जयद्रथ  हिन्दी देवनागरी में पढ़ें।

Disamb2.jpg jayadrath ek bahuvikalpi shabd hai any arthon ke lie dekhen:- jayadrath (bahuvikalpi)
jayadrath vadh
Jaydrath Slaughter

mahabharat men jayadrath sindhu pradesh ke raja the. jayadrath ka vivah kauravon ki ekamatr bahan du:shala se hua tha. jayadrath vriddhakshatr ke putr the. vriddhakshatr ke yahan jayadrath ka janm der se hua tha aur jayadrath ko yah varadan prapt tha ki jayadrath ka vadh koee samany vyakti nahin kar payega, sath hi yah varadan bhi prapt tha ki jo bhi jayadrath ko marega aur jayadrath ka sir zamin par girayega, tab usake sir ke bhi hazaron tukade ho jayenge.

draupadi aur jayadrath

ek bar panchon pandav kisi karyavash bahar gaye huye the. ashram men keval draupadi, usaki ek dasi aur purohit dhaumy hi the. usi samay sindhu desh ka raja jayadrath, jo vivah ki ichchha se shalv desh ja raha tha, udhar se nikala. achanak ashram ke dvar par khadi draupadi par usaki d‍rishti padi aur vah us par mugdh ho utha. usane apani sena ko vahin rok kar apane mitr kotikasy se kaha, 'kotik! tanik jakar pata lagao ki yah sarvang sundari kaun hai? yadi yah stri mujhe mil jay to phir mujhe vivah ke liye shalv desh jane ki kya avashyakata hai?' mitr ki bat sunakar kotikasy draupadi ke pas pahuncha aur bola, 'he kalyani! ap kaun hain? kahin ap koee apsara ya devakanya to nahin hain?' draupadi ne uttar diya, 'main jag vikhyat panchon pandavon ki path‍ni draupadi hoon. mere pati abhi ane hi vale hain atah ap log unaka atithy seva svikar karake yahan se prasthan karen. ap logon se prarthana hai ki unake ane tak ap log kuti ke bahar vishram karen. main ap logon ke bhojan ka prabandh karati hoon.' kotikasy ne jayadrath ke pas jakar draupadi ka parichay diya. parichay janane par jayadrath ne draupadi ke pas jakar kaha, 'he draupadi! tum un logon ki path‍ni ho jo van men mare-mare phirate hain aur tumhen kisi bhi prakar ka sukh-vaibhav pradan nahin kar pate. tum pandavon ko tyag kar mujhase vivah kar lo aur sampoorn sindhu desh ka rajyasukh bhogo.' jayadrath ke vachanon ko sun kar draupadi ne use bahut dhikkara kintu kamandh jayadradh par usake dhikkar ka koee prabhav nahin pada aur usane draupadi ko shakh‍tipoorvak khinchakar apane rath men baitha liya. guru dhaumy draupadi ki raksha ke liye aye to use jayadrath ne use vahin bhoomi par patak diya aur apana rath vahan se bhagane laga. draupadi rath men vilap kar rahi thi aur guru dhaumy pandavon ko pukarate huye rath ke pichhe-pichhe daud rahe the.

jayadrath se yuddh

kuchh samay pashh‍chat jab pandavagan vapas laute to rote-kalapate dasi ne unhen sara vrittant kah sunaya. sab kuchh janane par pandavon ne jayadrath ka pichha kiya aur shighr hi usaki sena sahit use gher liya. donon pakshon men ghor yuddh hone laga. pandavon ke parakram se jayadrath ke sab bhaee aur kotikasy mare gaye tatha usaki sena ranabhoomi chhod kar bhag nikali. sahadev ne draupadi sahit jayadrath ke rath par adhikar jama liya. jayadrath apani sena ko bhagati dekh kar svayn bhi paidal hi bhagane laga. sahadev ko chhodakar shesh pandav bhagate huye jayadrath ka pichha karane lage. bhim tatha arjun ne lapak kar jayadrath ko age se gher liya aur usaki choti pakad li. phir krodh men akar bhim ne use prithvi par patak diya aur lat ghoonson se usaki marammat karane lage. jab bhim ki mar se jayadrath adhamara ho gaya to arjun ne kaha, 'bhaiya bhim! ise pranahin mat karo, ise isake karmon ka dand hamare bade bhaee yudhishthir denge." arjun ke vachan sunakar bhim ne jayadrath ke keshon ko apane arddhachandrakar banon se moondakar panch choti rakh di aur use bandhakar yudhishthir ke samane prastut kar diya. dharmaraj ne jayadrath ko dhikkarate huye kaha,'re dusht jayadrath! ham chahen to abhi tera vadh kar sakate hain kintu bahan duahshala ke vaidhavy ko dhyan men rakh kar ham aisa nahin karenge. ja tujhe mukh‍t kiya.' yah sunakar jayadrath kantihin ho, lajja se sir jhukaye vahan se chala gaya.

jayadrath ki tapasya

vahan se van men jakar jayadrath ne bhagavan shnkar ki ghor tapasya ki. usaki tapasya se prasann hokar shnkar ji ne use var mangane ke liye kaha. is par jayadrath bola, 'bhagavanh! main yuddh men panchon pandavon par vijay prapt karane ka var mangata hoon.' is par bhagavan shnkar ne apani asamarthata prakat karate huye jayadrath se kaha, 'he jayadrath! pandav ajey hain aur aisa hona asambhav hai. shri krishn narayan ke aur arjun nar ke avatar hain. main arjun ko trilok vijay prapt karane ka var evn pashupatyastr pahale hi pradan kar chuka hoon. han, tum arjun ki anupasthiti men ek bar shesh pandavon ko avashy pichhe hata sakate ho.' itana kahakar bhagavan shnkar vahan se antardhan ho gaye aur mandabuddhi jayadrath bhi apane rajy men vapas laut aya.

mahabharat aur arjun ki pratigya

mahabharat ka bhaynkar yuddh chal raha tha. ladate-ladake arjun ranakshetr se door chale ge the. arjun ki anupasthiti men pandavon ko parajit karane ke lie dronachary ne chakravyooh ki rachana ki. arjun-putr abhimanyu chakravyooh bhedane ke lie usamen ghus gaya. usane kushalatapoorvak chakravyooh ke chhah charan bhed lie, lekin sataven charan men use duryodhan, jayadrath adi sat maharathiyon ne gher liya aur us par toot pade. jayadrath ne pichhe se nihatthe abhimanyu par zoradar prahar kiya. vah var itana tivr tha ki abhimanyu use sahan nahin kar saka aur viragati ko prapt ho gaya. abhimanyu ki mrityu ka samachar sunakar arjun krodh se pagal ho utha. usane pratigya ki ki yadi agale din sooryast se pahale usane jayadrath ka vadh nahin kiya to vah atmadah kar lega. jayadrath bhayabhit hokar duryodhan ke pas pahuncha aur arjun ki pratigya ke bare men bataya.

jayadrath ka vadh

arjun dvara jayadrath ka vadh

dury़odhan usaka bhay door karate hue bola-'chinta mat karo, mitr! main aur sari kaurav sena tumhari raksha karenge. arjun kal tum tak nahin pahunch paega. use atmadah karana padega.' agale din yuddh shuroo hua. arjun ki ankhen jayadrath ko dhoondh rahi thin, kintu vah kahin nahin mila. din bitane laga. dhire-dhire arjun ki nirasha badhati gee. yah dekh shrikrishn bole-'parth! samay bit raha hai aur kaurav sena ne jayadrath ko raksha kavach men gher rakha hai. atah tum shighrata se kaurav sena ka snhar karate hue apane lakshy ki or badho.' yah sunakar arjun ka utsah badha aur vah josh se ladane lage. lekin jayadrath tak pahunchana mushkil tha. sandhya hone vali thi. tab shrikrishn ne apani maya phaila di. isake phalasvaroop soory badalon men chhip gaya aur sandhya ka bhram utpann ho gaya. ‘sandhya ho gee hai aur ab arjun ko pratigyavash atmadah karana hoga.’-yah sochakar jayadrath aur duryodhan khushi se uchhal pade. arjun ko atmadah karate dekhane ke lie jayadrath kaurav sena ke age akar attahas karane laga. jayadrath ko dekhakar shrikrishn bole-'parth! tumhara shatru tumhare samane khada hai. uthao apana gandiv aur vadh kar do isaka. vah dekho abhi sooryast nahin hua hai.' yah kahakar unhonne apani maya samet li. dekhate-hi-dekhate soory badalon se nikal aya. sabaki drishti asaman ki or uth gee. soory abhi bhi chamak raha tha. yah dekh jayadrath aur duryodhan ke pairon tale zamin khisak gee. jayadrath bhagane ko hua lekin tab tak arjun ne apana gandiv utha liya tha. tabhi shrikrishn chetavani dete hue bole-'he arjun! jayadrath ke pita ne ise varadan diya tha ki jo isaka mastak zamin par giraega, usaka mastak bhi sau tukadon men vibhakt ho jaega. isalie yadi isaka sir zamin par gira to tumhare sir ke bhi sau tukade ho jaenge. he parth! uttar disha men yahan se so yojan ki doori par jayadrath ka pita tap kar raha hai. tum isaka mastak aise kato ki vah isake pita ki god men jakar gire.'

arjun ne shrikrishn ki chetavani dhyan se suni aur apani lakshy ki or dhyan kar ban chhod diya. us ban ne jayadrath ka sir dhad se alag kar diya aur use lekar sidha jayadrath ke pita ki god men jakar gira. jayadrath ka pita chaunkakar utha to usaki god men se sir zamin par gir gaya. sir ke zamin par girate hi unake sir ke bhi sau tukade ho ge. is prakar arjun ki pratigya poori huee.


panne ki pragati avastha
adhar
prarambhik
madhyamik
poornata
shodh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah