कचारी  हिन्दी देवनागरी में पढ़ें।

kachari athava 'kachari' bharat ke asam rajy men paee jane vali ek janajati hai. ye log mngol prajati ke hain. inaka parivarik jivan padosi hinduon se adhik bhinn nahin hai. inake jivan nirvah ka mukhy sadhan krishi hai. kachari log bahut se 'bahirvivahi'[1] aur 'totami' kulon[2] men vibhajit hain. kachariyon ke dharm ka sarvapradhan lakshan atmavad, arthath bhoot-pret adi men vishvas hai. inaka yah vishvas hai ki mrityu ka arth keval sharirik avastha men parivartan hai aur mritak ki atma nasht n hokar parivartit roop se bachi rahati hai.

itihas

vishvas kiya jata hai ki brahmaputr nadi ki ghati men basane vali kachari sabase prachin jati hai. asam ke adhunik kachar zile ka namakaran isi janajati ke adhar par hua hai. terahavin shatabdi men kachari logon ka rajy brahmaputr nadi ke dakshini tat tak phaila hua tha. unake rajy men adhikansh adhunik nauganv zila aur kachar zile ka kuchh bhag sammilit tha. unaki rajadhani golaghat ke adhunik nagar se paintalis mil dakshin, dhanashri nadi ke tat par sthit dibhapur thi. ahom logon ne 1536 men kachari rajy ko jit liya aur kachari log dibhapur ko chhodakar bhag gaye. dibhapur nagar ke ab khndahar hi milate hain. kachari ke parajit logon ne ek naye rajy ki sthapana ki aur maibog ko apani rajadhani banaya. kintu isake bad bhi ahom rajaon se unaki barabar ladaiyan hoti hi rahi. ahom rajaon ka kahana tha ki ve unake ashrit hain. ahom jati ka antim raja govind chandr tha, jise 1818 ee. men manipur ke raja ne hara diya. 1821 ee. men british samrajy ne barmiyon ko nikal bahar kiya aur govind chandr ko pun: usaki gaddi mil gee. parantu 1830 ee. men ek manipuri akramanakari ne usaki hatya kar di. govind chandr ke nisntan hone ke karan 1832 ee. men usaka rajy british bharatiy samrajy men mila liya gaya.

nivas sthan

asam ke uttari asam-bhootan-simavarti kamaroop aur darng zile vartaman kachari ya 'bada' kabile ka mukhy nivas sthan hain. is kami ka mukhy karan kachariyon ka hindoo varn vyavastha men pravesh hai. asam rajy ki kuchh nadiyon evn prakritik vibhagon ke nam kachari mool ke hain, jisase anuman hota hai ki atit men kachari kabile ka prasar snpoorn asam men raha hoga. san 1911 men fadar endal ne vastavik kachariyon ke padosi 'rabha', 'mechh', 'dhimal', 'koch', 'machhaliya', 'lalung' tatha 'garo' kabiliyon ki ganana bhi brihadh kachari prajati (res) ke antargat ki thi aur asam ke 10,00,000 vyaktiyon ko is shreni men rakha tha. kintu bad ki janagananaon aur nritatvik adhyayan ke prakash men yah mat tark sngat pratit nahin hota.[3]

jivan nirvah ke sadhan

kachari mngol prajati ke hain. mote taur par inaka parivarik jivan padosi hinduon se adhik bhinn nahin hai. jivan nirvah ka mukhy sadhan krishi hai. do prakar ka dhan- 'maima' aur 'maisa', dal, kapas, ganna aur tnbakoo inaki pradhan fasalen hain. hal men ye chay bagan aur karakhanon men mazadoori peshe ki or bhi akrisht hue hain. khan-pan men khadyannon ke atirikt sooar ke mans, sookhi machhali aur chaval ki sharab 'joo' ka inamen adhak prachalan hai. kuchh samay poorv tak kachariyon men doodh pina hi nahin varanh chhoona bhi varjit tha. machhali marana purush tatha stri donon ka dhndha hai. kintu samoohik akhet men keval purush hi bhag lete hain. resham ke kide palana aur kapada bunana striyon ka kam hai. samaj men striyon ka sthan samanyat: uchch hai.

vivah snskar

kachari bahut se 'bahirvivahi' aur 'totami' kulon men vibhajit hain. pratyek kul ke sadasyon dvara totami pashu ka vadh varjit hai. kabili antarvivahi vidhan achal nahin hai. nikatavarti rabha, koch aur saraniya kabilon se vivah snbhav hai kintu pratishthit nahin. vidhur apani chhoti sali se vivah kar sakata hai aur vidhava adhikatar apane devar se vivah karati hai. samanyat: ek patni kachariyon men bhi adhik dhani varg ke purush ya sntanahin vyakti bahupatnitv apanate hain. vivah ke lie pati patni, donon ki parasparik sammati avashyak hai. shadi vivah aur snpatti se snbndhit sabhi jhagadon ka nirnay ganv ke ganyamany vyaktiyon ki sabha ke hath men hota hai.[3]

dharmik vishvas

kachariyon ke dharm ka sarvapradhan lakshan atmavad, arthath bhoot-pret adi men vishvas hai. is vishvas ke mool men bhay ki bhavana hai. kachari prithvi, vayu aur akash men daivi shaktiyon ka vas manate hai, jinhen ve 'modee' ki sngya dete hain. isamen adhikansh duratmaen hain, jinhen vyadhi, akal, bhooknp adi durghatanaon ke lie uttaradayi thaharaya jata hai. poorvaj pooja aur prakriti pooja ke chhitaput praman milate hain, kintu inaka kachari dharmik vishvason men adhik mahatv nahin hai. kachariyon men vishuddh kabili devi-devataon ki snkhya bahut kam rah gee hai aur anek hindoo devi-devata apana lie ge hain. kabili devi devataon men 19 grih devata hain aur 65 gram devata, jinaki pooja ganv se 15-20 gaj door sthit banson ya pedon ke jhuramut (thanasali) men ki jati hai. janm, namakaran tatha vivah ke avasaron par inaki aradhana gram ka pujari 'deuri' ya 'devadaee' karata hai.

ganv ke ojha ka kam bhavishyavani aur mamooli jhad-phoonk dvara ilaj karana hai. haija aur mahamari se gaauv valon ki raksha 'devayani' kahalane vali atmaon ke vashibhoot striyan karati hain. sadharanat: mritak ka dahakarm snskar kiya jata hai, kintu adhik dhani varg men shav gadane ki pratha paee jati hai. kachari vishvas hai ki mrityu ka arth keval sharirik avastha men parivartan hai aur mritak ki atma nasht n hokar parivartit roop se bachi rahati hai.[3]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. eksogaimas
  2. klains
  3. 3.0 3.1 3.2 kachari (hindi). . abhigaman tithi: 25 march, 2014.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah