gammacoronavirus), deltakoronavayaras (Deltacoronavirus)

any janakari korona vayaras tailiy lipid ke bulabule ke andar hota hai. is bulabule ke charon taraph protin aur lipids ki parat hoti hai. isi parat se protin ke kante nikale hote hain. korona vayaras nak, munh ya ankhon ke jarie sharir men ghusata hai.
korona vishanu (angrezi: Corona virus) kee prakar ke vishanuon ka ek samooh hai, jo stanadhariyon aur pakshiyon men rog ke karan hain. yah ar.en.e. vishanu hote hain. manav men yah shvas tntr snkraman ka karan banate hain, jo adhikanshat: kam ghatak lekin kabhi-kabhi janaleva siddh hote hain. gay aur sooar men korona vishanu atisar aur murgiyon men oopari shvas tntr ke rog ke karan banate hain. inaki rokatham ke lie koee tika (vaiksin) ya entivayaral abhi upalabdh nahin hai. sabun se hath dhona hi bachav ka sabase behatarin tarika hai, kyonki korona vayaras ki bahari parat protin ya tailiy lipid se bani hoti hai, jise sabun ka pani tod deta hai. isake bad vayaras ka stren kamajor pad jata hai. chin ke voohan shahar se utpann hone vala '2019 novel korona vishanu' isi samooh ke vayarason ka ek udaharan hai, jisaka snkraman 2019-2020 se badi hi tezi se poore men phail raha hai. vishv svasthy sngathan ne ise 'kovid-19' (COVID-19) nam diya hai.

korona vishanu parivar

korona vishanu samay-samay par manav abadi men phailate rahe hain aur vayaskon aur bachchon men sans lene men snkraman ka karan banate hain. ye mukhy roop se sardiyon aur shuruati vasnt ritu men hi jyada takatavar hote hain. abhi tak korona vishanu parivar ke sat vishanuon ka pata lagaya gaya hai, jinaka vivaran nimn hain-

echasiovi-229-ee

manav korona vayaras 229-ee (echasiovi-229-ee) korona vishanu ki ek prajati hai, jo manushyon aur chamagadadon ko snkramit karati hai. yah snkramak vayaras ek singal-stranded ar.en.e. vayaras hai, jo epien riseptar ke jariye apane manushyon ki koshikaon men pravesh karata hai. echasiovi-229-ee chhoti-chhoti ulti aur shvasan ke madhyam se prasarit hota hai. isake lakshanon men sardi-jukam se lekar tej bukhar jaise ki nimoniya aur bronkolaitis shamil hain.[1]

echasiovi-enel-63

echasiovi-enel-63 alpha korona vayaras hai. isaki pahachan 2004 ke ant men nidaralaind ke bronkolaitis vale sat mahine ke bachche men ki gee thi. bad men duniya men kee bimariyon ke sath isaka judav samane aya hai. in bimariyon men shvans nalika ke snkraman, krup aur bronkolaitis shamil hain. vishanu mukhy roop se chhote bachchon, bujurgon aur tivr shvasan snbndhi bimari ke rogiyon men paya jata hai. emstardam men ek adhyayan ke anusar, lagabhag 4.7% am shvasan rogon men echasiovi-enel-63 ki upasthiti hai.

echasiovi-osi-43

echasiovi-229-ee ke sath-sath, echasiovi-osi-43 bhi ek samany sardi ka karak vishanu hai. yah vishanu shishuon men nimoniya sahit, shvasan nalika snkraman panapata hai. bujurg aur kamajor rog pratirodhak kshamata vale vyaktiyon jaise ki kimotherepi se gujarane vale aur echaeevi-eds se pidit log bhi isake jyada shikar hote hain. sardi ke mausam men jab jukham hota hai to yah isi vishanu ki badaulat hai.

echasiovi-echakeyoo-1

echasiovi-echakeyoo-1 ko pahali bar janavari, 2005 men hangakang ke ek 71 varshiy vyakti men pahachana gaya tha, jo ki tivr shvasan samasya se joojh raha tha. usamen rediyolaaujikal roop se dvipakshiy nimoniya ki pushti ki gee thi. us dauran yah adami chin ke shenajhen se lauta tha.

sars

korona vayaras ke parivar ka ek poorvaj vayaras sars (siviyar ekyoot rispiretari sindrom) sabase pahale 2003 men chin men paya gaya tha. yah chamagadadon se insanon men aya tha. isaki vajah se 2003 men chin aur hangakang men karib 650 log mare ge the. janch men pata chala tha ki yah vishanu chamagadadon se insanon men aya tha.

mars

madhy-poorv deshon men mars-siovi (midil eest rispiretari sindrom vayaras) ko 2012 men soodi arab men khoja gaya tha. yah vayaras korona vayaras parivar ka poorvaj hai. mars-siovi ki vajah se ab tak madhy-poorv ke deshon men 800 se jyada logon ki maut ho chuki hai. yah vayaras oonton ke jariye insanon men aya tha.

noval korona vayaras

korona vishanu (kovid-19)

noval korona vayaras (kovid-19) ka pahala mamala disnbar, 2019 men chin ke vuhan men samane aya tha. isake lakshanon men bukhar, sardi-jukham, khansi, sans lene men takaliph hoti hai. ye lakshan sars aur mers se kaphi milate-julate hain. kovid-19 ki anuvanshik snrachana 80 phisadi tak chamagadadon men pae jane vale sars vayaras jaisi mili hai.

kovid-19 zyada chintajanak

manav men kovid-19 ka snkraman atyadhik gambhir hai. isake lakshan jaldi nahin dikhate. hangakang yoonivarsiti men klinikal prophesar jaaun nikolas ke mutabik, noval korona vayaras ki pushti n hone par bhi khatara barakarar rahata hai. ek-do haphte bad dobara janch jaroori hai, kyonki yah vayaras deri se panapata hai. shvasan tntr par hamala karane vala kovid-19 khansi, chhink ke jariye chhah phit ke dayare men doosare vyakti tak pahunch sakata hai aur 14 dinon tak isake lakshan nahin dikhate.

atyadhik ghatak

kovid-19 ne snkraman aur mauton ke mamale men korona shreni ke hi vayaras sars ko pichhe chhod diya hai. 2002-2003 men phaile sars ki chapet men chin men 5,327 log ae the aur duniya bhar men 750 log mare ge the. kovid-19 vayaras par kaboo pane ki koshish vaigyanik kar rahe hain, jabaki sars aur mars ka bhi jad se unmoolan nahin hua hai. kee deshon men salon bad bhi inake dobara sakriy hone ki ashnka bani rahati hai. kovid-19 se abhi tak jiv-jntuon ke prabhavit hone ka koee mamala samane nahin aya hai. ek shodh ke anusar any korona vayaras gay, sooaron aur oont adi men dayariya ka karan banate hain.

manav sharir men pravesh

korona vayaras tailiy lipid ke bulabule ke andar hota hai. is bulabule ke charon taraph protin aur lipids ki parat hoti hai. isi parat se protin ke kante (Spikes) nikale hote hain. korona vayaras nak, munh ya ankhon ke jarie sharir men ghusata hai. isake bad ye sharir ki koshikaon tak jata hai. insani sharir ki koshikaen esiee 2 namak protin paida karati hain. isake bad korona vayaras ka tailiy lipid bulabula phoot jata hai. vah koshika ki bahari parat ko khol deta hai. phir tailiy lipid ke andar maujood korona vayaras ka stren ya arene hamari koshikaon men ghus jata hai. korona vayaras ka jinom sharir ki koshikaon men ek nigetiv vayaral protin banana shuroo kar deta hai. isake lie vah koshikaon se oorja leta hai taki vah sharir ke andar hi ne korona vayaras paida kar sake. dhire-dhire korona vayaras jaise kante hamare sharir ki koshikaon men vikasit hone lagate hain. yani hamari koshikaen bhi korona vayaras jaisi banane lagati hain. phir, ye tootakar ne korona vayarason ko janm dena shuroo karati hain. isake bad insan ke sharir men hi shuroo ho jati hai korona vayaras ki esenbaling arthat vayaras ke ne arene sharir men phailane lagate hain. ye ne vayaras ko paida karate hain. phir insani sharir ke andar hi alag-alag koshikaon se milakar ne korona vayaras banane lagate hain.[2]

manav sharir ke andar snkramit har koshika lakhon vishanu bana sakati hai. ant men insani sharir ki koshikaen marane lagati hain. phir dhire se ye vishanu phephadon men pahunchakar aauksijan saph karane ki prakriya ko badhit kar deta hai. aisi sthiti men sharir ki pratirodhak pranali vishanu se mukabala karati hai. tab bukhar ata hai. jab sthiti jyada gnbhir hoti hai, tab hamara imyoon sistam hamare phephadon ki koshikaon par hi hamala karata hai. isase phephade badhit hote hain; kyonki is prakriya men kaph banane lagata hai. ye kaph mari gee snkramit koshikaen hoti hain. isi vajah se manav sans nahin le pata aur usaki maut ho jati hai.

khansane ya chhinkane se phephadon men mari gee snkramit koshikaen pani ya thook ya kaph ki boondon ke roop men bahar ate hain, jo kuchh ghnton se lekar kuchh dinon tak bahari vatavaran men jivit rah sakate hain. sath hi any logon ko snkramit kar sakate hain. isalie log mask lagane ko kahate hain. bhavishy men ho sakata hai ki korona vayaras kovid-19 ke lie koee vaiksin bana liya jae taki vah insani sharir par yadi hamala kare to vah koee nukasan n pahuncha pae. abhi is vishanu ke niyntran ke lie koee vaiksin nahin hai. sabun se hath dhona hi bachav ka sabase behatarin tarika hai, kyonki korona vishanu ki bahari parat protin ya tailiy lipid se bani hoti hai, jise sabun ka pani tod deta hai. isake bad vishanu ka stren kamajor pad jata hai.

korona ka el (L) stren

korona vayaras ke snkraman se bharat ka gujarat buri tarah se prabhavit hai. yahan 133 se bhi adhik maut ho chuki hain.[3] vishashegyon ka manana hai ki is rajy men mrityu dar jyada hone ki vajah vayaras ka L stren ho sakata hai, jo ki isaka sabase ghatak stren hai aur yahi chin ke vuhan men bhi dikha tha. L taip stren nam ka ye stren kaphi ghatak hai aur gujarat men maut ki dar jyada hone ke pichhe ye ek badi vajah ho sakata hai. vahin keral men isaka S taip stren mil raha hai, jo apekshakrit kamajor hai aur vahan par maut ki dar kam hone ke pichhe ye bhi vajah ho sakati hai. gujarat men ji.bi.ar.si. ke dayarektar siji joshi ke anusar- "L stren vayaras ke doosare prakar S taip stren se kaphi ghatak hota hai. duniya men jahan bhi mauton ki dar jyada hai, vahan vayaras ka yahi stren mila hai.

tin tarah ke myooteshan

hal hi men ji.bi.ar.si. ko korona vayaras ka jinom sikvens alag-alag karane men badi saphalata mili. isamen vayaras ke tin myooteshan samane ae. keral men dubee se vayaras ka prasar hua, jahan S stren ke mamale jyada the. vahin itali aur phrans men L stren vale marij jyada the, jahan se laute bharatiyon ke sath L stren taip aya. ek aur stren hai jo nyooyaaurk men dikh raha hai, jis par vaigyanik kam karane men jute hue hain.

korona ka stren kya hai, ye samajhane ke lie yah janana jaroori hai ki korona vayaras kya hai. korona vayaras asal men singal strended RNA vayaras ka samooh hai, jo bimariyan paida karata hai. janavaron men ab tak saikadon tarah ke korona vayaras dekhe ja chuke hain, vahin inamen se 7 hi korona vayaras hain, jo insanon par asar dalate hain. manav ko snkramit karane vala korona sabase pahale sal 1960 men dikha tha. ye bachchon men sans dene men pareshani jaisi samasya paida karata tha. sal 1965 men do vaigyanikon DJ Tyrrell aur ML Bynoe ne isaki pahachan ki, lekin do salon bad hi ise korona vayaras nam diya gaya. isake mukutanuma nukile akar ke karan ise korona kaha gaya.

el aur es stren men antar

naya yani SARS-CoV-2 do bade staron men bnta dikh raha hai. peking yoonivarsiti skool aauf laif sains aur shnghaee yoonivarsiti ke vaigyanikon ne 103 marijon ke sainpal lekar is par shodh kiya, jisamen ye nikalakar aya. in donon staron ko L aur S taip nam diya gaya. lakshanon men saman dikhane ke bad bhi donon men kaphi phark hota hai. disambar 2019 men vuhan men vayaras ka L taip dikha, jo jyada ghatak hota hai, lekin janavari 2020 ke bad ane vale mamalon men ye S taip men badal gaya. S stren utana gnbhir nahin hota, lekin isake sath bhi ek mushkil ye hai ki bimari ke lakshan der se ya nahin ke barabar rahate hain. aise men marij aspatal jane ya test men der karata hai. yani snkraman jyada vakt tak sharir men rahata hai aur anajane hi ek se doosare men phailata rahata hai. neshanal sains rivyoo men chhapi is stadi ke mutabik korona ka S stren taip jyada purana hai, lekin ye keval 30 pratishat mamalon men dikh raha hai. vahin doosara taip naya hai, jo vayaras ke myooteshan se bana mana ja raha hai. ye L taip jyada ghatak hai.[4]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. sat tarah ke korona vishanu, lekin janie kovid-19 ne chinta kyon badhaee (hindi) livehindustan.com. abhigaman tithi: 23 march, 2020.
  2. korona vayaras aise ghusata hai apake sharir men (hindi) aajtak.intoday.in. abhigaman tithi: 23 march, 2020.
  3. 27 apral, 2020 tak
  4. bharat men 20 mee tak khatm ho sakata hai korona vayaras- singapur yoonivarsiti ki risarch (hindi) hindi.news18.com. abhigaman tithi: 27 apral, 2020.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah