कृपाचार्य  हिन्दी देवनागरी में पढ़ें।

kripachary maharshi sharadvan gautam ke putr the. inaki bahan ka nam 'kripi' tha, jisaka vivah dron se hua tha, jo pandavon tatha kauravon ke guru the. mahabharat ke yuddh men kripachary bhishm adi ke sath hi duryodhan ke paksh men yuddh kar rahe the. mahabharat yuddh ke bad ye pandavon se a mile aur phir abhimanyu ke putr parikshit ko astr-shastr ki shiksha pradan ki.

janm katha

kripachary ke janm ke vishay men do kathaen milati hain-

pratham kathanusar maharshi sharadvan ki tapasya bhng karane ke lie devaraj indr ne 'janapadi' namak ek devakanya bheji thi, jisake garbh se do yamaj bhaee-bahan janmen. mata-pita donon ne navajat shishuon ko jngal men chhod diya, jahan hastinapur ke maharaj shantanu ne inako dekha. shantanu ne in par kripa karake donon ko pala posa, jisase inake nam 'krip' tatha 'kripi' pad ge.

dvitiy kathanusar sharadvan gautam ghor tapasvi the. unaki vikat tapasya ne indr ko atynt chinta men dal diya tha. indr ne unaki tapasya ko bhng karane ke lie 'janapadi' namak devakanya ko unake ashram men bheja. usake saundary par mugdh hokar sharadvan gautam ka anajane hi viryapat ho gaya. vah viry saraknde ke samooh par girakar do bhagon men vibhakt ho gaya, jisase ek kanya aur ek putr ka janm hua. sharadvan dhanurvetta the. ve dhanush ban tatha kala mrigacharm vahin chhodakar kahin chale gaye. shikar khelate hue shantanu ko ve shishu prapt hue. un donon ka nam 'kripi' aur 'krip' rakhakar shantanu ne unaka lalan-palan kiya.

shreshth dhanurdhar

krip ki bahan kripi ka vivah dronachary se hua aur unake putr ashvatthama hue. apane pita ke hi sadrish kripachary bhi param dhanurdhar hue. sharadvan gautam ne gupt roop se krip ko dhanurvidya sikhayi thi. krip hi bade hokar kripachary bane tatha dhritarashtr aur pandu ki sntan ko dhanurvidya ki shiksha di.[1]

mahabharat yuddh

mahabharat ke yuddh men kripachary kauravon ki or se sakriy the. karn ke vadhoparant unhonne duryodhan ko bahut samajhaya ki use pandavon se sndhi kar leni chahie; kintu duryodhan ne apane kiye hue anyayon ko yad kar kaha ki n pandav in baton ko bhool sakate hain aur n use kshama kar sakate hain. yuddh men mare jane ke siva ab koee bhi chara usake lie shesh nahin hai. anyatha usaki sadgati bhi asnbhav hai.[2] kauravon ke nasht ho jane par kripachary pandavon ke pas a ge. bad men inhonne parikshit ko astr vidya sikhaee. 'bhagavat' ke anusar savarni manu ke samay kripachary ki ganana saptarshiyon men hoti thi.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. mahabharat, adiparv, adhyay 128
  2. mahabharat, shalyaparv, a0 5, shlok 1 se 27 tak

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah