जलोढ़ मिट्टी  हिन्दी देवनागरी में पढ़ें।

jalodh mitti uttar bharat ke pashchim men pnjab se lekar sampoorn uttari vishal maidan ko avrit karate hue gnga nadi ke delta kshetr tak phaili hai. atyadhik urvarata vali is mitti ka vistar samanyatah desh ki nadiyon ke vesinon evn maidani bhagon tak hi simit hai. halke bhoore rngavali yah mitti 7.68 lakh varg kimi ko avrit kiye hue hai. isaki bhautik visheshataon ka nirdharan jalavayavik dashaon visheshakar varsha tatha vanaspatiyon ki vriddhi dvara kiya jata hai. is mitti men uttari bharat men sinchaee ke madhyam se ganna, gehoon, chaval, joot, tambakoo, tilahan phasalon tatha sabjiyon ki kheti ki jati hai. utpatti, snrachana tatha urvarata ki matra ke adhar par isako tin prakaron men vargikrit kiya jata hai, jo nimnalikhit hai -

puratan jalodh ya bangar mitti

nadiyon dvara bahakar unake pashrvavarti bhagon men atyadhik oonchaee tak bichhayi gayi purani jalodh mitti ko bangar ke nam se jana jata hai. nadiyon men ane vali badh ka pani oonchaee ke karan in par nahin pahunch pata hai. nadi jal ki prapti n hone, dharataliy oonchaee tatha jal-tal ke nicha hone ke karan uttar pradesh, pnjab, hariyana, rajasthan evn bihar ki kafi mitti oosar ho gayi hai. aisi mitti reh ya kallar kahalati hai.

nootan jalodh ya khadar mitti

yah mitti nadiyon ke badh ke maidanon tak hi simit hoti hai. isake kan bahut hi mahin hote hain tatha inaki jaladharan shakti puratan jalodh ki apeksha adhik hoti hai. nadi ghati men sthit hone ke karan is mitti ki avashyakata samanyatah nahin hoti hai. rabi ki phasal ke lie yah mitti uttam hai.

atinootan jalodh mitti

is prakar ki mitti gnga, brahmaputr, mahanadi, godavari, krishna, kaveri adi badi nadiyon ke delta kshetr men hi milati hai. yah mitti daladali evn namakin prakriti ki hoti hai. isake kan atyadhik barik hote hain tatha isamen potash, choona, phasphoras, maignishiyam evn jivanshon ki adhik matra samahit rahati hai. is mitti men ganna, joot adi phasalon ki krishi ki jati hai. delta ke uchch bhagon men purani kanp mitti payi jati hai, jise radh kahate hain.

uparyukt prakar ki jalodh mittiyon ka gathan baluee-domat se lekar mrittikamay roop men paya jata hai tatha inaka rng halka bhoora hota hai. is prakar ki mitti men naitrojan, phasphoras tatha vanaspatiyon ke ansh kam matra men milate hain tathapit ye bahut oopajaoo hain.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah