छत्रसाल  हिन्दी देवनागरी में पढ़ें।

chhatrasal ke samman men jari bharatiy dak tikat

bundela saradar champataray ke putr aur uttaradhikari ka nam chhatrasal tha. apana svatntr rajy sthapit karane ki asha ke sath usane shivaji ki tarah sahas aur jokhimapoorn jivan bitane ka faisala kiya. bundelakhnd ki bhoomi prakritik sushama aur shaury parakram ki bhoomi hai, jo vindhyachal parvat ki pahadi़yon se ghiri hai. chnpataray jinhonne bundelakhnd men bundela rajy ki adhar shila rakhi thi, maharaj chhatrasal ne us bundela rajy ka vistar kiya aur use samriddhi pradan ki.

chhatrasal ke pita chnpataray jab mugal sena se ghir gaye to unhonne apani patni 'rani lal kunvari' ke sath apani hi katar se pran tyag diye, kintu mugalon ko svikar nahin kiya. chhatrasal us samay chaudah varsh ki ayu ke the. apane bade bhaee 'angad ray' ke sath vah kuchh dinon mama ke ghar rahe, kintu unake man men sadaiv mugalon se badala lekar pitri rin se mukt hone ki abhilasha thi. balak chhatrasal mama ke yahan rahata hua astr-shastron ka snchalan aur yuddh kala men parngat hota raha. das varsh ki avastha tak chhatrasal kushal sainik ban ge the. angad ray ne jab sainik banakar raja jayasinh ke yahan kary karana chaha to chhote bhaee chhatrasal ko yah sahan nahin hua. chhatrasal ne apani mata ke kuchh gahane bechakar ek chhoti sa sainik dal taiyar karane ka vichar kiya. chhoti si poonji se unhonne 30 ghudasavar aur 347 paidal sainikon ka ek dal banaya aur mugalon par akraman karane ki taiyari ki. 22 varsh ki ayu men chhatrasal yuddh bhoomi men kood pade.

jivan parichay

'bundelakhnd ke shivaji' ke nam se prakhyat chhatrasal ka janm jyeshth shukl 3 snvat 1706 vikrami tadanusar dinank 17 joon, 1648 eesvi ko ek pahadi gram men hua tha. is bahadur vir balak ki mata ji ka nam lalakunvari tha aur pita ka nam champataray tha. champataray bahut hi vir v bahadur the. champataray ke sath yuddh kshetr men lalakunvari bhi sath hi rahati thin aur apane pati ko utsahit karati rahati thin. garbhasth shishu chhatrasal talavaron ki khanak aur yuddh ki bhaynkar marakat ke bich bade hue. yahi yuddh ke prabhav usake jivan par asar dalate rahe. mata lalakunvari ki dharm v snskriti se snbndhit kahaniyan balak chhatrasal ko bahadur banati rahin. apane pita ke vachan ko poora karane ke lie chhatrasal ne pnvar vnsh ki kanya 'devakunari' se vivah kiya.

dooradarshi

kavilal ne likha hai - snvat satraise atthaees likhe agare bis lagat baras baisee umad chalayo avanish

chhatrasal bahut dooradarshi the. unhonne aise logon ko pahale hataya jo mugalon ki madad kar rahe the. dakshin bharat men jo sthan samarthaguru ramadas ka hai vahi sthan bundelakhnd men 'prananath' ka raha hai, jis prakar samarth guru ramadas ke kushal nirdeshan men chhatrapati shivaji ne apane paurush, parakram aur chatury se mugalon ke chhakke chhuda die the, thik usi prakar guru prananath ke margadarshan men chhatrasal ne apani virata se, chaturyapoorn rananiti se aur kaushal se videshiyon ko parast kiya tha. prananath chhatrasal ke marg darshak, adhyatmik guru aur vicharak the. chhatrasal ek adarshavadi, svatntrata premi, guni aur dharmanirapeksh hindoo shasak the. unhonne muslim kanyaon ko uchit samman diya, mahilaon ki raksha ki aur muslim sainikon ko apane sainy bal men sammanit pad dekar unaka vishvas prapt kiya. chhatrasal mugalon ke virodhi nahin the, vah mugal samrajy ke virodhi the.

  • san 1668 men jab shivaji se bhent huee to shivaji ne chhatrasal ko unake uddeshyon, gunon aur paristhitiyon ka abhas karate hue svatntr rajy sthapana ki mntrana di evn samarth guru ramadas ke ashishon sahit 'bhavani’ talavar bhent ki-

karo des ke raj chhatare
ham tum ten kabahoon nahin nyare.
daur des mugalan ko maro
dapati dili ke dal snharo.
tum ho mahavir maradane
kari ho bhoomi bhog ham jane.
jo itahi tumako ham rakhen
to sab suyas hamare bhashen.

aurngazeb se yuddh

aurngazeb chhatrasal ko parajit karane men saphal nahin ho paya. usane ranadoolah ke netritv men 30 hazar sainikon ki tukadi mugal saradaron ke sath chhatrasal ka pichha karane ke lie bheji thi. chhatrasal apane ranakaushal v chhapamar yuddh niti ke bal par mugalon ke chhakke chhudata raha. chhatrasal ko maloom tha ki mugal chhalapoorn gherabndi men siddhahast hai. unake pita chnpataray mugalon se dhokha kha chuke the. chhatrasal ne mugal sena se itava, khimalasa, gadhakota, dhamauni, ramagadh, knjiya, madiyado, rahali, ranagiri, shahagadh, vansakala sahit anek sthanon par ladaee ladi. chhatrasal ki shakti badhati gayi. bandi banaye gaye mugal saradaron se chhatrasal ne dnd vasoola aur unhen mukt kar diya. bundelakhnd se mugalon ka ekachhatr shasan chhatrasal ne samapt kar diya.

chhatrasal ka rajyabhishek

chhatrasal ke rashtr prem, virata aur hindootv ke karan chhatrasal ko bhari jan samarthan prapt tha. chhatrasal ne ek vishal sena taiyar kar li. isamen 72 pramukh saradar the. vasiya ke yuddh ke bad mugalon ne chhatrasal ko 'raja' ki manyata pradan ki thi. usake bad chhatrasal ne 'kalinjar ka qila' bhi jita aur mandhata chaube ko qiledar ghoshit kiya. chhatrasal ne 1678 men panna men rajadhani sthapit ki. vikram snvat 1744 me yogiraj prananath ke nirdeshan men chhatrasal ka rajyabhishek kiya gaya tha.

chhatrasal ke shaury aur parakram se ahat hokar mugal saradar tahavar khan, anavar khan, saharoodin, hamid bundelakhnd se dilli ka rukh kar chuke the. bahalod khan chhatrasal ke sath ladaee men mara gaya tha. murad khan, daleh khan, saiyad aphagan jaise sipahasalar bundela viron se parajit hokar bhag gaye the. chhatrasal ke guru prananath ajivan hindoo muslim ekata ke sndesh dete rahe. unake dvara diye gaye upadesh 'kulajam svaroop' men ekatr kiye gaye. panna men prananath ka samadhi sthal hai jo anuyayiyon ka tirth sthal hai. prananath ne is anchal ko ratnagarbha hone ka varadan diya tha. kinvadanti hai ki jahan tak chhatrasal ke ghode ki tapon ke padachap bani vah dhara dhanadhany, ratn snpann ho gayi. chhatrasal ke vishal rajy ke vistar ke bare men yah pnktiyan gaurav ke sath doharayi jati hai- 'it yamuna ut narmada it chnbal ut tos chhatrasal son laran ki rahi n kahoohaus.'

chhatrasal apane samay ke mahanh shooravir, sngathak, kushal aur pratapi raja the. chhatrasal ko apane jivan ki sndhya men bhi akramanon se joojhana pada. 1729 men samrat muhammad shah ke shasan kal men prayag ke soobedar bngas ne chhatrasal par akraman kiya. usaki ichchha erach, kauch, sehuda, sopari, jalon par adhikar kar lene ki thi. chhatrasal ko mugalon se ladane men datiya, sehuda ke rajaon ne sahayog nahin diya. unaka putr hridayashah bhi udasin hokar apani jagir men baitha raha. tab chhatrasal ne bajirav peshava ko sndesh bheja -

'jo gati mee gajendr ki sogati pahunchi ay
baji jat bundel ki rakho bajirav'

bajirav sena sahit sahayata ke liye pahuncha aur usane bngas ko 30 march 1729 ko parajit kar diya. bngas har kar vapis laut gaya.

vijay utsav

4 aprail 1729 ko chhatrasal ne vijay utsav manaya. is vijayotsav men bajirav ka abhinandan kiya gaya aur bajirav ko apana tisara putr svikar kar apane rajy ka tisara bhag bajirav peshava ko saunp diya.

  • pratham putr hridayashah panna, moo, gadhakota, kalinjar, erichh, dhamoni ilaka ke zamindar ho gaye jisaki amadani 42 lakh roo. thi.
  • doosare putr jagataray ko jaitapur, ajayagadh, charakhari, nanda, sarila, ilaka saupa gaya jisaki ay 36 lakh thi.
  • bajirav peshava ko kalpi, jalaun, gurasaray, guna, hata, sagar, hriday nagar milakar 33 lakh ay ki jagir saupi gayi.

chhatrasal ka rajy prasiddh chndel maharaja kirtivardhan se bada tha. chhatrasal talavar ke dhani the aur kushal shastr snchalak bhi the. vah shastron ka adar karate the. vah apani sabha men vidvanon ko sammanit karate the. vah svayn bhi bahut vidvanh the. vah kavi the, shanti ke samay men kavita karana chhatrasal ka priy kary raha hai. shaury aur srijan ki aisi upalabdhi bemisal hai-

it jamana ut narmada it chnbal ut tons.
chhatrasal se laran ki rahi n kah hons.

bhooshan dvara prashnsa

kaviraj bhooshan ne shivaji ke darabar men rahate hue chhatrasal ki virata aur bahaduri ki prashnsa men anek kavitaen ne likhin. 'chhatrasal dashak' men is vir bundele ke shaury aur parakram ki gatha gaee gee hai. bundelakhnd ka shaktishali rajy chhatrasal ne hi banaya tha. chhatarapur nagar chhatrasal ka basaya hua nagar hai. chhatrasal ki rajadhani mahoba thi. chhatrasal dharmik svabhav ke the. yuddhabhoomi men v shantikal men dainik pooja archana karana chhatrasal ka kary raha. chhatrasal kalam aur talavar donon ke dhani the. ve ek achchhe kavi the jinaki bhakti tatha niti snbndhi kavitaen brajabhasha men prapt hoti hain. inake ashrit darabari kaviyon men bhooshan, lalakavi, harikesh, nivaj, brajabhooshan adi mukhy hain. bhooshan ne apaki prashnsa men jo kavitaen likhin ve 'chhatrasal dashak' ke nam se prasiddh hain. 'chhatraprakash' jaise charitakavy ke praneta gorelal upanam 'lal kavi' apake hi darabar men the. yah grnth tatkalin aitihasik soochanaon se bhara hai, sath hi chhatrasal ki jivani ke lie upayogi hai.

nidhan

is vir bahadur chhatrasal ka 83 varsh ki avastha men 13 mee 1731 eesvi ko mrityu ho gayi. chhatrasal ke lie kahavat hai -

'chhatta tere raj men,
dhak-dhak dharati hoy.
jit-jit ghoda mukh kare,
tit-tit phatte hoy.'

  • chhattarapur inhin ne basaya tha. inaki prasiddhi kala premi aur bhakt ke roop men thi. bundelakhnd ki shirsh unnati inhin ke kal men huee. chhatrasal ke samay tak bundelakhnd ki simayen atynt vyapak thin. is pradesh men uttar pradesh ke jhansi, hamirapur, jalaun, banda, madhy pradesh ke sagar, jabalapur, narasinhapur, hoshngabad, mandala, malava sngh ke shivapuri, katera, pichhor, kolaras, bhind aur monder ke zile aur paragane shamil the.


panne ki pragati avastha
adhar
prarambhik
madhyamik
poornata
shodh


tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah