कौरव हिन्दी देवनागरी में पढ़ें।
kaurav mahabharat men hastinapur naresh dhritarashtr aur gandhari ke putr the. ye snkhya men sau the tatha kuru ke vnshaj the. sabhi kauravon men duryodhan sabase bada tha, jo bahut hi hathi svabhav ka tha. mahabharat yug men kauravon ka poore bharat men prabhav tha. lekin in par parivar drohi, shadayntrakari aur chhali-kapati hone ka dosh laga, jo kuruon ke rajamahal ki ek visheshata rahi. apane hathi aur krodhi svabhav ke karan hi duryodhan ne kauravon ki gyarah 'akshauhini sena' ko marava dala.
katha
kauravon ke janm se sambandhit nimn katha dharmagrnthon men milati hai, jisake anusar-
jis samay yudhishthar ke janm ka samachar dhritarashtr ki patni gandhari ko mila to usake hriday men bhi putravati hone ki lalasa jag uthi. gandhari ne vedavyas se putravati hone ka varadan prapt kar liya. garbh dharan kar lene ke pashchath bhi do varsh vyatit ho gaye, kintu gandhari ke koee bhi sntan utpann nahin huee. is par krodh se bhari huee gandhari ne kshobhavash apane pet par jor se mukke ka prahar kiya, jisase usaka garbh gir gaya. yogabal se maharshi vedavyas ne is ghatana ko tatkal hi jan liya. ve gandhari ke pas akar bole- "gandhari! toone bahut galat kiya. mera diya hua var kabhi mithya nahin jata. ab tum shighr hi sau kund taiyar karavao aur unamen ghrit (ghi) bharava do." gandhari ne unaki agyanusar sau kund banava diye.
kauravon ka janm
vedavyas ne gandhari ke garbh se nikale mans pind par abhimantrit jal chhidaka, jisase us pind ke angoothe ke poruye ke barabar sau tukade ho gaye. vedavyas ne un tukadon ko gandhari ke banavaye hue sau kundon men rakhava diya aur un kundon ko do varsh pashchath kholane ka adesh dekar apane ashram chale gaye. do varsh bad sabase pahale kund se duryodhan ki utpatti huee. duryodhan ke janm ke din hi kunti ke putr bhim ka bhi janm hua. duryodhan janm lete hi gadhe ki tarah renkane laga. jyotishiyon se isaka lakshan poochhe jane par un logon ne dhritarashtr ko bataya ki- "rajan! apaka yah putr kul ka nash karane vala hoga. ise tyag dena hi uchit hai." kintu putr moh ke karan dhritarashtr usaka tyag nahin kar sake. phir un kundon se dhritarashtr ke shesh 99 putr evn du:shala namak ek kanya ka janm hua. gandhari garbh ke samay dhritarashtr ki seva men asamarth ho gayi thi, atev unaki seva ke liye ek dasi rakhi gee. dhritarashtr ke sahavas se us dasi ka bhi 'yuyutsu' namak ek putr hua. yuva hone par sabhi rajakumaron ka vivah yatha yogy kanyaon se kar diya gaya. du:shala ka vivah sindhu naresh jayadrath ke sath hua.
grnthon men ullekh
atharvaved men kuruvnsh dampatti aur parikshit ke sndarbh ae hain.[1] vaise to hastinapur ka samast rajaparivar, jisamen pandu ke putr bhi sammilit the, kaurav kahalata tha, parantu yah sngya dhritarashtr ke putron ke lie hi prayukt hone lagi. kuruon ka ullekh vedon men bhi hua hai. pnchajanon men inaki bhi ganana hoti thi. 'uttar kuru' aur 'dakshin kuru' nam ki inaki do shakhaen thin. bhale hi yah mahakavy ki katha ho, kauravon ko aisa shrap laga ki ve hazaron sal tak kisi ki bhi sahanubhooti ke patr nahin rahe aur kshatriy jati ke hote hue bhi asur koti men ganana ke yogy ban ge.
kauravon ke nam
sau kauravon ke nam is prakar hain-
| kram snkhya | nam | kram snkhya | nam | kram snkhya | nam | kram snkhya | nam | kram snkhya | nam |
|---|---|---|---|---|---|---|---|---|---|
| 1. | duryodhan | 2. | duahshasan | 3. | duahsah | 4. | duahshal | 5. | jalasngh |
| 6. | sam | 7. | sah | 8. | vind | 9. | anuvind | 10. | durdharsh |
| 11. | subahu | 12. | dushapradharshan | 13. | durmarshan | 14. | durmukh | 15. | dushkarn |
| 16. | vikarn | 17. | shal | 18. | satvan | 19. | sulochan | 20. | chitr |
| 21. | upachitr | 22. | chitraksh | 23. | charuchitr | 24. | sharasan | 25. | durmad |
| 26. | durvigah | 27. | vivitsu | 28. | vikatanand | 29. | oornanabh | 30. | sunabh |
| 31. | nand | 32. | upanand | 33. | chitraban | 34. | chitravarma | 35. | suvarma |
| 36. | durvimochan | 37. | ayobahu | 38. | mahabahu | 39. | chitrang | 40. | chitrakundal |
| 41. | bhimaveg | 42. | bhimabal | 43. | balaki | 44. | balavardhan | 45. | ugrayudh |
| 46. | sushen | 47. | kundadhar | 48. | mahodar | 49. | chitrayudh | 50. | nishngi |
| 51. | pashi | 52. | vrindarak | 53. | dridhavarma | 54. | dridhakshatr | 55. | somakirti |
| 56. | anoodar | 57. | dadhasngh | 58. | jarasngh | 59. | satyasngh | 60. | sadsuvak |
| 61. | ugrashrava | 62. | ugrasen | 63. | senani | 64. | dushparajay | 65. | aparajit |
| 66. | kundashayi | 67. | vishalaksh | 68. | duradhar | 69. | dridhahast | 70. | suhast |
| 71. | vataveg | 72. | suvarch | 73. | adityaketu | 74. | bahvashi | 75. | nagadatt |
| 76. | ugrashayi | 77. | kavachi | 78. | krathan | 79. | kundi | 80. | bhimavikr |
| 81. | dhanurdhar | 82. | virabahu | 83. | alolup | 84. | abhay | 85. | dridhakarma |
| 86. | dridharathashray | 87. | anadhrishy | 88. | kundabhedi | 89. | viravi | 90. | chitrakundal |
| 91. | pradham | 92. | amapramathi | 93. | dirgharoma | 94. | suviryavan | 95. | dirghabahu |
| 96. | sujat | 97. | kanakadhvaj | 98. | kundashi | 99. | viraj | 100 | yuyutsu |
- yadyapi alag-alag grnthon men kauravon ke kuchh namon men parivartan bhi milate hain. uparokt sau kauravon ki ek bahin bhi thi, jisaka nam 'du:shala' tha aur jisaka vivah jayadrath ke sath sampann hua tha.
|
|
|
|
|
|
tika tippani aur sndarbh
- ↑ atharvaved, adhyay 20-127-8
- ↑ panch pandav aur sau kauravon ke nam (hindi). . abhigaman tithi: 19 julaee, 2013.