सती  हिन्दी देवनागरी में पढ़ें।

shiv puran men

  • daksh prajapati ka vivah virani se hua tha. daksh ne brahma ki prerana se adishakti bhavani ko tapasya se prasann karake var prapt kiya tha ki ve usake ghar men janm lengi. kalantar men bhavani ne virani ke garbh se janm liya. usaka nam sati rakha gaya. sati ne shiv ki tapasya ki tatha unaki patni hone ka varadan prapt kiya. brahma daksh ke pas vivah-prastav lekar gaye. vivah ke samay sati ke panv dekhakar brahma usaka roop dekhane ke lie lalayit ho uthe. at: unhanne ek gili lakadi havan men dal di. sab or dhuan phail gaya. shiv apani ankhen ponchhane lage to brahma ne sati ke ghoonghat men jhankakar dekha. kamavash unaka viryapat ho gaya. shiv unase rusht ho unhen mar dalane ke lie udyat hue kintu daksh ne roka. brahma ke anunay-vinay karane par shiv prasann hue, par unhonne shap diya ki brahma manushy hokar lajja uthayenge. shiv ke ansoo aur brahma ke viry ke mishran se char megh utpann hue. vivah ke uparant shiv sati sahit kailas parvat par chale gaye. daksh prajapati sati avamanana se dukhi hokar sati ne apana sharir bhasm karane se poorv shiv ko smaran karake var manga tha ki use sada shiv ke charan prapt hon. himalay aur maina ne brahmanon ki prerana se jagndaba ki stuti ki, at: unhen sau putr aur ek sati nam ki kanya prapt huee. is prakar sati doosare janm men maina ki kanya hokar shiv se byahi gayi.[1]

bhagavat men

  • parashakti ne brahma, vishnu, mahesh ko sarasvati, lakshmi, gauri pradan ki, tabhi ve srishti-kary-nirvah men samarth hue. ek bar hala, hal namak anek daityon ne trailoky ko gher liya. vishnu aur mahesh ne yuddh karake apani shakti se unhen nasht kar dala. apane-apane sthan par lautakar ve lakshmi aur gauri ke sammukh atmastuti karane lage. shaktisvaroopa un donon ki mahatta bhool gayin. ve donon shiv aur vishnu ka mithyabhiman nasht karane ke lie antardhan ho gayin. shiv, vishnu srishtiparak kary karane men asamarth ho gaye. brahma ko tinon ka kary snbhalana pada. shiv aur vishnu vikshipt ho gaye. kuchh samay uparant brahma ki prerana se manu tatha sanakadi ne tapasya se parashakti ko prasann kiya. unhonne shakti se hari aur har ka svasthy-labh tatha lakshmi aur gauri ke punaravirbhav ka var prapt kiya. daksh ne devi se var manga-'he devi! apaka janm mere hi kul men ho.' devi ne kaha-' ek shakti tumhare kul men tatha doosari shakti kshirodasagar men janm grahan karegi. isake lie tum mayabij mantr ka jap karo.' daksh ke ghar men dakshayani devi ka janm hua, jo sati nam se vikhyat huee. vahi shiv ki bhootapoorv shakti thi. daksh ne sati pun: shiv ko pradan ki. durvasa muni ne mayabij mantr ke jap se bhagavati ko prasann kiya. devi ne unhen prasad svaroop apani mala pradan ki. durvasa daksh ke yahan gaye. daksh ke mangane par unhonne vah mala use de di. daksh ne sote samay vah mala apani shaiya par rakhi tatha ratikarm men lin ho gaye. is pashuvat karm ke karan unake man men shiv tatha sati ke prati dvesh ka bhav jagrat hua. pita se pati ke prati bure vachan sunakar sati ne atmadah kar liya. shiv ne krodhavesh men virabhadr ko janma tatha daksh ka ygy nasht kar dala. vishnu ne ban se sati ke ang-pratyng ka chhedan kiya. sati ke avayav prithvi par jahan bhi gire, shiv ne vahan usaki moortiyon ki sthapana ki tatha kaha ki ve sthan siddhapith rahenge.[2]


tika tippani aur sndarbh

  1. shiv puran, 2, poorvarddh, 5-15, 3-1
  2. bhagavat, 7.29.22-45,7-30.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah