व्यास  हिन्दी देवनागरी में पढ़ें।

Disamb2.jpg vyas ek bahuvikalpi shabd hai any arthon ke lie dekhen:- vyas (bahuvikalpi)
snkshipt parichay
vyas
snjay ko divyadrishti pradan karate huye vedavyas ji
any nam vedavyas
avatar grnthon ke anusar bhagavan narayan ke hi kalavatar
pita parashar rishi
mata satyavati
dharm-snpraday hindoo dharm
sntan dhritarashtr, pandu, vidur
any janakari vyas ka arth hai 'snpadak'. yah upadhi anek purane granthakaron ko pradan ki gayi hai, kintu visheshakar vedavyas upadhi vedon ko vyavasthit roop pradan karane vale un maharshi ko di gayi hai jo chirnjiv hone ke karan 'ashvat' kahalate hain.

vyas athava vedavyas hindoo dharm grnthon ke anusar bhagavan narayan ke hi kalavatar the. vyas ji ke pita ka nam parashar rishi tatha mata ka nam satyavati tha. janm lete hi inhonne apane pita-mata se jngal men jakar tapasya karane ki ichchha prakat ki. prarambh men inaki mata satyavati ne inhen rokane ka prayas kiya, kintu ant men inake mata ke smaran karate hi laut ane ka vachan dene par unhonne inako van jane ki agya de di. pratyek dvapar yug men vishnu vyas ke roop men avatarit hokar vedon ke vibhag prastut karate hain. is prakar atthaees bar vedon ka vibhajan kiya gaya. pahale dvapar men svayn brahma vedavyas hue, doosare men prajapati, tisare dvapar men shukrachary , chauthe men brihaspati vedavyas hue. isi prakar soory, mrityu, indr, dhanajny, krishn dvaipayan ashvatthama adi atthaees vedavyas hue. samay-samay par vedon ka vibhajan kis prakar se hua, isake lie yah ek udaharan prastut hai. krishn dvaipayan vedavyas ne brahma ki prerana se char shishyon ko char ved padhaye-

  1. muni pail ko rigved
  2. vaishampayan ko yajurved
  3. jaimini ko samaved tatha
  4. sumntu ko atharvaved padhaya.

vyas ka arth

vyas ka arth hai 'snpadak'. yah upadhi anek purane granthakaron ko pradan ki gayi hai, kintu visheshakar vedavyas upadhi vedon ko vyavasthit roop pradan karane vale un maharshi ko di gayi hai jo chirnjiv hone ke karan 'ashvat' kahalate hain. yahi nam mahabharat ke snkalanakarta, vedantadarshan ke sthapanakarta tatha puranon ke vyavasthapak ko bhi diya gaya hai. ye sabhi vyakti vedavyas kahe gaye hai. vidvanon men is bat par matabhed hai ki ye sabhi ek hi vyakti the athava vibhinn. bharatiy parampara in sabako ek hi vyakti manati hai. mahabharatakar vyas rishi parashar evn satyavati ke putr the, ye sanvale rng ke the tatha yamuna ke bich sthit ek dvip men utpann hue the. atev ye sanvale rng ke karan 'krishn' tatha janmasthan ke karan 'dvaipayan' kahalaye. inaki mata ne bad men shantanu se vivah kiya, jinase unake do putr hue, jinamen bada chitrangad yuddh men mara gaya aur chhota vichitraviry sntanahin mar gaya. krishn dvaipayan ne dharmik tatha vairagy ka jivan pasnd kiya, kintu mata ke agrah par inhonne vichitraviry ki donon santanahin raniyon dvara niyog ke niyam se do putr utpann kiye jo dhritarashtr tatha pandu kahalaye, inamen tisare vidur bhi the. puranon men atharah vyason ka ullekh hai jo brahma ya vishnu ke avatar kahalate hain evn prithvi par vibhinn yugon men vedon ki vyakhya v prachar karane ke lie avatirn hote hain.

Blockquote-open.gif n vishvasedavishvaste vishvaste nativisvaseth.
vishvasadh bhayamutpannamapi moolani krintati॥
jo vishvaspatr n ho, us par kabhi vishvas n karen aur jo vishvaspatr ho us par bhi adhik vishvas n karen kyonki vishvas se utpann hua bhay manushy ka moolochchhed kar deta hai.
- vedavyas (mahabharat shanti parv, 138.144-45) Blockquote-close.gif

alaukik shaktisampann mahapurush

bhagavanh vedavyas ek alaukik shaktisampann mahapurush the. inaka janm ek dvip ke andar hua tha aur varn shyam tha, at: inaka ek nam krishnidvaipayan bhi hai. vedon ka vistar karane ke karan ye vedavyas tatha badarivan men nivas karane karan badarayan bhi kahe jate hain. inhonne vedon ke vistar ke sath mahabharat, atharah mahapuranon tatha brahmasootr ka bhi pranayan kiya. shastron ki aisi manyata hai ki bhagavanh ne svayn vyas ke roop men avatar lekar vedon ka vistar kiya. at: vyasaji ki ganana bhagavanh ke chaubis avataron men ki jati hai. vyasasmriti ke nam se inake dvara pranit ek smritigranth bhi hai. bharatiy vandmay evn hindoo-snskriti vyasaji ki rini hai. snsar men jab tak hindoo-jati evn bharatiy snskriti jivit hai, tab tak vyasaji ka nam amar rahega. maharshi vyas trikaladarshi the. jab pandav ekachakra nagari men nivas kar rahe the, tab vyasaji unase milane aye. unhonne pandavon ko draupadi ke poorvajanm ka vrittant sunakar kaha ki 'yah kanya vidhata ke dvara tumhin logon ke liye banayi gayi hai, at: tum logon ko draupadi-svaynvar men sammilit hone ke liye ab panchal nagari ki or jana chahiye.' maharaj drupad ko bhi inhonne draupadi ke poorvajanm ki bat batakar unhen draupadi ka panchon pandavon se vivah karane ki prerana di thi.

vibhinn nam

yamuna ke dvip men janm hone ke karan vyas ji ko krishnadvaipayan tatha badarivan men tapasya karane ke karan badarayan vyas bhi kaha jata hai. inhen angon sahit sampoorn ved, puran, itihas aur paramatmatattv ka gyan svat: prapt ho gaya tha. manushyon ki ayu kshin hote hue dekhakar inhonne vedon ka vistar kiya. isiliye ye vedavyas ke nam se prasiddh hue. vedant-darshan ki shakti ke sath anadi puran ko lupt hote dekhakar bhagavan krishnadvaipayan ne atharah puranon ka pranayan kiya. inake dvara pranit mahabharat ko pncham ved kaha jata hai. shrimadbhagavat ke roop men bhakti ka sar-sarvasv inhonne manav matr ko sulabh karaya aur brahmasootr ke roop men tattvgyan ka anupam granth-ratn pradan kiya.

mahabharat men

maharaj yudhishthir ke rajasooy ygy ke avasar par vyasaji apane shishyon ke sath indraprasth padhare. vahan inhonne yudhishthir ko bataya ki-'aj se terah varsh bad kshatriyon ka mahasnhar hoga, usamen duryodhan ke vinash men tumhin nimitt banoge.' pandavon ke vanavasakal men bhi jab duryodhan du:shasan tatha shakuni ki salah se unhen mar dalane ki yojana bana raha tha, tab vyasaji ne apani divy drishti se use jan liya. inhonne tatkal pahunchakar kauravon ko is dushkrity se avagat kiya. inhonne dhritarashtr ko samajhate hue kaha-'tumane jue men pandavon ka sarvasv chhinakar aur unhen van bhejakar achchha nahin kiya. duratma duryodhan pandavon ko mar dalana chahata hai. tum apane ladale bete ko is kam se roko, anyatha ise pandavon ke hath se marane se koee nahin bacha payaga.' bhagavan vyas ji ne snjay ko divy drishti pradan ki, jisase yuddh-darshan ke sath unamen bhagavanh ke vishvaroop evn divy chaturbhujaroop ke darshan ki bhi yogyata a gayi. unhonne kurukshetr ki yuddhabhoomi men bhagavanh shrikrishn ke mukharavindase ni:srit shrimadbhagavadgita ka shravan kiya, jise arjun ke atirikt any koee nahin sun paya.

Blockquote-open.gif dvividho jayate vyadhiah shariro manasastatha.
parasparn tayorjanm nirdvandvn nopalamyate ॥
manushy ko do prakar ki vyadhiyan hoti hain – ek sharirik aur doosari manasik. in donon ki utpatti ek doosare ke ashrit hain, ek ke bina doosari ka hona sambhav nahin hai.
- vedavyas (mahabharat, shantiparv . 16 . 8) Blockquote-close.gif

ek bar jab dhritarashtr vanamen rahate the, tab maharaj yudhishthir apane parivar sahit unase milane gaye. vyasaji bhi vahan aye. dhritarashtr ne unase janana chaha ki mahabharat ke yuddh men mare gaye viron ki kya gati huee? unhonne vyasaji se ek bar apane mare hue sambandhiyon ka darshan karane ki prarthana ki. dhritarashtr ke prarthana karane par vyasaji ne apani alaukik shakti ke prabhav se gngaji men khade hokar yuddh men mare hue viron ka avahan kiya yudhishthir, kunti tatha dhritarashtr ke sabhi sambandhiyon ka darshan karaya. vaishampayan ke mukh se is adbhut vrittant ko sunakar raja janamejay ke man men bhi apane pita maharaj parikshit ka darshan karane ki lalasa paida huee. vyasaji vahan upasthit the. unhonne maharaj parikshit ko vahan bula diya. janamejay ne ygyant stran ke samay apane pita ko bhi snan karaya. tadanantar maharaj parikshitri vahan se chale gaye. alaukik shakti se sampann tatha mahabharat ke rachayita maharshi vyas ke charanon men shat-shat naman hai.

sahriday vyas

shuddhatma vyas ji vipatti grast pandavon ki samay-samay par poori sahayata karate rahe. inhonne snjay ko divy drishti pradan ki thi, jisase snjay ne mahabharat ka yuddh pratyaksh dekhane ke sath-sath shrikrishn ke mukharavind se ni:srit shrimadbhagavadh gita ka bhi shravan kiya. maharshi vyas ki shakti alaukik thi. ek bar jab ye van men dhritarashtr aur gandhari se milane gaye, tab saparivar yudhishtir bhi vahan upasthit the. dhritarashtr putr shok se atyant vyakul the. unhonne shrivyas ji se apane mare hue kutumbiyon aur svajanon ko dekhane ki ichchha prakat ki. maharshi vyas ke adeshanusar dhritarashtr adi gngatat par pahunche. vyas ji ne gnga jal men pravesh kiya aur divngat yoddhaon ko pukara. jal men yuddhakal-jaisa kolahal sunayi dene laga. dekhate-hi-dekhate bhishm aur dron ke sath donon pakshon ke yoddha nikal aye. sabaki vesh-bhoosha aur vahanadi poorvavat the. sabhi eershya-dvesh se shoony aur divy dehadhari the. ve sabhi log ratri men apane poorv sambandhiyon se mile aur sooryonday se poorv bhagirathi gnga men pravesh karake apane divy lokon ko chale gaye. bhagavan vyas ke is chamatkarik prabhav ko dekhakar dhritarashtr adi ashcharyachakit rah gaye.

  • bhagavan vyas aj bhi amar hain. samay-samay par prakat hokar ye adhikari purushon ko apana darshan dekar kritarth kiya karate hain. bhagavan ady shnkarachary aur mandan mishr ko unake darshan hue the. manushy jati par bhagavan vedavyas ke anant upakar hain. sampoorn snsar unaka abhari hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah