मिट्टी  हिन्दी देवनागरी में पढ़ें।

mitti

mitti duniya ka sara mal, kooda ya har tarah ki gandagi ko apane andar sama leti hai aur khud apane ap men shuddh ho jati hai. zamin ke andar jo kuchh bhi daba diya jata hai vah mitti ban jata hai.

bharat ki mrida sampada par desh ke uchchavach tatha jalavayu ka vyapak prabhav parilakshit hota hai. desh men inaki vibhinnataon ke karan hi anek prakar ki mittiyan payi jati hain. yahan ki mitti ki visheshataon men milane vali vibhinnata ka sambandh chattanon ki snrachana, uchchavachon ke dharataliy svaroop, dharatal ka dhal, jalavayu, prakritik vanaspati adi se sthapit hua hai.

istemal men ane vali mitti

mitti chahe koee si bhi kism ki kyon n ho lekin honi saph-suthari jagah ki chahie jaise jahan sooraj ki roshani pahunchati ho tatha zamin se do ya dhaee phut se nikali huee ho. har mitti ko dhoop men sukhakar aur chhanakar istemal karana sabase achchha hai. dimak ke tile ki mitti bahut hi zyada gunakari hoti hai. nahane aur sir ko dhone ke lie mulatani mitti badi labhakari hoti hai.

mitti ke prakar

mitti kee tarah ki hoti hai aur har prakar ki mitti ka istemal gunon ke mutabik alag-alag hota hain. bharat men milane vali mitti ki pramukh kismen is prakar hain-

jalodh mitti

jalodh mitti uttar bharat ke pashchim men pnjab se lekar sampoorn uttari vishal maidan ko avrit karate hue gnga nadi ke delta kshetr tak phaili hai. atyadhik urvarata vali is mitti ka vistar samanyatah desh ki nadiyon ke vesinon evn maidani bhagon tak hi simit hai. halke bhoore rngavali yah mitti 7.68 lakh varg kimi ko avrit kiye hue hai. isaki bhautik visheshataon ka nirdharan jalavayavik dashaon visheshakar varsha tatha vanaspatiyon ki vriddhi dvara kiya jata hai. is mitti men uttari bharat men sinchaee ke madhyam se ganna, gehoon, chaval, joot, tambakoo, tilahan Fsalon tatha sabjiyon ki kheti ki jati hai.

kali mitti

kali mitti ko 'regad mitti' ya 'kali kapas mitti' ke nam se bhi jana jata hai. kali mitti ek paripakv mitti hai, jo mukhyatah dakshini pray:dvipiy pathar ke lava kshetr men payi jati hai. isaka nirman chattanon ke do varg dakkan traip evn lauhamay nis aur shist se hua hai. ye mitti bharat ke kachhari bhagon men mukhy roop se paee jati hai. kapas ki kheti ke lie sarvadhik upayukt hone ke karan ise 'kali kapas mitti' athava 'kapasi mrida' bhi kaha jata hai. is mitti ki jal dharan kshamata adhik hai. yahi karan hai ki yah mitti shushk krishi ke lie anukool hai.

lal mitti

lal mitti ka nirman jalavayavik parivartanon ke parinam svaroop rabedar evn kayantarit shailon ke vighatan evn viyojan se hota hai. is mitti men kapas, gehoon, dalen tatha mote anajon ki krishi ki jati hai. grenait shailon se nirman ke karan isaka rng bhoora, chakaleti, pila athava kala tak paya jata hai. isamen chhote evn bade donon prakar ke kan paye jate hain. chhote kanon vali mitti kafi upajaoo hoti hai, jabaki bade kanon vali mitti prayah urvaratavihin bnjarabhoomi ke roop men payi jati hai. isamen naitrojan, phasphoras tath jivanshon ki kam matra milati hai, jabaki lauh tatv, elyumina tatha choona paryapt matra men milate hain.

laiterait mitti

laiterait mitti ushn katibandhiy pradeshon men payi jati hai. yah mitti pray: un ushn katibandhiy pradeshon men payi jati hai, jahan ritunishth varsha hoti hai. is mitti ka rng lal hota hai, lekin yah 'lal mitti' se alag hoti hai. shailon ki toot-phoot se nirmit hone vali is mitti ko gahari lal laitarait tatha bhoomigat jal vali laitarait ke roop men vargikat kiya jata hai. gahari lal laitarait men lauh aksaidon tatha potash ki matra atyadhik milati hai. isamen urvarata kam hoti hai, kintu nichalen bhagon men kuchh kheti ki jati hai. safed laitarait ki urvarata sabase kam hoti hai aur keolin ki adhikata ke karan isaka rng safed ho jata hai.

mitti
nam rng upayukt sthiti (rajy)
jalodh halke bhoore rngavali mitti is mitti men uttari bharat men sinchaee ke madhyam se ganna, gehoon, chaval, joot, tambakoo, tilahani phasalon tatha sabjiyon ki kheti ki jati hai. uttar bharat men pashchim men pnjab se lekar sampoorn uttari vishal maidan
kali ya regur yah mitti mritrikay, lasali tatha aparagamy hoti hai. kapas ki kheti ke lie sabase upayukt maharashtr, gujarat v madhy pradesh
lal lal rng kam upajaoo chhota nagapur pathar, udisa, poorvi madhy pradesh, andhr pradesh v tamilanadu
laiterait lal rng v khuraduri krishi ke lie anupayukt, makan nirman ke lie upayogi pashchimi tatiy kshetr, chhota nagapur pathar, tamilanadu tatha udisa
parvatiy knkad v patthar yukt anupajaoo himalay kshetr
maroosthaliy bhari matra men baloo anupajaoo pashchimi rajasthan
pili-saphed mitti

pili-saphed mitti talabon, kheton aur dariya ke kinaron par paee jati hai. kisi bhi vyakti ken rogon ko thik karane men isi tarah ki mitti ko kam men liya jata hai.

sajji mitti

sajji ko bhi ek prakar ki mitti hi kaha jata hai ye kapadon ko saf karane ke kam me ati hai.

multani mitti

ye ek khas kism ki mitti hoti hai, jise striyan ubatan ki tarah sharir par malati hai aur balon par bhi lagati hai. multani mitti lagane se striyon ki tvacha aur balon men chamak a jati hai.

baloo mitti

baloo bhi mitti ko hi bola jata hai jo kisi bhi manushy ke lie usi tarah zaroori hai jis tarah bhojan aur pani. lekin baloo mitti ke gunon ko keval prakritik chikitsak hi achchhi tarah janate hain. prakritik dasha men khaee jane vali khane ki chizen jaise sag-sabji, khira, kakadi adi ke sath hamesha baloo mitti ka kuchh bhag zaroor hota hai, jise ham janakari na hone ke karan gnva dete hai. ye baloo mitti ke kan hamari bhojan pachane ki kriya ko thik rakhane me madad karate hain.

  • kya kisi ne socha hai ki pahadi jharanon ke pani ko svasthy ke lie achchha kyon bataya jata hai? is pani ko pine se bhookh zyada kyon lagati hai aur pachan kriya kyon thik hoti hai? ye sab isalie hota hai kyonki is pani men baloo mitti ke kuchh ansh mile hue hote hain, jinhe pani ke sath piya jata hai. ye jharane jo pahadon se bahakar ate hain aur apane sath baloo mitti ka dher late hain, aur ye pani bhojan ko pachane vale sabit hota hai. baloo mitti ke andar chhutail zahar ko samapt karane ki takat hoti hai. baloo mitti prakriti ki or se mano snkraman ko door karane vali dava ka kam karati hai. prayogon dvara ye sabit ho chuka hai ki baloo mitti manushy ke svasthy ke lie bahut hi labhakari hai. jis vyakti ko pet ke rog jaise - kabj, shauch khulakar na ana ho vo agar khana khane ke bad hi ek chutaki samudri barik baloo mitti din men 2-3 bar nigal len to doosare din hi pet ki anten dhili pad jaegi aur mal asani se nikalane lagega tatha akhir men kabj bhi door ho jaegi.

mitti ke prayog

mitti ke chikitsiy gun

  1. mitti ke andar zahar ko khinch lene ki bahut zyada takat hai.
  2. ye sharir ke andar ke purane se purane mal ko ghulati hai aur bahar nikalati hai.
  3. mitti sharir ke zaharile padarthon ko bahar khinch leti hai.
  4. tvacha ke rog jaise phode-phunsi soojan, dard adi hone par mitti kafi labhakari sabit hoti hai.
  5. mitti jalan, srav aur tanav adi ko samapt karati hai.
  6. sharir ki falatoo garmi ko mitti khinchati hai.
  7. mitti sharir men zaroori thndak pahunchati hai.
  8. mitti badaboo aur dard ko door karane vali hai.
  9. ye sharir men chumbakiy takat deti hai jisase chusti-phurti aur takat paida hoti hai.

mitti ke alag-alag prayog

  1. mitti men sona - mitti men sone se nind na ana, snayu ki kamazori aur khoon ki kharabi jaise rog samapt ho jate hain.
  2. mitti ki malish - mitti ko sharir par achchhi tarah se malane se aur sharir par lagane se zaharile tatv sharir se bahar nikal jate hain.
  3. mitti snan - sabun ki jagah sharir par mitti lagakar nahane se har tarah ke rogon men labh hota hai.
  4. mitti par nnge pair ghoomana - mitti par nnge pair ghoomane se gurde ke rogon men aram ata hai, ankhon ki roshani tej hoti hai aur sharir ko chumbakiy takat milati hai.
  5. mitti ki patti - mitti ki patti prakritik chikitsa men bahut hi mahattvapoorn hai tatha bahut se rogon men isaka istemal hota hai. pet ke har tarah ke rog men isaka bahut hi khas sthan hai. isaka istemal pedoo, pet, chhati, mathe, ankh, sir, ridh ki haddi, gala, panv, guda adi jahan par bhi zaroorat pade kar sakate hain.
  • mitti ki patti banane ki vidhi - mitti ko bahut achchhi tarah se barik pisakar aur chhanakar istemal se 12 ghnte pahale bhigon den. istemal ke samay zaroorat ke mutabik ek barik sooti kapada bichhakar adha inch moti parat ki mitti ki patti ko phaila den. sharir ke jis bhag par mitti ki patti lagani ho ise ulatakar laga den aur oopar se kisi garm kapade se dhak den. is patti ke lagane ka samay zyada se zyada 20 se 30 minat tak hona chahie nahin to mitti dvara khincha gaya zahar sharir men dobara chala jata hai. jo mitti ek bar istemal kar li gee ho use dobara istemal nahin karana chahie.
  • kudarati upachar - kudarati upachar ka matalab ye hai ki kudarat ke banae hue niyamon ka palan karana aur kudarat ke tatvon - prithvi (mitti), jal, soory aur vayu ka aise istemal karana jisase sharir men jama hua kooda-karakat bahar nikal jae, sharir shuddh bana rahe aur sharir ke andar ki chetana shakti takatavar bani rahe, sharir ke sabhi rog door ho aur sharir sahi tarah se kam karata rahe.
  • prithvi (mitti) - mitti men bahut zyada matra men jntu maujood hote hain. isalie gili mitti ko pet ya sharir ke doosare hisson par rakhane ko kam hi kaha jata hai. hara ras banate samay bachi huee chatani ya sithi ka istemal mitti ki tarah kar sakate hain. aisi sithi ankh, pet ya chamadi ke rogon vale hisson par rakhi ja sakati hai. usake sookh jane par usake oopar hara ras chhidak len ya doosari hari sithi athava chatani rakh len. hari sithi rakhane ke bad us par sooraj ki dhoop khane se bahut achchha natija milata hai. saphed dag, lyukodarma, kodh adi rogon men sithi bahut hi labhakari asar karati hai.

vibhinn rogon men sahayak

  • phoda :-- soojan, phoda, anguli ki vishahari (unguli men zahar chadhane par) men gili mitti ka lep har adhe ghnte tak badalate rahane se labh hota hain. phoda bada tatha kathor ho, phoot n raha ho to us par gili mitti ka lep karen. isase phoda phootakar mavad bahar a jati hai. bad men gili mitti ki patti bandhate rahen. mitti ki patti ya lep rog ko bahar khinch nikalata hai. multani mitti ya chikani mitti ko pisakar isaki tikiya banakar phodon par bandhane se phode thik ho jate hain.
  • kanaphed (kan ke niche jalan hokar soojan a jana) :-- kanaphed hone par kali mitti ka lep karane se labh hota hai.
  • danton ki mazabooti :-- dant hilate ho, tootane jaise ho to chikani mitti (chahe kali ho ya lal) ko bhigokar rojana subah-sham masoodhon par malane se dant mazaboot ho jate hain.
  • dant ke dard :-- saf mitti se rojana 3 bar majnn karane se dant dard thik ho jata hai.
  • payariya :-- saf mitti ko pani men bhigokar kuchh samay munh tak men rakhen, phir thookakar kulle karen. isase payariya v danton ke rogi ko labh hoga. is prayog ke samay mithaee ka sevan n karen.
  • kabj :-- pet par gila kapada bichhayen. us par gili mitti ka lep karake mitti bichhayen. is par phir kapada bandhe. ratabhar is tarah pet par gili mitti rakhane se kabj door hogi. mal bndha hua tatha saf ayega.
  • sir dard :-- gili mitti ki patti ko sir par rakhane se sir dard door hota hai.
  • bichchhoo, barr (tataiyan) katane par :-- bichchhoo, barr (tataiyan) katane par gili mitti ki patti bandhane se aram ata hai.
  • jvar (bukhar) :-- gili mitti ki patti pet par bandhen, har ghnte men badalate rahen. isase bukhar ki jalan door ho jayegi.
  • pliha vriddhi (tilli) :-- 1 mahine tak gili mitti pet par lagane se tilli ka badhana bnd ho jata hai.
  • rog-nirodhak :-- amataur par log bachchon ko ekadam saf mahaul men rakhate hain aur galiyon ki dhool se bachakar rakhate hain, joki samajhadari nahin hai kyonki dhool men paye jane vale kee labhadayak baiktiriya bachchon ko kuchh rogon se bachane men unaki madad karate hain. mataen apane bachchon ko dhool-mitti ke kanon se bachakar rakhati hai. aise rahane vale bachche age chalakar elarji v asthama jaise rogon se pidit ho jate hain.
  • nakasir :-- rat ko mitti ke bartan men adha kilo pani milakar usamen 10 gram multani mitti bhigo den. subah is pani ko chhanakar pine se kuchh hi dinon men salon ki purani nakasir thik ho jati hai. 1 gilas pani men rat ko 5 chammach multani mitti bhigokar subah pani chhanakar piyen tatha nak par multani mitti ka lep karen. isase nak se khoon bahana bnd ho jata hai.
  • payariya :-- saf mitti ko pani men bhigokar kuchh samay munh men rakhakar phir thookakar kulla karen. isase payariya rog khatm ho jata hai.
  • gathiya rog :-- jab ghutanon men dard ho to rat ko mitti ki patti bandhakar pani ke bhap se ghutane ki sinkaee karen. isase rogi ko labh milata hai.
  • chehare ki sundarata :-- 1 bada chammach multani mitti, 3 bade chammach dahi, 1 chammach chay aur shahad milakar lep bana len. is lep ko chehare par lagayen. yah lep tvacha ki gahari saphaee karata hai aur tvacha ke bnd romakoopon ko bhi kholata hai jisase tvacha ki khoobasoorati badhati hai. ek tukada multani mitti ka lekar bahut hi barik pisakar usaka paudar bana len. phir is paudar men itana pani mila len ki is paudar ki lugadi (lep) ban jae. ab is lep ko chehare par 15 minat tak lagakar sookhane den. phir 15 minat ke bad ise gunagune pani se dho len. yah prayog saptah men 2 bar karane se chehare par tajagi chhaee rahati hai. 1 bade chammach multani mitti men 3 bade chammach santare ka ras milakar chehare par lagayen. yah lep tvacha ke dag-dhabbon ko door karane men bahut hi labhakari hai. isase tvacha men jo tailiyapan hota hai vah door hota hai.
  • visarp-phunsiyon ka dal banana :-- multani mitti ko bhigokar pis len aur isamen kapoor milakar sharir par lep karen. phir 1 ghnte ke bad naha len. isase phunsiyon men bahut hi labh hota hai.
  • ghamauriyan hone par :-- sharir par multani mitti ka lep karane se ghamauriyan mit jati hain.
  • rng ko nikharane ke lie :-- 4 chammach multani mitti, 2 chammach shahad, 2 chammach dahi aur 1 chammach ninboo ke ras ko ek sath milakar chehare par lagayen aur adhe ghnte ke bad halke garm pani se chehare ko dho len. phir ek barf ka tukada lekar poore chehare par ragad len. aisa karane se chehare ka rng saf hota hai.
  • bachchon ki nabhi ki soojan :-- mitti ke dhele ko ag men garm karake doodh men bujha len phir usase nabhi ki garm-garm sikaee karen. isase bachchon ki nabhi ki soojan´ door ho jati hai.
  • nabhi rog (nabhi ka pakana) :-- pili mitti ko tej ag par garm karane ke bad thanda kar len. usake bad use doodh men ghisakar bachche ki nabhi par lep karen. isase nabhi ka dard thik ho jata hai.
  • kanthamala :-- mitti ke tel ki thodi si boonde batashe men dalakar chhote bachche ko 2 boond, 8 se 12 sal tak ke bachche ko 3 boonde aur 12 sal se zyada ke bachche ko 4 boond khilane se kuchh hi dinon men kanthamala (gale ki ganthe) samapt ho jati hain.

multani mitti

agar ap mahnge-mahnge byooti prodakt, shaimpoo, aauliv aauyal ka istemal karate hue thak chuki hain, phir bhi apako koee fayada nahin hua hai to ek bar multani mitti zaroor istemal karake dekhen. jani-mani saundary visheshgy bharati taneja ka kahana hai ki multani mitti saundary ka khazana hai. ye nechural kndishanar bhi hai aur blich bhi. ye saundary nikharane ka sabase sasta aur ayurvedik nuskha hai. sath-hi multani mitti sabhi phes paik ka bes hoti hai. chehare par multani mitti ka lep lagane se rngat nikharati hai aur balon men lagane se ve ghane, mulayam aur kale ho jate hain. muhanson ki samasya se pareshan logon ke lie to multani mitti sabase karagar ilaj hai, kyonki multani mitti chehare ka tel sokh leti hai, jisase muhanse sookh jate hain.

tailiy tvacha ke lie
  • multani mitti men dahi aur pudine ki pattiyon ka paudar mila kar use adhe ghnte tak rakha rahane den, phir achchhe se mila kar chehare aur gardan par lagaen. sookhane par halke garm pani se dho den. ye tailiy tvacha ko chikanaee rahit rakhane ka karagar nuskha hai.
  • ek chammach multani mitti paudar men ek ande ka saphed bhag aur pudine ki pattiyon ko pisakar pest bana len. ye paik haphte men tin bar lagaen. isase muhanse aur jhurriyan thik ho jaengi.
har prakar ki tvacha ke lie
  • do bade chammach multani mitti men ek ande ka saphed bhag, do bade chammach dahi, thoda-sa beking paudar aur ek chammach shahad ko mila kar chehare par 15 se 20 minat tak lagaen. isase chehare ka rng saf hota hai aur chehare par glo bhi ata hai.
  • munhason ke dag ghatane lie multani mitti men nim ki pattiyon ko pisakar pest bana len aur chehare ke dag-dhabbon par lagaen. 15 dinon men hi asar dikhega.
  • dhoop men jhulasi tvacha ko thik karane ke lie multani mitti ko gulab jal ya tamatar ke ras men mila kar lagaen.
  • multani mitti men, sookhe sntare ke chhilakon ka paudar, jee ka ata milakar chehare aur gardan par lagaen. is paik ko roz lagane se rom chhidr saf hote hain aur munhase nahin hote.
  • rookhi tvacha par multani mitti men chandan paudar ya kailamain paudar mila kar lagaen, isase chehare ki nami bani rahegi.
rookhe aur bejan balon ko nee jan dene ke lie
  • gunagune pani men thoda-sa riphaind tel garm pani dal kar use balon ki jadon men lagakar malish karen. isake bad balon ka jooda banakar poore sir ko plastik kaip ya taulie se ek ghnte tak dhak kar rakhen. phir balon men multani mitti ka lep lagaen, adhe ghnte bad gunagune pani se dho den. kuchh der bad sir ko maild shaimpoo se dhoen aur balon men thoda-sa tel lagakar unhe sukhane den.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah