बाजीराव प्रथम  हिन्दी देवनागरी में पढ़ें।

bajirav pratham
bajirav ki pratima, shanivar vada pune
poora nam bajirav pratham
any nam 'bajirav ballal' tatha 'thorale bajirav'
janm 18 agast, 1700 ee.
mrityu tithi 28 apral, 1740 ee.
pita/mata balaji vishvanath, radhabaee
pati/patni kashibaee, mastani
sntan balaji bajirav, raghunatharav
prasiddhi maratha samrajy ka dvitiy peshava
poorvadhikari balaji vishvanath
shasan kal 1720-1740 ee.
snbndhit lekh maratha samrajy, peshava, balaji vishvanath, balaji bajirav, shivaji, mastani
any janakari bajirav pratham ne apani dooradrishti se dekh liya tha ki mugal samrajy chhinn-bhinn hone ja raha hai. isilie usane maharashtr kshetr se bahar ke hindoo rajaon ki sahayata se mugal samrajy ke sthan par 'hindoo pad padashahi' sthapit karane ki yojana banaee thi.

bajirav pratham (angrezi: Bajirao I, janm- 18 agast, 1700 ee.; mrityu- 28 apral, 1740 ee.) maratha samrajy ka mahanh senanayak tha. vah balaji vishvanath aur radhabaee ka bada putr tha. raja shahoo ne balaji vishvanath ki mrityu ho jane ke bad use apana doosara peshava (1720-1740 ee.) niyukt kiya tha. bajirav pratham ko 'bajirav ballal' tatha 'thorale bajirav' ke nam se bhi jana jata hai. bajirav pratham vistaravadi pravritti ka vyakti tha. usane hindoo jati ki kirti ko vistrit karane ke lie 'hindoo pad padashahi' ke adarsh ko phailane ka prayatn kiya.

yogy senapati aur rajanayak

bajirav pratham ek mahanh rajanayak aur yogy senapati tha. usane mugal samrajy ki kamazor ho rahi sthiti ka fayada uthane ke lie raja shahoo ko utsahit karate hue kaha tha ki-

"ao ham is purane vriksh ke khokhale tane par prahar karen, shakhayen to svayn hi gir jayengi. hamare prayatnon se maratha pataka krishna nadi se atak tak phaharane lagegi."

isake uttar men shahoo ne kaha ki-

"nishchit roop se hi ap ise himalay ke par gad degen. niahsandeh ap yogy pita ke yogy putr hain."

raja shahoo ne raj-kaj se apane ko qarib-qarib alag kar liya tha aur maratha samrajy ke prashasan ka poora kam peshava bajirav pratham dekhata tha. bajirav pratham ko sabhi nau peshavaon men sarvashreshth mana jata hai.

dooradrishta

bajirav pratham ne apani dooradrishti se dekh liya tha ki mugal samrajy chhinn-bhinn hone ja raha hai. isilie usane maharashtr kshetr se bahar ke hindoo rajaon ki sahayata se mugal samrajy ke sthan par 'hindoo pad padashahi' sthapit karane ki yojana banaee thi. isi uddeshy se usane maratha senaon ko uttar bharat bheja, jisase patanonmukh mugal samrajy ki jad par antim prahar kiya ja sake. usane 1723 ee. men malava par akraman kiya aur 1724 ee. men sthaniy hinduon ki sahayata se gujarat jit liya.

sahasi evn kalpanashil

bajirav pratham ek yogy sainik hi nahin, balki viveki rajanitigy bhi tha. usane anubhav kiya ki mugal samrajy ka ant nikat hai tatha hindoo nayakon ki sahanubhooti prapt kar is paristhiti ka marathon ki shakti badhane men achchhi tarah se upayog kiya ja sakata hai. sahasi evn kalpanashil hone ke karan usane nishchit roop se maratha samrajyavad ki niti banaee, jise pratham peshava ne arambh kiya tha. usane shahi shakti ke kendr par aghat karane ke uddeshy se narmada ke par phailav ki niti ka shriganesh kiya. at: usane apane svami shahoo se prastav kiya- "hamen murjhate hue vriksh ke dhad par chot karani chahie. shakhaen apane ap hi gir jayengi. is prakar marathon ka jhanda krishna se sindhu tak phaharana chahie." bajirav ke bahut se sathiyon ne usaki is niti ka samarthan nahin kiya. unhonne use samajhaya ki uttar men vijay arambh karane ke pahale dakshin men maratha shakti ko dridh karana uchit hai. parantu usane vakh shakti evn utsah se apane svami ko uttari vistar ki apani yogyata ki svikriti ke lie razi kar liya.

'hindoo pad padashahi' ka prachar

hindoo nayakon ki sahanubhooti jagane tatha unaka samarthan prapt karane ke lie bajirav ne 'hindoo pad padashahi' ke adarsh ka prachar kiya. jab usane disambar, 1723 ee. men malava par akraman kiya, tab sthaniy hindoo zamindaron ne usaki badi sahayata ki, yadyapi isake lie unhen apar dhan-jan ka balidan karana pada. gujarat men grih-yuddh se labh uthakar marathon ne us samriddh prant men apana adhikar sthapit kar liya. parantu isake mamalon men bajirav pratham ke hastakshep ka ek pratidvandvi maratha dal ne, jisaka neta pushtaini senapati tryambakarav dabhade tha, ghor virodh kiya.

saphalataen

bajirav pratham ne sarvapratham dakkan ke nizam nizamulamulk se loha liya, jo marathon ke bich matabhed ke dvara phoot paida kar raha tha. 7 march, 1728 ko palakheda ke sngharsh men nijam ko buri tarah har ka samana karana pada aur ‘mugi shivaganv’ sndhi ke lie badhy hona pada, jisaki sharte kuchh is prakar thin-

  1. shahoo ko chauth tatha saradeshamukhi dena.
  2. shambhoo ki kisi tarah se sahayata n karana.
  3. jite gaye pradeshon ko vapas karana.
  4. yuddh ke samay bandi banaye gaye logon ko chhod dena adi.


shivaji ke vnsh ke kolhapur shakha ke raja shambhuji dvitiy tatha nizamulamulk, jo bajirav pratham ki saphalataon se jalate the, tryambakarav dabhade se ja mile. parantu bajirav pratham ne apani uchchatar pratibha ke bal par apane shatruon ki yojanaon ko viphal kar diya. 1 aprail, 1731 ee. ko dhavoee ke nikat bilhapur ke maidan men, jo badauda tatha dhavoee ke bich men hai, ek ladaee huee. is ladaee men tryambakarav dabhade parast hokar mara gaya. bajirav pratham ki yah vijay 'peshavaon ke itihas men ek yugantakari ghatana hai.' 1731 men nizam ke sath ki gayi ek sandhi ke dvara peshava ko uttar bharat men apani shakti ka prasar karane ki chhoot mil gayi. bajirav pratham ka ab maharashtr men koee bhi pratidvandvi nahin rah gaya tha aur raja shahoo ka usake oopar keval nam matr niyntran tha.

dakkan ke bad gujarat tatha malava jitane ke prayas men bajirav pratham ko saphalata mili tatha in pranton men bhi marathon ko chauth evn saradeshamukhi vasoolane ka adhikar prapt hua. ‘bundelakhand’ ki vijay bajirav ki sarvadhik mahanh vijay men se mani jati hai. muhammad khan vngash, jo bundela naresh chhatrasal ko poornat: samapt karana chahata tha, ke prayatnon par bajirav pratham ne chhatrasal ke sahayog se 1728 ee. men pani pher diya aur sath hi mugalon dvara chhine gaye pradeshon ko chhatrasal ko vapas karavaya. kritgy chhatrasal ne peshava ki shan men ek darabar ka ayojan kiya tatha kalpi, sagar, jhansi aur hadyanagar peshava ko niji jagir ke roop men bhent kiya.

nizamulamulk par vijay

bajirav pratham ne saubhagyavash amer ke savaee jayasinh dvitiy tatha chhatrasal bundela ki mitrata prapt kar li. 1737 ee. men vah sena lekar dilli ke parshv tak gaya, parantu badashah ki bhavanaon par chot pahunchane se bachane ke lie usane andar pravesh nahin kiya. is maratha snkat se mukt hone ke lie badashah ne bajirav pratham ke ghor shatru nizamulamulk ko sahayata ke lie dilli bula bheja. nizamulamulk ko 1731 ee. ke samajhaute ki apeksha karane men koee hichakichahat mahasoos nahin huee. usane badashah ke bulave ka shighr hi uttar diya, kyonki ise usane bajirav ki badhati huee shakti ke rokane ka anukool avasar samajha. bhopal ke nikat donon pratidvandviyon ki muthabhed huee. nizamulamulk parajit hua tatha use vivash hokar sandhi karani padi. is sandhi ke anusar usane nimn baton ki pratigya ki-

  1. bajirav ko sampoorn malava dena tatha narmada evn chambal nadi ke bich ke pradesh par poorn prabhuta pradan karana.
  2. badashah se is samarpan ke lie svikriti prapt karana.
  3. peshava ka kharch chalane ke lie pachas lakh rupayon ki adayagi prapt karane ke lie pratyek prayatn ko kam men lana.

akal mrityu

in prabandhon ke badashah dvara svikrit hone ka parinam yah hua ki marathon ki prabhuta, jo pahale theth hindustan ke ek bhag men vastut: sthapit ho chuki thi, ab qanoonan bhi ho gee. pashchimi samudr tat par marathon ne purtagaliyon se 1739 ee. men sashti tatha basee chhin li. parantu shighr hi bajirav pratham, nadirashah ke akraman se kuchh chintit ho gaya. apane musalaman padosiyon ke prati apane sabhi matabhedon ko bhoolakar peshava ne parasi akramanakari ko snyukt morcha dene ka prayatn kiya. parantu isake pahale ki kuchh kiya ja sakata, 28 aprail, 1740 ee. men narmada nadi ke kinare usaki mrityu ho gee. is prakar ek mahanh maratha rajanitigy chal basa, jisane apane vyaktigat charitr men kuchh dhabbon ke bavazood maratha rajy ki seva karane ki bharasak cheshta ki.

maratha mandal ki sthapana

bajirav pratham ko anek maratha saradaron ke virodh ka samana karana pada tha. vishesharoop se un saradaron ka jo kshatriy the aur brahman peshava ki shakti badhane se eershya karate the. bajirav pratham ne pushtaini maratha saradaron ki shakti kam karane ke lie apane samarthakon men se naye saradar niyukt kiye the aur unhen marathon dvara vijit naye kshetron ka shasak niyukt kiya tha. is prakar maratha mandal ki sthapana huee, jisamen gvaliyar ke shinde, badauda ke gayakavad, indaur ke holkar aur nagapur ke bhonsala shasak shamil the. in sabake adhikar men kafi vistrit kshetr tha. in logon ne bajirav pratham ka samarthan kar maratha shakti ke prasar men bahut sahayog diya tha. lekin inake dvara jis samantavadi vyavastha ka bijaropan hua, usake phalasvaroop ant men marathon ki shakti chhinn-bhinn ho gayi. yadi bajirav pratham kuchh samay aur jivit rahata, to sambhav tha ki vah ise rokane ke lie kuchh upay karata. usako bahut achchhi tarah maratha samrajy ka dvitiy snsthapak mana ja sakata hai.

maratha shakti ka vibhajan

bajirav pratham ne bahut anshon men marathon ki shakti aur pratishtha ko badha diya tha, parantu jis rajy par usane apane svami ke nam se shasan kiya, usamen thosapan ka bahut abhav tha. isake andar rajaram ke samay men jagir pratha ke pun: chaloo ho jane se kuchh ardh-svatntr maratha rajy paida ho ge. isaka svabhavik parinam hua, maratha kendriy sarakar ka durbal hona tatha ant men isaka toot padana. aise rajyon men barar bahut purana aur atyant mahattvapoorn tha. yah us samay raghuji bhonsale ke adhin tha, jisaka raja shahoo ke sath vaivahik sambandh tha. usaka parivar peshava ke parivar se purana tha, kyonki yah rajaram ke shasanakal men hi prasiddh ho chuka tha. dabhade parivar ne moolaroop se gujarat par adhikar kar rakha tha, parantu pushtaini senapati ke patan ke bad usake pahale ke purane adhin rahane vale gayakavadon ne badauda men apana adhikar sthapit kar liya. gvaliyar ke sindhiya vnsh ke snsthapak ranoji sindhiya ne bajirab pratham ke adhin gaurav ke sath seva ki tatha malava ke maratha rajy men milaye jane ke bad is prant ka ek bhag usake hisse men pada. indaur parivar ke malhararav v holkar ne bhi bajirav pratham ke adhin vishisht roop se seva ki thi tatha malava ka ek bhag prapt kiya tha. malava men ek chhoti jagir pavaron ko mili, jinhonne dhar men apani rajadhani banaee.

vilakshan vyaktitv

bajirav pratham ne maratha shakti ke pradarshan hetu 29 march, 1737 ko dilli par dhava bol diya tha. matr tin din ke dilli pravas ke dauran usake bhay se mugal samrat muhammadashah dilli ko chhodane ke lie taiyar ho gaya tha. is prakar uttar bharat men maratha shakti ki sarvochchata siddh karane ke prayas men bajirav pratham saphal raha tha. usane purtagaliyon se basee aur salasit pradeshon ko chhinane men saphalata prapt ki thi. shivaji ke bad bajirav pratham hi doosara aisa maratha senapati tha, jisane gurilla yuddh pranali ko apanaya. vah 'ladakoo peshava' ke nam se bhi jana jata hai. bajirav-pratham 'mastani' nam ki muslim stri se prem sambandhon ke karan bhi charchit raha tha.


panne ki pragati avastha
adhar
prarambhik
madhyamik
poornata
shodh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah