पृथ्वी  हिन्दी देवनागरी में पढ़ें।

Disamb2.jpg prithvi ek bahuvikalpi shabd hai any arthon ke lie dekhen:- prithvi (bahuvikalpi)
prithvi
prithvi
vivaran prithvi akar men panchavan sabase bada aur soory se doori ke kram men tisara grah hai. sauramandal ka ekamatr grah, jis par jivan hai.
anumanit ayu 4600,000,000 / char arab sath karod varsh
sampoorn dharataliy kshetraphal 510,100,500 / ikyavan karod ek lakh panch sau varg ki.mi.
bhoomi kshetraphal 14,84,00,000 varg ki.mi.
jaliy kshetraphal 36,13,00,000 varg ki.mi. (71%)
ayatan 1.08321X1012 ghan ki.mi.
dravyaman 5.9736×1024 ki.gra.
ausat ghanatv 5.52 (pani ke ghanatv ke sapeksh)
vyas 12,742 ki.mi.
vishuvat rekhiy vyas 12,756 ki.mi.
dhruviy vyas 12,714 ki.mi.
samudratal se adhikatam oonchaee 8848 mitar (maunt evarest)
samudratal se adhikatam gaharaee 11,033 mitar (mariyana trench)
soory se doori 14,95,97,900 / 14 karod, 95 lakh, 97 hazar, nau sau ki.mi.
chandrama se doori 3,84,403 ki.mi. (lagabhag)
paribhraman kal 365 din, 5 ghante, 48 minat, 45.51 sekand
ghoornan avadhi 23 ghante, 56 minat, 4.091 sekand (apane aksh par)
upagrah chandrama
soory se prithvi tak prakash pahunchane men lagane vala samay 8 minat 18 sekand
prithvi ke dharatal ka sarvadhik nichala sthan mrit sagar athava ded si (samudr tal se 423 mitar niche)
bahari kadiyan googal arth

prithvi (angrezi: Earth) akar men 5van sabase bada grah hai aur soory se doori ke kram men tisara grah hai. yah sauramandal ka ekamatr grah hai, jis par jivan hai.

  • isaka vishuvatiy / bhoomadhyarekhiy vyas 12,756 kilomitar aur dhruviy vyas 12,714 kilomitar hai.
  • prithvi apane aksh par 23 1º/2 jhuki huee hai.
  • yah apane aksh par pashchim se poorv 1610 kilomitar pratighnta ki chal se 23 ghnte 56 minat aur 4 sekend men ek chakkar poora karati hai. prithvi ki is gati ko ghoornan ya dainik gati kahate hain. is gati se hi din v rat hote hain.
  • prithvi ko soory ki ek parikrama poori karane men 365 din 5 ghnte 48 minat 46 sekend (lagabhag 365 din v 6 ghnte) ka samay lagata hai. soory ke chaturdik prithvi ki is parikrama ko prithvi ki varshik gati athava parikraman kahate hain. prithvi ko soory ki ek parikrama poori karane men lage samay ko saur varsh kaha jata hai. pratyek saur varsh, kailndar varsh se lagabhag 6 ghnta badh jata hai. jise har chauthe varsh men lip varsh banakar samayojit kiya jata hai. lip varsh 366 din ka hota hai. jisake karan faravari mah men 28 din ke sthan par 29 din hote hain.
  • prithvi par ritu parivartan, isaki kaksha par jhuke hone ke karan tatha soory ke sapeksh isaki sthiti men parivartan yani varshik gati ke karan hoti hai. varshik gati ke karan hi prithvi par din–rat chhota–bada hota hai.
  • akar evn banavat ki drishti se prithvi shukr ke saman hai.
  • jal ki upasthiti tatha antariksh se nila dikhaee dene ke karan ise nila grah bhi kaha jata hai.
  • prithvi ki utpatti 4.6 arab varsh poorv huee thi. jisaka 70.8 % bhag jaliy or 29.2 % bhag sthaliy hai.
  • isaka aksh isaki kaksha ke sapeksh 66.5º ka kon banata hai.
  • soory ke bad prithvi ke sabase nikat ka tara 'praauksima sintori' hai, jo alpha sintori samooh ka ek tara hai. yah prithvi se 4.22 prakash varsh door hai.
  • prithvi ka ekamatr upagrah chandrama hai.

nirman

prithvi grah ka nirman lagabhag 4.54 arab varsh poorv hua tha aur is ghatana ke ek arab varsh pashchath yahan jivan ka vikas shuroo ho gaya tha. tab se prithvi ke jaivamndal ne yahan ke vayu mandal men kafi parivartan kiya hai. samay bitane ke sath ojon part bani jisane prithvi ke chumbakiy kshetr ke sath milakar prithvi par ane vale hanikarak saur vikiran ko rokakar isako rahane yogy banaya. prithvi ka dravyaman 6.569x1021 tan hai. prithvi brihaspati jaisa gaisiy grah n hokar ek patharila grah hai. prithvi sabhi char saur bhaumik grahon men dravyaman aur akar men sabase badi hai. any tin bhaumik grah hain- budh, shukr aur mngal. in sabhi grahon men prithvi ka ghanatv, gurutvakarshan, chumbakiy kshetr aur ghoornan sabase jyada hai.

aisa mana jata hai ki prithvi saur niharika ke avasheshon se any grahon ke sath hi bani. isaka andarooni hissa garmi se pighala aur lohe jaise bhari tatv prithvi ke kendr men pahunch ge. loha v nikil garmi se pighal kar drav men badal ge aur inake ghoornan se prithvi do dhruvon vale vishal chunbak men badal gee. bad men prithvi men mahadvipiy vivartan ya vichalan jaisi bhoovaigyanik kriyaen paida huee. isi prakriya se prithvi par mahadvip, mahasagar aur vayumndal adi bane.

antarik snrachana

prithvi ki antarik snrachana ke sambandh men vaigyanikon men anekon matabhed hain. bhoo-garbh men paee jane vali paraton ki motaee, ghanatv, tapaman, bhar evn vahan par pae jane vale padarth ki prakriti par abhi poorn sahamati nahin ho payi hai. phir bhi tapaman, dabav, ghanatv, ulkaon evn bhookampiy tarngon par adharit pramanon ko ekatrit karake prithvi ki antarik snrachana ke sambandh men janakari prapt karane ke prayas kie ge hain. prithvi ke andar ke hisse ko tin bhagon men banta gaya hai-

  1. bhoo-parpati
  2. avaran
  3. kendriy bhag

prithvi ki akriti laghvaksh golabh ke saman hai. yah lagabhag golakar hai jo dhruvon par thoda chapati hai. prithvi par sabase uchchatam bindu maunt evarest hai jisaki oonchaee 8848 mi. hai. doosari or sabase nimnatam bindu prashant mahasagar men sthit mariyana khaee hai jisaki samudri star se gaharaee 10,911 mi. hai. prithvi ki antarik sarnchana kee staron ke tin pradhan ang hai- oopari satah/ bhooparpati, madhy star/ maintal aur antarik star/ dhatvik krod. prithvi ke kul ayatan ka 0.5% bhag bhooparpati ka hai jabaki 83% bhag men maintal vistrit hai. shesh 16% bhag krod hai.

prithvi ka nirman ayaran (32.1 phisadi), aauksijan (30.1 phisadi), silikaaun (15.1 phisadi), maignishiyam (13.9 phisadi), salphar (2.9 phisadi), nikil (1.8 phisadi), kailasiyam (1.5 phisadi) aur elyuminiyam (1.4 phisadi) se hua hai. isake atirikt lagabhag 1.2 phisadi any tatvon ka bhi yogadan hai. krod ka nirman lagabhag 88.8 phisadi ayaran se hua hai. bhoo rasayan shastri eph. dalbyoo, klaaurk ke anusar prithvi ki bhooparpati men lagabhag 47 phisadi aauksijan hai.   

bhoo-parpati

prithvi ki antarik paraten

prithvi ke oopari bhag ko bhoo-parpati kahate hain. yah andar ki taraf 34 ki.mi. tak ka kshetr hai. yah mukhyatah besalt chattanon se bana hai. isake do bhag hain- siyal aur sima. siyal kshetr men silikan evn elyumina evn sima kshetr men silikan evn maignishiyam ki bahulata hoti hai. karst bhag ka ausat ghanatv 2.7gram/se.mi.3 hai. yah prithvi ke kul ayatan ka 0.5% bhag ghere hue hai. bhooparpati athava krast ki motaee 8 se 40 ki.mi. tak mani jati hai. is parat ki nichali sima ko 'mohorovisik asnbaddhata' ya 'moho asnbaddhata' kaha jata hai. prithvi par mahasagar aur mahadvip keval isi bhag men sthit hai.

bhoopatal ki rachana samagri

bhoopatal ki rachana men sabase adhik aauksijan (46.80%), doosare sthan par silikan 27.72% aur tisare sthan par elyoominiyam 8.13% ka yogadan hai.

maintal

2900 ki.mi. mota yah kshetr mukhyatah baisalt pattharon ke samooh ki chattanon se bana hai. maintal ke is hisse men maigma chaimbar pae jate hain. isaka ausat ghanatv 3.5 gram/se.mi.3 se 5.5 gram/se.mi.3 hai. yah prithvi ke kul ayatan ka 83% bhag ghere hue hai. maintal ki motaee lagabhag 2895 ki.mi. hai. yah arddh-thos avastha men hai. ek snkraman parat jo maintal ko krod ya kor se vibhakt karati hai use gutenabarg asnbaddhata kahate hain.

kendriy bhag

prithvi ki antarik paraten
gaharaee (kimi.) parat
0-35 bhooparpati ya krast
35-60 oopari bhooparpati
60-2890 maintal
2890-5100 bahari krod
5100-6378 antarik krod

prithvi ke kendr ke kshetr ko 'kendriy bhag' kahate hain. yah sabase bada kshetr hai. yah kshetr nikil v feras ka bana hai. isaka ausat ghanatv 13 gram/se.mi.3 hai. prithvi ka kendriy bhag sambhavatah drav athava plastik avastha men hai. yah prithvi ka kul ayatan ka 16% bhag ghere hue hai. prithvi ka ausat ghanatv 5.5 gram/semi.3 evn ausat trijya lagabhag 6370 ki.mi. hai. prithvi ke niche jane par prati 32 mitar ki gaharaee par tapaman 1ºC badhata jata hai. prithvi ke sthaliy kshetr par sabase nicha kshetr jaaurdan men mrit sagar ke asapas ka kshetr hai. yah kshetr samudr tal se ausatan 400 mitar nicha hai. sabase pahale paithagoras ne bataya ki prithvi gol hai aur yah akash men svatntr roop se lataki huee hai. bahyatam krod ki visheshata yah hai ki yah taral avastha men hai jabaki antarik krod ka padarth thos padarth ki bhanti vyavahar karata hai. isaki trijya lagabhag 1255 kimi. hai. antarik krod ke ghoornan ka koniy veg prithvi ke koniy veg se thoda adhik hota hai. sar aizak nyootan ne sabit kiya ki prithvi narngi ke saman hai. jems jin ne ise narngi ke bajae nashapati ke saman batalaya. prithvi ki bahy satah ko mukhyatah 4 bhagon men bant sakate hain-

  1. sthalamandal
  2. jalamandal
  3. vayumandal
  4. jaivamandal

prithvi ki gatiyan

prithvi apane aksh par nirntar ghoomati rahati hai. isaki do gatiyan hai-

ghoornan

prithvi ke aksh par chakran ko ghoornan kahate hain. prithvi pashchim se poorv disha men ghoomati hai aur ek ghoornan poora karane men 23 ghante, 56 minat aur 4.091 sekend ka samay leti hai. isi se din v rat hote hain.

parikraman

prithvi soory ke charon or andakar path par 365 din, 5 ghante, 48 minat v 45.51 sekend men ek chakkar poora karati hai, jise usaki parikraman gati kahate hain. prithvi ki is gati ki vajah se ritu parivartan hota hai.

sthalakritiyan

prithvi ka tal asaman hai. tal ka 70.8 phisadi bhag jal se achchhadit hai, jisamen adhikansh mahasagariy nital samudri star ke niche hai. dharatal par kahin vishal parvat, kahin oobad-khabad pathar to kahin par upajaoo maidan paye jate hain. mahadvip aur mahasagaron ko pratham star ki sthalakriti mana jata hai jabaki parvat, pathar, ghati nichale staron ke antargat rakhe jate hain. prithvi ka tal samay kal ke dauran plet tektoniks aur ksharan ki vajah se lagatar parivartit hota rahata hai. plet tektoniks ki vajah se tal par hue badalav par mausam, varsha, ooshmiy chakr aur rasayanik parivartanon ka asar padata hai. himikaran, tatiy ksharan, praval bhittiyon ka nirman aur bade ulka pindon ke prithvi par girane jaise karakon ki vajah se bhi prithvi ke tal par parivartan hote hain.

prithvi devi

purakal men angiraon ne adityon ko yajan karaya. adityon ne unhen dakshina svaroop snpoorn prithvi pradan ki. dopahar ke samay dakshina svaroop pradatt prithvi ne angiraon ko paritapt kar diya, at: unhonne usaka tyag kar diya. usane[1] kruddh hokar sinh ka roop dharan kiya tatha vah manushyon ko khane lagi. usase bhayabhit hokar manushy bhagane lage. unake bhag jane se kshudhagni men sntapt bhoomi men pradar[2] pad gaye. is ghatana se poorv prithvi samatal thi.


panne ki pragati avastha
adhar
prarambhik
madhyamik
poornata
shodh

snbndhit lekh

  1. prithvi ne
  2. lnbe gaddhe tatha khaiyan

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah