क्षत्रिय  हिन्दी देवनागरी में पढ़ें।

kshatriy
kshatriy pratik chihn
vivaran kshatriy hinduon ke char varnon men se doosara varn hai. is varn ke logon ka kam desh ka shasan aur shatruon se usaki raksha karana mana gaya hai.
any nam kshatriya, kshatrani
kshatriy ka arth jo doosaron ko kshat se bachaye
samajik manyata brahman grnthon ke anusar kshatriyon ki ganana brahamanon ke bad ki jati thi, parntu bauddh grnthon ke anusar char varnon men kshatriyon ko brahmanon se ooncha arthath samaj men sarvopari sthan prapt tha.
sahityik sndarbh vaidik sahity men kshatriy ka arambhik prayog rajyadhikari ya daivi adhikari ke arth men prayukt hua hai. "kshatat trayate iti kshaty arthath kshat aghat se tran" dene vala.
kshatriy vnsh ka udbhav kshatriy vnsh ke udbhav ka prarambhik snket puranon se milane lagata hai ki sooryavnsh aur chndravnsh hi kshatriy vnsh parampara ke mool strot hai.
kshatriy aur rajapoot kshatriy aur rajapoot shabd ko lekar kuchh vivad bhi ki sthiti hai. kuchh log donon ko alag-alag manate hain. lekin adhikansh itihasakar manate hain ki rajapooton ka snbndh kshatriyon se hai. pratyek raja prayah kshatriy hua karate the. atah rajapootr ka arth kshatriy se mana gaya.
snbndhit lekh varn vyavastha, jati, jat, kayasth, brahman, vaishy, shoodr
any janakari kshatriy vnsh men mandhata, harishchndr, sagar, dilip, bhagirath, dasharath aur bhagavan ram jaise pratapi raja hue hain.

kshatriy shabd ki vyutpatti ki drishti se arth hai jo doosaron ko kshat se bachaye. kshatriya, kshatrani hinduon ke char varnon men se doosara varn hai. is varn ke logon ka kam desh ka shasan aur shatruon se usaki raksha karana mana gaya hai. bharatiy aryon men atynt arambhik kal se varn vyavastha milati hai, jisake anusar samaj men unako doosara sthan prapt tha. unaka kary yuddh karana tatha praja ki raksha karana tha. brahman grnthon ke anusar kshatriyon ki ganana brahamanon ke bad ki jati thi, parntu bauddh grnthon ke anusar char varnon men kshatriyon ko brahmanon se ooncha arthath samaj men sarvopari sthan prapt tha. gautam buddh aur mahavir donon kshatriy the aur isase is sthapana ko bal milata hai ki bauddh dharm aur jain dharm jahan ek or samaj men brahmanon ki shreshthata ke dave ke prati kshatriyon ke virodh bhav ko prakat karate hain, vahin doosari or prithakh jivan darshan ke lie unaki akanksha ko bhi abhivyakti dete hain. kshatriyon ka sthan nishchit roop se charon varnon men brahmanon ke bad doosara mana jata tha.

sahityik sndarbh

bharatiy samaj aur snskriti ka adhar stnbh rahi hai varn vyavastha. yah varnavyavastha vaidik yug men samaj ke sucharu snchalan ke lie, kary ke adhar par tay ki gee. shiksha aur dharm ke dhvaj vahak brahman kahalaye, suraksha, shasan, aur yuddh ka kary vala kshatriy kahalaya, bharan - poshan ki jimmedari nibhane vala vaishy tatha har tarah ki seva men snlagn samuday shoodr kahalaya. rigved ke purushasookt - 10 /09/ 12 - men varnan hai ki -

bramhanosy mukhamasit vahoo rajanyakaytah.
aruahyat tadvaishyah padabhyanshoodro ajayata॥

arthath brahman ka janm eeshvar ke mukh se, kshatriy ka hath se, vaishy ka jangh se aur shudr ka panv se hua bataya gaya. aryon ke dvara samajik vyavastha sthapit karane ke prayas men atyant niyojit rup se ek upayogi snstha ke rup men varn vyavastha ka vikas kiya gaya.

vaidik sahity men kshatriy ka arambhik prayog rajyadhikari ya daivi adhikari ke arth men prayukt hua hai. "kshatat trayate iti kshaty arthath kshat aghat se tran" dene vala. manusmriti men kaha ki kshatriy shatru ke sath uchit vyavahar aur kushalata poorvak rajy vistar tatha apane kshatritv dharm men vishesh astha rakhana kshatriyon ka param kartavy hai. kshatriy arthath vir rajapoot sanatan varn vyavastha ka vah stambh hai jo bhagavan ki bhujaon se janm paya aur bramhan ke bad manav samaj ka doosara ang kaha gaya. yo kshayen trayate s?ahkshatriy ki upadhi se atnkrit kshatriy ke liye gita men kaha gaya ki -

shaury tejodhriti rdakshyn yuddhe chapyapalayanamn.
danamishvar bhavashch kshatrn karm svabhavajam॥

arthath shooravirata, tej, dhairy, yuddh men chaturata, yuddh se n bhagana, dan, seva, shastranusar rajyashasan, putr ke saman pooja ka palan - ye sab kshatriy ke svabhavik kartavy - karm kahe gaye hain.[1]

panini dvara ullekh

panini ne is sthiti ko svikar kiya hai ki anek janapadon ke nam vahi the, jo unamen basane vale kshatriyon ke.[2] itihasakar vasudevasharan agraval ke anusar- pnchal kshatriyajan ke basane ke karan hi arambh men janapad ka bhi pnchal nam pada tha. pichhe janapad nam ki pradhanata huee aur janapad ke nam se vahan ke prashasak kshatriyon ke nam, jinhen 'ashtadhyayi' men 'janapadinh' kaha gaya hai, lok prasiddh hue. pahali sthiti ke kuchh avashesh aj tak bach ge hain, jaise yaudheyon (vartaman johiye) ka pradesh johiya bar (bahavalapur riyasat), malavon ka (vartaman malavee logon ka) malava (firojapur, ludhiyana jilon ka bhag), daradh kshatriyon ka daradisnan. yon to tatkalin snghon aur janapadon men kshatriyon ke atirikt aur varnon ke log bhi the, udaharanarth malav janapad ke kshatriy malav tatha brahman evn kshatriyetar malavy kahalate the.[3] malavaputr hi vartaman 'malotre' ho sakate hain.[4]

kshatriy aur rajapoot

kshatriy aur rajapoot shabd ko lekar kuchh vivad bhi ki sthiti hai. kuchh log donon ko alag - alag manate hain. lekin adhikansh itihasakar yah manate hain ki rajapooton ka snbndh kshatriyon se hai. pratyek raja prayah kshatriy hua karate the. atah rajapootr ka arth kshatriy se mana gaya. 12 vin sadi ke bad rajapootr ka mukhsukh rajapoot ho gaya jo kalantar men kshatriy ka jati suchak shabd ban gaya. 600 ee. se 1200 ee. tak kal ko rajapoot kal kaha gaya hai. kyokin poore deshh men is kal men inaka prabhutv tha. rajapoot nidar, nirbhay, sahasi, bahadur, desh bhakt, satyavadi, vir dhun ke pakke. kritgy, yuddh kushal, maryadapoorn, dharmik, nyayapriy, uchchavichar rakhane vala to hai hi sadaiv hi bharatamata ki raksha ke liye apana sab kuchh nyochhavar karane ko tatpar rahate the. rajapooton ka ek bada gun yah bhi tha ki ve apani manamaryada, an-ban-samman par har kshan apana sab kuchh danv par lagane ke liye tatpar rahate the. karnal taaud ne bhi rajapooton ke uparyukt gunon ki bhoori-bhoori prashnsa ki hai. 600 varshon tak rajapooton ne n keval bharat par shasan kiya, balki videshi akramanakariyon ke khilaf desh ki raksha karen. bharatiy sabhyata, snskriti tatha dharm ke snrakshan evn poshan men is jati ka prabhav shlaghaniy evn atulaniy hai. rajanitik avastha ke bad bhi rajapoot kal sahity, kala ke unnati ka kal tha. sthapaty tatha shilpakala ki is samay badi unnati huee. moortikala aur chitrakala vikasit avastha men thi. sath hi arthik dasha bhi is samay achchhi thi. apoorv paurushata aur sahas ki pratik yah jati balidan, sahishnuta aur siddhanton ke tyag ke liye itihas prasiddh rahi hai. bharatiy snskriti ki raksha karane men jan samudayon men shreshth kshatriy rajapoot kulon ka yogadan sarvopari raha hai. kshatriy vnshajon ke khoon se sinchit yah puratan snskriti anyon ki apeksha vartaman men bhi ajar-amar hai.[1]

kshatriy vnsh ka udbhav

kshatriy vnsh ke udbhav ka prarambhik snket puranon se milane lagata hai ki sooryavnsh aur chndravnsh hi kshatriy vnsh parampara ke mool strot hai. puranon se snket milata hai ki manu ke pootron se hi sooryavnsh ki ninv padi thi aur manu ki kanya ila ke pati budh the jo chndradev ke putr the, inhin se chndravnsh ki ninv padi. mool kshatriy vnshon ki snkhya ke bare men vidvanon men ekamat nahin hai. kuchhek - sooryavnsh, chndravnsh aur agnivnsh ki charcha karate hain to sooryavnsh, chndravnsh aur agnivnsh, rishivnsh tatha daityavnsh. halakin adhikansh itihasakar yah manate hai ki soory tatha chndravnsh se hi sabhi vnsh shakhaen hai. agnivnsh ke sndarbh men kaha jata hai ki agnivnshiy rajapooton ki utpatti rishiyon dvara aboo parvat par kiye ygy ke agnikund se huee jinaki char shakhaen paramar, pratihar, chauhan tatha solnki. "chaluky" sooryavnsh namakaran ke poorv marichi hue jinase kashyap aur kashyap se soory tatha soory se vaivasvat manu paida hue jinhone ayodhya nagari basaee. manu ke bad unake jyeshth putr ikshvaku ayodhya ki gaddi par baithe tatha apane dada ke nam par sooryavnsh ki sthapana ki. isi kul men mandhata, harishchndr, sagar, dilip, bhagirath, dasharath aur bhagavan ram jaise pratapi raja hue hain. is vnsh ka gautr bharadvaj hai.[1]

sooryavnsh aur chndravnsh

sooryavnsh aur chndravnsh kshatriyon ke do pradhan vnsh hai.


inhen bhi dekhen: sooryavnsh, chndravnsh, hindoo dharm, varn vyavastha, jati, jat, kayasth, brahman, vaishy evn shoodr


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 kshatriy vnsh ka udabhav evn prasar (hindi) kshatriy kalyan sabha. abhigaman tithi: 28 march, 2015.
  2. janapad shabdath kshatriyadav, 4.1.168
  3. mahabharat vanaparv, 297.60
  4. paninikalin bharat |lekhak: vasudevasharan agraval |prakashak: chaukhamba vidyabhavan, varanasi-1 |snkalan: bharatakosh pustakalay |prishth snkhya: 91-92 |

bhattachary, sachchidannd bharatiy itihas kosh (hindi). lakhanoo: uttarapradesh hindi snsthan, 110.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah