भूरिश्रवा  हिन्दी देवनागरी में पढ़ें।

bhoorishrava somadatt ka putr tha. mahabharat ke yuddh men bhoorishrava ki satyaki ke sath anek bar muthabhed huee thin. yuddh ke panchaven din bhoorishrava ne satyaki ke das putron ko mar dala. yuddh ke chaudahaven din jayadrath ko marane ke lie gaye hue arjun ko dhoondhata hua tatha kauravon ki sena men uthal-puthal machata hua satyaki, bhoorishrava se pun: joojhane laga tha. satyaki ka rath khandit ho gaya tha. vah mall yuddh men vyast tha. satyaki prat:kal se yuddh karane ke karan bahut thak gaya tha. bhoorishrava ne use uthakar dharati par patak diya tatha usaki choti ko pakadakar talavar nikal li.

arjun ka var

jis samay bhoorishrava satyaki ka vadh karane vala tha, tabhi arjun ne krishn ki prerana se bhoorishrava ki banh par aisa prahar kiya ki vah katakar, talavar sahit alag ja giri. bhoorishrava ne kaha ki yah nyayasngat nahin tha ki jab vah arjun se nahin lad raha tha, tab arjun ne usaki banh kati. arjun ne pratyuttar men kaha ki bhoorishrava akele hi anek yoddhaon se lad raha tha, n vah yah dekh sakata tha ki kaun usase ladane ke lie udyat hai aur kaun nahin, n arjun ne hi aisa vichar kiya. apane mitr ka ahit karane vale sashastr sainik par var karana nyayasngat hai. apane bayen hath se kata hua dayan hath uthakar arjun ki or bhoorishrava ne phenka, prithvi par matha tek kar pranam kiya tatha yuddhakshetr men hi samadhi lekar amaran anashan ki ghoshana kar di. arjun tatha krishn ne use nirmal lokon men garud par aroodh hokar vicharane ka ashirvad diya. ve donon hi bhoorishrava ke viratv tatha dharmaparayanata ke prashnsak the.

katha

jab satyaki bhoorishrava ke pash se chhoota to arjun tatha krishn ke mana karane par bhi usaka vadh kiye bina n rah paya. bhoorishrava ko oordhvalok ki prapti huee. dhvaj par 'yoop' (chakr athava ganth) ka chihn hone ke karan bhoorishrava 'yoopadhvaj' bhi kahalata hai. satyaki paramavir yoddha tha. vah kisi bhi prakar arjun tatha krishn se kam vir nahin kaha ja sakata. bhoorishrava ne usaka apaman karane ki jo kshamata prapt ki thi, usaki apoorv katha hai. atit kal men maharshi atri ke putr som hue, som ke putr budh, budh ke pururava; pururava ke ayu, ayu ke nahush, isi prakar se us kul ki parampara pururava, ayu, nahush, yayati, yadu, devamidh, shoor, vasudev, shini tak chalati chali gee. devak ki putri devaki ko shini ne vasudev ke lie jitakar apane rath par baitha liya. somadatt ne vasudev ko yuddh ke lie lalakara. shini ne somadatt ko prithvi par patakakar usaki choti pakad li, phir dayapoorvak use chhod diya. somadatt ne lajjaspad sthiti ka badala lene ke lie shiv ki tapasya ki aur var manga ki use ek vir putr ki prapti ho, jo ki shini ke putr ko sahasron rajaon ke bich men apamanit karake prithvi par gira de tatha pairon se mare. shiv ne kaha ki vah pahale hi shini ke putr ko varadan de chuke hain ki use trilok men koee bhi nahin mar sakega. at: somadatt ka putr use moorchchhit bhar kar payega. us varadan ke phalasvaroop hi bhoorishrava (somadatt ka putr) satyaki (shini putr) ko ranakshetr men bhoomi par patakakar us par lat se prahar kar paya. bhoorishrava ke pita somadatt ko usake vadh ka gyan hua to vah atyant hi rusht hokar satyaki se yuddh karane pahuncha. hath kate vyakti ko marana usake anusar adharm tha. satyaki ke sahayak shrikrishn tatha arjun the, at: somadatt buri tarah se parajit ho gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bharatiy mithak kosh |lekhak: daau. usha puri vidyavachaspati |prakashak: neshanal pablishing haus, nee dilli |prishth snkhya: 215 |


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah