भीम द्वारा जयद्रथ की दुर्गति  हिन्दी देवनागरी में पढ़ें।

ek bar panchon pandav avashyak karyavash bahar gaye hue the. ashram men keval draupadi, usaki ek dasi aur purohit dhaumy hi the. usi samay sindhu desh ka raja jayadrath, jo vivah ki ichchha se shalv desh ja raha tha, udhar se nikala. achanak ashram ke dvar par khadi draupadi par usaki d‍rishti padi aur vah us par mugdh ho utha. usane apani sena ko vahin rok kar apane mitr kotikasy se kaha- “kotik! tanik jakar pata lagao ki yah sarvang sundari kaun hai? yadi yah stri mujhe mil jay to phir mujhe vivah ke lie shalv desh jane ki kya avashyakata hai?”

mitr jayadrath ki bat sunakar kotikasy draupadi ke pas pahuncha aur bola- “he kalyani! ap kaun hain? kahin ap koee apsara ya devakanya to nahin hain?” draupadi ne uttar diya- “main jag vikhyat panchon pandavon ki path‍ni draupadi hoon. mere pati abhi ane hi vale hain, atah ap log unaki atithy seva svikar karake yahan se prasthan karen. ap logon se prarthana hai ki unake ane tak ap log kuti ke bahar vishram karen. main ap logon ke bhojan ka prabandh karati hoon.”

kotikasy ne jayadrath ke pas jakar draupadi ka parichay diya. parichay janane par jayadrath ne draupadi ke pas jakar kaha- “he draupadi! tum un logon ki path‍ni ho jo van men mare-mare phirate hain aur tumhen kisi bhi prakar ka sukh-vaibhav pradan nahin kar pate. tum pandavon ko tyag kar mujhase vivah kar lo aur sampoorn sindhu tatha saubir desh ka rajyasukh bhogo.” jayadrath ke vachanon ko sunakar draupadi ne use bahut dhikkara, kintu kamandh jayadradh par usake dhikkar ka koee prabhav nahin pada aur usane draupadi ko shakh‍tipoorvak khinchakar apane rath men baitha liya. guru dhaumy draupadi ki raksha ke liye aye to unhen jayadrath ne vahin bhoomi par patak diya aur apana rath vahan se bhagane laga. draupadi rath men vilap kar rahi thi aur guru dhaumy pandavon ko pukarate hue rath ke pichhe-pichhe daud rahe the.

kuchh samay pashh‍chat jab pandav vapas laute to rote-kalapate dasi ne unhen sara vrittant kah sunaya. sab kuchh janane par pandavon ne jayadrath ka pichha kiya aur shighr hi usaki sena sahit use gher liya. donon pakshon men ghor yuddh hone laga. pandavon ke parakram se jayadrath ke sab bhaee aur kotikasy mare gaye tatha usaki sena ranabhoomi chhodakar bhag nikali. sahadev ne draupadi sahit jayadrath ke rath par adhikar jama liya. jayadrath apani sena ko bhagati dekhakar svayn bhi paidal hi bhagane laga. sahadev ko chhodakar shesh pandav bhagate huye jayadrath ka pichha karane lage. bhim tatha arjun ne lapak kar jayadrath ko age se gher liya aur usaki choti pakad li. phir krodh men akar bhim ne use prithvi par patak diya aur lat ghoonson se usaki marammat karane lage. jab bhim ki mar se jayadrath adhamara ho gaya to arjun ne kaha- “bhaiya bhim! ise pranahin mat karo, ise isake karmon ka dand hamare bade bhaee yudhishthir denge.” arjun ke vachan sunakar bhim ne jayadrath ke keshon ko apane arddhachandrakar banon se moondakar panch choti rakh di aur use bandhakar yudhishthir ke samane prastut kar diya. dharmaraj yudhishthir ne jayadrath ko dhikkarate huye kaha- “re dusht jayadrath! ham chahen to abhi tera vadh kar sakate hain, kintu bahan duahshala ke vaidhavy ko dhyan men rakhakar ham aisa nahin karenge. ja tujhe mukh‍t kiya.” yah sunakar jayadrath kantihin ho, lajja se sir jhukaye vahan se chala gaya.

vahan se van men jakar jayadrath ne bhagavan shnkar ki ghor tapasya ki. usaki tapasya se prasann hokar shnkar ji ne use var mangane ke liye kaha. is par jayadrath bola- “bhagavan! main yuddh men panchon pandavon par vijay prapt karane ka var mangata hoon.” is par bhagavan shnkar ne apani asamarthata prakat karate hue jayadrath se kaha- “he jayadrath! pandav ajey hain aur aisa hona asambhav hai. shrikrishn 'narayan' ke aur arjun 'nar' ke avatar hain. main arjun ko trilok vijay prapt karane ka var evn pashupatyastr pahale hi pradan kar chuka hoon. han, tum arjun ki anupasthiti men ek bar shesh pandavon ko avashy pichhe hata sakate ho.” itana kahakar bhagavan shnkar vahan se antardhyan ho gaye aur mandabuddhi jayadrath bhi apane rajy men vapas laut aya.


pichhe jaen
bhim dvara jayadrath ki durgati
age jaen


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah