भूक्षरण  हिन्दी देवनागरी में पढ़ें।

bhooksharan prakritik karanon se prithvi-prishth ke kuchh anshon ke sthanantaran ko kahate hain. isaka mukhy karan tap ka parivartan, vayu, jal tatha him adi hain. samudratat par laharon aur jvar-bhata ki kriya ke karan prithvi ke bhag tootakar samudr men vilin hote jate hain. mitti tatha komal chattanon ka bhi in kriyaon se dhire-dhire apakshay hota rahata hai. varsha aur tushar bhi is kriya men sahayak hote hain.

mitti ka katav

varsha ke jal men ghuli huee gaison ki rasayanik kriya ke phalasvaroop kadi chattanon ka apakshay hota hai. aisa jal bhoomi men ghusakar adhik viley padarthon ke kuchh ansh ko bhi ghula leta hai aur is prakar alag hue padarthon ko baha le jata hai. varsha, pighali huee thos barf aur tushar nirntar bhoomi ka ksharan karate hain. is prakar toote hue ansh nalon ya chhoti nadiyon se badi nadiyon men aur inase samudr men pahunchate rahate hain. nadiyon ka athava any bahata hua jal kinaron tatha jal ki bhoomi ko katakar, mitti ko oonche sthanon se niche ki or baha le jata hai. aisi mitti bahut bade parinam men samudr tak pahunch jati hai aur samudr patane ka kam karati hai. samudr men girane vale jal men mitti ke sivay vibhinn prakar ke ghule hue lavan bhi hote hain.

chattanon ka tootana

din men dhoop se tapt chattanon men padi dararen phail jati hain tatha unamen ade patthar niche sarak jate hain. rat men thnd padane ya varsha hone par chattanen sikudati hai aur dararon men pade pattharon ke karan dararen aur badi ho jati hai. shitapradhan deshon men inhin dararon tatha bhoomi ke andar rikt sthanon men jal bhar jata hai. adhik shit padane par jal him men parivartit ho jata hai aur tab un sthanon ya dararon ko phadakar tod deta hai. in kriyaon ke bar-bar doharae jane se chattanon ke tukade-tukade ho jate hai. in tukadon ko jal aur vayu any sthan par le jate hain. jin pradeshon men din aur rat ke tap men adhik parivartan hota hai, vahan ki mitti nirntar prasar aur akunchan ke karan dhili ho jati hai evn vayu athava jal dvara any sthanon par pahunch jati hai.

jal, vayu v him dvara ksharan

shushk pranton men, jahan bhoomi vanaspati se dhnki nahin hoti, vayu apar balu ko ek sthan se doosare sthan ko le jati hai. is prakar sahara marubhoomi ki ret, ek or sagar par sisili dvip tak aur doosari or naijiriya ke samudr tat tak pahunch jati hai. vayu dvara udaya hua baloo dhoohon athava oonchi chattanon ke komal bhagon ko katakar unaki akriti men parivartan kar deta hai. jal men baha hua padarth sada oonche sthan se niche ko hi jata hai, kintu vayu dvara udaee huee mitti niche sthan se oonche sthanon ko bhi ja sakati hai. gatishil him jin chattanon par se hokar jata hai unaka ksharan karata hai aur is prakar mukt hue padarth ko apane sath lie jata hai. vayu tatha nadiyon ke kary ki tulana men dhruv pradesh ko chhodakar prithvi ke any bhagon men him ki kriya alp hoti hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah