Makhanchor.jpg bharatakosh ki or se ap sabhi ko krishn janmashtami ki hardik shubhakamanaen Makhanchor.jpg

असुर जाति  हिन्दी देवनागरी में पढ़ें।

Disamb2.jpg asur ek bahuvikalpi shabd hai any arthon ke lie dekhen:- asur (bahuvikalpi)

asur jati jharakhand men aur bngal men paee jati hai. is jati ke log svayn ko mahishasur ka vnshaj manate hain. itihasakaron ke anusar mahabharat kal men jharakhand magadh ke antargat ata tha aur ye bahubali jarasndh ke adhipaty men tha. anuman kiya jata hai ki jarasndh ke vnshajon ne lagabhag ek hazar varsh tak magadh men ekachhatr shasan kiya tha. jarasndh shaiv tha aur asur usaki jati thi. ke. ke. lyuba ka kathan hai ki jharakhand men rahane vale vartaman asur mahabharat kalin asuron ke hi vnshaj hain. jharakhand ki puratatvik khudaeeyon men milane vali asur kalin eenton tatha ranchi gajetiyar men varsh 1917 men prakashit nishkarshon se bhi is tathy ki pushti hoti hai.

aitihasik tathy

600 eesa poorv jab munda log jharakhand ae to unaka samana asuron se hua tha. mundaon ki lokagatha 'sosobonga' men unake agaman aur asuron se sngharsh ka vistar se varnan hai. bharat ke vikhyat manavashastri sharatachndr ray apani prasiddh pustak 'mundaj end deyar kntri' men isaka samarthan karate hain. munda jab jharakhand ae to unaki ek shakha snthal paragana ki or gee thi. in logon ko aj snthal ke nam se janate hain, jabaki doosari shakha ranchi ki pashchimi ghatiyon men chali gahi thi. ranchi ki or ane vali shakha munda kahalaee. bad men ye munda log hi asuron se bhide. bad ke itihasakaron ke anusar lagabhag 1206 ee. men uranv karnatak ki or se narmada ke kinare-kinare vindhy evn son ki ghatiyon se hote hue rohatasagadh pahunche. jahan unhonne raj kiya aur phir apana rajapat khokar parajit hone ke pashchath ranchi ki or a gaye. tab unaka samana mundaon se hua. uranvon ke ane ke bad munda log dakshin ki or chale ge. yah ilaka aj ka khoonti kshetr hai, jahan mundaon ki bahulata hai.

vyavasay

asur jati ke log mukhyatah loha galane ka vyavasay karate the aur asndigdh roop se munda evn any adivasi samudayon ke ane se pahale jharakhand men unaki ek vikasit sabhyata vidyaman thi. is jati ke log krishi jivi nahin the aur us samay men jharakhand men krishi pradhan samaj ki upasthiti ke praman nahin milate. munda log jab yahan ae, tab unhonne hi vyavasthit krishi aur jivan-samaj paddhati ki majaboot ninv dali. yah bhi ullekhaniy hai ki asuron ke samay men jharakhand ke kuchh ilakon men jainiyon ka prabhav tha. khasakar, hazaribag aur manabhoom adi ilake men. parasanath men jain tirth ka hona tatha us kshetr men sarak jati ki upasthiti aur unake riti-rivaj isake jivnt sakshy hain.

dashahare par shok manana

jharakhand ke gumala zile ke sudooravarti pathari kshetr men jngalon v pahad ki taraeeyon men rahane vale asur jati ke log dashahare ke avasar par shok manate hain. navaratr aur vijayadashami ke avasar par jab poora desh harsh v ullas men dooba rahata hai, tab jharakhand ke jngal v pahadon se atoot rishta banakar basane vale asur jati ke log apane aradhy dev mahishasur ke vadh se dukhi hokar shok manate hain. is din ve n to ek doosare ke ghar mehamananavaji karate hain aur n hi naye vastr pahanate hain. ve is din mahishasur ke shok men vishesh pakavan bhi nahin banate hain. apane aradhy dev ki durga ke dvara vadh kiye jane par ve apane ko besahara mahasoos karate hain. is jati ke kuchh yuvak jo uchch shiksha prapt kar shaharon ki or rookh kar rahen hain, ve bahari longon ke snpark men akar apani parampara ko bhoolane lage hain, lekin ganvon men rahane vale asur aj bhi apani poorvajon ki parnpara ko snjo kar rakhana apana dharm manate hain.[1]

pashchim bngal men durgapooja ko lok utsav ka darja prapt hai, lekin rajy ke uttari ilake men jalapaeegudi zile men sthit alipuraduar ke pas majheradabari chay bagan men rahane vali asur jati ke log durgapooja ke dauran matam manate hain. is dauran ve n to ne kapade pahanate hain aur n hi gharon se bahar nikalate hain. asur jati ke ye log bagan ki asur lain yani is janajati ke mazadooron ke lie bani kaauloni men rahate hain. is jati ke log khud ko mahishasur ke vnshaj manate hain. unamen is bat ka gussa hai ki devi durga ne hi mahishasur ka vadh kiya tha. yahi karan hai ki poora rajy jab khushiyan manane men dooba hota hai, tab ye log matam manate rahate hain. is jati ke bachche mitti se bane sher ke khilaunon se khelate hain, lekin in khilaunon men se kisi bhi sher ke kndhe par sir nahin hota. bachche sheron ki gardan marod dete hain, kyonki ye durga ki savari hai. asur jati ke log uttar bngal ke kuchh aur chay baganon men rahate hain. 100 sal se bhi pahale chay baganon ke british malik inako chhota nagapur ilaqe se yahan le ae the.

poorvajon ki parampara

pashchim bngal men asur lain men rahane vale 26 parivaron men lagabhag 150 sadasy hain. in sabako apane poorvajon se suni us kahani par poora bharosa hai ki mahishasur ko marane ke lie tamam devi-devataon ne avaidh tarike se hath mila lie the. is janajati ke log pooja ke dauran apane tamam kam rat men nipatate hain. din men to ve bahar qadam tak nahin rakhate. apane poorvajon ki is parampara ka asur jati ke log aj bhi samman karate hain. is jati ke logon ka manana hai ki "mahishasur donon lokon yani svarg aur prithvi par sabase adhik takatavar the. devataon ko lagata tha ki agar mahishasur lnbe samay tak jivit raha to log devataon ki pooja karana chhod denge. isalie un sabane mil kar dhokhe se use mar dala." mahishasur ke mare jane ke bad hi asur jati ke poorvajon ne devataon ki pooja bnd kar di. asur varsh men ek din hadiya yani chaval se bani kachchi sharab aur murge ka mans chadha kar apane poorvajon ki pooja karate hain. asur lain men abhi tak kisi ne bhi skool nahin dekha hai. is jati ke bachchon ke lie sach vahi hai, jo unhonne apane pita aur dada se suna hai. in logon ke khane-pine ki adaten bhi am logon se alag hain.[2]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. asur janajati samuday (hindi). . abhigaman tithi: 12 janavari, 2012.
  2. durga nahin mahishasur ki jay (hindi). . abhigaman tithi: 12 janavari, 2013.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah