अजामिल  हिन्दी देवनागरी में पढ़ें।

yamadooton se ajamil ki raksha karate vishnu parshad

ajamil kanyakubj (prachin kannauj) nivasi ek brahman tha. vah guni bhi tha aur samajhadar bhi. usane ved-shastron ka vidhivat adhyayan prapt kiya tha. apane yahan ane vale gurujan, sant tatha atithiyon ka samman bhi vah shraddhapoorvak karata tha. isake sath hi vah unase gyan charcha bhi kiya karata tha. usake ghar men nityaprati devapoojan, ygy tatha brahman bhojan karaya jata tha. poojan vishayak samast vyavasthayen svayn ajamil dekha karata tha. vah prayas karata tha ki poojan men prayukt hone vali samagri phal-phool tatha samidhaen pavitr aur shreshth hon. vah van tatha upavan men jakar in samagriyon ko ekatr karata tha.

prem prasng

ek din ajamil van se poojan samagri ekatrit kar ghar laut raha tha, to usane dekha ek kunj men koee yuvak stri ke sath prem men lipt tha. ajamil ne snskaravash apane apako yah dekhane se rokane ka poora prayatn kiya, kintu saphal n ho saka. vah bar-bar is prem prasng ko dekhakar anandit hone laga. bad men usane stri se parichay prapt kiya. yah gyat hone par ki vah veshya hai, ajamil pratidin usake yahan jane laga. snsarg se dhire-dhire usake satkarm prabhavit hone lage aur vah veshya ki pratyek kamana ki tushti ke lie tarah-tarah ke dushkarmon men lipt hota gaya. usane chori, dakaiti aur loot-pat shuroo kar die. hatyaen karane laga tatha kisi bhi prakar se dhan prapti hetu anyayapoorn karm karake use santushti prapt hone lagi. sthiti yah huee ki veshya se ajamil ko nau putr prapt hue tatha dasavin santan usaki patni ke garbh men thi.

sant samooh ka agaman

ek din kuchh santon ka samooh us or se gujar raha tha. ratri adhik hone par unhonne usi ganv men rahana upayukt samajha, jisamen ajamil rahata tha. ganv valon se avas aur bhojan ke vishay men charcha karane par ganv valon ne majak banate hue sadhuon ko ajamil ke ghar ka pata bata diya. sant samooh ajamil ke ghar pahunch gaya. us samay ajamil ghar par nahin tha. ganv valon ne socha tha ki aj ye sadhu nishchit roop se ajamil ke dvar par apamanit honge tatha inhen pitana bhi padega. age se ye svayn hi kabhi is ganv ki or kadam nahin rakhenge. sant mandali ne usake dvar par jakar ram nam ka uchcharan kiya. ghar men se usaki vahi veshya patni bahar aee aur sadhuon se boli- "ap shighr bhojan samagri lekar yahan se nikal jayen anyatha kuchh hi kshanon men ajamil a jayega aur ap logon ko pareshani ho jayegi." usaki bat sunakar samast sadhugan bhojan ki sookhi samagri lekar usake ghar se thodi hi doori par ek vriksh ke niche bhojan banane ka upakram karane lage. bhojan bana, bhog laga aur santon ne jab pa liya, tab vichar kiya ki yah bhojan kisi snskari brahman kulotpann ke ghar ka hai. kintu samay ke prabhav se yah kusnskari ho gaya hai.

putr ki prapti

sabhi sant pun: phir se ajamil ke ghar pahunche. unhonne bahar se avaz lagaee. ajamil ki stri bahar aee. santon ne kaha- "bahan ham tumase ek bat kahane aye hain." stri ne batane ke lie kaha. santon ne kaha- "tumhare yahan janm lene vale shishu ka nam 'narayan' rakhana." sntaganon ke aisa kahane par ajamil ki stri ne unhen aisa hi karane ka vachan diya. ajamil ki stri ne dasavin santan ke roop men ek putr ko hi janm diya, aur usaka nam 'narayan' rakh diya. narayan sabhi ka priy tha.

ant samay

ab ajamil stri aur apane putr ke moh jal men lipat gaya. kuchh samay bad usaka ant samay bhi najadik a gaya. ati bhayanak yamadoot use dikhalaee pade. bhay aur mohavash ajamil atynt vyakul hua. ajamil ne du:khi hokar narayan! narayan! pukara. bhagavan ka nam sunate hi vishnu parshad usi samay usi sthan par daudakar a ge. yamadooton ne jis phansi se ajamil ko bandha tha, parshadon ne use tod dala. yamadooton ke poochhane par parshadon ne dharm ka rahasy samajhaya. yamadoot nahin mane. ve ajamil ko papi samajhakar apane sath le jana chahate the. tab parshadon ne yamadooton ko dantakar vahan se bhaga diya. harakar sab yamadooton ne yamaraj ke pas jakar pukar ki. tab dharmaraj ne kaha ki "tum logon ne bada nich kam kiya hai. tumane bada aparadh kiya hai. ab savadhan rahana aur jahan kahin bhi, koee bhi kisi bhi prakar se bhagavan ke nam ka uchcharan kare, vahan mat jana." yamaraj ne yamadooton se kaha "apane kalyan ke lie tum log svayn bhi 'hari' ka nam aur yash ka gan karo."[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. hindi vishvakosh, khand 1 |prakashak: nagari pracharini sabha, varanasi |snkalan: bharat diskavari pustakalay |prishth snkhya: 84 |

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah