व्याध  हिन्दी देवनागरी में पढ़ें।

vyadh moolat: snskrit bhasha ka shabd hai jisaka hindi bhasha men arth hota hai shikari. is shabd ka ek aur lakshanik arth nich ya kamina adami bhi hai. vyadh mans becha karata tha.

vyadh ka parichay

yah ek jngal men raha karata tha. nity prati din vah jngal men jal lekar jata aur pakshiyon ko pakadakar unhen marakar bazar men bech diya karata tha. ek din vah jngal men pakshiyon ko pakadane gaya, tabhi badi tej andhi uthi aur dekhate hi dekhate moosaladhar barish shuru ho gee. andhi aur varsha ke prakop se jngal ke sare jiv trast ho uthe. thnd se thithurate aur idhar udhar bhatakate baheliye ne shit se pidit tatha bhoomi par padi ek kabootari ko dekha aur use uthakar apane pinjare men dal liya. charon aur gahan andhakar ke karan baheliya ek vriksh ke niche patte bichhakar so gaya. vah jngal men jakar shikar kiya karata tha.

vyadh aur arjun yuddh

ek din ek jngali sooar van se a nikala. arjun ne jaise hi us par ban chalane ki sochi to dekha ki ek shikari bhi us sooar par ban chalane ko taiyar hai. donon ke ban ek sath sooar ko lage. arjun ne vyadh se kaha ki jab mainne us par ban chala diya tha, to tumane us par ban kyon chalaya. vyadh hns pada aur bola ki use to mainne pahale hi nishana bana liya tha. arjun ko vyadh par krodh a gaya tatha usane vyadh par tir chala diya. par vyadh par banon ka kuchh asar n hua. arjun ne dhanush phenkakar talavar se akraman kiya, par vyadh ke sharir se takarakar talavar bhi toot gee. arjun vyadh se mall yuddh karane lage, par thak jane par achet hokar gir pade.

vyadh ko shap

vipatti manushy par aya hi karati hai. paramatma ne ise manushy ki virata ki pariksha lene ke liye utpann kiya hai. ladaee jhagade men avesh ke vashibhoot hokar bahut se yoddha kat marate hain par pichhe nahin hatate kintu virata ki sachchi pariksha apatti ke samay hoti hai, jabaki use akele hi yuddh karana padata hai aur koee sngi sathi nazar nahin ata. raja nal jue men har kar vanavas kar rahe the to apattiyon ke pahad unake samane ane lage, aj ek kasht tha to kal doosara. yoddha nal is pariksha men saphal n ho sake, kasht aur kathinaiyon se bhayabhit huee buddhi kinkarttavyavimoodh ho gee. rani damayanti ko akeli soti huee chhodakar nal ratri ke nivid andhakar men kahin anyatr door desh ko chale gaye. pratahkal damayanti sokar uthi to unhonne us bhayanak jngal men apane ko bilakul akela paya. age ka marg ve janati n thin, bhojan vyavastha ka, atm raksha ka bhi kuchh prabndh unake pas n tha. pushpon ke palane men pali huee aur rajamahalon men hathon par rahane vali rajakumari ke lie yah dasha badi hi dukhadayak thi. aisi vichitr sthiti men apane ko pakar rani ki ankhon se ansoo barasane lage. vah eeshvar se prarthana karane lagin ki he nath! meri raksha karo. sachchi prarthana kahin thukaraee thodi hi jati hai. unake hriday men daivi kiran prasphutit huee, sahas ki ek jyoti chamaki, usi ke prakash men is kathin van men se bahar nikalane ka rani ne prayatn arambh kar diya.

ek vyadh shikar khelane ke liye usi van men aya hua tha. chikh sunakar vah labh ki asha se usi or dauda. dekhate hi usake bachhen khil gee. ek tir men do shikar the. ajagar ka badhiya chamada, usaki mastak mani tatha sundar stri. vadhik ko adhik soch vichar karane ki zaroorat n thi. usaka hath sidha tarakash par gaya. doosare kshan ek sanasanata hua tir ajagar ki garadan men ja ghusa. mrityu nishchit thi, sarp ko kuchh hi kshan men pran tyag dene ke liye badhy hona pada. rani ne ek thandi sans li, usane anubhav kiya ki eeshvar ne use bacha diya. vyadh vrikshavaliyon ko chirata hua shikar ke pas aya, sarp mara hua pada tha. chamada aur mani ke liye use nishchintata thi, use kuchh kshan bad nikal liya jaega, abhi to use us surasundari ko apanana tha. vah dhire dhire rani ke pas pahuncha aur kapatamayi madhur vani men rani ko tarah tarah se lalachane phusalane laga. usake vartalap ka saransh kya hai, yah samajhane men rani ko der n lagi. unhen pratit ho gaya ki vyadh satitv ka apaharan karana chahata hai.

ham snsararoopi marusthal ke pathik hain. hamari is yatra men jo sarvottam vastu hamen prapt hoti hai, vah hai-”sachcha mitr”.

dharm ki sagi putriyan, is bhootal par agni ki pavitrata ka sakshat pratinidhitv karane vali pratimaen mahilaen hi hain. yah narakiy vishv sati sadhvi deviyon ke hi puny pratap se thahara hua hai anyatha mata vasundhara itane bhar se vyakul hokar kab ki rasatal chali gee hoti. damaynti jaisi sati par vadhik ki baton ka kya prabhav ho sakata tha? usane kaha- ”putr! too kaise anarthakarak vachan bolata hai, aisa kahana tere yogy nahin. dharm ko samajh, adharm men buddhi mat dal.”

vyadh rani ke nirbhik vachanon se saham to gaya kintu usaki purani kroor bhavana n dabi. jisane nirntar apani buddhi ko dushkarmon men lipt rakha hai vah apani vivek buddhi ko khokar nirlajjatapoorvak karm kukarm karane par utaroo ho jata hai. vyadh balapoorvak rani ka satitv haran karane ke liye tatpar ho gaya. sthiti badi pechida thi. parantu dharm to amooly vastu hai, vah to pran dekar bhi raksha karane yogy hai, rani is marm ko samajhati thi. vah akeli thi to bhi saty usake sath tha, saty ka bal das sahasr hathiyon ke barabar hota hai, usaka mukabala karane ki shakti bade se bade atyachari men nahin hoti. rani ka dharm, tej ubal pada. vadhik jab akraman karane par tul hi gaya to rani ne apani sampoorn sharirik aur manasik shakti ke sath usase yuddh kiya aur saty ki daivi satta ke karan use mar giraya. vyadh apane kukarm ka phal pane ke liye sarp ki tarah bhoomi par lotane laga.

mahabharat sakshi hai ki damaynti ke shrap se vyadh munh kuchale hue sarp ki gati ko prapt hua. aj bhi dharm ki sakshat pratimaen- bahinen aur putriyan- apane atm tej ke sath gundon aur kukarmiyon ka sahasapoorvak mukabala karen to un dushton ko bhi sarp gati hi prapt karani padegi chahe ve dekhane men asuri bal se kitane hi balavan pratit kyon n hote hon.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. vyadh ko shap (hindi) akhnd jyoti. abhigaman tithi: 24 disambar, 2015.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah